قصتي الأولى .. صارحني بحبك

[لهفة الأحساس]

شيخه: انزين .. جيبي لي شنطتي في المجلس نسيتها مساعه وأنا أوزع عيديه عاليهال

ساره: مافي أحد ؟؟

شيخه: لا توني كنت داخل مافي أحد الا خالج سيف

ساره: انزين

تمشي ساره رايحه للمجلس .. شافت الباب مفتوح .. دخلت وشافت واحد يطالع التلفزيون عبالها خالها سيف
دخلت وقالت السلام عليكم ولا انتبهت .. قاعده تدور الشنطه

راشد : استغرب ونزل راسه

ساره: راحت صوب راشد وقالت : خالي ماشفت شنطه سوده هني ....ورفعت راسها .. خا لــ .. أنت راشد ووووي .. مأادري .. طلعت تركض بسرعة من المجلس متفشله وراحت عند أمها

ساره: يما .. فشيله .. خالي محد .. هاي راشد .. قلتي لي مافي حد .. وأنا دخلت جذي . شبيقول الحين .. هاذي مب صاحيه

شيخه: راشد ؟؟ داخل .. ماشفته متى دخل؟؟
ساره: شدراني .. وراحت تدور مريم

ساره: مريوم .. أخوج متى دخل المجلس دخلت أنا جذي وشافني

مريم: ماأدري .. بس أمي أتصلت فيه عشان يطلعنا من مساعه نحن عليها

ساره: بتطلعون ؟؟؟؟؟

مريم: اي كلنا وأنتي بعد .. حتى أمج راضيه

ساره: صج وهي مستانسه

مريم: اي يالله قومي لبسي عبايتج

ساره: فشيله أروح وياكم توني داشه عليه مخرعته

مريم: عادي ساره .. حصل خير وأنتي مو قاصده .. شتسوين يعني تذبحين نفسج

ساره: على قولتج .. عاد وين بنروح

مريم: ماادري على راشد

.......................................

راشد داخل في المجلس ويفكر في ساره

راشد: صج الموقف محرج .. بس أنا شسوي هي ماانتبهت وانا نزلت راسي .. بس صج صج صج حلـــــــــــوة
والله أنج عجبتيني ياساره .. الظاهر .. لأني صبرت وايد عشان القى البنت الي تعجبني .. الله بيعوضني فيج ياساره .. ماابلقا أحسن منج صغيرة وحلوة وعاقله ومن أهلي وماظن بترفضنيني
.................................................. ......

ساره: ناديه بتجين معانا
ناديه: لا ماأقدر أنتظر عبدالعزيز بطلع معاه بيمر علي عقب شوي

ساره: وفصولي

ناديه: بناخذه معانا

ساره: اوكي

كلهم يلبسون عبيهم عشان يطلعون

مريم: مسحوا مكياجكم كله لاتخلون شئ مانبي سوالف مع راشد
طلعوا مريم وعائشه ولازم معاهم نور وساره وركبوا سيارة راشد

داخل السياره....
عائشه: راشد وين بتودينا ؟؟
راشد: وين خاطركم تروحون ؟؟
مريم: السينما
راشد: السينما لاتحلمون .. شوفوا بوديكم تتعشون وعقب بشربكم عصير وبرجعكم .. أنا مواعد الشباب
عائشه: اي مطعم بنروح
راشد: بوديكم مكان يكون مسكر.. لأنكم فضيحه 4 بنات وأنا واحد بينكم شنو الحج متولي .. في مطعم جديد فاتح بوديكم هناك
نور: مريم أنا بعد ماأقدر اتأخر .. تعرفين أمي بتسوي لي سالفة
مريم: لا مابنتأخر
ساره:( تفكر متى بتوصل البيت عشان تكلم سعود )
راشد: يالله حياكم
نزلوا كلهم دخلوا المطعم ......
مريم: حلو المكان صح
ساره: اي كشخه .. والله زين أخوج يعطيكم وجه ويطلعكم .. أم احمدوه .. مب فاضي حق هالسوالف
مريم: هو يطلعنا مب دايما بس بين فتره وفتره .. أحسن من ولاشئ
ساره: أكيد أحسن
راشد: شعندكم تساسرون
مريم:( تبتسم ) لا ولاشئ بس نقول المطعم شكله حلو
راشد: ياخوفي بس شئ ثاني .. يالله شوفوا شبتطلبون
يرن تيلفون راشد

راشد: هلا والله بوعابد
عبدالله: هلا هلا وينك ؟؟
راشد: انا عندي مشوار مع الأهل جايكم لاتخاف
عبدالله: عالوعد يعني !!
راشد: افا عليك .. انتظروني
عبدالله: خلاص عيل .. بانتظارك .. مع السلامة
راشد: مع السلامة
مريم: سمعتوا يالله خلصونا لاتدلعون اطلبوا لايخلينا ويكشت فينا
نور: شدعوة هههههههه
عائشه: اي عادي
.................................................. ..........

بعد العشا .. طلعوا من المطعم وراحوا يشربون عصير ويلفون بالسياره عالكورنيش بعدين وصلهم كل وحده بيتهم وطلع راشد مع ربعه
.................................................. ............
في بيت فهد ....
شيخه: وين رحتوا؟؟
ساره: رحنا تعشينا عقب شربنا عصير ولفينا بالسياره عالكورنيش ورجعنا ماطولنا
شيخه: زين عيل استانستوا
ساره: اي والله .. يعني راشد مسكين فيه خير ونسنا عقب راح حق ربعه .. يما انا بروح ابدل
شيخه: تعالي أبيج
ساره: في شئ
شيخه: اي .. في واحد متقدم لج .. شرايج
ساره: يما شفيج قايلة لج قبل .. مابي اتزوج الحين ولا ابي خطوبة ابي اركز في دراستي
شيخه: يعني مابتغيرين رأيج
ساره: لا .. ليش استعجل .. وبعدين أنا ماأقدر أوفق بين الدراسه والزواج .. في بنات يقدرون بس أنا ماأقدر
شيخه: انتي فكري في الموضوع
ساره: مايحتاي أفكر أقولج من الحين لا
شيخه: انزين خلاص
ساره: يالله انا بروح ابدل

راحت واتصلت في سعود الي ينتظرها

ساره: هلا سعود
سعود: اهلين .. شلونج ؟؟
ساره: بخير
سعود: شفيج ؟؟ صوتج متغير !!!!
ساره: لا ولاشئ
سعود: شدعوة ماعرفج قولي شفيج؟؟
ساره: الحين هذا ثاني واحد امي تقولي متقدم لي شفيها .. قبل كانت تقولي احسن شئ الوحده تتزوج بعد ماتكمل دراستها .. والحين كل يوم تقولي عن واحد

سعود: اها .. خلاص انتي قولي لي ماابي اتزوج الحين ومحد بيجبرج

ساره: ادري محد يقدر يجبرني بس

سعود: بس شنو

ساره: كل الي تقدموا لي لحد الحين .. ناس غرب لكن أنا متأكده لو جاني واحد من أهلي الوضع بيكون غير

سعود: شلون غير ؟؟!!!!!!!!

