رۈآيــہ ~.*غــلا*.~ { قطريـه }

[Ǯyonk Dnyтe]

غلا فتحت باب الدار بكل قوتها و هدت عمرها على الكرسي وهي ماسكه راسها من جنبينه ..

(( رجع يسويها؟ هذا استخف؟ بايع عمره؟ في حد يتجرأ لهدرجه ؟؟ لالا أكييد فعقله شي ، والله ان درى خالد بيذبحه يذبححه ،، شسوي فيه ؟؟ ))

خالد بعد ماقعد مع عمر و سولفوا و شلونك و شخبارك ؟؟؟

عمـر : وينها ام فيصل ؟
خالد وهو يرفع حاجب ويولع زقارته : ليش؟
عمر : ابيها تسمع هالسالفه؟
خالد : ضروريه ؟
عمر : بعد اذنك يعني .. !
خالد : زين انطر

مشى خالد و راح للتيلفون رفعه وهو يطالع عمر بنص عيونـه ، رن التليفون عند غلا و درت انه خالد ، خافت ترد بس شافته طول

غلا بكل خوفها : الو؟
خالد : تعالي غلا عمر عنده سالفه
غلا: شسالفته؟
خالد : مادري والله ، ليش تعبانه ؟
غلا : لالا ، بس ضروري؟
خالد : على راحتـج

عمر ( الله الحين ماتبين تشوفيني ؟ و تدورين الاعذار بعد ؟ ) ..

غلا : اوكـي ..

غلا لفت شيلتها و شافت وجهها فالمنظره و مسكت طرفها

شيبي عميـر ؟ الله يستر منه لايكون بس صار بينه و بين خالد شي ، ترا خلاص انا تعبت و مابقت فيني روح تشيل اللي بيصيــر ..
شافت موبايل خالد اللي محطوط على السايلنت يولع و يطفي أكيد حد يتصل و يبيه ..
غلا رفعته و شافت الرقـم ، بس مب مخزن ، مابغت ترد يمكن حد من ربعه ولا شي ..
طفى و طلع ان في 3 مسجات من قبل و هالـMissed call
غلا كانت تبي تفتحهم بس جات الخدامه تستعجلها ..
غلا : Ok Ok ،، اففف مب وقتهم والله
نزلت غلا وهي تحس ان روحها طارت خالد و عمــر ..!
عمر وقف يوم شافها عشان يسلم و خالد كان ماسك على الكرسي من القهر صار مايبي أي لحظه تجمعهمم
عمر : هلا أم فيصـل ، شخبارج عساج طيبه !
غلا : الله يسلمــك .. طيبين بشوفتك
عمر : الله يخلييج
و قعدوا و خالد شبت فيه حريقه يوم سمعها قالت له بشوفتك
غلا من كثر ماهي مرتبكه قالت هالكلمه و هي دايمآ تقولها لما تسلم على أي حد عاد الحين خالد شيفهمــــــه؟

خالد : شسالفتك ؟
عمر تخرع : أي سالفه
خالد : مب تقول لا جات غلا بتقول لنا ؟
عمر : أي أكيد
خالد : تحجى
غلا تأشر لها بعيونه (شفيك؟)
خالد يلف وجهه عنها مايبي يشوفها
غلا فتحت عيونها على آخرهــم !! أول مره تشوف هالحركه منـه؟ شفيه؟
عمر : الله يسلمك و يسلمج ياام فيصل انا نويت أخطب
" غلا و خالد كانوا فاتصال مع بعضهم ههه يعني غلا تفكر بالحركه وهو يبي يقهرها ، غلا لفت على عمر بقو لما سمعته "
غلا : شنو ؟
خالد : بتخطب ؟
عمر : مايصير ؟ ولا بس انت !
خالد : لا انا ماقلت جذي ، بس
عمر يقرب من خالد و ركبهم حاكه فبعضها : اذا مالله كتب لي نصيب فاللي (حبيتها) ،، حبيتها هاه حط تحتها خطين .. I used to يعني .. ليش احرم نفسي من اللي انت عايش فيه ؟ ولا مايصير ؟
خالد : ...... ، لا على راحتـك ..
غلا ماتدري شصار فيها؟ حست ان الدنيا حيــل ضاقت فيها ، شي ماسك على قلبها و ودها تعرف شهالشي ؟ هي ماتحب عمر بس شوفته تحرك مشاعر ميتـه بعدين من يشوف عمـر شلون مايطيح فيه ؟
عمر جذاب أكثر من خالد ، خالد حلو و مزيون ، بس عمر فيه ملامح حاده لو تصد عنها يشدك قلبك عشان ترجع تشوفها ..

غلا كانت تناظر خالد اللي يده ماخلت من الزقاير اللي تلحق بعضها
و تشوف فعمـر لمعة عيونه الطافيـه و تشوف يده و ابتسمت لما شافتها تذكرت شكثر كانت تشوفها و هو يرسـم و لما يدق على عوده و لما يمسك نايه ولا لما مسكتها؟
لفت وجهها و كانت تبي تخشه عن عمر

خالد : يالله ، على البركه ، من نويت تاخذ ؟؟
عمر : علشان جذي انا جاي للغلا ,.!
غلا انتبهت لهم : لي انا؟؟
خالد: ليش؟
عمر : ابيها تختار لي من تطيح عينها عليها
خالد : و ليش ماتخلي امي ؟
عمر : انت ماتعرف امي؟ تبيني آخذ المها و مثل ماغصبتك تغصبني
خالد فتح عيونه على كلامه
عمر : آسف ماقصدت ،، خلاص انا استأذن ، يلا نشوفكم على خير

غلا قامت و سحبت خالد معااها

و قفوا عند الباب معاه و هو يتصدد عن خالد اللي شاف الشرار من عيونه يضرب بعينه ..

عمر : خلاص ننتظركم الخميس عيـل ..
خالد : يصير خيـر انشالله
عمر : انشالله .. يلا مع السلامه
خالد : سلم ،، الله وياك
عمر طلع و هم سكروا الباب وراهم و شاف عيال خالد بالحوش يلعبون ..
قعد معاهم شوي ، يحس لما يقعد معاهم يحس نفسه مع غلا مايدري ليش؟
عمر يفقص مريم : انتييي اكبري واطلعي مثل اممممج عشان آخذج زين؟
مريـم كانت تظحك عليه
عمر : هههههه و تظحكين يابنت خالد
سعد : شفيييييييك؟
عمر : آسسف عمي ، ماقصدت الظحكه
سعد : ايي
عمر: اييييي
سعد يدور فمخابي عمر
عمر : شتدور شتدور؟
سعد : قبل كانت عندك نظاره؟ وينها الحين ..
عمر عباله نظارته الطبيه ، طلعها من مخباه الصدري : كاهي
سعد يأشر بيده : لالا كانت سوودا
عمر رجع بذاكرته لايام راحت و تذكر ..
عمر يبتسم له ابتسامه مكسوره : ضاعت حبيبي ( يحب راسه ) يلا سلم على ابوك
سعد : انشالله ، مع السلاااامه
عمر : فمان الله
وسكر عنهم الباب و ركب سيارته .. شغل الليت و دور فسيدياته شي عشان يشغله مالقى شي يعجبه ..

شغل الموجود و مشى بسيارته ..

تعلمت اني اســامح
و اعدي زلـة الأيام ..
تعلمت ارضى بالواقــع
ولا اتبع سنى الأحلام ..
ولا أتمنى ..
ولا استنى ..
ولا ودي تعنيني .. !

