تويت
أنا بالانتظاااار
-
-
الجزء السادس
رجعت ساره ورنت لسعود رنة
سعود: هلا
ساره: اهلين
سعود: بصراحه صج حلـــــــــــــــــــــــوة
بس ليش جذي مكشره
ساره: انا جذي مااحب اوزع ابتسامات لي طلعت عشان محد يفكر اني ابتسم له
سعود: ماتطالعيني ليش ؟
ساره: بس .. تبي تلعب خشيشه ها
سعود: هههههههههه شاسوي انتي ماترضين تلتفتين
في غرفتج انتي الحين ؟؟
ساره: اي
ساره : انتي شسمج بالكامل ؟؟؟؟؟؟
ساره: ساره فهد الخالدي
سعود: ماادري شصار فيني لما شفتج
ساره: اسكت .. وانا في السياره بطني كان يعورني وقلبي يدق بسرعه .. قلت خلاص بهون مابروح
سعود: يويلج .. لو ماجيتي كنت باذبحج
ساره: هههههههههه
سعود: ساره
ساره: هلا
سعود: انتوا تاخذون ناس غير جماعتكم
ساره: اممممممم مو وايد يعني فيه بس حالات قليلة يعني الأغلبيه ماخذين من الأهل بس في .. اممممم يعني يفضلون لو كان من الأهل خصوصا عيال العم ماينردون
سعود: بل ليش جذي انتوا بدو
ساره: لا بس يفضلون القريب على الغريب .. وتهمهم سالفة الاصل والفصل
سعود: اها
سعود: ساره أبي أشوفج
ساره: شلون ؟؟؟؟؟
سعود: ماادري ابي اشوفج .. انت في غرفتج صح
ساره: اي
سعود: في حد في البيت ؟؟
ساره: لا
سعود: دليني بيتكم
ساره: ليش ؟؟
سعود: سمعي الكلام
ساره: شفت الجمعيه خلها وروح عند المحطه كمل اخر الشارع خذ الدوار وروح يسار
سعود: اي
ساره: عقب خلك سيدا
سعود: بعدين
ادخل اول لفه يمين
سعود: اوكي
ساره: كمل سيدا لين اخر الشارع .. وصلت؟
سعود: اي
ساره: عقب اول لفة يسار وثاني لفة يسار وثالث لفة يمين اول بيت بيتنا رقم 3
سعود: وصلت
ساره: صج
سعود: وين غرفتج فوق ولاتحت ؟؟
ساره: فوق طبعا
سعود: وين يمين ولايسار؟؟
ساره: اول غرفة على اليمين
سعود: انا عند دريشتج
ساره: هههههههههههه انت مب صاحي
سعود: شاسوي مااقدر اشوفج على الاقل اقعد عند دريشتج
ساره: حر شتسوي
سعود: مومشكله
ساره: ههههههههههه شدعوة بتقعد جذي
سعود: لابحرك شفت واحد جاي من بعيد مابي حد يحس بشئ يالله انا رايح
ساره: اوكي
سعود: قلت لج بروح ماقلت بسكر التيلفون
ساره: ههههههههه شدراني نسيت
سعود: يالمقفله .. أحبج .. أحبج..أحبج
سعود: متى بتقولينها متى
ساره: ههههههههه
الخدامة نور: ساره ساره تعالي
ساره: ااااااااخ
سعود: شفيج؟
ساره: ضربت رجلي في الكرسي كله من الخدامه خرعتني
سعود: انتبهي
ساره: اوكي
سعود: خلاص روحي مابي حد يحس بشئ
ساره: اوكي ..
سعود: مع السلامة عمري .. باي
ساره: باي
ساره: شتبين ؟؟
الخدامة نور: ماما قول تعالي في غدا تهت
ساره: انزين انزين
ساره: اشفيني جذي بفضح نفسي.. بسرعه ارتبك .. شاسوي ماتعودت اخش شئ .. خل انزل تحت اتغدا بسرعه احسن لي
شيخه: وينج ماتبين غدا ؟؟؟؟
ساره: كنت ابدل
فهد: كلي تبولة .. زينة لج .. خل ترد صحتج
ساره: انزين
ساره: يما ابي فلوس
شيخه: حق شنو ؟؟
ساره: ابي اشتري بدلة لأن مريوم مسوية حفلة يوم الجمعة
شيخه: كم يعني ؟؟
ساره: أنتي كريمة وأنا أستاهل
شيخه: انزين المهم متى بتروحين
ساره: اليوم او باجر .. تعالي معاي
شيخه: خلاص عيل الساعه 4 بنطلع انا بعد ابي اشتري شوية اغراض
ساره: انزين خلاص انا بروح اكلم مريوم
فهد: تعالي ماكلتي شئ
ساره: يبا شبعانة اصلا كلت في الجامعة
فهد: يعني أكل الجامعة هذا أكل
ساره: اي يبا صج شبعانه مااقدر أكل أكثر
راحت ساره غرفتها مسكت الجوال وشافت مسج من سعود
أحبك
موت
بغايبك
واذا
شفتك
أحبك
زود
أحبك
في
ابتسام
الوقت
أحبك
في
جفى
أيامي.
برسله مسج
من يقول أني من حبك
أرتويت
أشهد أنه في كلامه
ماصدق
من يقول أني على
هجرك نويت
قله أني بحبك محترق
لوبغيت
الصد عنك ماقويت
وان بغيت
افارقك قلبي انطعن
وقله اني
في بحر حبك رسيت
فوق مجداف
الهوى قلبي غرق
ساره: هذا مسج ثاني منه
جتني رساله من زعيم
المزايين’’
الغالي الي تل قلبي
وشده’’
حبه ملكني مثل ملك
السلاطين’’
راضي بجزره ثم راضي
بمده ’’
حبه رجح بمرجحات
الموازين’’
ومليون بوسه تاصل لين خده.........!
ساره: حركات .. خل أدور له مسج حلو
لك لحالك
شوق
لك لوحدك
غلا
لك
حب
في كل
القلوب
وبالذات قلبي( أنــــــــــــــــــا)
شنو هذا يالشيبه انا ترد علي بمسج في رسمة سبالين يبتسمون
ويقولون أختلفنا من يحب الثاني أكثر
مابرد عليك انزين ....
.................................................. ..........................