ساره: ماأدري .. بيجبروني .. يعني مو غصب غصب .. لكن بيقنعنوني بطريقة غير مباشره بيكون بالغصب .. بس غير الموضوع

سعود: طولتي عند أهلج

ساره: اي والله طلعنا تعشينا وتمشينا شوي انا وبنات خالاتي وأخوهم الي ودانا

سعود: انشاءالله استانستي

ساره: >>> مايغار .. غريبه

ساره: اي استانسنا

سعود: باجر شنو جدولج

ساره: باجر معزومين

سعود: خساره كان ودي أشوفج .. اوكي انا بدخل البيت الحين ولازم اسكر

ساره: اوكي

.................................................. ...


بعد نص ساعه ارسلت له مسج

سجلت معاي في المنتدى

سعود: لا ماعرف شلون .. طرشي لي مسج اشرحي لي

ساره: صج انك شيبه .. شوف اول ماتدخل المنتدى روح على التسجيل ودخل بياناتك

سعود: دخلت

ساره: حط النيك نيم وايميلك والباسورد وخلاص تقدر تشارك

سعود: اوكي

ساره: اخيرا سجلت معاي .. الحين تقدر تشارك وانا وانت بنكون طول الوقت مع بعض حتى في المنتدى

سعود: بدور مواضيعج وبرد عليج

.................................................. .................

بعد أسبوع .. أول مره سعود مايرد على ساره ولايتصل فيها لين العصر .. تضايقت وأرسلت له مسج لانه متغير هاليومين

ماهي هالليلة وبس ,, وأنت متغير علي
صار لك كم ليلة وأنت,,أنت بالك ماهو لي
حاضر بقلبك وغايب ,,وأنا قلبي فيك ذايب
ليه ياأغلى الحبايب ,,أنت سامع عني شئ

ورد عليها بهذا المسج :
مافيني شئ يالنمله بس انشغلت عنج شوي مع الأهل

ساره:أكيد طالع مع زوجته وعياله.. أكيد بيطلع معاهم عيل ماعنده شغله غيري أنا ..أكيد الحين مستانس معاهم .. مالي حق أرسله مسج ولا لي حق أزعل .. أنا حبيته وأنا عرفه وضعه ليش الحين مب عاجبني الوضع ...
..............................................
سعود صار له اسبوعين متغير ووووووايد .. قبل كان على طول يتصل فيها ويسأل عنها بس الحين مرات يتصل مره وحده في اليوم يتكلم دقيقه ويسكر ومرات مايتصل .. وكل ماتسأله ساره شفيك يقولها .. ياريت أقدر أقولج ماأقدر .. ساره فكرت انه يمكن تكون عنده مشاكل مع اهله وقالت بصبر عليه هالفتره وبستحمل .. بس هو ليش مايقولي عن مشاكله يعني انا يكون معاي بس وقت الوناسه ليش مايشاركني احزانه بعد .. شلي خاشه عني ابي اعرف .. مو قادره اتحمل غيابه عني .. صار مايسأل كلش وصوته حزين .. احسه متضايق بس ماادري شفيه .. ياريت يقولي على الاقل احاول اخفف عنه .. بس هو كتوم ولايحب يقول مشاكله
قطع حبل افكارها اتصال من سعود
سعود: هلا يالنمله
ساره:أهلين
سعود: وينج ؟؟
ساره: في غرفتي
سعود: طلي من الدريشه
ساره: من معاك ..عيالك ؟؟
سعود: اي
ساره: ماشاءالله كلهم صبيان .. ماعندك بنات احسن عشان بس أنا تدلعني
سعود: ههههههههههه
ساره: يشبهونك وايد
سعود: اي
ساره: شيسون يلعبون في الرمل .. وناسه كلكم مع بعض .. ابي اقعد معاكم

سعود: يالله تعالي
ساره: وين أجي وهالناطور واقف هني

سعود: ساره نسيت أقولج .. في وحده في المنتدى الي اسمها
أميرة الورد

ساره: اي عرفتها هاذي جديده ..شفيها

سعود: كله تتعمد تكتب بعدي وترد علي

ساره: ماأنتبهت .. بقرأ مشاركاتها عقب

سعود: خلاص بنروح البيت احنا

ساره: اوكي .. هذا سلطان يحليله كبر .. تجنن خدوده ودي افرصه

سعود: ولايهمج اجيبه لج تفرصينه

ساره: بتروحون الحين

سعود: اي
ساره: سعود شفيك ؟ أنت متضايق
سعود: لا

ساره: أعرفك من صوتك شفيك

سعود:.. حطي بالج على نفسج .. مع السلامة

ساره: مع السلامة

[لهفة الأحساس]

راحت ساره تقرأ مشاركات أميرة الورد .. وأنصدمت من الي قرته .. >>> شنو هاذي ماتستحي هو مو معبرها وهي لازقه فيه .. اليوم بقوله ماتشارك في هاذي الالعاب عشان ماترد عليه .. معقولة في بنات رزه فيس جذي .. ماتستحي


عقب شوي دخل سعود المسنجر :

ساره: سعود بطلب منك طلب

سعود: تدللي حياتي

ساره: مابيك تشارك في الالعاب عشان ماتتلزق فيك اميرة الورد

سعود: انزين بشارك بس مابرد عليها

ساره: سعود سمعتني شقلت لك .. هالاشكال ماتنعطى وجه

سعود: انشاءالله تحت أمرج كم ساره أنا عندي

ساره: <<< ماأدري ليش مو مرتاحه لها هالبنت


.................................................. ...........

بعد يومين عالمسنجر ساره تكلم سعود

ساره: سعود ليش حطيت خاصية الايميل يكون ظاهر .. شيله مخليه ليش ؟؟؟؟؟؟؟؟؟ظ

سعود: اووووه ماانتبهت ماادري .. تدرين انا بالغصب سجلت في المنتدى

ساره: شيلها

سعود: شلون ؟؟

ساره: أدخل لوحة التحكم وشيل الخاصيه

سعود: انشاءالله

ساره: ليش للحين ماشلتها ؟؟

سعود: ماادري مشير عندي .. مايستوي باجر بسويه بعد ماارجع من الدوام



مرت الايام وسعود يأجل ويأجل ومخلي ايميله ظاهر للكل .. وساره قلبها يحرقها تغار مو قادره تستحمل .. خصوصا ان سعود وسيم وخايفه وحده غيرها تاخذه منها ....

ساره: سعود قلت لك لاتشارك ليش تعاندني

سعود: ماعاندج

ساره: عيل ليش تشارك معاها وتقهرني
سعود: بس جذي اضحك عليها

ساره : انا بطلع من المسنجر بروح اتغدا

سعود : اوكي .. ادري انج مابتتغدين ولاشئ بس براحتج

ساره: باي

سعود: باي

ساره قاعده في غرفتها ميته من الصياح ليش سعود يقهرني ليش يسوي فيني جذي .. أنا الغبيه الي خليته يدخل المنتدى عشان يكون معاي طول الوقت ماادريت ..ان بيصير جذي
اااااااااااااااااه اااااااااااااااااه حرام عليك ياسعود حرام ليش تقهرني انا شسويت لك .. مو من حقي اغار يعني .. اي عشان اني مو زوجتك مابتحترمني مابتحترم مشاعري .. لان مالي حق عليك .. لو كنت زوجتك مابترد علي جذي اااااااااااااه اااااااااااااه اااااااااااااااااه ليش .. شنو يعني تضحك عليها عشان تحرق قلبي .. هالشئ يريحك .. شلون تستانس وانت تشوفني اتعذب وقلبي يتقطع عليك ..ليش ماتسمع كلامي ليش اتغيرت .. البنت توك عرفتها واادري انك تحبني وبس تلعب عليها عيل ليش تقهرني .. ليش ماتسكت عنها وتريحني ..اااااااااااااه ماعندي حد اشتكي له .. اقول حق مين عن ظلمك ياسعود .. برسله مسج يمكن يحن قلبه


