مكتبة القصيد خاص بالسكرتيره

[السكرتيره]

السلام عليكم

شخباركم يا أجمل أعضاء

في أجمل منتدى

(( قطررررررري ))

اليوم أنا بافتح صفحه خاصة

بتكون للقصيد اللي انزله لكم من دفتر أشعاري

يعني من قلمي وليس منقول عن شاعر ثاني

حصري للشاعره

(( السكرتيرررررره ))

وبنقل فيه كل قصايدي اللي نزلتها في المنتدى

وباضيف بعد اي قصيده جديده أكتبه

علشان الكل يمر ويشوف قصيد السكرتيره

وبتكون هذي الصفحه لي واتمنا منكم تشاركوني

وما تحرموني من ردودكم ع القصيد

هني بتكون مكتبتي الخاصه بالقصيد

سامحوني ع الأطاله فديتكم

يالله نبتدي

تقديري واحترامي للجميع

أختكم

السكرتيرررره

[السكرتيره]

السلام عليكم حبايب قلبي

اليوم بانزل لكم قصيده

من قلم السكرتيره

ويارب تعجبكم



القلب يهواك



يحق لك يا زين دوم اتغلا
دامك حبيب الروح والقلب يهواك




لجلك أنا عافيت أهلي وربعي
ولجلك أنا حبيت وعشقت دنياك




أنت المنى والروح يا بعد روحي
وأنت الأمل يا زين مطيب حلاياك




بعدك أنا ياروح روحي وعمري
يسلب بقايا الروح لي غاب طرياك




أنت بقايا جروح دامت بقلبي
مثل الجروح اللي بقلبك وباحشاك




أنت الوحيد اللي أشعلت فيني
نار الحبيب اللي مداها تعداك




أزهل حبيبي اليوم باعيش قربك
وأموت أنا في بعد مثلك وشرواك



تحياتي

السكرتيره

[السكرتيره]

السلام عليكم

هذي قصيده من أربع أبيات

من كتاباتي يارب تعجبكم



لك عيون مفتحه تنتظرني من بعيد ...
أنظر لقلب معذب كل حين مستصاب



لك قلب مايحب غير تعذيب العبيد ...
أرحم عبدا تولع في هوى حبك وذاب



لك هموم ماثقلت عن همومي ولا تزيد
أرحمني يالحبيب ماتحملت العذاب



كل مافيني تبدل وأصبح قليبي حديد ...
كلما زدت بعنادك زدت أنا بعد العتاب


وسلامتكم

[السكرتيره]

السلام عليكم

شخباركم يا أجمل أعضاء

في منتدى قطري

اليوم نزلت لكم

هذي قصيده من قلمي

ان شاءالله تعجبكم



أهلا" عدد دقات قلبٍ متيم ...
شاف الغزال وفز قلبه وسلم


أهلا" هلا باللي لفى اليوم وامسى ...
ضيفٍ عزيزٍ في مقامه محشم


ضيفٍ تعلى فوق هام الثريا ...
يامرحبا به يوم جانا ايتبسم


قلبي أنشرح له يوم شافه معلي ..
صوب الحبايب كم قلبٍ تألم


في جيته زاد الجروح الأليمه ...
الله وأكبر مالقلبي تحطم


ماعاد لي بالحب قلبٍ وسيعي ...
ياسع جميع الناس دامه مقسم


وسلامتكم


تحياتي

[السكرتيره]

السلام عليكم

شخباركم شباب وصبايا قطري الحلوين

اليوم كتبت لكم قصيده من قصايدي

يارب تعجبكم أبي رايكم فيها



الصبرررررررررررررررررر




الصبر يا بنت الأصول للي مثلك ملهمه
ربي يسر لك بدربك كل ما هو تطلبيه


الصبر يا بنت ماهو بالمعاجم نفهمه
الصبر هو بالاراده والعزيمه تلتقيه


الصبر يابنت نعمه من الهي مكرمه
يكرم العبد بها حينٍ كلما شاء يهديه


يا إله الكون ربي عين عبدك والهمه
واجعله ربي من اللي صابرٍ على اللي يجيه


الصبر وقت المصايب والقلوب محطمه
كم صبر أيوب ليله والبلاوي تحتويه


أصبري يا بنت دوماً فالصبر لك مكرمه
يا عسى ربي يعينك عللي ماهو ترتجيه



وسلامتكم
تحياتي

السكرتيره

[السكرتيره]