ساره وأمها راجعين من السوق
ساره: اااااااي نسيت اقول حق مريوم .. الحين بتصل لها
مريم: الووو
سار: هلا مريوم .. نسيت اقولج انتي كنتي تدورين تنورة حمراء صح
مريم: اي لقيتي
ساره: اي كنت باخذها لج بس اخاف مايضبط المقاس روحي شوفيها
مريم : اوكي
ساره: بكره بعد مانطلع من الجامعة بنمر وبراويج اياها .. حلوة لو بتلبسينها حق الحفله
مريم: انقذتيني خلاص باجر على الوعدتعليق
-
.................................................. .....
يرن جوال ساره الصبح ..
ساره: هذا سعود
ساره: هلا
سعود: صباح الفل والياسمين ياأحلى وردة
ساره: صباح النور
سعود: شلونج
ساره: بخير .. أنت شخبارك
سعود: الحمدالله .. ياحلات صوتج عالصبح يرد الروح
ساره: صوتي يخرع .. يالعيار
سعود: متى بتطلعين ؟؟
ساره: بعد ساعة
سعود: أول ماتركبين السيارة دقي لي
ساره: اوكي
سعود: باي حياتي
ساره: باي
ساره: أحلى شئ من عرفت سعود أني كل يوم أصحا وأنام على صوته ماأتخيل أني أفقد هالشئ في يوم من الأيام .. الله لايجيب هذا اليوم
بعد مالبست ساره وكشخت وعدلت المزاج بنسكافيه اتصلت في سعود
ساره: هلا .. أنا في السياره
سعود: اوكي
سعود: متى تخلصين اليوم ؟؟
ساره:اليوم 12 لأن في دكتور معتذر .. بس مريوم بنت خالتي بترجع معاي لأن بنمر السوق
سعود: اها .. شعندكم ؟؟
ساره: لا بس هي مسويه حفله وتبي تاخذ شوية أغراض
سعود: اوكي انتي عند الدوار الحين صح
ساره: اي
سعود:لفي راسج شوفي السياره الي واقفه عالدوار
ساره: وين؟؟
سعود: شوفي عدل
ساره: شنـــــــــــــو هااااااذا أنت ؟؟؟
سعود: اي ..
ساره: من صجك طالع من الدوام وموقف عند الدوار ليش؟؟؟؟؟
سعود: عشان أشوفج
ساره: شدعوة ؟؟؟!!!!!
سعود: شاسوي مااقدر أشوفج ومابي أضغط عليج وأقولج روحي وتعالي أبي أشوفج في مكان ..
ساره: أنا للحين مو مستوعبة .. شدعوة كل هذا عشاني !!!!!!
سعود: اي .. عادي عمري
ساره: وايد جذي .. تعودني على الدلع
سعود: يحق لج
ساره: وينك الحين؟؟
سعود: راجع الدوام
ساره: أنت عليك حركات محد يتوقعها .. ماأدري وين بحصلك المره الجاية
سعود: خلاص أنا وصلت .. دقايق واتصلج
ساره: اوكي
سعود: باي ياقلبي
ساره: باي
.................................................. ............
يوم الخميس ساره في بيت جدها قاعده في الصاله مع البنات
ساره: مسج من سعود
تتحدين مسجات؟؟؟؟؟
ساره: اوكي
نص ساعة وهي ترسله وهو يرد عليها لين ارسلت اخر مسج وماوصلها شئ
ساره:ارسلت اخر مسج .. فزت عليك
ساره: بعد مارد شفيه .. بعد نص ساعة انتبهت حق علامة المسج الي ظاهره على الجوال ان صندوق الراسائل ممتلئ هههههههههه
توني انتبه .. أول مره مايكون فيه مكان لاستقبال رسائل جديده .
بعد مارجعت ساره وأمها البيت
شيخه: ساره تعالي شوي
ساره : ليش ؟؟
شيخه: ساره متقدم لج واحد
ساره: أنا ؟؟؟؟؟؟؟؟؟؟؟
شيخه: اي .. واحد من ربع أخوج .. شافج معاه لما رحتوا السينما
عمره 26 ويشتغل طيار وعنده بيت ومعاشه
ساره: شاسوي في معاشه .. شلي أنا بهالسوالف تقولين لي
شيخه: يعني ماتبين تزوجين ؟؟
ساره: لاطبعا
شيخه: ليش ؟
ساره: لين خلصت الجامعة تعالي كلميني
شيخه: انزين خطوبة وبس وبعد ماتخلصين الجامعة تتزوجين
ساره: قلت لج بعد ماخلص الجامعة تعالي كلميني
راحت ساره غرفتها وسكرت الباب
ساره: معقولة .. ليش أمي تبيني أتزوج .. قبل أي حد لو بس يقولي الفال لج تقول لالالالالا بعد الجامعة شلي خلاها تغير رأيها للحين باقي لي سنتين عشان اتخرج .. الحين عقب ماعرفت سعود وحبيته تبيني أتزوج .. زين أني أدرس عشان يكون عندي عذر قوي .. الخوف من أحمدوا يدخل .. بس مو على كيفه ..
هذا مسج من سعود : ساره أنتي في البيت؟
ساره: اي في غرفتي
سعود: فتحي الستاره بتشوفيني
يتصل سعود: هلا ساره
ساره: هلا .. وينك تطنز .. أصلا ماشوف شئ ظلام
سعود: انا في سيارتي
ساره: وين ؟؟ يعني أنت الحين تقدر تشوفني .. انزين الحين انا شاسوي >>> بهز الستاره وبطلع عيارته
سعود: بسج قاعده تحركين العلم
ساره: شلون تشوف .. وينك أنت .. لحظة الزق راسي في الدريشه .. ماشوف شئ .. شنو أنت ساحر
سعود: شوفي بعيد عند المجمع
ساره: وووووووين ؟؟؟؟؟؟
سعود: شفتي الحين ؟؟
ساره: أنت الي ولعت الليت
سعود: اي
ساره: شتسوي هناك ؟؟ ومتى جيت
سعود: من مساعه قاعد انطرج ترجعين .. عندي الاب توب وقاعده اتعبث فيه لين ترجعين
تعليق
-
ساره: >>>> معقولة سعود هالكثر يحبني .. أحسه طول الوقت معاي مايفارقني ولاانا حاسه انه متزوج .. تصرفاته كأنه عزوبي .. ولاشجايبه عند بيتنا هالحزه وين زوجته وين عياله ؟؟ معقولة في واحد هالأيام يحب بهالطريقة
سعود: وين سرحتي ؟؟
ساره: معاك
سعود: أنتي ساحرتني .. خففي العمل شوي .. خليني أقدر أرتاح .. خليني أروح بيتي أنام .. حتى وأنا مراهق ماسويت جذي .. الحين وأنا شيبه .. علمتيني السهر وحالتي حاله
ساره:أنا ساحرتك ؟؟؟
سعود: اي .. خففي العمل
ساره: اوكي .. بخفف علشان خاطرك
ساره: أنت قلت لي لين شفتج بقولج شنو عجبني فيج
سعود: اي
ساره: يالله قول ........