عادي عندك ياسعود تحرق قلبي وتخليني اصيح


رد عليها بكل برود : في أغنية حلوة سمعتها تقول( أنت الي بديت وأنت الي تحمل)
اااااااااااااااااااااااااااااااااااااااااااااااااا اااااه اااااااااااااه ااااااااااااااااااااااااااااااااااااااااه اااااااااااااااااااااااااااااااااااااااه معقولة هذا ردك ياسعود.. ماتوقعت في يوم اسمع منك هالكلام ليش تغيرت ليش .. شنو بتستفيد لي حرقت قلبي .. معقولة في حد يستانس ان حبيبه متضايق .. انا بروح له مكان الي يمشي في الفريج .. هو يستانس لما امشي معاه في نفس المكان .. اكيد وقت الي بيشوفني بينسا كل شئ .. وبيسامحني عشان طلعت من المسنجر وخليته.. هو الي غلطان وابيه يسامحني ؟؟.. يغلط ويشوفني انا الغلطانه .......!!!!!
بمسح ادموعي الحين عشان امي ماتشوفني بروح الممشى الحين وقته بيكون موجود
................................

الممشى كان تقريبا فاضي ساره تمشي والدموع تنزل من عينها .. تنتظر سعود يوصل .. شافته وشافها ونزل راسه ومر ولا كأنه يشوفها .. مشت بسرعه منقهره من موقفه شافها واحد وهي ماره وقالها .. حرام قمر يصيح .. ركبت السياره وهي تمسح دموعها وقالت حق الدريول يرجعها البيت .. الغريب حس فيها وسعود ولامهتم.... دخلت غرفتها بسرعه عشان محد يشوفها .. وقعدت تصيح وتصيح لين حست انها بتنفجر .. ماعندها حد تشتكي له وتقوله على الي بداخلها .. خذت القلم وكتبت كل الي تحسه في قصيده


(شفتني وصديت)

شفتك وشفتني بعينك بس صديت
وكملت دربك يالله عسى دربك سهاله
ماهمني جرحك تناسيت الجروح وجيت
وماهمني كل الي كتبته في الرساله
عقب ماشفت صدك قلت ياليت وياليت
حفظت قدري ولاسعيت فوصاله
أنا أعترف أني في حقك أخطيت
لكن ورب الكون ماهو خطا بالعماله
وجيت أعتذر لك لين أنت رضيت
ماكان ودي يجرى لقلبك ماجرا له
لكن ماهقيت الي جاني منك ماهقيت
تشمت في حبيبك وتفرح ان ضاق باله
ان كان العدو ضاق صدره لابكيت
كيف وأنت الي عارف وعالم بحاله
مابنشد الحب فيك يامن طغيت
أبنشد الأحترام قلبي أرأف بحاله
.................................................. .......................

شتتوقعون بيصير في الجزء الجاي؟؟شفيه سعود وشلي غيره ؟؟ وين حبه وكلامه ؟؟ ؟؟شنوالي خاشه عن ساره ؟؟

[مكافحة الشباب البلشتيه]

نااااااااااااااااااااااااااااااااااااااااااااااايس ^_^

بس ياريت لو حطيتي الاجزاء كلها انا جذي اقعد على اعصابي ههههههههههههههههههههههههه

بط جبدي سعود :( يسلممووووو نبي اللي بعد فديتج خخخخخخخخخخخ

[رجـاوي]

لهفة الاحساس

بإنتظار الجزء القادم

[لهفة الأحساس]

مكافحه الشباب البلشتيه

رجاووووووووووووووي

اسمحوووووووووووووووووووووووووووووووا لي على التأخير

وهذا الجزء

[لهفة الأحساس]

الجزء التاسع :

أول مره سعود يتصرف مع ساره بهذه الطريقة .. انتظرت انه يتصل ويعتذر .. لكن مافي فايده ولاعبرها .. انتظرت يوم ويومين وثلاثة ولا اتصل رابع يوم وهي طالعه من المحاضره ورايحه بتركب السياره .. فكرت تتصل فيه وتعتذر ..

ساره: >>>مو قادره اصبر عنه وكل الي يبعدني عنه مجرد اتصال مني .. بعتذر وبنهي الموضوع .. مااعتقد انه مابيرد علي اكيد بيكلمني .. عنده ويتينج .. برسله مسج

سعود ابي اكلمك متى اقدر اتصل ؟

رد عليها .. عند المدير الحين اول ماخلص باتصل لج

بعد 5 دقايق اتصل

سعود: الووو

ساره: هلا سعود

سعود: اهلين

ساره: شلونك ؟؟

سعود: بخير

ساره: أنا اسفه على الي صار

سعود: شلون قدرتي ماتكلميني

ساره: انت شلون قدرت تخليني

سعود: أبيج تتصلين على طول اذا صار بينا شئ مابيج تخليني كم يوم عشان جذي زعلت انج ماسألتي عني

ساره: كنت متضايقه >>> ويعني انت ليش ماتتصل ؟

سعود: حصل خير.. وينج انتي؟

ساره: في الجامعة الحين برجع البيت

سعود: انزين انا عندي شغل بخلصه وباتصلج

ساره: اوكي

سعود: باي حبيبتي

ساره: باي

ساره: مابي اعوده انه يغلط في حقي وينتظرني اراضيه .. الغلطان هو الي يراضي الثاني بس شسوي نطرت 4 ايام ولا اتصل يعني لو نطرت زياده بعد مابيتصل .. وانا خلاص مااقدر اصبر عنه يوم

.................................................. ..

العصر اتصل سعود

سعود: هلا حبيتي

ساره: هلا حبيبي

سعود: بتروحين الممشى اليوم

ساره: اكيد .. متى بتروح

سعود: خل تغيب الشمس شوي .. بنموت من الشمس

ساره: اوكي .. انا اخليك الحين بروح البس

سعود: اوكي باي حياتي

ساره: باي ياقلبي

لبست وراحت مع الدريول عشان تشتري ورده وتراضيه

اتصل سعود: وينج .. ليش تأخرتي

ساره: جايه في الطريق بس 5 دقايق

سعود: ترا بروح من متى وانا انطر قلت لج بعد نص ساعه ليش تطلعين ؟؟؟؟؟؟؟؟؟

ساره: لا بس مريت اخذ غرض

سعود: يعني ماتقدرين تصبرين لي عقب قايلج ابي اشوفج
ساره: ماعليه اصبر شوي
سعود: اذا ماوصلتي عقب 5 دقايق بروح
ساره: لا عاد انطرني
سعود: 5 دقايق باي
ساره: باي

ساره>>> حتى وأنا أبي أراضيه مو عاجبه اني تأخرت كلهم 10 دقايق .. معليه لي شاف الورده بيسامحني على التأخير

