مكتبة القصيد خاص بالسكرتيره

[السكرتيره]

قصيده من دفتر أشعار السكرتيره

هذي القصيده احبها وايد

بانزلها لكم اليوم


خذاني الشوق



خذاني الشوق يم دار الحبايب
أدق الباب فــــــلا أحــدٍ يجيبي


أنا الولهان وبي شوقٍ لشخصٍ
مولـــــع بـه وأنـا قلبي عطيبي


أزوره كلـــما يغتث بالــــــــــي
وأشوف البال من صوبه رحيبي


يهلي بي وأنـا أهلـي وأرحب
وأقول أشلونكم بعد المغيبي


يقــــول أني بخيرٍ يـوم شـفتك
وأقول أهلاً بمن شوفه يطيبي


حبيبي يـا هنا روحي وعمــري
ترى شوفك يرد روحي حبيبي


وسلامتكم يارب تعجبكم

اختكم

السكرتيره

[السكرتيره]

خاطره من كتاباتي



أبي أنسان يحميني
أبي يحبني
أبي يومٍ يراعيني
أذا قفيت يودعني
أبي يومٍ يواسيني
بأحزاني



ويفرح لي بافراحي
أبي يومٍ أنا مهموم
يشيل الهم عن قلبي
يقول أن الكدر ماله
مكان بقلب محبوبي



أبي يحبني لشخصي
أبي يومٍ أنا أعمى يمشيني
يدليني



أبي يومٍ أنا اصمخ
يسمعني كلام الحب
يقول أنك هنا عمري
أبي لين أنا أعجز
يباريني



يعاملني مثل طفلٍ
أبي لين أنا ودعت
يودعني



يعيش أيامه بذكراي
يعيش العمر من أجلي
يسامحني على مافات
الين يودع الدنيا
ويرحل عن مآسيها



تحياتي

[اسيرقطر]

دووووووووووووووم انتي مبدعه ياصديقتي

قصايدج وخواطرج رووووووووووعه

تسلمين ياالشاعره / السكرتيره

والله يخليج لنا ومايحرمنا منج ياصديقتي

تحياااااتي لج اخوووووووك

اسيرقطر

[السكرتيره]

منوررر بو غايب لا خلا ولا عدم من مرورك

وردك الذوق صديقي الصدوق

[السكرتيره]

أحبك موت ياعيوني


أدري أنك تحبني موت وأدري أنك علي تمون
أنا يالغالي حبيتك حشى والله ما أخونك

أدري أنك مولع بي وأنا مثلك وبك مجنون
أحبك حب يا عيوني فلا أقوى أنا دونك

حبيبي يا شقا عمري ترى مثلك أنا مفتون
وحبك ساطي بدمي ترى العالم يحسدونك

سعيده بعيشتي قربك وفي بعدك أنا محزون
أحس بايامي معدوده تريث بي على هونك

وحبني مثلما أحبك وحبك داخلي مخزون
حبيبي يا أمل عمري تحب اللي يحبونك


سلامي لك تحياتي ومبعث شوقي المكنون
وعطرٍ فاحت رياحينه أرسله لخاطر عيونك



وسلامتكم

بقلم السكرتيره

[بنت الدلع]

ماشاءالله تسلم يدج وصح الله السانج

الف الف مليون مبرررررروك ع المكتبه الحلوه

تستاهلين يالغلا دوم اشوفج متميزه وراقيه

لا تحرمينه من جديدج وانا بامر دوم ع مكتبتج

باشوف الجديد المميززز تحياتي لج حبيبتي

[السكرتيره]

منوره يالغلا فديتج المكان مكانج

ع راسي مرورج العطر اسعدني

تواجدج بين نزف قلمي لا تحرميني

من تصفحج وردج باقة ورد لعيونج فديت عيونج

[السكرتيره]

السلام عليكم

شخباركم شباب وصبايا

هذي قصيده من دفتر أشعر السكرتيره

يارب تعجبكم أبي رايكم


الله حسيبك


تذكر حبيبي يوم أنا كنت وياك
رغم المحبه صاحبي صرت لاشي

أجعلتني يا صويحبي من ترياك
وأخفيت عني كلما صارلك شي

الله حسيبك كل ماجيت أبا أنساك
أذكر أنا الساعات في قعدة الفي

تذكر حبيبي في أول يوم لقياك
كان الجواب اللي سمعته به الكي

سميتني يا صويحبي رغم أنا أهواك
يالله عساك تعود مثل ماكنت لا شي



تحياتي


السكرتيره

[السكرتيره]