سعود: عيونج .. فيها سحر .. صدقيني فيها شئ غريب .. والطريقة الي تحطين فيها الكحل عجيبة هي الي ميزتج عن غيرج من البنات .. ونظراتج الخجولة .. عيونج عالم ياخذ الواحد بعيد .. تأسر القلب .. ساره أبي أشوفج باجر
ساره: باجر
سعود: اي
ساره:>>> باجر حفلة مريوم
سعود: شقلتي ؟؟؟
ساره: بحاول
سعود: مافي بحاول أبي اشوفج ساره
ساره: اوكي
سعود: بس مابي مثل ذيك المره في الجمعية .. أبيج تركبين معاي السياره
ساره: صعبة شلون أركب السياره
سعود: خلي الدريول ينزلج من باي الجمعية .. وأنا بنتظرج من الباب الثاني .. تغطين وجهج وتركبين معاي .. كأنج زوجتي كلها ربع ساعة وأنا مرجعج ما بأخرج
ساره: ماأدري .. أخاف حد يشوفني
سعود: من بيعرفج .. تغطي وتعالي
ساره: ماأدري الدريول مب سهل .. يمكن ينزل وراي
سعود: أنا براقب كل شئ .. شقلتي ؟؟؟
ساره: >>>> شقوله الحين .. لو انفضحت شبيصير فيني .. أنا الي يسموني شيخة البنات .. لو أنكشفت ماأدري شبيصير فيني .. بطيح من عينهم .. بيذبحوني أنا وياه
سعود: ها شقلتي
ساره: ماأدري .. خايفة .. بس لو ركبت معاك ماتلمسني ..
سعود: اوكي بس .. بشوفج .. ربع ساعة وبرجعج بس بنلف عند الجمعية مابروح مكان بعيدتعليق
-
ساره: >>>>> آآآآآآه بروح والله يستر من اللي بيصير .. كله عشانك ياسعود..
ساره: اوكي
سعود: مابيج ترتبكين خلج طبيعية
ساره: اوكي
سعود: قولي لي احبك
ساره: مابي
سعود: يالله عاد قوليها
ساره: مابي
سعود: اوكي .. ماقلتي لي بكره متى موعدنا ؟؟
ساره: موعدنا 7 .. بسوي نفسي رايحه اشتري اغراض حق حفلة مريوم بركب معاك وعقب برجع الجمعية باشتري الاغراض وبروح مع الدريول ..
سعود: والخدامة ؟؟؟
ساره: بخليها في السياره تنتظر
سعود: تمام
سعود: أحبج .. يالله بخليج الحين حياتي .. تصبحين على خير
ساره: أقووول سعــــــــــــود
سعود: هلا بعيون سعود وقلبه وعمره ودنيته ..أول مره تقولين أسمي
ساره: أحبــــــــــــــــــك
سعود: سكت لحظات .. شصار فيني .. صج أني شيبة ماأستحمل هالسوالف ...... فديت صوتج والله .. وفديت أمج وأبوج الي جابوج .. وفديت هلج وطوايفج كلهم .. وأنا أموووووووووووووووت فيج ياأحلى وردة للحين ماصارات ذات العشرين ربيعا
ساره: قريب بصير عادي .. خلاص روح نااااااااام
سعود: اوكي فديتج .. تصبحين على خير وأحلام سعيده
ساره: وأنت من أهله
سعود: باي فديتج باي
ساره: بااااااااي سعوووووود
سعود: لحوووووووول بعد قلتي اسمي .. شلون أنام أنا الحين.. فديتج خفي من العمل تراني شيبه ماأستحمل كل هالدلع والرقة
ساره: اوكي .. خلاص باااااااي
سعود: باااااااااااي
نامت ساره بعد تفكير طويل وأحلام بنتها في الهوا وأمال كبيرة
وقامت متخرعة ..
ساره: بسم الله الرحمن الرحيم .. بسم الله .. بسم الله .. شنو هذا حلم ولا صج .. صج أمي عرفت وخذت الجوال مني .. لا هذا حلم ..حلم لا مو حلم الا كابوس .. أعوذ بالله من الشيطان الرجيم .. بشرب ماي وبقرأ المعوذات وبحاول أنام ..
.................................................. ...............
شنو توقعاتكم؟؟ بتروح لسعود ولا لا؟؟ وشنو راح يصير؟؟تعليق
-
شوقتيني للجزء السابعشنو توقعاتكم؟؟ بتروح لسعود ولا لا؟؟ وشنو راح يصير؟؟تعليق
-
رجاوي الجزء السابع فيه احداث لكن الجزء الثامن فيه احداث بتغير مجرى القصهتعليق
-
اوكي ناطره الاحداثتعليق
-
هذا الجزء السابع وانتظر تعليقاتكم
الجزء السابع:
الساعة 6 المغرب يتصل سعود
سعود: وينج ؟؟
ساره: في غرفتي
سعود: جاهزه ؟؟
ساره: لا ماخلصت .. موعدنا 7 للحين باقي ساعة
سعود: خلاص أنا بصلي في المسجد الي قريب من بيتكم و7 بكون في الجمعية
ساره: اوكي ... اووووووووووووه
سعود: شفيج ؟؟
ساره: قصيت جرار البانطلون بروح ابدل
سعود: شفيج متوترة.. خلج طبيعية
ساره: اوكي
سعود: يالله أخليج .. باي
ساره: باي
ساره: ااااااااوف الحين شلبس مو وقته يخترب الجرار .. خل ادور بانطلون ثاني .. مابي أتأخر
شيخه: تطق الباب .. ساره ساره
ساره: لحظة ابدل ..