ساره: سعود انا وصلت الممشى انت وينك

سعود: وراج الحين جاي

ساره: اوكي

سعود: روحي ورا الممشى شوي ورا الباص

ساره: اوكي

سعود : وحشتينـــــــــــــــي

ساره: وأنت وحشتني أكثر

ساره: تفضل هاذي الورده وأسفه على الي صار

سعود: فديتج والله أنا الي أسف على الي صار واسمحي لي

ساره: راضي علي

سعود: اكيد فديتج .. شرايج نقعد داخل الباص نسولف شوي مشتاااااااااق لج

ساره: شلون بندخل ؟؟؟؟؟ أخاف حد يشوفنا
سعود: مافي حد .. الحين براويج شلون بدخل من ورا بنط داخل وبفتح لج الباب الي جدام

ساره: هههههههههه حراميه

سعود: تعالي بسرعه فتحته

ساره: انزين

سعود: شرايج في الفان الي شريته لج

ساره: عجيب بس يبيله شوية ديكورات هههههههه

سعود: اشتقت لج يالدبه

ساره: أنا مو دبه

سعود: دبه دبه عيل شلون قدرتي تخليني

ساره: <<<<<< أنت بعد قدرت

سعود: محلوة يالنمله

ساره: يمكن عشان ماشفتني كم يوم

سعود: ماادري بس صج محلوة يالنمله

ساره: انا مو نمله خلاص كبرت عمري 20

سعود: ياريت كل النمل جذي حلوين ودمهم عسل

ساره: بس خل ننزل بسرعه اخاف حد يشوفنا

سعود: خلاص خل ننزل

ساره: اوكي

سعود: وين احط الورده .. شلون امشي جدام الناس وانا ماسكها

ساره: هههههه شدراني حطها داخل فانيلتك

سعود: بل ههههههههه

ساره: انا عطيتك اياها وانت تصرف

سعود: خلاص انا بكمل جري وانتي امشي شوي ورجعي البيت .. اول ماتوصلين طمنيني عليج ..

ساره: اوكي
.................................................. ..


فاطمة : هلا ساره
ساره: اهلين شخبارج ؟؟
فاطمة : تمام .. انتي شمسويه مع الدراسه ؟؟
ساره: والله للحين مافتحت الكتاب
فاطمة: شدعوة باجر الامتحان
ساره: ادري صج اني دارستها قبل بس نسيت الماده ويبيلي اراجع
فاطمة: خلاص اخليج عيل تكملين ويالله شدي حيلج ولاتضيعين وقتج
ساره: اوكي حبيبتي

فاطمة : باااااااي
ساره: بااااااااااي


ساره: >>> معقولة للحين مادرست شئ وامتحاني باجر خل ابتدي الحين ادرس .. حتى الكتاب ماادري وينه !!!

يرن الجوال .. سعود طبعا محد غيره

سعود: هلا عمري وحياتي وقلبي ودنيتي

ساره: هلا حبيبي

سعود: شتسوين ؟؟
ساره: كنت بابتدي دراسه

سعود: عندج امتحان

ساره : اي

سعود: متى ؟؟

ساره: باجر

سعود: ابي اشوفج ساره

ساره: شفتني من شوي

سعود: ابي اشوفج طلعي من البيت

ساره: وين اروح ؟؟

سعود: الجمعيه اي مكان

ساره: شقول حق امي ؟؟؟؟

سعود: تصرفي

ساره: بشوفها وبرد عليك

سعود: اوكي انتظرج

ساره: لحوووول باجر امتحاني وانا مابي ازعله مره ثانيه .. بس ابي ادرس .. بقوله امي مارضت

ساره: هلا سعود امي مارضت ..

سعود: انزين ابي اشوفج شاسوي

ساره: لو اقدر جان طلعت بس هي مو راضيه

سعود: انزين طلي من دريشتج الحين جاي عند بيتكم

[لهفة الأحساس]

ساره: اوكي

سعود : باي حبيبتي

ساره: باي حبيبي

ساره: >>> خل ادرس شوي لين يوصل

بعد 10 دقايق
اتصل سعود

ساره>> > ارد عليه ولا لا .. اخاف يضيع وقتي .. برد وبسكر بسرعه .. اخاف اطول .. خلاص برد
سعود: هلا قلبي
ساره: اهلين

سعود: يالله ابي اشوفج

ساره: الحين بجي عند الدريشه

سعود: والله اشتقت لج ماقدرت ارجع البيت

ساره: صج

سعود: اي

ساره: >>> صج مستانسه على شوقك لي بس الحين ابي ادرس ااااااااه

ساره: خلاص بسكر الدريشه قبل لايجي حد

سعود: اوكي

ساره: وين بتروح الحين

سعود: بمر الجمعيه باخذ شويه اغراض وباتصلج

ساره: اوكي

سعود: باي حبيبتي

ساره: باي سعود


ساره>>> خل ادرس الحين قب لمايتصل ... انا صج سريعه وهذا اعرفه بس ناسيته يبي لي اراجع عشان اتذكر والماده وايد صعبه .. صج انه امتحان mid tearm بس كله يأثر ..

بعد نص ساعة .. الحمدالله درست chapter وباقي لي 2

اتصل سعود .......

ساره:<<<<< شاسوي ارد ولا لا ... اووووه مايطاوعني قلبي مارد عليه حتى لو عندي دراسه.. خلاص بس بكلمه شوي وبسكر

سعود: هلا حياتي . . شاسوي ابي اعوض الايام الي ماكلمتج فيها مشتاااااااااق لج موت

ساره: بعد عمري وانا مشتاقه لك موت

سعود: ماقدرت اصبر لين اخلص من الجمعيه قلت اكلمج وانا اشتري الاغراض

ساره: فديتك هالكثر مشتاق لي

نست ساره نفسها وكملت في السوالف معاه .. لين وصل عند بيتهم

سعود: ساره انا وصلت البيت .. ادخلي على المسنجر اوكي

ساره : اوكي

سعود: باي يأحلى ورده

ساره: باي


ساره: >>> الحين بيتعشى يعني عندي ثلث ساعه ادرس فيها .. بس حتى الي درسته مااحس اني ركزت فيه عدل .. بس مااقدر اقوله مابكلمك وبدرس وانا قلت له عندي امتحان .. يعني مااقدر اوضح اكثر من جذي

.................................................. .................

خلصت ساره امتحاناتها طبعا اهمالها كان يزيد يوم بعد يوم .. لأنها مو فاضيه ياتكلم سعود ياتشوفه .. ومافي وقت حق الدراسه .. راحت تشوف النتايج .. وانصدمت لما شافت نفسها راسبه في مادتين ...