عمر : انا شاللي خبصته عندهم؟ من قال اني بخطططططططب من قال ابي غيرج ياغلااااا

رن موبايله بس ماشاف حتى الرقم وسكره و حذفه بالسياره ووقف عند البحـر .
قط عقاله و حط غترته على جتفــه و القحفيه على راسه ..
قعد على صخره كبيره و راسه بين يدينه
قعد يفكر باللي ذكره فيه ولد خالد و بشوفة غـلا قلبه ولع بكل شي يطري على البال ،، مشتاق لها ، ماشافها ، ماكلمها ..
هملــت دموعه من عينه و حط ايديه على عيونه
عمر ( شنو محتاج مثلج ياغلا ، يابختك ياخالد ، عندك من يحبك ، من تحبه ، من لاضاق صدرك لقيته اوسع لك من هالدنيا ، ايده على جتفك ، تشوفه ، قريب منك ، ريتج لي ياغلا .. )



-----------------------------

خالد : يلا غلا ..!
غلا : وين يلا ؟
خالد : عازمـج !
غلا : لالا خالد انت اليوم تعبان ولازم ترتاح
خالد : راحتي ويااج
غلا : ماعليه خالد نطلع باجر ارتاح اليوم ، شفت قلبك شلون كان الظهر اكيد بعدك تعبان
خالد : يلا غلا بترديني يعني ؟
غلا تنزل راسها
خالد : صدقيني لو تعبان بقولج
غلا ترفع عيونها وهي تقول فقلبها( انت لوتدري بــس ! )
خالد : ادري فيج.. يالله عمري خل نطلع عشان مانتأخر ..
غلا : انشالله
غلا ماطولت وهي تلبس بدلت ملابسها ولبست عباتها كحلت عيونها و عدلت شكلها شوي و هي تحس ان مالها خلق لا للطلعه ولا للتعدل ..!
خذت شنطتها و فتحت الباب تشوف فيصل و سعد لان مريم معاهم مالقتهم ، أكيد فالحوش ..
نزلت على الدرج وهي تدور خالد بعد محد
غلا : خالــد ؟؟
خالد كان طالع من المطبخ وفيده الكوب و يشرب قهوته
خالد وهو الظحكه مبيعــه عمر عنده : عيوووووون خالد انتي
غلا ماتدري ليش انحرجت منه ، و عمر لازق فمخها .. ابتسمت له وصدت
خالد : انا ادري اني وسيم بس اني اظيع العقل ، مادري
غلا : هههه لا تظيع ماتشوفني ظعت !! ( تشيل الكوب من يده و تحطه على الطاوله ))
خالد يعض على شفته : يعني ممنوعه القهوه بعد ؟
غلا : من زمان ممنوعه ، بس انت ماتطلع
و مشت عنه
خالد شرب آخر رشفه بسرعه قبل لاتلتفت عليه
غلا : شفتك
خالد شرق فيها
غلا : ههههههههههههههههههههههههههههههههههههههههههههههه
خالد يكح : آه ياام عين ظيقققققه ، حاسدتني على قهوتيي
غلا : هههههههههههههههههه
خالد : ظحكي ظحكي يبا ، شعلييييييج
غلا طلعت معاه و شافوا فيصل وسعد ومريم
خالد : ياسلام عليكم ، ذبتوا من هاللعب
مريم قامت وهي تشيل فعمرها تبي تروح له
خالد : يالمتينه شوي شوي
غلا : خااالد لاتقول لها جذي ، وتعقدت باجر؟
خالد يشيلها عقب ماتدربحت : ماتشوفينها صايره كوره تمشي و تطيح مافيها عظم
غلا : هههههههههههههههههه
خالد كان يبالغ فوصفه لمريم

--------------------

[Ǯyonk Dnyтe]

خالد شرب آخر رشفه بسرعه قبل لاتلتفت عليه
غلا : شفتك
خالد شرق فيها
غلا : ههههههههههههههههههههههههههههههههههههههههههههههه
خالد يكح : آه ياام عين ظيقققققه ، حاسدتني على قهوتيي
غلا : هههههههههههههههههه
خالد : ظحكي ظحكي يبا ، شعلييييييج
غلا طلعت معاه و شافوا فيصل وسعد ومريم
خالد : ياسلام عليكم ، ذبتوا من هاللعب
مريم قامت وهي تشيل فعمرها تبي تروح له
خالد : يالمتينه شوي شوي
غلا : خااالد لاتقول لها جذي ، وتعقدت باجر؟
خالد يشيلها عقب ماتدربحت : ماتشوفينها صايره كوره تمشي و تطيح مافيها عظم
غلا : هههههههههههههههههه
خالد كان يبالغ فوصفه لمريم ..

خالد : اووووه ،، نسيت جوالي فووق
غلا : أي صح مادري من اتصل لك بعد
خالد : من ؟
غلا : مادري مارديت
خالد : ليش؟
غلا : رقم غريب خفت حد من الشغل ووو .. " تطالع الارض "
خالد : زين انا بجيبه انتي سبقيني السياره
غلا : انشالله ..!
خالد فتح باب الدار ودوره لقاه على الكمدينه .. مسك جهازه وشاف ورده على الكمدينه
خالد " ههههههه ورد بعد " .. خالد كان مفكر غلا حاطتها المسكين مايدري ان حتى غلا ماتدري عن الورده ؟؟!!
طلع خالد و قعد يشوف المسجات ومنو متصل

اول مسج كان فاضي ، ثاني واحد مسج شعر ، الثالث (( خالد رد )) ..

خالد شاف الرقم مايعرفه ولا مر عليه ..
اتصل خالد ..
خالد : الوو !
ريما اللي كانت حاطته على السبيكر و غاليه عندها : الو؟؟
خالد : من متصل الشيخه ؟
غاليه بصوت واطي : زين جذي يالفشله انتي
ريما تأشر لها سكتيي : انـا متصله
خالد : خير ، تبين شي؟
ريما : انا ابي عمر؟
خالد : عمر؟ أي عمر؟ اخوي؟
ريما : أي
خالد يهز راسه : وانتي من؟ وشتبين تتصلين لتلفونات تدورين عمر ؟
ريما: لاني ادري انك اخوه
خالد : اللهم طولج ياروح ، زين خلصي شتبين ؟ " خالد وصل لعند غلا "
ريما : انا ابي عمر شلون احصله
خالد : نطري ،،،،، غلا كلميها هذي اللي جات بيت ابوي ، تفاهمي معاها انا ببطها معاها ، اعصابي راحت فيها ..
غلا تعقد حواجبها : الو؟
ريما : الوو !
غلا : خـير الشيخه ، تبين منو ؟
ريما :انتي منو ؟ و شهالتليفون اللي يبي يرد عليه ههههههههههههههههه
غلا : احشمي عمرج حبيبتي ، و مالج شغل بهالرقم
ريما تقاطعها : سمعي انا ابي عمر و مالقيت غير هالطريقه اوصل له فيها
غلا (والله خوش) : حبيبتي سمعيني عمر خطب ، واقولج ثقلي على العالم شوي وهالرقم لاعادج تتصلين عليه
ريما : شنو؟ صبر ، عمر خطب؟
غلا : أي خطب مع السلامه

وسكرت فوجهها غلا ..

غلا تدور خالد ماحصلته فالحوش

غلا : سعد وين ابوك؟
سعد : دخـــــلل
غلا : زين خلاص انتوا بعد دخلو يلا ..
دخلتهم معاها و شافت ان مريم مو معاهم ، أكيد خذاها خالد ..
غلا شافت ان خالد تغير مزاجه و خلاص اكيد مايبي يطلع ، راحت معاهم لفوق و شافته بالغرفه التحتيه مع مريم كان قاعد على الكرسي اللي ماعطيه ظهرها بس تشوف يد ممدوده فيها زقاره ..
غلا : انت هني خالد ؟
خالد ينزل يده اللي رفعها عشان يدخن فيها : أي هني
غلا : كنت بقولك ان ...........
خالد يقاطعها : خلاص نأجل الطلعه
غلا : انا كنت جايه اقولك جذي
خالد ماعبر وجودها و رجع لزقارته ..
غلا : خالد لاتدخن هني ، اطلع بالحوش
خالد : ليش بالله؟
غلا : مو زين لمريم
خالد يطفي زقارته
غلا : امشي مريم
غلا خذتها و لحقت اخوانها اللي سبقوها وتسبحوا ، تمت معاهم بالدار لين نامو وهي تتذكر خالد .. الله يستـر ، شكله ثواني ويهييج مره وحده ..

