تويت
الجزء العشرين:
في مصر .......
فاطمة وأمها سعاد وعلي قاعدين في الصاله في شقتهم ...
سعاد: علي يما أبيك توصلني شقة أم بدر
علي: متى بتروحين
سعاد: الحين
علي: بس انتي بتروحين
سعاد: اي .. خواتك مايبون يروحون
علي: خلاص عيل انا بروح اشغل السياره وانتي تعالي
سعاد: يالله دقايق وانا جايه وراك
فاطمة: يما أقول حق الخدامة تنزل الأغراض تحت
سعاد: اي خل توديهم السياره
فاطمة: اوكي
راحت سعاد وعلي بيت أم بدر .. نزلت سعاد من السيارة وهي نازله شافت بنات شريفه ( أم بدر ) وسلمت عليهم ونادوا الخدامة تاخذ الأغراض من السياره.. ورجع علي الشقة ....
استغل علي الفرصه ان امه طالعه وراح يكلم فاطمة ...
علي: فاطمة هاذي قصيدة كتبتها لساره ياريت توصلينها لها
فاطمة: شلون يعني اعطيها اياها
علي: طرشيها على ايميلها
فاطمة: بس أخاف ساره تتضايق
علي: ماظن بتتضايق من قصيدة
فاطمة: اوكي >>> لا بعطيها القصيدة ولاشئ مو ناقصه ساره تعصب علي
علي: تدرين انا مفكر افاتح امي في موضوع ساره
فاطمة: صج
علي: اي وابيج تساعديني
فاطمة: متى بتكلمها
علي: اليوم
فاطمة: اوكي
علي: بس عقب مااملج عليها ابيها تغير من تصرفاتها
فاطمة: شلون يعني تغير من تصرفاتها للحين ماملجت عليها تبي تتحكم فيها!!
علي: اقصد لبسها وجذي
فاطمة: شفيه لبسها؟؟
علي: انا لما شفتها ذيك المره لاحظت انها حاطه مكياج ولابسه بانطلون تحت العباية
فاطمة: صج احنا مانلبس بناطلين بس ساره متعوده تلبس
علي: انتي عارفه اني ملتزم وماحب زوجتي تطلع بهالصورة من البيت
فاطمة: >>> ملتزم في شئ وشئ
علي: شفيج ساكته
فاطمة: تدري انا اقول انتظر شوي قبل لاتكلم امي خلني اكلم ساره واشوف شبتقول ..
علي: ليش احتمال انها ماتوافق
فاطمة: ساره وحده عاديه اذا بتاخذ واحد ملتزم اكيد بتتغير حياتها ... لازم اوضح لها هالنقطه عشان تعرف تتخذ قرارها
علي: وانا شرطي ماتنازل عنه ابيها تلتزم
فاطمة: خلاص بقولها وبشوف شنو ردها
علي: متى بتكلمينها؟؟
فاطمة: ماادري
علي: كلميها الحين
فاطمة: الحين؟؟
علي: اي شفيها
فاطمة: ماعندي رصيد وهالمكالمة دولية يبيلها رصيد محترم .. تدري انا استخدم كرت مصر
علي: خذي هالكرت وعبي رصيدج
فاطمة: اوكي بعبي وبتصل لها
فاطمة: ان شاءالله ترد علي
ساره: هذا رقم غريب ,,خارجي أرد ولا لا .. يمكن فاطمة ...
الووووو
فاطمة: هلا والله ساره شخبارج
ساره: بخير الحمدالله وينج سافرتي ولابينتي
فاطمة: ههههههههه تدرين كل يوم نطلع
ساره: اتصلت لج جوالج مسكر
فاطمة: اي عندي خط مصر .. وخط قطر سكرته
ساره: شدعوة سألي .. اتصلي .. طرشي مسج
فاطمة: ههههههههه ادري اني مقصره المهم ابيج في موضوع مهم
ساره: خير
فاطمة: اخوي علي ناوي يكلم امي عنج .. بس انا حبيت اسألج عن رايج مبدئيا عشان مانكلم امي وعقب انتي ترفضين
ساره: اي
فاطمة: شوفي في شئ انا ماقلت لج عنه من قبل .. علي ملتزم وهو دوم محكر لنا في اللبس وفي غيره .. يعني هو يبي البنت الي يخطبها تلتزم مثله
ساره: اها .. يعني يبيني اصير مثله
فاطمة: اي
ساره: والله مادري شقولج بس انا لو بلتزم بسوي هالشئ عن اقتناع مو عشان زوجي يبي هالشئ .. وهو شنو يبي بالضبط
فاطمة: يعني مثلا ماتحطين مكياج لما تطلعين .. ماتلبسين بناطلين
ساره: بس انا البس بنطلون تحت العباية .. يعني مايبين
فاطمة: ادري بعد مايرضى
ساره: حتى لو قاعده مع بنات
فاطمة: ماتلبسينه الا في البيت ماتطلعين فيه برا
ساره: من صجج انتي
فاطمة: اي .. ماتشوفيني انا عمري مالبست بانطلون
ساره: عبالي ستايلج جذي .. ماادريت انه ممنوع
فاطمة: ولازم تتنقبين
ساره: اتنقب ؟؟؟؟؟؟؟؟
فاطمة: تنقبين تغشين المهم تغطين وجهج
ساره: يعني اشياء وايد لازم اغيرها
فاطمة : انا وضحت لج الصورة عشان ماتقولين عقب انتي ماقلتي لي .. وانتظر قرارج
ساره: الموضوع يبيله تفكير .. تبيني الحين ارد عليج مااقدر .. السالفه مو سهله .. مااقدر اقول اي بلتزم وعقب احس هالشئ صعب علي
فاطمة: خلاص فكري خلال هالاسبوع وبتصل فيج مره ثانيه وبسألج وهذا رقمي طلع عندج اذا اتخذتي قرار قبل مااتصل فيج اتصلي وقولي لي
ساره: ان شاءالله
فاطمة: على فكرة كاتب لج قصيده وكان يبيني اطرشها على ايميلج .. وانا قلت له بطرشها وخليتها عندي .. خفت تعصبين علي
ساره: زين سويتي .. بس غريبه اول مره اعرف انه يكتب شعر
فاطمة: كل شئ بتعرفينه في وقته
ساره: خلاص عيل ماطول عليج خلصت رصيدج
فاطمة: لا ولايهمج اصلا الكرت من عند علي
ساره: اها
فاطمة: اوكي عيل اكلمج قريب .. يالله مع السلامة
ساره: مع السلامة ..
.................................................. .........................
يتبع ,,,,
تعليق