دخلت غرفتها وهي ساكته ومنصدمه

ساره: >>> اول مره ... اول مره في حياتي ارسب في ماده .. لا وبعد مادتين مو ماده وحده وهالمواد لازم انجح فيهم عشان اخذ المواد الي بعدهم الكورس الجاي .. يعني بتأخر كورس بسبب هالمادتين بيأخروني ... شلون جذي ... شلون تماديت شلون ضيعت نفسي .. أحبه لكن مو اضيع نفسي ..دراستي لازم تكون فوق كل شئ .. شقول حق امي الحين لين سالتني عند المعدل .. كل مره اقوله امتياز ولا جيد جدا واذا جبت جيد جدا بعد مايعجبها شلون الحين وانا راسبه في مادتين ... صج هي مابتكتشف شئ لانها مابتروح الجامعه تشوف النتايج وبتصدق اي شئ بقوله لها .. بس انا مستحيل ارضى بالي سويته .. من الكورس الجاي لازم احط لكل شئ اعتبار .. انا الي طول عمري شاطره .. الحب بدل مايخليني احسن يرجعني ورا .. لو استمريت جذي بقطع علاقتي فيه شبستفيد من هالعلاقة الي تخليني فاشله .. من الكورس الجاي بحط حدود لكل شئ مايصير اضيع نفسي سعود مابينفعني عقب لي رسبت وانطردت من الجامعة مابتنفعني غير شهادتي .. والله زمن انا الي كنت اساعد البنات وانصحهم .. الحين افكر شلون انقذ نفسي من الرسوب .. بس وعد اني ارفع معدلي الكورس الجاي ومارسب في ولا ماده .. الحب له وقته والدراسه لها وقتها .........................................
وهي قاعده في غرفتها اتصل فيها سعود

سعود: هلا ساره
ساره: اهلين
سعود: شخبارج
ساره: الحمدالله
سعود: ساره ابي اقولج شئ بس مابيج تفهميني غلط او اني اتهرب منج
ساره: قول
سعود: انا حلمت حلم غريب .. ماعرف شنو معناه او تفسيره بس احس ان هذا الحلم تنبيه من رب العالمين .. عشان علاقتنا .. من حلمت هالحلم وانا على طول افكر .. خلينا نبتعد عن بعض هالفتره
ساره: >>> حتى انا مو مرتاحه للي اسويه احسه كله غلط في غلط
ساره: اوكي سعود المهم راحتك ومتى ماحسيت انك تقدر تكلمني كلمني
سعود: لا تزعلين ياساره
ساره: لامافي شئ يزعل وهذا الحلم دليل ان رغم الغلط الي انسويه الا ان في داخلنا حاسين بهالشئ وم ومرتاحين لا انت ولا انا

سعود: ليش يعني انتي بعد تحسين بهالاحساس ؟؟؟

ساره: اي

سعود: وليش استمريتي معاي ولاعلمتيني ؟؟

ساره: ماعرفت شلون اقولك ؟؟ وخفت تزعل مني

سعود: مره ثانيه اذا حسيتي باي شئ او ماكنتي مرتاحه ابيج تقولين لي .. ,ماتخشين شئ

ساره: اوكي
.................................................. ..........

مرت الاجازة وسعود بعيد عن ساره بدون مكالمات ولا اي اتصال ومره وساره سهرانه في الليل .....


الساعه 12 رن جوال ساره.. وكان اتصال من مريم مااستغربت وردت عليها لان ساره في اجازه ومريم تدري انها تسهر ..

مريم : ساررررررروه سهرانه
ساره: يس يس
مريم : توقعت
ساره: وانتي شعندج متصله ؟؟؟
مريم : شوفي انا ماعندي شئ لكن راشد عنده
ساره: راشد؟؟ راشد اخوج
مريم: اي
ساره:شعنده ؟؟؟
مريم: كلميه وبتعرفين
ساره: شنو اكلمه لا مابي .. استحي منه
مريم: عشان خاطري .. ترا الموضوع مهم .. هاج كلميه
ساره: لا لا مابي شفيج انتي !!!!!
راشد: هلا ساره
ساره: راشد .. هلا
راشد: مابي ازعجج بس عندي موضوع مهم ابي اكلمج فيه
ساره: خير ؟؟
راشد: اكيد هلج قالوا لج انتي تقدمت لج اليوم
ساره: شنـــــــــــــــــــــو !!!!!!!!!!!!!!!!
راشد: تقدمت لج ماتدرين ..؟؟
ساره: لا
راشد: جيت اليوم بيتكم وكلمت ابوج وامج .. قالوا هم موافقين وبيشوفون شنو رأيج ....وامي اتصلت في امج عقب وقالت انج موافقه .. وطلبت منها اني اكلمج عشان نتفاهم على الخطوبه وقالت لي انت حسبة ولدنا ياراشد .. بس انتظر كم يوم عقب كلمها .. وانا ماكان فيني صبر واتصلت على طول

ساره:>>> ساكته .. وللحين تحت تأثير الصدمه
ويتصل فيها سعود ويشوف عندها waiting
ساره مو عارفه شتقول .. بس تبي تسكر بسرعه عشان ترد على سعود.. صار لها مده ماكلمته

ساره:راشد انا ماعرف شئ عن الكلام الي تقوله انا بسكر الحين

راشد: لحظة .. لحظة

ساره: باي

راشد : ساره

ساره: هلا سعود
سعود: اهلين .. غريبه تتكلمين الحين في التيلفون
ساره:<<<< ولا عارفه شتقول للحين منصدمه
ساره: هاذي مريوم بنت خالتي .. متصله عشان تبيني اطلع معاها باجر خبرك اجازه .. توها كانت متصله ماطولت .. وتواعدنا باجر نطلع عشان نغير جو >>>>> جني عفست السالفه
سعود: اها .. مريم الي كله تكلميني عنها

ساره: اي

سعود: باجر وين بتروحون ؟؟؟

ساره: السينما >>>>> احسه مو مصدق

سعود: متى؟؟

ساره: للحين ماقررنا ..انا بسرعه سكرت عشان اكلمك وهي توها متصله

سعود: اها

ساره: >>>> شكله يشك فيني شسالفه

ساره: سعود بقولك شئ

سعود: تفضلي
ساره: انا ماكنت اكلم مريم .. هذا اخوها راشد متصل يقول متقدم لي اليوم واهلي موافقين وقالوا اني موافقه .. وانا مادري شسالفه .. سعود انا مااستحمل انك تشك فيني .. حسيتك مو مصدق .. وانا اكبر من هالسوالف الي تفكر فيها .. انا ماعرف حد غيرك .. ومادري عن اتصاله هو خله اخته تكلمني من جوالها وبعدين هو كلمني وانا للحين مادري شسالفه صج جذب ماادري الله يستر

سعود: لا ماشكيت فيج

ساره: بلا يبين

سعود: لا بس اتغربت انتي عمرج ماكان عندج waiting هالحزه

ساره: ماادري شكيت ولا لا المهم مااستحملت فكرة انك ممكن تشك وهاذي السالفه كلها قلتها لك والله يستر

سعود: شفيج خايفه .. عادي مثل مارفضتي غيره قبل ارفضيه

ساره: مع راشد الوضع يختلف

سعود: شلون يختلف؟؟

ساره: تعرف من راشد .. راشد ولد عمي وفي نفس الوقت ولد خالتي وجامعي ومتخرج ويشتغل في وظيفة زين ومركز وراشد مافيه عيب .. يعني مااقدر اطلع فيه عيب ولا اتعذر بدراستي .. باقي لي سنتين وبيقولون لي مثل كل مره خطوبه ولين تخلصيت تتزوجين .. يعني مستحيل اقدر ارفضه

سعود: انتي دلوعتهم والبنت الوحيده واخر العنقود ماظن بيغصبونج !!!

ساره: مابيغصبوني .. بس بيقنعوني .. وبيقولون لي شنو عيوبه .. وانا من وين اطلع له عيوب واحد مثل راشد في نظرهم ماينرد خصوصا انه ولد عمي ..