السلام عليكم

شخباركم شباب وصبايا

اليوم نزلت لكم قصيده حلوه

من دفتر أشعاري

يارب تعجبكم



أن طلبت القلب





أن طلبت القلب أهديك العيون
وأن طلبت الروح تفداك ألف روح


قلت خذ روحي عسى منها تهون
ياعسى روحي قبل روحك تروح


الأمر بيدك وأن جانك تمون
أعذر المحبوس وفي نفسه جروح


قلتها من قلب مهموم محزون
شايلٍ كل المشاكل والجروح


قلتها وأن كان مافيها ظنون
خبر اللي حب وفي حبه وضوح


السموحه جان تقبل ياحنون
خذ بقايا الروح وأتركني أروح




وسلامتكم
تحياتي



بقلم السكرتيره

[السكرتيره]

السلام عليكم

صباحكم ورد وحوري

اليوم بانزل لكم قصيده كتبتها من قلبي

هديه لمنتدانا (( قطري ))

بمناسبة عيد ميلاده الخامس

يارب تعجبكم كلماتي المتواضعه








ياقطري



ياقطري والله لك قلوب تهواك
تملك بها الدنيا من أرضها لسماها



الله يديمك شامخا للضيف أذا جاك
يامنتدى قطري يا شمس الصباح وضواها

القلب مايقبل غيرك ويهواك
بالحب والأخلاص لعضاء أتباها


نهديك أجمل باقات الورد ولغيرك نهدي أشواك
منتدانا أنت نجمة(ن) في نورها وفي حلاها


اليوم تكمل خمس سنين ومحدا تعداك
تتعب قوافي الشعر تقصد فيك بهواها


غير المنتديات ياقطري ومحد يسواك
غيبتي عنك تخلي النفس في متاها


وآخر كلامي جعل ربي يديمك ويعلاك
ونشوفك دوم بالعلالي مانطلب سواها




وسلامتكم
من كتابات السكرتيره

تقديري للجميع

[السكرتيره]

السلام عليكم ياحلوين

شخباركم اليوم

هذي قصيده من كتاباتي

تتكلم عن واحد يحلم وهو نايم




شفتها والصمت في قلبي يهوم
عينها مثل الضوا وسط الخيام


شفتها في وقت والقلب محروم
من حنان اللي عطاها الأحترام


صاحبتني عيونها والرمش دوم
ما هقيت أني بعدها راح أنام


ليتها قفت ولا مرت في يوم
سببت لي جرح تاليه أنعدام


النهايه زولها واضح لزوم
هي بداية حب في قلبي هيام


لكن القلب المعذب ما يروم
فيه من يشغل مكانه بالتمام


وأصبحت أوهام تاليها غيوم
مرت بليله وكاسيها الظلام


فقت من نومي وأنا نومي هموم
وأكتشفت أني وسط ناس نيام





وسلامتكم

[السكرتيره]

هذي قصيده من دفتر أشعاري

كتبته من كثر ماني متولعه بالشعر

يارب تعجبكم كنت مشاركه فيه بمسابقه

وفازت .. ابي رايكم يا أجمل أعضاء





تعلمت الشعر



تعلمت الشعر منك دراسته
لقيت أن الشعر فيه المعاني


ألا يا صاحبي ليتك عرفته
ترى ماشاف راعيه الهواني


تعلمته ودرسته ثم حفظته
كتبته من قبل عشر وثماني


سقاني المر يوم أني كتبته
عقب حبٍ عرفته في ثواني


سألني كيف أنا راوي شرابته
وقلت اللي روى شاف الأماني


ولكن من عقب قولي سألته
علامك صاحبي تخفي الكلامي


علامك خبر اللي ما جهلته
وقول اللي عرفته من معاني


أنا حب الشعر يمي عدلته
وقولي مافرق عن قول ثاني


أنا ربي عطاني من سألته
وعوضني عن فراقه ورعاني


عسى ربٍ عطاني ماخذلته
وأظل طول العمر أشكر وثاني



وسلامتكم
السكرتيره

[السكرتيره]