افتحت ساره الباب
شيخه: متى بتروحين ؟؟
ساره: 7
شيخه: مين بيوصلج ؟؟
ساره: الدريول وباخذ الخدامة معاي
شيخه : انزين بس لاتتأخرين في الليل
ساره: يما عاد حفلة واليوم ويكيند يعني عادي
شيخه: في سلة تحت فيها فطاير مشكلة خذيها معاج
ساره: اووووه زين أنج تذكرتي انا كنت بمر اشتري شئ ونسيت
شيخه: أنا بروح حق مها المستشفى
ساره: مها رفيجتج ؟؟
شيخه: اي
ساره: شجابت ؟؟
شيخه: جابت بنت وسمتها أمل
ساره: اوكي انا بكمل مكياجي عشان ماأتأخر .. شرايج أغمج الروج ولاجذي اوكي
شيخه: لا غمجيه وايد باهت
ساره: اوكي
بعد نص ساعة يتصل سعود:
سعود: هلا ساره
ساره: اهلين
سعود: جاهزه ؟؟
ساره: تقريبا .. باقي اللمسات الأخيرة
سعود: خلاص مولازم طلعي
ساره: ليش ؟
سعود: ماأقدر أتاخر عقب بروح اوصل زوجتي
ساره: اوكي .. عطني عشر دقايق
سعود: مو لازم تكشخين تعالي جذي بسرعة
ساره: اوكي اوكي
سعود: باي
ساره: باي
ساره: نووور نوووووووور وينج نوووووووور نووووووور
وينج نووووووووور
الخدامة (نور): تهت تهت
ساره: خذي شنطتي وديها السياره وتعالي بسرعه انا بطلع
نور: صبر شوي انا بدل ملابس
ساره: مافي وقت تعالي جذي .. وانتي مابتنزلين من السياره
نور .. زين
ساره: اوووووووووووووه وين الصندل مالي .. مليون مره أقولج لاتشلين أغراضي من مكانها .. زين جذي بتأخريني
نور: اي واهد يبي
ساره: silver color
نور: صبر شوي أنا يودي حق مدام .. أنا فكر هزا مال مدام
ساره: يعني ماتعرفين مقاسي .. خلاص لاتروحين بلبس اي شئ ..
بدخل عليهم مبهدله اليوم .. نادي أمير بسرعة
دخلت ساره السياره متغشية مثل مااتفقت مع سعود .. وصلت عند الجمعية ..
ساره: أمير أنت وقف هني .. أنا بروح داخل
أمير: اوكي
نزلت ساره ودخلت الجمعية وصلت عند الباي الثاني واتصلت في سعود .. عشان تشوف وينه ..
ساره: هلا سعود .. وينك؟؟
سعود: جدامج عند الباب
ساره: اوكي الحين جايه .. لحظة لحظة .. هاذي الخدامة نزلت وراي ولاشفتها ولا انتبهت انها لاحقتني الغبية متعودة تنزل معاي
ساره: نور أنتي روحي السياره
نور: اوكي
ساره :سعود للحين عالخط ؟؟
سعود: اي .. راحت ؟؟؟
ساره: راحت .. اخاف ترجع شهالوهقه .. انا ماقلت لها نزلي بروحها نزلت ولحقتني .. مانتبهت لها .. أخاف تقول حق الدريول .. وهاذي غبية لاحقتني وتشوفني واقفة عند الباب توقف تنطر معاي
سعود: يالله تعالي
ساره: اوكي
تفتح ساره باب السياره وتدخل
سعود: وأنا أقوول مين هاذي الي واقفة وراج مع شيلتها .. شيلة لين الارض .. شدعوة جلباب ( يحاول يخفف توترها)
ساره : هههههههههه شدراني
سعود: خذي هذا شعر .. قريته وأنا في المكتب وتذكرتج .. أقريه
ساره: اوكي
سعود: شفيج ساكته أقريه
ساره: وينه
سعود: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه
شفيج انتي صج متوترة ..ماسكة الورقة بالمقلوب وتبين تقرأينتعليق
-
ساره: ههههههههههه ماانتبهت
سعود: ماشفت حد مثلج للحين .. ماسكة الورقة بالمقلوب
اوووووووه سمعي هالأغنية أهداء لج ( أميرة الورد)
ساره: وايد حلوة أول مره أسمعها
سعود: اي جديده .. وصلنا
وقف سعود السياره ونزل راسه يدور تحت الكرسي .. شنو هاي خبز ايراني حاطين تحت .. الله يغربل ابليسهم
ساره: صج ههههههههه
سعود يطلع باقة ورد فيها 3 وردات لونهم سكري .. ساره تطالعه تبتسم ومستغربة مو عارفة شنو المناسبة ..
سعود: تفضلي
ساره: بصوت ماينسمع .. شكرا
سعود: وخذي الكيس .. هاذي هديتج .. وكل عام وأنتي بخير حبيبتي
ساره: للحين صوتها مو راضي يطلع بوضوح .. وأنت بخير .. بس أنا عيد ميلادي بعد أسبوع
سعود: ادري بس خفت مااقدر اشوفج
ساره: شلون تذكرت تاريخ عيد ميلادي أنا ماقلت لك غير مره وحده ومن زمااااااااااان .. من أيام المسنجر .. وليش متعب نفسك .. مايحتاي هديه
سعود: ماسويت شئ .. انشاءالله تعجبج .. واسمحيلي على القصور
ووتصل مريم في ساره:
مريم: ساااااااروه وينج ؟
ساره: الحين جايه في الطريق .. بس مريت الجمعية
مريم: مري علي انا في الصالون متوهقه ماعندي حد يرجعني
ساره: اوكي .. باي
مريم.. باي
سعود: تبين ترجعين ؟؟
ساره: اي
سعود: اوكي الحين برجعج .. لاتخافين .. مابتتأخرين
ساره: اوكي
وصلوا قريب الجمعية
سعود: ساره .. شلون بتاخذين العطورات
ساره: ماادري .. امممم عادي بخليهم في كيسهم
سعود: واذا سألتج شنو هاي
ساره: ماادري .. بقولها شاريتهم
سعود: بس يبين من الكيس .. انهم هديه .. والورد شلون بتاخذينه ؟؟
ساره: ماادري .. شاسوي !!!!!!!