سعود: من صجج انتي ؟؟؟

ساره: انا مو قاعده ابالغ واكبر الموضوع .. وبتشوف شبيصير باخذه بالغصب ولا بالطيب

سعود: مو معقوله باجر اتفاهمي مع هلج وقولي مابيه .. وبينتهي الموضوع مثل كل الي تقدمو لج

ساره: المشكله اني عارفه الوضع عدل.. انت تقول هالكلام لانك ماتدري عن شئ بس انا ادري ادري

سعود: لاتفكرين وايد في هالموضوع

ساره: انشاءالله>>> صدقني ماابالغ انت ماتدري عن شئ

سعود: خلاص نامي الحين .. وباجر قولي لي عن كل شئ

ساره: اوكي

سعود: تصبحين على خير

ساره: وانت من اهله

.................................................. ...


قامت ساره الصبح وتحس بحراره جسمها مرتفعه .. غسلت وجهها وطلعت من الغرفة .. قعدت في الصالة تتذكر الي صار أمس .. دخلت المطبخ سوت لها نسكافيه وبسكوته عشان تاخذ بندول .. رجعت الصاله حست انها بردانه .. راحت غرفتها وطالعت الساعة .. باقي وايد لين يرجعون اهلها من الدوام .. تفكر في سعود قبل كانت تقوم من النوم على اتصاله .. الحين تغير وايد .. لا اتصال ولا اي شئ وللحين صوته فيه حزن .. اتصلت فيه ولا رد عليها ...

رجعت شيخه من الدوام: وراحت ساره تكلمها

ساره: يما صج راشد متقدم لي ؟؟؟؟؟؟

شيخه: اي

ساره: وشلون تقولين لهم اني موافقه وانا ماادري عن شئ

شيخه: لاني ادري انج مابتوافقين مثل كل مره.. وانا وابوج مرتاحين حق راشد.. وقولي الحمدالله انه اختارج وانتي تدرين البنات في العيله وايد ... وبتكونين غبيه لو رفضتيه.. راشد مافيه عيب اي وحده تتمناه .. وظيفة ومركز ومراعي اهله وخواته واخلاقه زينه ومافيه شئ.. لاتدلعين ياساره

ساره: بس انا مابيه

شيخه: ليش ؟؟؟؟

ساره: كيفي شنو بالغصب بتزوجوني .. شنو يعني تقولين لهم موافقه بتحطيني جدام الامر الواقع !!!!!!!

[لهفة الأحساس]

شيخه: اخرتها بتوافقين

ساره: من قالج بوافق

شيخه: انتي ماتعرفين مصلحتج وقاعده تدلعين .. ليش ماتبينه عطيني سبب واحد وانا بقولهم انج مو موافقه

ساره: بكمل دراستي

شيخه: كلمته والولد متفهم وماعنده مانع ينتظرج تخلصين .. عندج سبب ثاني ؟؟

ساره: انزين انا ماعرفه ولا اعرف عنه شئ ولاعرفه شخصيته

شيخه: بتتعرفين عليه عيل ليش اقولج الحين الخطوبه وعقب الزواج عندج سنتين بتعرفينه عدل وبتعرفين طبايعه والولد شاريج لاتضيعينه من يدج ... عندج سبب ثاني ؟؟

ساره: لا بس مابيه يعني مابيه >>>>>> اي عندي سبب ســــــــــــــــعود شلون اخليه واخذ غيره

دخلت غرفتها وسكرت الباب وقعدت لين المغرب بدون اكل وبدون مااتكلم احد وتفكر

ساره:سعود ليش مايتقدم لي ويخلصني من راشد.. مااقدر اقوله تعال خطبني .. مااقدر اقط نفسي عليه .. بس هو ولامره فاتحني في موضوع الزواج .. سعود ليش ساكت للحين .. شنو ينتظر .. للحين اتذكراول ماعرفته وعرفت انه متزوج .. قلت له سعود انا مابي ابني سعادتي على تعاست زوجتك وقالي .. مو انتي السبب لو ماكنتي انتي بتكون وحده غيرج .. هي بعيده عني وماقدرت تكسبني صوبها .. انزين دام يحبني ليش مايتقدم لي .. مستعده اتحدا هلي والدنيا كلها بس اكون معاه .. مستعده ارضا واكون زوجه ثانيه .. مابضايق زوجته في شئ هي مع عيالها في بيتها معززه ومكرمه وانا راضيه لو يحطني في اي مكان انشاءالله اعيش معاه في غرفه بس اكون معاه وبالحلال وعلاقتنا هاذي مابتستمر اكثر من جذي يا اني بتزوج يا بننكشف في يوم من الايام ... لي متى بيتم الوضع جذي ... سعود يموت فيني متأكده من هالشئ بس متى بيتحرك متى .. لين يشوفني اتزوج واروح عنه .......

لازم اكلم سعود واقوله .. وينه هو ولايدري عني عايشه ولاميته .. قبل اذا كنت مريضه مايسكر الخط الا اذا خذت دواي وكل شوي يتصل يتطمن علي ويذكرني بموعد الدواء بس الحين ........
اتصلت فيه مره ثانيه ...
ساره: هلا سعود
سعود:اهلين ..شلونج ساره ؟؟؟
ساره: مب بخير
سعود: ليش ؟؟؟؟؟؟
ساره: امي مو راضيه تقتنع تبيني اتزوج راشد

سعود: لاتفكرين في هذا الشئ فكري في صحتج .. شفيه صوتج مريضه ؟؟

ساره: اي مصخنه

سعود: خذتي دواء

ساره: اي

سعود: تغديتي

ساره: مابي لاتقولي اكلي مابي شئ مابي شئ

سعود: بيرتفع عليج الضغط لاتضايقين روحج

ساره: خل يرتفع احسن

سعود: ساره ليش تقولين هالكلام

ساره: سعود شفيك اقولك يبون يزوجوني وانت تقول اكلي وخذي دواج .. الحين صج بيرتفع ضغطي >>>ليش تبين لي انك مهتم فيني وانت حتى مااتصلت وماكنت بتدري اني مريضه لو انا مااتصلت فيك

سعود: هدي هدي

ساره: سعود شفيك انت مب حاس بشئ !!

سعود: صدقيني بتلقين طريقه ومابتتزوجينه

ساره: شنو الطريقه

سعود: بنلقا حل بس انتي هدي اعصابج

ساره: مافي طريقه ولا في شئ امي قالت اني موافقه ..

سعود: كل مشكله ولها حل

ساره: ساكته

سعود: ساره .. ساره .. ساره شفيج

ساره: د ا ي خ ه

سعود: شفيج

ساره: ساكته

سعود: ردي علي ساره .. ساره

ساره: باخذ حبوبي عقب باتصل

سعود: خلاص خذي الحبوب وطمنيني

ساره: باي

سعود: باي

سعود: >>>>> انا شكلي بعد ضغطي بيرتفع اليوم بروح اخذ لي حبوب من الصيدليه ... حتى في المرض فينا نفس العله والله حاله


خذت ساره الحبوب وارتاحت شوي .. طلعت من الغرفة راحت الصاله ماشافت حد في البيت .. طلعت الحوش .. لانها تحس انها مخنوقه .. الجو باااااااارد ماقدرت تطول برع دخلت البيت مره ثانيه .. اتصلت في ناديه تبي تقولها عن الي صار .. مسكت التيلفون وترددت .. عقب سكرت ..

ساره: مااقدر اقولها شقولها .. بروح اكل شئ جوعانه واحس بتعب فضيع

.................................................. ..................



في بيت خالد راشد يكلم اخته مريم

راشد: مريوم ساره ماكلمتج ؟؟

مريم: لا ليش !!