السلام عليكم

هذي قصيده من دفتر أشعاري

ابي رايكم فيها



أسال الأيام عن حبٍ دفين
مخفياً عني صوته وصورته



يمكن الأيام تكشف لي الحنين
للحبيب اللي منايه شوفته



يتصل لي ساعةً فيها يبين
دوم يسألني وين ألقاه ساعته



آتصدد وأبتعد عنه وأشين
وكلما كلم فؤادي لهفته



آه منه حرك قليبي بلين
ثم راح وصد وأخفى صورته



خبروني شلون ألقاه قولوا وين
من هو يدري وين صارت وجهته



وسلامتكم

[السكرتيره]

خاطره
شقا سنيني

من منكم يبي روحي

يبي عمري يبي قلبي
أبيه لي أنا بروحي

من منكم يحس فيني
يشاركني شقا سنيني
يعيش اللي بقى وياي
من عمري أنا وشقاي

أبيه لوجهه الصافي
أبي يكون ملحفي الدافي
يذكرني صدى سنيني
ويمسح دمعي من عيني

من منكم يبي روحي
يعيش اليوم لي بروحي

خاطره من كتاباتي انشاءالله تعجبكم

تحياتي
السكرتيره

[السكرتيره]

هذي خاطره عن مكه المكرمه

بقلم السكرتيره


أشكثر قلبي شغوف
وأشكثر أبكي وأحن
وأنتظر صفو الظروف
حتى أوصل مطلبي

************

غايتي حلمي الكبير
منيتي ذاك الأثير
بك يا مكة أستنير
وأستريح بتربتك

************

حبي أنتي وغايتي
يامناي وسلوتي
ودي آصل حجتي
بقوة العزم الكبير


تحياتي

السكرتيره

[السكرتيره]

ملك قلبي


الله عليه يوم عيني شافته

جات عيوني في عيونه وحبته

هذاك اللي ملك قلبي بنظراته

ياويل حالي


ملكني وملك حسي وقلبي

ملك كل مشاعر فيني

ماترك لي شي من عقلي

سرق روحي وتفكيري

ياويل حالي


قولو لي ياعرب شاسوي

شلون أشيله من راسي

شلون ابعده من تفكيري

ذبحني وشل كل شي فيني

ياويل حالي

هذاك اللي ملكني

ويوم شفته قتلني

وعذبني وجراحني

ياويل حالي

[اسيرقطر]

السكرتيره
من أنفاس لا تهدأ .. يبدأ الحديث
وحين يعلم أنه إليكي ..
يلبس حلة القصيد .. وصوت النغم
إليكي أكتب .. واصابعي تتراقص على لوحة المفاتيح
يعلم انهو يكتب لكي ..
إليكي أكتب ..
فلا تتركي القلم يتعذب ...
صديقتي من أجلك سأحضر القمـــر على كفي
وسأزرع الورد على خــــــــدي
سأهديج طفولتـــــــي
وأرقيج بشبابــــي.
كذالك كانت قصائدج فانتي مبدعه ومميزه

لج خالص احترامي وتقديري

تحيااااتي لج صديقج واخوووووك

اسيرقطر

[السكرتيره]

اسير قطر

اخجلتني وما اعلم ماذا اكتب لك تعجز حروفي

ان تترجم مابداخلي لك من احترام وتقدير

كلك ذوق بكلامك ومعاملتك وتشجيعك

ربي مايخليني من تواجدك بالمنتدى

وبين ماينزفهو قلمي من مواضيع

تدوم ع راسي من فوق اخوي الغالي

وصديقي الصدوق

لك مني الف ورده هديه ع مرورك الراقي