وطت النور و شالت عباتها و راحت لدارهم ، حطت عباتها على الكرسي شكله خالد لين الحين تحت ، غلا نزلت بسرعه خافت لايكون صار له شي ، لانها طولت شوي ، وهو مايحب يقعد تحت .. المهم :.

خالد كان لين الحين نفس الوضعية .. راحت ووقفت جدامه غلا ، اشوى كان صاحي
غلا : شفيك خالد؟
خالد من غير نفس : مافيني شي
غلا ترجع خصل شعرها ورا اذنها : بس شكلك تعبان
خالد يناظرها كأنه يقول لها بس تعبان؟؟
غلا : و زعلان ؟؟
خالد : وتسأليني اذا زعلان ولا ؟ المفروض يامرتي تعرفين بروحج
غلا استغربت من طريقته : بس ! شاللي زعلك ؟ انا سويت شي زعلك
خالد يفز من مكانه مر وحده ويظحك باستهزاء : ههه لا كلـش ، انا حالي وحال الكرسي واحد
غلا : خالد انا مافهم شتقول انت؟ شسويت لك
خالد يقرب من غلا وهو يصرخ لين رصها بالكبت
خالد : غلا انتي شنو ؟ مانج حاسه فيني تمثيل و لا صج؟؟ تدرين ان صارت فكرتي عن وجودج مع عمر حساسه حييل ، وهو اللي مايقدر يترك طبعه الحلو معاج عاذرينه لكنج انتي ، أي والله شقالت ؟ قالت بشوفتك ، عبري هاللي قاعد بحسبة رييلج
غلا : لا خالد ، صدقني و غلاتك ماكنت اقصدها لما قلتها ، انا طلعت مني عفويه والله خالد ، انت لاتفكر بهالطريقه لاتتكلم بهالطريقه ، انت جذي تخوني ياخالد ، تخوني فيك ، وهذا اللي مستحيل يطلع مني
خالد : اوووووه غلا

وطلع عنها وهي منذهله من اللي صار؟
شسويت انا ؟ كل هذا على كلمه

غلا تداركت الوضع و لحقته للدار
غلا وهي شوي وتنفجر بدموعها : اسمعني خالد
خالد : خلاص غلا مابي اسمع شي
غلا : لازم تسمع و تفهم
خالد ركت ملامحه : اسمعج
غلا : صدقني خالد ، بكل هاللي يسويه عمر ، بكل كلمه يقولها يبي يستفزني فيها ماتقدر تشد اذني له ، شلون يشدني غيرك وانا وياك؟ صدقني خالد انا خذتك لاني مابي عمر، لاني ابي انسى عمر ، لاني ماشفت حياتي مع عمر !
خالد كان تعبان من داخله و كلام غلا لمس قلبه من داخل لكن عصبيته مايقدر يتركها
غلا : خالد قبل كل شي راجع كلامك راجع تصرفك اللي بتسويه
خالد : انا آسف
غلا انفطر قلبها : لاتتأسف خالد .
خالد : غلطت مو لازم اتأسف
غلا وهي ترص على عيونها : مادري مادر....
خالد : شفيج غلا؟ شفيج
غلا : ماادري خاااااالد بموت ، خاصرتي تذبحنيي ( و غرقت فدموعها وهي تصرخ بالعوار ) ..

انفتح باب الطوارىء و السرير ينقل غلا و خالد يلحقهم لين ماتسكر الباب فوجهه ..
خالد رفس الباب برجله لكن ماقدر يدخل و سند راسه عليه
خالد : كله مني ومن هالزفت اعصابي و سخافتي ، سامحيني ياغلا
غلا اللي غابت عن الوعي و غسيل الكلى بدو لها فيه
خالد كان واقف ورايح راد على الباب وريجه ناشف يبي يدخن بس ممنوع لازم يطلع ..
خالد يحط يده فراسه اللي ماعليه الغتره ، يحسه بينفجر من الصداع
مرت ساعه بالظبط و طلع الدكتور اللي تبعه خالد لغرفته ..
الدكتور : أكيد زوجها ..!
خالد : أي زوجها، شفيها غلا ؟ فيها شي ؟ تعبانه !
الدكتور : احنا الحين سوينا لها غسيل كلى ، بس احنا شاكين فشي و بنسوي له الفحوصات حتى نتطمن
خالد : شنو هالشي ؟
الدكتور : ماقدر اقولك عنه قبل مانسوي الفحوصات
خالد يشد على شفته من القهر: خلاص ، مشكور ، يعطيك العافيه
و طلع عنه ، وراح لغلا و الممرضات كانو لين الحين معاها
الممرضه : بدون ازعاج ، تعبانه ولازم ترتاح
خالد يهز راسه للمرضه بطاعه

--------------------

[Ǯyonk Dnyтe]

اليوم الثانــي ..

قامت غلا و شافت خالد على السرير اللي غلبه النوم و رقبته ملتويه وهو نايم تبي تمد يدها تعدلها لكنه بعيد وخايفه تقعده
لين الحين محد من اهلهم عرف لان خالد ماقال لهم ..

.* بعد 3 اسابيـع *.


عمر قام على صياح موبايله
عمر : الووو ، هاااااه من
منصور : الوو السلام عليكم !
عمر فج عيونه توقع حد من ربعه : وعليكم السلام
منصور: عمر انت ؟ عمر بن سعود ؟!
عمر : أي انا عمر بن سعود ، من معاي ؟
منصور : انا منصور اللي وافيتك بامريكا ووو ......(قعد يعد له السالفه)
عمر : ايي عرفتك ، اهلين هلا والله ، شلونك شعلومك ؟ وينك عنا !
منصور : انا موجود

تم عمر يسولف معاه ويتذكر ايام امريكا وكل المواقف اللي مرت و جية غلا و خالد فيوم تخرجـه ..

عمر وهو يكلم منصور كان في خط جايه بس مارد عليـه ..
سكر منه عمر وتم منسدح على سريره .. دخلت عليه امه .. ولاول مره ابتسم

لطيفه : ها عميـر اشوفك قاعد
عمر ولين الحين مبتسم : أي توه رفيجي متصل ، طير النوم من عيني
لطيفه : بتطلعون ؟
عمر : لا كنت اعرفه يوم سافرت و متصل يسلم و يسأل ..
لطيفه : أي يحليله ، انزين قولي
عمر : آمري
لطيفه : صج الخبر اللي سمعته
عمر : أي خبر ؟
لطيفه : تبي تخطب
عمر : مادري يمكن
لطيفه : و شلون ماتقول لي
عمر : انا قلت ادور البنت بعدين اقول لج
لطيفه : حاط وحده فبالك؟
عمر بكل حرقة قلب : آآخ يمه ، حطيتها و حطيتها و مارضت توخر عن بالي
لطيفه : من هذي؟
عمر : غلا
لطيفه بققت عيونها : شنو؟؟ انت وبعدين وياك؟ شهالكلام ذي ، ماخلصنا من هالسالفه ياعمور
عمر : انزين انزين .. بس خلاص
لطيفه : صدقني ان مايزت عن هالسوالف بتشوف شي مايعجبك ، انت شبلاك ، ماتحب اخوك؟
عمر : احبه ؟ شلون ماحبه؟ احبه و احب .... احب هله احبه والله احبه ، احب عياله احبه
لطيفه : اوهو زين زين ، اسمعني بنخطب لك المها
عمر : تخسي
لطيفه : شنو ، شنو تخسي؟ استح بنت خالتك هذي
عمر : مابيها ، شنو يمه عبالج بتقدرين علي !! اسمحي لــــي
و قام عنها عمر و دخل الحمام ،، رجع فتح بابه
عمر : يمه خل يجيبون لي اكل بتسبح وبتريق بداري ،، ماعليج امر يعني (يغمز لها) ..
لطيفه هزت راسها من عمر بعد مادخل ، عافس حياته عافس عيشته و عمره كله
شمسويه فيه هالغلا ؟
طفت لطيفه المكيف و فتحت الدرايش و هذا اكره شي عند عمــرر ..
راحت عند مكتبه بترتب هالاوراق اللي منثره على المكتب و حول المكتب وواصله لين سريره ..
شالتهم و حطتهم على المكتب بدون ماتقراهم لان شكلهم يتعب العين مشخبط وراسم و اشيا مالها آخـر ..