أبيات مرو في بالي وكتبتهم
أن شاءالله باكملهم


المود مخترب والفكر مشغول
والعين مانامت تبكي طول الليل

ليه الزمن يلفني بالعرض والطول
وليه الفرح يمر علي مثل سهيل

آآآه يا زمن العجب شمخبي بعد قول
بسك تعذبني تعبت أشكي الويل

[السكرتيره]

السلام عليكم

شخباركم يا اجمل شباب وصبايا

بمنتدى قطررري الشامخ

اليوم بمناسبة فوز بلدنا الثاني قطرررررر

باستضافة كاس العالم 2022 عسى مبروك علهم

نزلت لكم قصيده كتبتها بهذي المناسبه

واهديها لكل شعب قطررررر فديتهم

واقول لهم الف مليون مبروك عساكم دوم في تطور وازدهار

تحت ظل قيادتكم الرشيده الله يحفظهم لكم








والنعم يا بو مشعل




والنعم والله يا بومشعل كل العرب بك تفتخر
سجل لك التاريخ مايجيبها الا أرجالهااا






أرفع الرايه دام لك صقور(ن) وانتصر
الدوحه في عهدك تباهة وبين عزهااا






يا بومشعل واصل المشوار وشعبك لك ظهر
سيرلا تتردد بفتح الامجاد للدوحه وشعبهااا






اليوم دخلت المجد من أوسع الأبواب وأنشهر
أسم قطر وصار بين الغرب يلمع أسمهاااا






الشعب فرحان بالشيخ محمد عضيدك اللي سهر
وهو نازل اليوم ورافع الرايه بيده شالهااا






يا عسى ربي يفتح لك كل طريق(ن) به تمر
وتشوف الدوحه في تطور وتواصل نصرها





بقلم / السكرتيره

[السكرتيره]

هذي قصيده بقلم ( السكرتيره )

هديه مني لبو مشعل ... الله يطول عمره

وللشعب القطر بمناسبة العيد الوطني





دار بو مشعل



سألت الله يا سيد الميامين
تكـــبر بـــلادك وأنت بســـــــــلامه


بــــــــلاد بـو مشــعل أبن الكريمين
اللي لها التاريـخ ســـجل عـــــلامه


اليـــــوم عيـــدك يا شـيخ المزايين
ما بين الشعب دوم(ن) في حشامه


نبي ننثر لك حمـــــد ورد ورياحين
على درب(ن) تمـــــره بالســـلامه


عسـاك يا قطــر غديتي وتغديـــــن
رايتج مرفوعه بحشمه وكرامه


فديت ترابج يا قطـــــــر ويا زيــن
أستضافتج للكاس بدار النشامه


أسمج لمع بالعالم يا نــــور العين
بفضل أرجال(ن) ماتهاب الملامه


وسلام مني عد ما قال في الزين
شفيع الناس في يــــــوم القيامه

تحياتي لكم


السكرتيره

[السكرتيره]

السلام عليكم

شخباركم يا اجمل اعضاء

في اجمل منتدى قطري

وحشتوني مووووووووووووووت

سامحوني كان عندي ظروف جبرتني ع لغياب

بس وعد اني ارجع لكم مثل قبل واكثر

فديتكم والله

تقبلو مني كم بيت ع الطاير ههههههههه





رجعت لكم من بعد لغياب وحشتوني
لقيت الكل مستطرب وفرحت فيكم

أعذروني على التاخير وسامحوني
كان ودي أرجع من زمان لعيونكم

فيني شعور يهد جبال شوفوني
أتنطط بين لقسام بفرح وهنيكم

أحبكم وأحب المنتدى وسمعوني
هذي آخر مره أغيب فيه عن بيتكم

فديتكم ماعاد أغيب عنكم يا عيوني
بنظل نبني بمنتدانا لجل عينكم

الله لا يغير علينا ونظل متكاتفين طيعوني
ترى منتدانا قطري شامخ بتعاونكم


وسلامتكم

السكرتيره

[السكرتيره]