سعود: خلاص خليهم عندي .. وأنا بوصلهم بيتكم
ساره: اوكي
سعود: كان ودي اجيب كيكة وشمعة .. بس خفت نحترق ههههههه
ساره: وايد مستانسه .. فاجأتني بصراحه
سعود: خلاص نزلي انتي وانا بعد ماترجعين .. باتصلج وبنتفق .. شلون بتاخذينهم
ساره: اوكي ..باي
سعود: باي
نزلت ساره من السياره واتصل فيها سعود
سعود: ساره لاتنسين تاخذين اغراض من الجمعية عشان لايشك الدريول
ساره: اووووه تصدق نسيت
سعود: محد بيفضحنا غيرج
ساره: خلاص خلاص بروح اشتري اي شئ بسرعه .. عشان ماأتاخر على مريوم
ساره: باي
سعود: باي
.................................................. ............
في الحفلة .. البنات كلهم مشغولين بالرقص والأغاني والضحك والغشمرة وساره معاهم بجسمها بس لكن عقلها مع سعود .. تفكر في الي صار ..
ساره:>> ماتوقعت أنك تذكر عيد ميلادي والله فرحت وايد.. مو أول مره أحتفل في عيد ميلادي ولأول مره تجيني هديه لكن هالمره غير هالهديه منك ياسعود.. ماتعرف شنو معناها بالنسبة لي .. معناها كبيـــــــــــــر وايــــــــــــــد .. أول مره أحب .. أول مره أحس بهالاحساس ..
عائشة: ساره شفيج؟ ليش ساكته ؟؟
ساره : لا ولاشئ .. اشوف استهبالكم .. اراقب بس
عائشة: فديتج أنتي يالعاقله .. شلون أنتي جذي هههههههه
ساره: لين كبرتي بتعرفين
عائشة: ايوا ياكبير أنتا
ساره: الساعه صارت 11 انا برووووح
مريم: شدعوة تو الناس ؟؟ حتى صديقاتي قاعدين.. وأنتي الي اسمج بنت خالتي وبنت عمي بتروحين؟؟ أقول قعدي بس
ساره: أنا بقعد بس أنتي تفاهمي مع أمي
مريم: عطيني جوالج بكلمها
ساره: اوكي خذيه
نور: شدعوة ساره ليش بتروحين ؟؟
ساره: صارت 11 لين اوصل البيت وابدل .. بعد امي قالت لاتتأخرين .. ومابي أخوي احمد يسندرني
مشاعل (صديقة مريم): قعدي ساره .. شدعوة بتروحين .. شبتسوين يعني بتنامين الحين
ساره: لا طبعا
مشاعل: خلاص قعدي
مريم : السلام عليكم
شيخه: عليكم السلام
مريم: شلونج خالتي
شيخه: بخير .. انتي شلونج؟
مريم: تمام والله مستانسين خلي ساره تقعد بعد شوي ..البنات كلهم هني
شيخه: تأخر الوقت
ساره: معليه بوصلها أنا مع محمد او راشد لاتخافين مابترجع مع الدريول
شيخه: انزين بس نص ساعه وخل ترجع
مريم: اووووكي ولايهمج .. مشكووووووووورة خالتي
شيخه: يالله استانسوا مع السلامة
مريم: مع السلامة
عائشه: ها شقالت ؟؟؟؟؟؟؟
مريم: افا عليكم واااااااااااافقت .. قلت لها انا بوصلها مع محمد او راشد .. وقالت اوكي
ساره: انتي يما منج .. شلون اقنعتيها
مريم: بطريقتي الخاصه
شريفه(صديقة مريم): مريم وين صورج الي في أمريكا ؟
مريم: ااااي ذكرتيني بروح اجيبهم لكم
ساره: نور حلوة قصتج وين قاصه شعرج ؟؟
نور: وحده اسمها رشا .. تجي البيوت تبين رقمها
ساره: اااااي عطيني
نور: بتهورين وتقصينه؟؟؟؟؟
ساره: شكلي بسويها ههههههههههه
بعد ماخلصت الحفلة وراحوا كل البنات الساعة صارت 12
ساره: مريم يالله تأخرت
مريم: انزين بروح اشوف حد يوصلنا
تدخل مريم الصاله وماشافت حد ركبت فوق عشان تكلم اخوانها
سمعت صوت التلفزيون عالي في غرفة محمد ودخلت
مريم: انتوووووووووا هنــــــــــــــــــي وأنا ادوركم
محد معبرها يلعبون بلاي ستيشن
مريم: اكلمكم انا
ولا حد معبرها
محمد: لااااااااااااااااااااااااااااااااااااااااااااااااا ااااااا افا جيم اوفر
مريم: شفيكم ؟؟؟؟؟ ابي حد منكم يجي يوصلنا انا وساره.. قلت حق امها احنا بنوصلها
راشد اول ماسمع اسم ساره
راشد: ها .. شنو ساره .. اي ساره
مريم: اي ساره يعني .. ساره بنت عمك فهد وخالتك شيخه عرفتها ولا للحين
راشد: اي
محمد: نبي نلعب احنا .. خلا ص الوقت متأخر خل تنام عندنا وباجر تروح ههههههههههههههههه
مريم: شنو تنام .. تبي خالتي شيخه تذبحني .. يالله من بيودينا
راشد: يالله انا بتبرع امري لله >>>> فرصة أشوفها
مريم: يالله ننتظرك
نزلت مريم تحت ونادت ساره لبسوا عبيهم وطلعوا
مريم : محمد في السياره .. يالله خل نركب
ساره: اوكي
ساره: السلام عليكم
راشد: عليكم السلام
ساره: شلونك راشد ؟
راشد: بخير .. شلونج انتي ؟؟
ساره: الحمدالله .. أسفه ازعجتك توصلني الحين والوقت متأخر
راشد: لا عادي افا عليج
مريم: ساره بتروحين خطوبة مشاعل ؟؟
ساره: عزمتني .. بس ماادري اول بشوف امي شتقول
مريم: تعالي .. بنستانس كلنا شلة
ساره: انشاءالله
راشد: انتي الزعيمة بلفيت
مريم: اي انا
ساره: هههههههههه
راشد:>>> ماشاءالله عليها .. يعجبني هدؤؤها مو ربشه مثل مريوم الخبله.. بس ويني عنها قبل ماانتبهت لها .. كانت صغيرة
مريم: ووووي وووووي ووووي شفيك راشد بتذبحنا .. شفيك معانا البنيه تبي ابوها وامها يذبحونا ماعندهم الا هالبنت .. ركز بليز مانبي نموت
راشد:انتي سكتي
مريم: تبي تذبحنا واسكت
راشد: انتي ساحرة انتي وين تموتين
مريم: انا ساحره. . شاهده ساره
جوال ساره عالهزاز .. وصلتها رساله من سعود
وينج للحين ماوصلتي البيت
ردت عليه ساره:
5 دقايق واوصل
اول مادخلت ساره الحوش اتصلت له رنه وعقب اتصل لها
سعود: وينج ساره ؟؟
ساره: في الحوش
سعود: الهديه ربطتها في حبل ونزلتها في حوشكم ورا الشجر روحي اخذيها
ساره: اوكي باي
سعود: باي
ساره: وين احطها الحين ؟؟ بروح اجيب شنطة من شناطي الكبار الي استخدمهم للجامعة ..