طلعت و قالت للخدامات يودون له ريوقه .. و بعدها بشوي طلع عمر من سبوحه عشان يلبس و شاف ان امه مرتبه السرير و فاتحه الدريشه
عمر يزعق من داره : يمـــــه ،، اووووه ليش تسوين جذذذذذذي
لطيفه : بس بس اسكت (كانت تتكلم فالتليفون)
عمر تم يتحندى وهو يسكر الدرايش ويشغل المكيف .. لبس ملابسه و صلى ركعتين و دخلت عليه غلا وهو يقرى القرآن ..
كانت جايه و خالد يدري بس جايه تسأله عن الخطبه و تعرف شيبـي ..
قعدت فالصاله مع لطيفه اللي كانت غير عن كل مره مع غلا ، تتظحك و تتغشمر و تسولف ..
شاغلتها مريم وراحت لعمر وقعدت عنده ، شافها وتوقع انها جايه مع اخوانها لانهم ساعات يجونهم كم ساعه ويرجعون بيتهم ..
و قعد يقرى وهي حذاه ..

لطيفه : عاد انا حاولت معاه بالمها لكن هو مايبيها
غلا : لااا ، انا اعرف له وحده بتعجبـه أكيد وجسيت النبض عندهم ، شكلهم موافقين ، ولازم تكلمينهم عشان تاخذين منهم موعد
لطيفه : تعرفينها يعني؟
غلا : أي اعرفهم .. و خوووش بنيـه
لطيفه : ايه ، الله يوفقه انشالله
غلا: انشالله
خلص عمر و سكر القرآن ورفعه ..
عمر :ها مريوم هني؟ منو معاج
مريم : لوود د
عمر : هههههههه ابوج هني زين عيل بروحي متملل ، اكمل كشختي ونطلع شرايج؟
مريم تظحك له وهي تركب على كرسي مكتبه
لبس عمر نظارته و عدل شكله تعطر وشاف مريم رايحه عند الباب
عمر : وين مريومه ؟ بتخلييني ها
غلا وهي مدنعه ومريم متعلبشه فرقبتها : يصير ادخل؟
عمر تدوده وهد العطر على الكمدينه : هلا،، يصييييير وربي يصير عيوني اوسع لج من هالدار ..
غلا تظحك له : مريم وخري عني شوي ماعرف اتكلم
عمر كان يشوف غلا اللي كبرت عنه و مانتبه لها ، صارت فالـ18 و كل فتنتة شبابها و ملامحها الناعمـه تاله قلبه
غلا : عمر تعال الصاله
عمر : لا بداري احسن
غلا : لا مايصير ، لازم فالصاله
عمر يحك راسه : افففف مابي ، ياداري ياماني طالع
غلا قعدت على الكرسي اللي قريب من الباب المفتوح و مريم حذاها و عمر على كرسي مكتبه ..
عمر وهو يلف ويرجع يشوفها : آمري غلا؟
غلا تظحك له : الحين انت ماعطيتنا ولاشي من السالفه ، من البنت اللي تبيها ، ولا مواصفات اللي تبيها ، بس انا شفت وحده وحسيتها لك وكلمتها وشكلهم موافين
عمر يقاطعها : لا خلاص هونت
غلا فتحت عيونها متعجبه : شنو ماتبي؟
عمر : خلاص اصلآ انا قلتها وانا مادري شفيني (مايعرف يشرح) خلاص انسوا مابي اخطب
غلا : ليش انزين؟
لطيفه اللي كانت قريبه من الغرفه و سمعتهم
عمـر : خلااااااص انسو مابي اخطب بتم طول عمري عزابي
لطيفه : شنو ؟؟؟؟
عمر : خلاص يمه انا مابي اخطب ولا ابي أي شي
لطيفه : وليش انشالله
غلا : عمر احنا كلمناهم و امك كلمتهم
عمر : مابي خلاص قولو لها هون قولو لها مات انتحر أي شي
غلا لفت عيونها عنه وهي تشوف لطيفه
لطيفه : انت استخفيت؟ شفيه عقلك؟ شنقول لهم ماتستحي انت؟ ماتقولي شفيك
عمر : قولو لها الصج ، قولو لها ولدنا عمـي ولدنا مايشوف غير وحده وخلاص ، حرام بتظلمونها معاي وانا ماحب اظلم ، ولا قولو لها مدمن ، أي صج انا مدمن ،تعرفين مدمن شنو غلا؟
غلا سكتت وعيونها متروسه دموع : عمـر !
عمر : مدمنج ، ادمنتج ، ليش سويتي جذي غلا ليش؟؟؟

غلا طلعت عنهم و مريم معاها
لطيفه اللي كانت تغلي على عمر كان ودها تضربه لكنها ولاول مره تسويها مسكت عمرها
لطيفه : اسمعني عاد ، كلامك لايصير معانا ، خله مع ابوك لانه هو اللي عارف لك تسمعني؟
عمر : والله انا ماغلطت عشان تحاسبوني
لطيفه : جب ولااسمع صوتك فاهم

عمر خذ الوضع بكل برود وقعد على مكتبه و فل اوراقه وقعد يكتب

أول غـناتـي صوت الأشواق يدعيــك ..
و آخر غِـناتي شق صدري حنيني ..

و سحب صندوقه اللي حاط فيه كل شي لغلا ..
كتب فورقه ..

((الـعـمـــر أحـــبــك)) ..
لليل أحبك .. مابقى في السما نور .... والى ضواني الليل .. للصبح أحبك
واللحظه اللي كلها صد و غرور .... أشوف قبري بين عـينك و قلبك
في صدري سراجٍ حزينٍ ومكسور .... رغم المطر و الريح .. شلته فـ دربك
والله مابه غير لوعاتي قصور .... وخوفي عليك الله ربي .. و ربك
إلى متى ببني على صمتك جسور .... لا حيرتني أسباب سلمك و حربك
العمر أحبك .. مابقى فيني شعور .... ومتى جفاني العمر .. وشلون أحبك؟؟
أحبــكـ ..

حطها فوق رزم الاوراق والصور و الاشيا الثانيه وسكر الصندق وغطاه وخشه تحت السرير
راح لستاند الرسم و كتب عليه (( لك الله يالعـــاشق المحــروم ))
وطلع واللون اللي كتب فيه كان بعده يسيل على الورقه ..
لطيفه : وين رايح؟
عمر : جهنم الحمرا..
------------------------------------------------------------------

غلا رجعت بيتهم و خالد لين الحين فالشغل و هي كانت تصيح فالطريق ماتدري خايفه ولا زعلانه على حالة عمر
تفاجئت لما دخلت ولقته طالع من الحمام و شكله توه واصل
خالد مسك ايديها : غلا شفيج؟ شصاير؟ تعبتي؟
غلا : لا مافيني شي ( تهد ايده و تفصخ عباتها )
خالد : شنو مافيج شي ، ياغلا ياحبيبتي كل هالدموع و مافيج شي
غلا : خالد بعديين تكفى
خالد : ماني هادج تكلمي غلا
غلا : ولاشي ولاااشي
خالد لحقها و تسند على باب الكبت : غلا بتقولين لي ولا شلون
غلا : خالد شفيك مافيني شي
خالد : خلاص مافيج شي مافيج شي ..
وطلع عنها
غلا ظحكت عليه وبدلت ملابسها ..
راحت له الصاله
وقعدت وهي ساكته عنه
خالد يهز ريله و توه يطلع زقارته
غلا : مافي رجعها خالد
خالد : نعم؟ تكلميني؟
غلا : في غيرك اسمه خالد؟
خالد : لا بس انا ، بس لاتكلميني
غلا : لا بكلمك
خالد : بالغصب
غلا تقرب منه : أي كيفي ، اذا ماغصبك اغصب منو ؟
خالد يرفع خشمه
غلا : وييي ، شوي شوي
خالد : تكلمي عااد غلا ، ذبحتي قلبي (وهو منزل راسه)
غلا : هههههههه و ليش مستحي
خالد : اخجل من الكلام الحلو انا
غلا : ههههههههههههههههههههه
خالد : بس ردينا للظحك ، تكلمي عااد
غلا : هههههههههههههههه ، انشالله ، عمر اخوك مايبي يخطب
خالد : ليش؟
غلا : مادري عنه يقول خلاص غير رايه
خالد : اهــا ، يلعب عميـر !!
غلا : لا مايلعب بس يقول انه خلاص هون وقرر فوقت ماكان عارف شيسوي فيه
خالد : لا يلعب و حسابه معاي و هاللي سواه انا عارف شالقصد منه
وبا ادور يمكن فيه اكثر