السلام عليكم

طبعا الكل عرف عن الأحداث اللي

تعيشها البحرين في هذي الأيام

اليوم أنا كتبت لكم قصيده تعبر عن

اللي داخلي لبلادي البحرين نور العين

وتتكلم عن الأحداث الخبيثه

الله يحفظ البحرين وحكومتها وشعبها

ويديم لنا بوسلمان ملكنا ع راسنا

ويحميه من كل شر

اللهم اااااااااااااااااااااااااااااااااااامين



عزززززي للوطن




عزي لحالي والديــار من جـــور شــر الحاقديــن
اللي عزتهم من الصغـر وطمعهم طـالت مدتـــه




تكشير عن طامـــع خبيث كلما عطــوا زاد الونين
كلشي عطوهم بس بشر حقدهم زادت شدتـه




تخريب تحريق بكل مكان ليش قالو المظلوم سجين
اسجنوه الحكومه وظلموه وبنخرب اذا مــا هدتـــه




ولين سألت وش جريمته تلقاه سياسي من سنين
يحرض أطفـال وجهـال مـن غـير أي تفكـير تبعته




يصرخ ينادي ويزيد ويعيد حرقو خربو يسار يمين
مايدري أنه من غير رحمه يهدم حياتهم بفعلته




شاف المصرين الحبيب وقام رسم خطط محكمين
ودخلهم بعقــــول اليهال اللي بسذاجــه طاعتــه


يحدهم على مطالبات سياسيه وأهم مو فاهمين
شالي يبونه من الحكومه بس أعجبتهم فكرتـــــه




بـدل مايقـول درسـو وعمـرو هـذي بلادكم يـا بنين
فيها الأمان والحياة الكريمه يحمد ربه على نعمته




طمعان في الحكم الخبيث يبي يوصل وسط العين
مايــــدري أن آل خليفــه أسـياده وأسـياد جـدتـــه




الشــعب مايخضـع للنظـام الحاقـد أبد(ن) ولا يعين
ولا نبـدل ملكنا حمـد وكــل(ن) مستنكـر فعلتـــــه


بحريننا بــــــلاد الأمـــان نرجــع لــه بلهفــة حنين
مانطيق فراقها بكنـف حمـدنا ربي يحمي رزتــــه




كلا(ن) يلبي لبو سلمان ليمن صـرخ وقـال عويـن
يبي شعب يبي جنود بأرواحهم يفدونا ساعة حزته




ربي طلبتــك وأرتجيـــك تحمي بلادي البحريــــــن
وتحفــــظ لنا ملــك القلـــوب وادوم علينا بســمته





وسلامتكم


بقلم السكرتيره

[السكرتيره]

السلام عليكم

شخباركم يا أعضاء منتدى ( قطري)
فديتكم وحشتوني وايد

اليوم أنا بانزل لكم قصيده

كتبتها بمناسبة رجوع صاحب السمو الملكي

الملك عبدالله .. بو متعب

بالسلامه من رحلة العلاج بالخارج

يستاهل بو متعب

وآهديها لكل اللي يحب بو متعب وللشعب السعودي




سألت الله



سألت الله وقولو معاي آآآآآمين
يرد لنا بومتعب ملـك المعااااني



يـــرد وينـور بــلاد الكـرم والـديـن
على أرض الرياض أرض الكيرامي



الشعب ينثر لـــــه الورد والرياحين
ويدعي له بطول العمر كل ثوااانــي



ياعسى تهنا بسلامتك مملكة الزين
ويهنا الشعب بسلامة أبونا الغالي



أنت الملك اللي نشيلك دخل العين
اللي لك التاريخ سجل معااااااني



بومتعب الغالي خـادم الحــرمين
مضيف للحجاج ولافي كل عاني



أنا أشهد يالسعوديه غديتي وتغـدين
بظل عبدالله من نصاج مايشوف الهواني



يا بومتعب على سلامتك يا لأمين
بنظل نحمد ونشكر الكريم الباري




بقلم

السكرتيره

[ماجد العبيوي]

ما ارااه امامي

ماهو الا متحف من الابيات

الرائعه والجميله والمتناسقه

صح السانك حتى ترضين

لله درك عدد بلا مدد

بنتظار ابداعك

الذي راقلي كثيراً

لك مني كل الاحترام