رجعت الحوش وقاعدة تدور بينت الشجر
وين حطها .. يما ظلام .. المكان يخوف والوقت متأخر
كااااااااهي شفتها .. شلون ادخل .. آآآآآآآآآخ هالشجره فيها شوك
بسرعة خل احطها داخل الشنطه .. يالله بركب فوق قبل ماحد ينتبه.....
خل اسكرباب الغرفة
بفتحها الحين
الكيس داخله ورد مجفف .. حركات الشيبه ..
حلوووووووه ريحته هالعطر .. وشنو هذا دهن عود .. يجنـــــــــن
كل واحد ريحته احلى من الثاني
كل شئ منك ياسعود باحتفظ فيه .. هذا الورد بجففه .. والكيس والورد المجفف حتى جلاد الهديه والشريطه باحتفظ فيهم كلهم داخل هذا الصندوق الازرق .. مابي اقط ولاشئ منهم .. أبيهم ذكرى أول هدية منك
بتصل الحين اشكره على الهديه
ساره: هلا سعووود
سعود: هلا .. خذتيها ؟؟؟؟؟؟؟
ساره: ااااااي .. أنت شلون ربطتها وقطيتها في الحوش ومحد شافك
سعود: شاسوي .. عيل وين احطها
ساره: بصراحه .. العطوووووورات وووووايد عجبوني ريحتهم تجنن .. ماكان في داعي تكلف على نفسك .. كفاية انك تذكرتني .. والله هذا احلى عيد ميلاد مر علي ..أكثر مره استانست .. تقص علي تقولي تحت الكرسي خبز ايراني ؟؟؟؟
سعود: انتي ماتشوفين نفسج .. تقرأين الشعر بالمقلوب
ساره: هههههههههههه .. تدري وايد عجبني الورد بجففه وبحتفظ فيه
سعود: مايخترب او يعفن
ساره: لا اعرف شلون اجففه
سعود: تستاهلين اكثر من جذي .. واسمحي لي على القصور .. الحين بخليج تصبحين على خير حياتي
ساره: وأنت من أهله
..................................................
بعد أسبوع الساعة 4 الفجر : سعود يرسل حق ساره مسج
ساره قاعدة ؟؟؟
رديت عليه ساره: اااااااي .. شلون انام متضاااايقة
سعود: شفيج ؟؟
ساره: رفيجتي سقطت .. وايد متضايقه والحين اصيح
اتصل فيها سعود بعد ماقرأ المسج
سعود: شفيج ساره
ساره: اااااااه اااااااااه وتصيح
سعود: شفيج ليش تصيحين .. اهدي وكلميني
ساره: تذكر رفيجتي الي قلت لك افترقنا من زمان بسبب المشاكل الي سببتها لي
سعود: اي اذكرها
ساره: سمعت اليوم من وحده معاي في الجامعة انها سقطت وتعبانة وايد .. ومن سمعت الخبر وانا افكر فيها .. مسكت نفسي طول اليوم .. والحين ااااااااااااه مو قادره انام .. مو قادره .. على كل الي سوته فيني .. والحين قاعده اصيح .. احس الألم الي فيها فيني .. كاسره خاطري ومعورة قلبي
سعود: وايد بنات يسقطون مافيها شئ .. باجر بتحمل وبتجيب غيره
ساره: اااااااااااه اااااااااااااااه
سعود: خلاص حرام عليج الي تسوينه في نفسج
ساره: سعووووووود اااااااااااه أنت ماتدري ماتدري .. باللي في قلبي .. نار شابه
سعود: تعوذي من الشيطان .. انتي بروحج فيج الضغط .. تبين تمرضين الحين
ساره: اااااااااااااه ااااااااااااااااااه مااقدر مااااقدر
سعود: هذا بس عشان انتي حساسه .. روحي شربي ماي وغسلي ويهج ورجعي كلميني
ساره: مابي اشرب
سعود: سمعي كلامي
ساره: انزين
ساره: الووو
سعود: تعشيتي .. اكيد لا
ساره: لا
سعود: روحي كلي شئ ..
ساره: الحين الفجر شنو اكل مالي نفس
سعود: تبيني ازعل منج
ساره: باكل باكل
سعود: اكلي وارجعي كلميني بانتظرج
ساره: لا بكلمك بعدين باكل
سعود: سمعي الكلام
ساره: انزين
راحت افتحت الثلاجه شربت عصير وكلت تفاحه وارجعت
ساره: الووووو سعود
سعود: كلتي ؟؟
ساره: اي
سعود: شنو ؟؟
ساره: كلت تفاحه وشربت عصير
سعود: وايد عليج
ساره: خلاص بنام شتبيني اكل عيش !!!!!
سعود: توج تصيحين .. الحين لسانج شطول
ساره: هههههههه
سعود: أذن أنا بصلي في المسجد وبرجع البيت بنام وأنتي صلي ونامي .. مو تروحين تشاخرين بدون صلاة
ساره: انزين
سعود: يالله انا بسكر .. اذا تبين اي شئ ارسلي مسج
ساره :اوكي باي
سعود: بااااااي
.................................................. .....
ساره طالعة من المحاضره ورايحه البيت .. كالعاده اول ماتخلص تتصل في سعود
سعود: وينج خلصتي ؟؟
ساره : اي
سعود: ابي اشوفج في الجمعية
ساره: اوكي متى ؟؟
سعود: بعد نص ساعة .. انتظرج عند المواعين
ساره: اوكي
سعود: بس عالسريع بشوفج وبروح
ساره: اوكي
سعود: ساره
ساره: هلا
سعود: ابي اقولج موضوع مهم
ساره: خرعتني شنو ؟؟؟؟؟؟؟؟؟؟؟؟
سعود: ولاتدرين مو وقته الحين
ساره: لاتسوي لي جذي .. ترا صج خوفتني شصاير
سعود: لالالا خلاص انسي
ساره: قول قول
سعود: بقولج بس ماأبيج تزعلين
ساره: اوكي مابزعل قول
سعود: مو الحين بقولج اليوم .. بس انتظري
ساره: اوكي بانتظر
.................................................. ..............