راشد: احاتي .. خفت من موقفها امس سكرت وقالت انها ماتدري عن شئ

مريم: عيل شلون امها قالت انها موافقه ؟؟

راشد: شسالفتها ؟؟؟

مريم: يمكن استحت وقالت ماتدري

راشد : تهقين !!!!!!

مريم: اكيد .. وساره وايد تستحي وخجوله .. يمكن خافت تقولها شئ واستحت وسكرت .. حركات بنات ههههههه

راشد: والله انتوا يالبنات ماينعرف لكم .. اشوه اذا السالفه انها مستحيه .. خلاص

مريم: هالكثر ميت عليها

راشد: اي اقصد لا اووووووه انتي ليش واقفه هني يالله يالله روحي

مريم:للحين ماخطبتها وبتطردني انزين ان ماخليتها تهون

راشد: شنو تهون .. خلاص هي موافقه

مريم: عادي بفر مخها بقولها انا اخته مو مستحملته شلون انتي بتعيشين معاه كل العمر

راشد: مريوم عقلي مب احسن لج

مريم: خلاص عيل لاتقعد تخربط

راشد: مايسوي علي خليتيني اكلمها بتذليني .. خلاص يبا مانبي منج شئ

مريم: شفيك .. اتغشمر انا

راشد: دمج ثقيل

مريم: انت واحد فاضي .. وسالفتك مابتخلص .. خل اروح اشوف نورواااا

راشد: احسن

.................................................. ................
ساره كلمت ابوها في موضوع خطوبتها ولا في فايده محد راضي يقتنع ومفكرين انها تدلع مثل كل مره وتسكر الموضوع .. وحاولت تنسا الموضوع وماتفكر فيه .. وعقب
اسبوع(يوم الخميس) راحواخالتها الجازي وعمها خالد ومعاهم راشد بيت فهد عشان يخطبون ساره .. شافتهم ساره وهم يدخلون اتصلت ساره في سعود ومارد عليها .. ارسلت له مسج اتصل بسرعه ابيك ضروري
وقاعده في غرفتها تصيح وتصيح ولا احد يدري عنها ..
اتصل لها سعود بعد ساعة

سعود: هلا ساره .. شفيج
ساره: ترد عليه وهي ميته من الصياح ..سعــــــــــــــــــــود
سعود: شفيج
ساره: جاو يخطبوني
سعود: مين الي جوا بيتكم .. اهدي عشان افهم شتقولين
ساره: سعووووووووووود الحق علي ياسعووووووووووود بيزوجوني خلاص
سعود: مو فاهم شئ اهدي ياساره تعوذي من بليس
ساره: انزين .. وترد تصيح ااااااااااااااااااه ااااااااااااااااااااه
سعود: شصاير ؟؟؟
ساره: جوا يخطبوني حق راشد ..
سعود: متى
ساره: من ساعة
سعود: وينهم الحين ؟؟؟
ساره: كانوا تحت ماادري راحوا ولا لا
ساره: مابيه مابيـــــــــــــــــــــــه .. مستحيل اخذه.. احبك .. شلون تبيني احب واحد واتزوج واحد ثاني .. انا احبك انت ااااااااااااااااه ااااااااااااااااااااااااه انا بموت

سعود: لاتقولين جذي بنشوف حل

ساره: شنو الحل شنو ااااااااااااه اااااااااااااااه ااااااااااااااااه مابيه ماحبه .. احبك ياسعود احبك بيزوجوني خلاص اااااااااااااااااااااه ااااااااااااااه يبون يزوجوني مايدرون انهم بيذبحوني بيذبحون حبنا .. ااااااااااااااه ااااااااااااه بموووووووت والله احس اني بمووووت سعود لاتخليني سعود الله يخليك لاتخليني .. سعود انا احبك ياسعووووووود

سعود: ساره لاتذبحيني بكلامج ياساره .. انشاءالله بنلقى حل

ساره: اقولك كلهم تحت ويتفقون على كل شئ .. تقول في حل .. شنو الحل !!!!!
سعود: صدقيني بنلقى حل .. انتي بس سكتي ولاتردين عليهم وبنشوف حل

ساره: ااااااااااه ااااااااه اااااااااااااه مابي اتزوجه اخطفني ودني اي مكان خلني فيه .. مابيه اتزوجه .. خذني وياك .. ودني اي مكان

سعود: وين اوديج

ساره: خل نسافر .. ودني اي مكان مابي اتزوجه ... انت تحبني لاتخليني ااااااااااااااه اااااااااااااااه لاتخليهم يبعدوني عنك ..اااااااااااااه انا احبك والله احبك .. ومابي حد في هالدنيا غيرك

سعود: تذكرين ياساره من اول مره سالتج تاخذون من غير جماعتكم قلتي لي لا .. وانا من ذاك اليوم قطعت الامل لأنج من البدايه قلتي لي لا .. ذبحتي الامل الي كان عندي وقلتيها لالا

ساره: انا قلت لك الصج .. سعود خذني بعيد عنهم .. مابي غيرك ياسعود انا احبك وماحبيت غيرك لاتخليني لاتروح عني .. انت وعدتني قبل مابتخليني

سعود: ساره تعتقدين هلج لو تقدمت لج بيوافقون علي .. متزوج وعندي عيال .. ليش بيوافقون .. انتي صغيرة وماشاءالله عليج حلوة والف من يتمناج .. بس انا مابقدر اسوي اي شئ .. خلج واقعيه

ساره: بتحداهم

سعود: انتي وين تتحدينهم كلهم .. بتوقفين في وجه هلج ولا المجتمع كله الي بيرفض هالزواج .. وحدة في وضعج دلوعة هلج وصغيرة والمستقبل جدامج شلي يربطج في واحد مثلي

ساره: سعود بسوي اي شئ عشان اكون معاك ... مابي شئ في هالدنيا غيرك .. احبك وشاريتك لاتبيعني ااااااااااااااه اااااااااااااه
شاسوي قول شاسوي .. ااااااااااااااااه اااااااااااااااااااه ابيـــــــــــك ابيــــــــــــــك ااااااااااااااااااااه بموت لو تزوجت غيرك .. اصلا مااستحمل انه يقرب مني ولايلمسني .. انا ابيك انت اااااااااااااااااه

سعود: لاتسوين جذي في نفسج مب زين بتمرضين

ساره: شعليك مني خلاص قلت الي عندك ماعندك حل انشاءالله اموووووووووت انشاءالله امووووووووووووووت وافتك من الي انا فيه عشان ماتزوجه وارتاح الموت اهون من اني اخذ واحد غيرك فهمت

سعود: لاتقولين جذي .. انا عند باب البيت ابي ادخل .. بس مو قادر ادخل قبل مااتطمن عليج

ساره: خلاص ادخل بيتك ولاتحاتي شئ .. بس ماابيك تزعل مني ياسعود

سعود: ازعل ..؟؟؟؟ليش ازعل !!!!!!!!!!