--------------------

[Ǯyonk Dnyтe]

على المغرب .. خالد كان لابس و بيروح لعمر ..
غلا : وين رايح خالد؟؟
خالد : بزور بيت أبووي ، اشتقت لهم ، من زمان ماشفتهم
غلا : خالد اذكر ربك واقعد ، انا عارفه شفبالك
خالد بمكر : لا ، لاياحياتي ماتعرفين ولا ذره من "الاشيا" اللي فبالي
غلا وهي تبلع ريجها : خالد شبيوديك يعني ؟ خلاص السالفه انتهت رايح تشب الضو مره ثانيه ؟ ماخبرتك تحب المشاكل
خالد وهو يلم غلا وهي جنبه : صـح كلامج حبيبتي ، انا ماحب المشاكل ، بس هاا ..! اللي يرد يفتح باب المشاكل بعد ماسكرته ، اكسر الباب على راسه ، فهمتي شلون !
غلا و قلبها طاير من مكانه ، شناوي عليه ، شبيسوي ، كلامه يخووف وايد !!
خالد : فهمتيييني؟
غلا : فهمتك ، بس الله يخليك لاتروح
خالد : لا الحين السالفه ركبت راسي ، رايح يعني رايح
غلا : انزين بروح معـاك
خالد يغمض لها عينه على انه مب راضي ..
خالد كان يكلمها باعصـاب باارده .. شكله متكتك لكل شي و عارف شبيسوي بس ماعليه الا انه ينفذ ..
رن التليفون و غلا تطالع خالد بخوف ، تخاف ترد يشرد منها
خالد : ردي
غلا : رد انت
خالد : لا انتي
غلا : مب ضروري
خالد : روحي ردي غلا
غلا بدون وعي ردت و خالد لما شافها راحت تسحب من البيت بشوويـش
غلا : ارد اكلمج بعدين
و سكرت السماعه و طاحت على الكرسي
((ياربي استرر ، شلون بلحقه؟ شبيسوي خالد؟ شالمصيبه اللي يبي يسويها ، الله يسامحك ياعمــر على اللي سويته )) ..

" تهقون عمر سوى او بيسوي شي يضر غلا ؟ " ..

غلا فكرت انها تتصل و تقول لهم يطلعون عمر بره البيت ، خالد شكله ناوي على مصيبه ، لكن خافت ، لان ان راح خالد و عمر محد بيدري انها متصله او معلمه حد ..و بتطلع بصوره مب حلووه كلــش .
غلا مابقت فيها أعصاب .. خالد حرق كل اعصابها قبل مايطلع
خالد فالسياره كان توه يبي يطلع زقارته بس ردها ، و كان يحس بشي ثقيل على صدره ، يعني مايقدر يتنفس براحـه .. رجعها خالد ، وهو يحس بالحزن بنفس الوقت ، يحس الدنيـا ضايقه فيه ، شمعنى هالمصايب تصير لـه و من اخوه .!
ليش المصايب صارت ملازمتني ليش؟؟ شهالكدررررر يارب
وصل لبيت ابوه و كان لين الحين قاعد فسيارتـه ..
شبسوي فيك ياعميـر ؟ شبسوي ..
نزل للحوش و راح عند دريشة دار عمرو لقاها مفتوحه و عمر فالدار و مدنع على ورقه فالمكتب كانه يلون شي بسرعه و يغني

لا هي نار ولا هي مـا ..
لا هي غيمه ولا ضمـا ..
ان حكت غنت سنابل من رضـا ..
و السكوت ان صار نيران الغضـا ..
يارضاها وقف وناضر شووي ..
شف ( غلا ) وشسوت بشخص حـي !! ..
كيف حي ولا لقاها ! !
وان لقاها مابقى بايدينه شي ,,,,,, غير انه يحتريها .!.