شنو الموضوع المهم الي سعود متردد يقوله لساره ؟؟ بتقدر ساره تخليه يتكلم؟؟ ولا هو يأجل بس ومابيقولها؟؟وليش مايبيها تزعل ؟؟التعديل الأخير تم بواسطة لهفة الأحساس; الساعة 05-19-2007, 01:48 AM.تعليق
-
الله روووووووووووووووووووووووووووووووووووووووعه القصه اعجبتني الصراحه انا
اليوم توني اسجل في هالمنتدى بس عشان القصه ومتشوقه للجزء اللي بعدددددددده
بليييييييييييييييييييييييز نزليه كخخخخخخخخخخخخ احسها قصه صجيه وحلوه واييييد وطبيعيه وكل شي
يسلمووووووووووووووووو على التوبك ^_^ الى الامام دائما البيتعليق
-
مكافحة الشباب البلشتية : الاروع هو تواجدك
بس شلون عرفتي عن القصه؟؟؟؟؟
اتمنى تكون الاجزاء السابقه عجبتج وانشاءالله انتظري الجزء الجاي خلا هاليومينتعليق
-
هههههههههههههه الله يسلمج كنت متملله وعاد كتبت في قوقل عوش الهبله وكنت ادور اي قصه عشان اقراها ولفت انتباهي منتدى قطري لانه اول مره اقرى قصه بيد قطريه فااااا قلت خل اقراها وصج اعجبتني ويوم ابي اسال عن الجزء اللي بعده طلع لي لازم اسجل وجي
خخخخخخخخخ وهذي سالفتي >><< ههههههههههههههههههههههههههههههههه و شكراً لك اخي الكريم على هذا المقالتعليق
-
مكافحه الشباب البلشتيه حلو القصه ههههههههههههه
عاد هذا الجزء جبته عشانج دخلتي ومتابعه للقصه اتمنى يعجبجتعليق
-
الجزء الثامن :
سعود داخل الجمعية ينتظر ساره .. دخلت وعلى طول جات عنده
سعود: تعالي يالله بشتري لج نعال حق العيد
ساره: ههههههههههه
سعود: شرايج في هاذي الزنوبة الحمره ؟؟
ساره: حلوة
سعود: احلى شئ ان المكان فاضي
ساره:اي
سعود: لحوووول شيبي هذا الهندي واقف .. سوي نفسج تقايسين
ساره: من صجك ؟؟
سعود: اي
سعود: شرايج في هاذي الخضره حلوة حق البحر ؟؟؟ههههههه
ساره: اي ههههههههه
سعود: يالله قايسي
ساره: احنا مجانين ولاشسالفة
سعود: بسج خسرتيني .. كل يوم من مجمع لي مجمع ادور فيج واشتري لج اغراض العيد
ساره: اي صج صج دلع ههههههههه
ساره: هذا الهندي مابيروح مستغرب يشوفني اقايس في هالنعل .. خلني امشي احسن
سعود: ماعليج منه
ساره: لا بروح
سعود: اوكي
راحت ساره وركبت السياره بعد خمس دقايق وصلها مسج من سعود
ساره اسمعي امارات اف ام
ساره: أمير حط امارات اف ام
أمير : اوكي
ساره: شنو الأغنية الي يبيني اسمعها
غايب حبيبي .. ماوصلني سلامك .. ماأدري غيابك عذر أو شئ مقصود ..
ساره: للحين يذكرها .. ماقالي شنو الشي الي يبي يقوله .. بتصله العصر وبسأله ..
دخلت ساره البيت : يمـــــا يمـــــا
شيخه: انا في المطبخ
ساره: يما أحمد سافر ؟؟؟؟؟
شيخه: اي .. طيارته كانت الساعة 10
ساره: اها .. انا بروح ابدل
راحت غرفتها بدلت وقعدت على السرير تفكر .. في الموضوع الي يبي يقوله سعود..
ساره:أنا شينطرني لين العصر الحيت أبي أعرف
ساره: هلا سعود
سعود: أهلين
ساره: شنو الي كنت بتقوله مساعه وسكت ؟؟؟؟؟؟؟
سعود: للحين تذكرين !!!!
ساره: لاتلف وتدور وتنسيني الموضوع قولي الحين
سعود: انزين انزين .. ساره باقي كم يوم على رمضان وأنا مابقدر أكلمج خلال هالفتره عشان مااجرح صيامي ولاصيامج
ساره ساكته وتسمع
سعود يكمل كلامه: وانشاءالله أنا بكون أول شخص يعيد عليج يوم العيد
ساره: من الحين مابتكلمني !!
سعود:اي بصوم خلال هالايام
ساره: اوكي .. انشاءالله اقدر اصبر شهر .. تعودت أكلمك كل يوم
سعود: وأنا بعد .. بس هذا الشئ لمصلحتي ومصلحتج
ساره: يعني هاذي أخر مكالمة
سعود: اي .. أبيج تحطين بالج على نفسج .. ولاتضيعين هذا الشهر .. استفيدي وأقرأي قرآن وأهم شئ الصلاة
ساره: انشاءالله .. بس شهر وايد مو قادره اتخيل .. شهر كامل لا لا أشوفك ولا أكلمك ولاحتى مسج
سعود: بتمر الأيام بسرعة .. مابيج تزعلين .. اذا تضايقتني .. بكون أنا متضايق
ساره: اوكي وانت بعد حط بالك على نفسك ولاتنساني
سعود: انشاءالله يالله مع السلامة
ساره: مع السلامة
ساره: صج انه بيبتعد عني بس هالشئ يخليه يكبر في عيني واتمسك فيه أكثر ...
.................................................. .......