خالد فثواني صار داخل الدار
و عمر ولا حس له و عقب لحظات قام من المكتب و بشهقه وحده حس قلبه سـااح فبطنه
خالد : بسم الله عليك تخرعت وايد؟
عمر بصدمه: خالد؟
خالد : عيل
عمر : لا ،،بس ، ،،،مادري، شلون دخلت؟
خالد : الباب ، فتحته ، دخلت ، قعدت ، واسمعك وانت تغني على مرتي..
عمر يبلع ريجه: شتقول انت ؟ استخفيت ؟ حياك اقعد ..!
خالد وهو مطنش لآخر كلامه: لا بالعكس ، انا قبل كنت مستخف و واثق حتى ، ومأمن أخوي،، بس حساف الحين بس و عيت و صرت اشوف كل شي ، كل شي كنت تغطيـه انت تفتحت عيوني عليـه .
عمر : خالـد ،، بسك عاد وشوف عمرك شقاعد تقول ، انت قاعد تخون فيني و تخون فام عيالك
خالد وهو يحط ريل على ريل : ماشالله لا عارف ، بعد بعد كمل ، لاايق الدور عليك والله
عمر : انت بتحترم نفسك ولا
خالد : اووه ، و بتعلمني درس الاحترام هالمـره .. زين يلا اسمعك ، يمكن فعيونك تربية أمي و أبوي لي غلط ، ماكفتني و ناطرك انت تربيني و انت شنبك توه خاط
عمر قرب من خالد و العرق يهطل من جبينه ماهو عارف نفسه خايف ولا معصب ولا مرتبك ؟!
عمر : انا لين الحين محترمك لانك اخوي الكبيـر بـــس
خالد وقف و دز عمر من جدامه : الحين انت تعرف شي فالاخلاق ؟ انت ياللي ماستحيت على وجهك و قلت خلاص بعد اللي صار احشم عمري ، لا رجعت العن من قبل ، اللي مكانك بعد مايرفع عينه فعيني ، ماتستحي انت ؟ لعنبوك انت ( خوااااااان) و ترد لنفس الموال؟ انت شنو ؟. شصادك؟ شاللي قلبك مره وحده
عمر زعق فيه مره وحده : بسبتك ، كله منك
خالد و الغضب حقن وجهه : شنو اللي بسبتي انا؟
عمر اللي من يجي طاري غلا يصيـر واحد ثاني : بسبتكم و بسبتك كنت تقدر ترفض لو انك تحب اخوك ، تشرد ، تسافر ، خذتها مني لانك اصلآ كنت تحبها و ماتحبني ، كنت تبي سعادتك على تعاستي ، خذتوها و جريتوها من مكان لي ثاني و هي ماتبـي و مع كل ذي سكتت و رضت بكل شي لان فيها اشيا ماعندي اياها ، قدرت تصبر و تحبك و تتأقلم معاك و تنساني؟
بس انا ماقدرت اعيش بدنيا مافيها غلا .. ماعرف انساها وهي كل يوم تصير فبالي اكثر، ساممحني خالد ، بس غلا تمكنت مني ، يمكن مثل ماقلت لي ، لاني صغير و ماعرف اتحكم بمشاعري ، جات اهي ولعبت بحسبتي و خلتني مثل القلم فاصابعها تكتب فيني و تشطب و تمسـح و انا ماعلي الا انفذ ..
انـا حبيتها و ماقدر اكرهها ، حاولت و جذبت عليكم و على عمري بس الجذب حبـله قصيييييير ، و انت اللي كشفت كل شي .......
خالد : ..........
عمـر يلف وجهه عن خالـد(انت قلتها تبيني احط عيني فعينك ولا ارد عليك بعد)
خالد : بعتبرك خلصت و برد على كلامك ،، ترا انا لين هالثانيه و اعصابي متجمده و ماسك عمري عنك و مابي احط بنت عمي فمشاكل ولا ابيها تدخل فعوار راس هي جاهله فيـه ..هي توها تتعلم اللي انا متعلمه من زمان
عمر يرفع حاجبه و هو يغلي على خالد ..
يكمل خالد : اسمعني ، انك تقول لي خذتها منك واني احبها و اكرهك ماراح يجدم و لا يأخر ولا يغير أي شي ولاني بمصدقه لانك تقوله و انت ماتدري شتقول .. اسمع الكلام اللي طلعت روحي وانا اعييده على راسك ،،غلا اول ماشفتها كانت هي آخر وحده من اللي يقربون لي اشوفهم ، لانها كانت بعيده عنا و اهلها الله يرحمهم ماخلوها هني ، يعني ماكنا نعرفها عدل ، اتذكر كل شي بالتفصيـــل يوم توصل بيتنا مع عمي و قعدتها حتى تحركاتها اذكرها و اذكرك انت و شلون متسبل فيها .. انا اول ماشفتها اكيد شفتها حلوه ، بس بعدها طنشتها ، لانها كانت صغيره و صج كنت معتبرها اختي ، لاني شفتك منسجم معاها، حسيتكم صغار .. انا ماعلقتني فيها كثر ماتعلقت انت فعيوووونها .. و بعدين تطورت المسائل و امي خطبتها لي و بدت امي بطريقتها الخاصه تدخلها فراسـي ، انا رفضت و رفضت و كلمت ابوي و بينت لهم رفضي و ليش رافض لدرجة اني قمت ادخن صبح و ليل عشان اذبح روحي ، لكن هاللي سويته بينت نتايجه الحين ..
عمر : الحين؟
خالد يكمل ولاجنه سمعه وهو يتنهد بحزن واضح : و ماقدرت اقنعهم و ماقتنعوا حتى بدموعي اللي طاحت لأن فكرة اني آخذ و حده عين (اخوي الوحيـد ) عليها صعبــه حيييييل ..
بس كل شي صار غصب علينا بس انا ماكسرت بخاطر غلا المنهمش ، و قدرت افرحها مع اني ادري اني فكل لحظه كنت فيها مع غلا انت فبالها ماغبت مثل ماانا اغيب عنها ..
عمر : استغفر ربك خالد
خالد ماقصد اللي قاله ونزل راسه : استغفر الله ، بس انت مانك حاس باللي فيني ،ولا بتحس وانا اليوم كان المفروض اجي و اخلص عليك ، لكن انا ضعيف و ماقدر اسوي شي فاخوي ، بس انت اللي اصغر مني اقوى مني و قادر تسوي كل شي مايعوقك حد .. فباقول لك كلمتيـن ،، بعد عن غــــــلا هذي كلمتي الأخيــره فاهمني !! ترا كثر ماستحملت هالسنين ماني مستحمل بعد ..حط نفسك مكاني ،، وين غيرتك ؟؟

و طلع عنـه ، ولا خلى عمر يشرح له ولا يفضفض له حتى ..
عمر زعل و حس ان ضميـره مأنبه بس قلبه يمنعه من انه يصلح غلطته ، شيسوي بعمره؟
عمر (( انا قاعد اخسر اخوي و بخسر غلاي ))
خالد طلع من عند عمـر وهو متضايق ، راح مع رفيجه خليفه مايبي يرد البيت لغلا
غلا اتصلت لخالد اكثر من مره بس مارد عليها ،، اتصلت لبيت عمها ورد عليها عمها سعود و قال لها انه ماشاف خالد ..
غلا سكتت و ضيعت السالفه و قالت لها انها فكرته بيروح لهم بس هو ماأكد لها هالشي ..
سكرت من عمها وردت تتصل له بس ماكان يرد لين سكر جهازه عنها ..
غلا صارت تحس ان خالد ماعاد يحبها مثل الاول و لاقام يهتم فيها ، و صار مقصـر معاهـا وايـد ،، لما كانت هي قاسيه معاه كان معاها مثل العسـل ، و لما هي تعلقت فيه هو جفاها و صارت عاااادي عنده ..

غلا تعبت وهي تنتظره و طلعت تنام لان الوقت تأخر و الساعه قربت للـ1 و نص وهو ماوصل البيـت ..
بعد ماغلا نامـت وصل خالد للبيت ابوه ، و غلا فالبيت بروحها .

ثاني يوم الصبح لطيفه كانت بالصدفه فممر غرفة غلا و حست ان حد داخلها فتحتها و لقت خالد نايم فيها ..
لطيفه قعدت عند راسه و قعدته ..
خالد وهو ماله خلق لها : شنو يمه ؟؟
لطيفه : شنو شنو يايمه؟ شجابك هني ومخلي مرتك؟ شصاير بينكم؟
خالد : مافي بينا شي يمه بس امس تأخرت مع رفيجتي و نسيت مفتاح بيتنا
لطيفه استغربت هم مب متعودين انهم يستعملون مفاتيح لبيوتهم..
لطيفه : قوم انت تجذب علي
خالد : لا يمه صدقيني ، ابي انام تكفييين(يرجع يلحف وجهه)
لطيفه خلته و قامت اتصلت فغـلا ..
غلا : الووو !!
لطيفه : هلا غلا ،، شلونج؟
غلا : اهلين خالتي انا بخير شلونج انتي؟
لطيفه : انا حمدلله اسأل عنج
غلا : سألت عنج العافيه ( وهي تدري ان لطيفه عندها حجـــي)
لطيفه: الا بسألج
غلا : سألي خالتي
لطيفه : ريلج وينه
غلا رصت على شفتها، شبتقول لها الحين ،، حست بالغصه ببلعومها ..
غلا : ها؟ خالد من امس طلع و مارجع للبيت
لطيفه : و ماتعرفين تتصلين له ؟؟ ولا متهاوشين مع بعض؟
غلا : لا بسم الله علينـا ، اصلآ انا اتصلت له بس ماكان يرد علي شكله جهازه كان مفضي
لطيفه : و ليش تقفلين عنه باب البيت؟
غلا : قفلته؟
لطيفه : أي
غلا : أي صح قفلته لان الوقت تأخر و خفت
لطيفه : انزين يلا مع السلامه
غلا : شنو مع السلامه ، خالد عندكم ؟
لطيفه : أي حبيبتي عند امـه
غلا : اهـا انزين مع السلامه ..

وسكرت عنها ، غلا فلحظات حست من كلمة "عند امه" ان خالد صار بصف لطيفه و تنكر لها ، و صارت هي بروحها تدور من يوقف معاها ، طاحت دموعها و هي تتمنى لو عمها سعد يرجع يحيى ثانيه و يشوف شصار فيها ، يشوف هي شلون انقطت فبلاوي و دوامات ماتعرف تطلع منها .. لا أم تنجدها ولا أبو يحميها ولا أخو يسندها ..لكن كل اللي فبالها توهمات لانها قاعده تتوقع اشيا ممكن تصير أو ماتصيـر !!

صار الظهـر و خالد مارجع ..
غلا كانت قاعده فالصاله بروحها و عيونها ذابله و صارت شخطتين من الصياح .. بس كانت تحاول ماتبين ..
انفتح الباب و خالد دخل ..
خالد شافها وظاقت فيه الدنيا اكثر ..
خالد : السلام عليكم ( وهو يسكر الباب)
غلا ماردت عليه و طلعت للدار ..
خالد : وين يبا؟من امس ماشفتج
غلا تمشي على الدرج بسرعه عشان مايلحق عليها ، خالد تلها من يدها لين مانرشت دموعها على وجهه
خالد بعصبيه خفيفه : اكلمج انا
غلا : شتبي فيني ؟
خالد : ليش ماتردين علي
غلا : يعني انت اللي رديت علي !
خالد رخى من رصته على ذراعها الظعييفه ..
خالد : ولاشي .. خلاص
غلا : أي هذا اللي انت شاطر فيه ، تمد ايدك علي ، وتعلي صوتك علي ، لان انا ولاشي بالنسبه لك .. اذا تشوف فذبحي راحه لك اذبحني ، ارحم من اللي تسويه فيني،، صرت رخيصه عند الكل..ولاعاد حد يهتم فيني،ابات بروحي جني منبوذه..الله يرحمك ياعمي سعد ريتك هني بس
خالد بصوته العالي :بـــس بس ،، شنو شتبين اسوي فيج؟ شسوي! ضيعتي عقلي وضيعتينا وراج ..
غلا تطالعه و هي ماتقدر تمسك دموعها بعد شقصده بهالخرابيط؟ ترسوا مخه و جا يسوي لي مشاكل
و ركضت للدار وقفلت على عمرها
خالد : اووفففف شسويت انا ..
مشى للدار و حاول انه يفتحها بس غلا قافلتها قعد يحن على راسها لين فتحت الباب ..
دخل الدار و هي قاعده على الكرسي تشوفه ،، كل شوي هالانسان بشكل ، كل شوي له حاله
واقف على الكمدينه و يشوفها و هو يعقـّد حواجبه ..
خالد : غـلا؟؟
غلا تطالعها و هي ساكته عنه و لاتبيه يكلمها
خالد خلاها و راح يبدل ملابسه و غلا راحت المطبخ تاخذ دواها،حست نار فـ معدتها تتقلب
وقفت غلا و هي تتذكر هالدقايق اللي مرت و خالد شلون كان فيها شربت الكاس و خذته معاها و دعمت فجسم خالد اللي كان وراها و انكسر الكاس من يدها
غلا ماعرفت شتسوي كانت تبي تروح عنه توخره ،، نزلت بتلم الزجاج اللي تكسر و نزل..بس خالد مسك يدها اللي ترجف و طلعوا الصاله ..
خالد : شفيج غلا؟
غلا : مافيني شي ، بروح انام تعبانه
خالد : آسف على اللي صار
غلا ماردت عليه
خالد : صدقيني ماصار شي بيني و بين عمـر ، بالعكس رحت معاه وتصافينا و فهمته بس ، مامديت يدي صدقيني
غلا بعد ماترد عليه
خالد يحط راسه على جتف غلا : غلا تكفيين انا تعبــان من امس ، وماعندي من يواسيني ، لاتقسين علي جذي ، وربي اتعب
غلا قلبها من داخل كان يشهق عليه و حطت ايدها على راسه ووخرته عنها و قامت عنه نزلت الصاله
خالد هني فار عليها و صفق باب الدار .. ((شسوي يعني؟شبلاها صارت جذي معاي؟كرهتني عدل))
غلا ماسوت شي غير انها بمثل ماسوى لها سوت له ، و نزلت طلبت الدكتور يجيهم البيت بدون ماتروح لخالد .. خافت يكون صج تعبان وشكله هالايام مايطمن
خالد اللي تسطح على السرير وهو يفكر فغلا بغضب دخل الدكتور
خالد : بسم الله الرحمن الرحيم ، من انت؟
غلا من ورا الدكتور : خالـد،، هذي الدكتور
خالد يطالعه بتووعد لها .... و طلعت عنهم غلا خلتهم مع بعض
غلا كانت تنتظرهم فالصاله بعد مارن التليفون و كان عمر المتصـل .. بس غلا ماحاولت تخليه يسأل أكثر عن خالد و سكرت بسرعه .
خالد فهم الدكتور انه يقول لغلا ان خالد تعبـان كلــشش
دخلت غلا وهي تفتح شيلتها و تعلق عباتها ، قعدت حذا خالد
غلا : سلامتك ، شفيك؟
خالد يكح : انلفوعنزه
غلا تدري عنه وهي ماسكه الظحكه والله انه يهبل : لاا ، سلامة عمرك ماتشوف شر
خالد يكح فوجه غلا وهي تغمض عيونها : مشكوره ام فيصل
غلا : تبي تاكل شي ؟
خالد : اذا من يدج أي
غلا ترفع له حاجب ، و خالد يكح ..
غلا : بس مره ثانيه لاتوصي حد يوصيني فيك
خالد يبتسم على جنب على كلام غلا .. ( والله وكبرتي و قمتي تقطين كلام يا غلووي ) .
غلا احترت هي ماقالت له نكته عشان يظحك .. طلعت عنه و عرفت شتسوي فيه طرشت له فيصل و سعد و مريم اللي مايتوصوووون ..
غلا " مفكر خالد بهالحركه بنسى اللي صار " ، مسكت غلا بطنها اللي حّـر عليها فجأه و قعدت على الكرسي
غلا بخووف : اعوذ بالله ، شصار فيني ..
غلا حست ان المكان كله صار ازعاج من شدة العوار اللي فيها و فتحت الباب و طلعت للحوش مع ان الجو ماكان يساعد
بعد ثواني ، رفعت غلا عيونها على غرفتهم ، و شافت خالد فالبلكونه بس شكله مانتبه لها ، كان شكله جذاب بالبجامه البنيه ، كانت غامقه اقرب للبني المحروق ، و اشعة الشمس مخليته يرص بعيونه وتبين غمازته ، و بين شكله من أروع مايكون .. غلا حست بحرارة الجوو و الهوا الحار و دخلت لداخل البيت ..
دخلت غلا و لقت فيصل و سعد تحت ، شكله خالد ماخلاهم و قدر يكشهم .. راحت غلا للمطبخ بس ماكانت فيها قوه تخليها تسوي لخالد شي .. وراحت له الدار .. بس هو كان فالصاله و يشوف التلفزيون .. و مريم بس اللي عنده
غلا : شوي ويجهز الأكل
خالد : تسلم يدج يابعد الكلل والله
غلا : آسفه خالد انا بروح ارتاح ، شوي تعبانه
خالد : تعبانه؟ شفيج؟
غلا : لا ولاشي تعبانه بس
خالد : أي من شنو تعبانه ، خذتي دواج اليوم؟ ولانروح المستشفى؟
غلا ترفع عيونها له .. خالد انصدم من نظراتها .. شنو؟ شبلاها؟
ودخلت الدار و خلته ياكل غداه ، طبعآ هو ماكل ولاشي وتم طول اليوم فتفكيـر × تفكيـرر ..

بعد اسبوع ..