بعد 4 أيام من فراق سعود كتبت ساره هاذي الخاطره
(ذبحني الشوق)
أشتياقي لك غصب عني
ليس بيدي حيلة سوى الانتظار
هاهو اليوم الرابع يهم بالانصراف
وأنا لا أستطيع تمالك نفسي بعد ا لآن
احساسي باشتياقي لك
هوأعظم مصائبي
تعودت عليك
فكيف أستطيع الأنتظار
أصبحت بالنسبة لي دنياي التي تنيرها
أعلم بأنك تمشي معي على نفس الدرب
تحرقك الأشواق بلهيبها
كما تحرقني
كيف تقضي يومك هذا هو السؤال الذي يراودني في كل حين
وانا تراني تارة أمام نافذتي أحتري رؤياك
وتارة قابعة في سريري أعيد في ذاكرتي شريط الذكريات
ربما كانت لحظات ودقائق
ولكنني بأسترجاعها تتملكني السعادة
فأنا أشعر بأحاسيس جديدة بالنسبة لي
لم أعرف يوما لوعة الأشتياق
لم أعرف يوما مرارة الأنتظار
ولكنني الآن أشعر بأنك وطني
وبانتمائي اليك
كل ماعلي فعله هو الارتماء في أحضانك
وأنت بعطفك ورقتك وحنانك
تخفف عني كل الآمي
في يومنا الحاضر هذا
نصادف الكثر من الناس
قد يحبنا الكثيرمنهم
وقد نحب أحدهم
ولكن أن نحب ونحب
فهذا من أصعب الأمور
وأنا اليوم وجدت حبي الضائع
وجدت من ترتاح له نفسي
وجدت من يرتاح له عقلي
وجدت من يرتاح له قلبي
وجدت من ترتاح له روحي
وجدت من أهيم بنظراته
وأنا بقربك
لا أكثر الكلام
ولكن أحب أن أبادلك النظرات
وأن أطيل النظر
فأنا أشعر بأن من يخاطبك
هما عيناي لا لساني
ولغة العيون أبلغ وأوفى
من كل لغات العالم
هذا ماكان يدور بخاطري من كلام
أثناء غيابي عنك
ليتني أعلم مايدور في ذهنك
.................................................. ......
مرت الأيام يوم ورا يوم وساره تنتظر متى بتكلم سعود
ليلة العيد .. كانت في غرفتها ترتب أغراضها وتستعد عشان تنام .. بكره بتكلم سعود عقب غيبة طويلة .... ماكلمته ولا وصلها منه غير مسج يهنيها بالعيد ...
الساعة 9 الصبح اتصل سعود وساره للحين نايمة
ساره: الـــــــو
سعود: هلا والله للحين نايمة
ساره: لا خلاص قعدت
سعود: شخبارج ..؟؟
ساره: بخير .. أنت شخبارك؟؟
سعود: الحمدالله .. وحشتيني
ساره:وأنت وحشتني أكثر
سعود: كل عام وأنتي بخير
ساره: وأنت بخير وصحه وسلامة
سعود:وين بتروحين اليوم ؟؟
ساره: من بيت لي بيت
سعود: متى بتطلعين من البيت ؟
ساره: بس البس واخلص بطلع تدري فيني أطووووووول
سعود:أدري أدري خلاص روحي لبسي عشان ماعطلج
ساره: حــــــــره بكشخ مابتشوفني
سعود: بعد تحريني
ساره: اي هههههههههه
سعود: ادري فيج تحبين تتكشخين يالنملة .. يالله روحي لبسي
ساره: اوكي
سعود: باي عمـــــــــــري
ساره:باي حبيبي
شيخه (تطق الباب) : ساااااااااره سااااااااااره قومي بسج نوم
ساره: يما أنا قاعده ببدل وبجي
شيخه: اوكي
لبست ساره وكشخت كالعاده لازم تصك على البنات كلهم .. لبست هالمره فستان تركوازي ناعم .. مع جاكيت قصير وشعرها wavey ورابطه ربطه تركوازيه على شعرها .. وحاطه مكياج تركوازي مع وردي gloss وردي فااااااااااتح .. تبخرت وتعطرت بالعطر الي جابه لها سعود وحطت من دهن العود الي جابه لها .. اخر شئ لبست سلسلة الماس وحلق صغير على شكل قلب وخاتم هديه من مريم ... وطلعت الصاله في كامل أناقتها .. سلمت على أمها وأبوها وعيدت عليهم كلموا أحمد وعيدوا عليه .. بعدين جوهم عبدالعزيز وزوجته وناديه مع ولدهم فيصل وطلعوا كلهم عند أهل أبوها بيت جدها حسن تغدوا عندهم وبعدين راحوا بيت أهل شيخه (بيت أبوها نايف) قعدوا وسلموا وعيدوا عالكل وعالساعة 4 العصر وساره قاعده مع البنات .. وصلها هذا المسج من سعود ...
كم سؤال حير أقلام
الكتابة
وكم اجابتن صارت أشبه
بالمحال
السؤال يضيع مالقى
له جوابه
والاجابة تنتظر طرح
السؤال
والسؤال اللي عجزت
ألقى جوابه
(ليه أحبك كثر حبات
!!!!!!!؟؟؟؟؟(الرمال)؟؟؟؟؟!!!!!!!!
ماردت عليه عشان محد ينتبه لها رجعت الجوال في الشنطة وبعد نص ساعه جاها مسج ثاني منه ...
لو شفت حالي ... كيف
عايش بلياك
تبكي على حالي وتكره
غيابــــــــــــــك ..
سولف لي عن غيبتك ..
وشلون دنياك ؟؟
عساك تضحك والحزن
مادرابك
لامر طيفك قلت اقلط و
حياك ..
وسط الفؤاد اللي
هواك وشقابك
ساره: جني طنشته وايد خل ارسله مسج
هالمره انا بكتب المسج
أبي أسمع منك أنا كلمة أحبك
أبي دايم ترددها الشفايا
أبيك تقولها لاصرت جنبك
أبي تكشف أحاسيسك معايا
رد عليها سعود: ساره متى بترجعين البيت .. مشتاق لج موت أبي أكلمج
ساره: ماادري بس اول مااوصل بتصل
جات ذكريات( بنت خالهم سيف) عمرها 5 سنين.. عند ساره
ذكريات: سار ه
ساره: نعم حبيبتي
ذكريات: تعالي أمج تبيج
ساره: انزين الحين جايه
ساره: يما انتي تبيني
شيخه: اي .. أنا بروح مع خالاتج .. بنمر على الأهل بنسلم عليهم .. يعني كم بيت .. بتجين معانا ولابتقعدين مع بنات خالاتج
ساره: لالالا شيوديني وياكم .. بقعد هني مع الشلةتعليق
تعليق