غلا و خالد كانوا فالبيت العود مثل كل نهاية اسبوع الكل متجمع و الجو الحلوو بين الكل ولو ان الجوو كان شووي حار ={
غلا كانت قاعده مع المها و غاده و بنات خال خالد منتشرين فالحديقه ههه " حليلهم عبالهم الجو حلوو . ههههههه . "
المها : ترى فحينا من الحر
غلا : أي والله انا بدخل مافيني اقعد اكثر بعد
المها : أي والله خذيني معاج ، غاده عاجبها الجو مع ولدها ، شكلوو أول الخلـفه هههههههههههههههه
غلا+غاده: هههههههههههههههههههههههههههه ... غاده:يملقققققج يامهوه
غلا و المها طلعوا من الحديقه عشان يدخلون للبيت ..
بس شافوا محمد اخوها فطريقهم لان الحديقه كانت بعيده شوي عن مدخل الصاله ..
محمد : هلا والله
المها : شتبي
غلا كانت واقفه و تطق ابهام فوق ابهام لان محمد مايطمـن .. وعينه ربع زايغه
محمد بابتسـامه وهو يمرجح جسمه وهو ماسك بالشجره : شلوووونج غلا؟شخبارج؟ شمسووويه عساج بخير
غلا : حمدلله الله يسلمك
محمد : ويينج من زماان ماشفنااج ، شدعوى ماعندج ولد خال ريل تسألين عنه
غلا ترفع حاجب و هي ساكته عنه
محمد : شكله ماعندج ، يبـيله ولد خال عيل
غلا تظحك له بسخافه على كلامه
محمد : بل بل شقلنا احنا
غلا : ولاشي ، المها انا بسبقج اوكي
المها : اوكي
غلا مشت وهي تتحلطم فداخلها عليه .. و تذكرت جوالها نسته وين كانوا قاعدين شلون بترد الحين وهي متأكده انه وراها لقت ولقته يتابعها بنظره ... اففففف منه
كملت دربها على انها بتروح للصاله لكن لفت من ورا البيت عشان توصل الحديقه
مرت على دار عمر و شافت شي فالدار بس القزاز كان شوي مانعها تشوف عدل .. قربت و شافت عدل لان الستار كان مفتوح عنها
غلا شهقت و تمنت لو انها تختفي فهاللحظه ..
شافت رسمة عمر اللي خاشها بس شكله نسى يغطيها هالمره
غلا تفاجئت و انصدمت و حست كأن كف جا على وجهها
"راسمني؟ شفيه عمر اكيد استخف" ،، قعدت غلا تتذكر
عمر كان طالب منها هالشي من قبل لاتتزوج و هي رفضت أكثر من مره .. بس عمر كان كل يوم يرسم لها شي من ملامحها بالظبط مثل ماكان يغمض عينه عنها ويروح يرسمها
عمر كان فالدار بس ماكان عند الدريشه ، كان بزاويه ثانيه يعني.
غلا ضاعت ,, تمنت لو انها تختفي تنشق الارض وتبلعها لما شافت خالد جاي ، شجايبه هني؟ كانت تبي تركض تنخش ..
خالد : غلا؟ شتسوين هني
غلا : الله جابك خالد (وبسرعه تجره عشان مايشوف اللي فالدار)
خالد : شفيج عمري؟ شتسوين هني ، الدنيا حر ، مب زين عليج
غلا : لا ولاشي ، ناسيه جوالي هناك ، وماكنت ابي اروح لان غاده ان شافتني بتقول لي قعدي معاي
خالد : هههههههه افا علييج ياعيوون خالد ، الف طلب مثل هالطلببب
غلا ( شصاير؟ من متى عن هالكلام ) .. ابتسمت له غلا و راح خالد يجيب الجوال لها ..
رجع خالد و دخلت غلا معاه لداخل البيت و هي تحمد ربها ألف مره ان خالد ماشاف شي ..
عمر غطى الرسمه و كان توه شاري بعد منظر كبيييير وعلقه فوقها،لأنه يدري ان اللي يسوي غلط ، و أي شي نخشه يعني غلط ..
وطى ليتات الدار و طلع و شافهم .. اول ماطالع طالع فخالد اللي كان يسولف مع غلا بس لف له لما شافه
عمر : السلام عليكمممم
الكل : وعليكم السلام ..
عمر قعد حذا خالته وهو يتحاشى يشوف غلا و خالد
سند عمر خده على اصابعه الطويله
غلا : خالد انا بدخل وانت خلك هني
خالد : ليش؟
غلا : لا ماعليه احسن
خالد ابتسم لها براحه: اللي تشوفينه ..
باس جتف غلا بدون لحد يحس و غلا تحس انه العبره خانقتها وخدودها انصلخت من الفشله ..
دخلت غلا للصاله اللي كانوا فيها البنات و قعدت معاهم ولو انهم مب من سنها ، بس حاولت انها تخلي هالكم ساعه تمر بدون مشاكل ..
خالد قعد حذا عمر اللي سحب ولاعه من الطاوله و قعد يلعب فيها على اصابعه
خالد ولاجنه صار بينهم شي من كم يوم : تدخن عمير؟
عمر من دون مايلتفت له : جايز
خالد : شنو اللي جايز؟
عمر : ليش معصب انت تدخن بعد
خالد سكت عنه وهو يفور عليه .. ويمسح بوجهه عن الغضب:لين الحين اكلمك باعصاب بارده .. كلمني بأدب شوي
عمر يدندن ولاجنه يسمعه
شال الولاعه من يد عمر و عمر لف عنه
خالد توه بيتكلم الا بصرخه من عمر : هاتهـا
خالد بصوت أعلى : انثبـر مكانك
عمـر : ماني ياهل عندك ولا انت اللي بتعلمني الصح من الغلط ،هاتهااا
غلا اللي سمعت صراخ خالد و قالت يالله ، وقفت على الباب وهي تشوف الحرب
لطيفه كانت واقفه بينهم :عمر اذكر ربك و انت بعد ياخالد شحركات اليهال هذي ، عطه الولاعه و روح عنه ، بلا سخافه لااكفخ كل واحد فيكم ، استح على وجهك انت معاه ؟ شخليتوا لليهال؟؟؟؟
خالد خلاهم وراح للمجلس عند ابوه و خواله و كانوا عندهم ضيوف و عمر لحقه ودخل المجلس كانه بيتهاوش بس شاف الناس وسكت وطلع ...
غلا ركضت تبي تلحق على خالد قبل لا يطلع بس ماقدرت و قعدت فالحوش تتصل له عشان يرجع ..
خالد:الو؟
غلا:خالد،انت وينك؟
خالد:فالمجلس ليش؟
غلا:تعال،ابيك شوي
خالد:انشالله ، شوي و برجع
غلا:لا الحين
خالد:ماقدر غلا(يحط يده على الموبايل وهويكلمها)،عندنا ضيوف
غلا : انزين عشر دقايق بس
خالد:انشالله
و سكرووو ..
غلا قعدت على الكراسي المحطوطه فالحوش وهي تتذكر اللي صار
حركتهم بايخه مب يهال عشان تطلع منهم هالحركات .. على ولاعه يتهاوشون؟ استغفر الله .. صج بياخه فعيال عمي ,, هههه
فتحت غلا شيلتها ورجعت عدلتها
عمـر : مسـاء الخيـــرر
غلا بصدمه طيحت قلبها : عمـر؟؟
عمر : ليش مستغربه ؟ أول مره تشوفيني !
غلا : ها لا بس تكفى روح خالد بيجي بعد شوي
عمر : خلاص اقعد اسليج لين يجي
غلا : عمر واللي يسلمك عشاني روح
عمر : عشانج انتي؟ عشانج اهد الدنيا كلها لو تبين اقط عمري فالنار اقطها ، افا علييييييييج
غلا تلف وجهها عنه كانها تدور خالد
عمر حس بثقله عليها: خلاص رايح ، مع السـلامه
مشى عمر عنها و راح للحديقه وين ماكانو قاعدين فيها وشاف بنات خاله بس كان يمشي ومنزل راسه ، كانه يفكر بشـي ..
عمر((الله ياغلا الحين انا تبيني اروح؟ وتلفين وجهج عني ماتبين تشوفيني؟ ليش مثل ماانتي حبي الاول ماني حبج؟انتي كنتي تحبيني شصار؟ليش كل هالكره مره وحده؟عذرناج لكن حتى رسميات مافي بينا صارت!حتى الرسميات حبيتها لانج لما تقولينها تبتسمين،لكنج نسيتيها الحين و قسيتي صرتي ماتبتسمين لي حتى ولا تضحكين ان شفتيني من تشوفين وجهي تبرد ملامحج و تندهش؟ ليش انا شسويت ؟ هذا جزاي ان قلبي ماحب غيرج ولا خانـج؟؟ مشكوره يا غلا و ماقصـرررتي فيني
خليتيني مثل المراهـق الياهل فـ حبج .. حقج علي))

--------------------

[hana Akira]

رووعة الرواية

مشكووورة اختي ع الموضوع