ساره: بس لاتزعل مني ابد

سعود: ليش شنو بتسوين ؟؟؟؟؟
ساره: سعود مالك خص

سعود: شنو يعني مالي خص .. في شنو تفكرين

ساره: روح بيتك ونام وماعليك مني .. انا بحل اموري بنفسي

سعود: ساره ؟؟ قولي لي شبتسوين ؟؟

ساره: قلت لك مالك خص

سعود: ساره والله ترا ازعل عليج .. تبين تسوين في نفسج شي

ساره: لا

سعود: يلا قولي قولي

ساره: اي اي ارتحت بموت وبفتك

سعود: ساره ســــــاره حرام عليج تسوين جذي .. اصبري بس لي باجر وبشوف لج حل

ساره: مابصبر عندك حل قوله الحين

سعود: عندي عندي بس صبري لي باجر بقولج

ساره: ماعندك شئ بس تقص علي ادري تقص علي .. لو عندك شئ كنت قلته

سعود: ساره انطري بس لي باجر واذا ماعطيتج حل سوي الي تبين تسوينه

ساره: لا مابنطر

سعود: ساره حرام الي تفكرين تسوينه حرام .. شنو بتستفيدين .. بتتعذبين في الاخره .. عذاب مؤبد تعرفين يعني شنو .. فكري شوي .. فكري بعقلج .. فكري في هلج .. فكري في امج وابوج شبيصير فيهم .. فكري ياساره .. صدقيني لزعل عليج ان سويتي الي في راسج .. ولابسامحج طول عمري

ساره: انزين

سعود: ساره هاذا الي بتسوينه مو لعبة .. بتتعذبين في النار .. الي تبين تسوينه حــــــــــــرام حـــــــــــــــــرام .. هذا انتحار .. محد في هالدنيا يستاهل تتعذبين عشانه .. ولا أنا استهال تسوين في نفسج جذي

ساره: انزين خلاص بانتظر لي باجر

سعود: انا لازم ادخل البيت من مساعه وانا قاعد في السياره او واقف عند الباب .. شبتقول زوجتي الحين لازم ادخل

ساره: خلاص روح

سعود: مابتسوين شئ ؟؟

ساره: لا مابسوي

سعود: اكيد .. وعديني

ساره: خلاص وعد

سعود: تعوذي من الشيطان .. واهدي وارتاحي .. ونامي وباجر انشاءالله بشوفج وبنتفاهم وبلقى حل

ساره: اوكي

سعود: خلاص تصبحين على خير

ساره: وانت من اهله
.................................................. ....

ساره بتسمع كلام سعود وبتشيل الافكار السوده من راسها؟؟ ولاتسكته عشان يطمن وينام وتسوي الي تبيه ؟؟؟ الجزء الجاي بيكشف كل شئ

[مكافحة الشباب البلشتيه]

يسلموووووووووووووو لهفة الاحساس ناطرين اللي بعده خخخخخخخخخخخ فديتج ماتقصرين

[رجـاوي]

يعطيج العافيه يالهفة الاحساس

وننطر الجز العاشر

[لهفة الأحساس]

مكافحه الشباب البلشتيه : شكرا على المتابعه

رجاوي: انشاءالله بنزله خلال هاليومين

[لهفة الأحساس]

الجزء العاشر :

بعد ساعة من الي صار .......
ساره قاعده في غرفتها وتفكر في كلام سعود .. تدري مافي أمل انها تنام موضوع زواجها من سعود شئ مو سهل بالنسبه لها ...
يرن جوالها على النغمة الخاصه الي حاطتها حق سعود.. أنت عندي حاجه غير هاذي مافيها كلام..عمري وحبي الكبير ما أنت واحد والسلام ... يعني خذ مني ضمان باختصار وكلمتين ..أنت حاجه في هالزمن ماتكرر مرتين ..
سعود:( بصوت واطي ) الووو
ساره: الوو
سعود: شلونج
ساره: مب زينه
سعود: ماقدرت انام
ساره:ليش ؟
سعود: كل ماانام احلم ان صار فيج وانقز واقوم ماارتحت في نومي قلت اتصل اتطمن عليج
ساره: مافيني شئ
سعود: الحمدالله ... طيرتي العقل الي فيني اليوم ..
ساره: شلون اتصلت ؟؟؟؟؟؟؟ وزوجتك شقالت ؟؟
سعود: انا في الحوش خذت التيلفون وطلعت .. قلت لها جايني مغص وبتمشى في الحوش ......
المهم باجر على موعدنا الساعه 7 في المجمع الي قريب من بيتكم

ساره: اوكي
سعود:باي
ساره:باي

ساره مانمت طول الليل سهرانه شوي تصيح وتسكت عقب تتذكر وترجع تصيح ... الساعه 7 بيتهم كلهم نايمين .. لبست وخلت السواق يوصلها.. وقالت له ينتظرها .. نزلت من السياره وركبت مع سعود ... ابتعد شوي بالسياره وصف السياره تحت عماره
سعود: خلاص شيلي الشيله عن وجهج
ساره رفعت الشيله .. لافه راسها عن سعود عشان مايشوف الدموع الي في عينها .....
سعود: ساره .. اسمعيني عدل الشئ الي تفكرين فيه ابيج تشلينه من بالج .. واذا على الزواج قولي لهم موافقه بس مابي خطوبه ولاعرس الا بعد ماتخرج وجذي بيصير عندج وقت طويل .... احتمال يصير شئ ويتأجل العرس او ينلغي او راشد يغير رأيه .. لكن أنج تنتحرين لا اسمحي لي .. مو هاذي ساره الي عرفتها .. وعجبني عقلها الكبير وتفكيرها .. هذا كلام وحده يأسه ومجنونه ... سمعتي يالنمله

ساره: ساكته
سعود: ساره طالعيني
ساره مو راضيه تلتفت
سعود: اي ادري عشان مو حاطه مكيــــــــــاج ماتبيني اشوف وجهج الي يخرع

ساره ابتسمت ونزلت دموعها مره ثانيه والتفتت عليه

سعود: أنتي مانمتي

ساره : اي

سعود: خلاص عاد ابتسمي

( صاحت ودموع نازله على خدها التفت عليها سعود )

سعود: ساره حرام دموعج هاذي تنزل .. حرام هالعيون الحلوة تصيح .. دموعج غاليه (خذ كلينكي ومسح دموعها وعطاها تمسح الباقي )
سعود: بعد كحل هههه كل مكان يطلع كحل ههههه
ساره: تبتسم وتسكت
سعود: انا جايبج عشان تسكتين؟؟ .. خلاص يالنمله .. انسي الي صار .. وسوي الي قلت لج عليه ولين تخرجين يصير خير ندور لنا حجه ثانيه عشان ماتتزوجين .. خلاص عاد يالنمله اضحكي احسن لج

ساره: مافي شئ يضحك

سعود: ادري بس لاتكشرين جذي تصيرين تخوفين

ساره : انزين

سعود: خلاص الحين برجعج عشان لاتتأخرين .. واي شئ تبينه على طول اتصلي فيني

ساره: اوكي

.................................................. ...............

ارجعت ساره البيت .. محد يدري انها كانت طالعه .. امها وابوها كل من راح شغله .. دخلت الصاله وشافت 3 أكياس مليانه هدايا وعطورات .. قربت عشان تشوف الكرت .. مكتوب عليه اسم راشد.. خلتهم وركبت فوق وهي مو مهتمه
ساره:>>> عبالك بالهدايا بتكسب قلبي .. عيل للحين ماعرفتني ياراشد

بدلت ملابسها راحت تشرب نسكافيه لانها دايخه وسهرانه من أمس .. اتصل سعود مره ثانيه ..

سعود: صباح الورد يالنمله الصياحه
ساره: صباح الخير .. أنا صياحه ؟؟
سعود: نسيتي امس اهئ اهئ بموت بنتحر ..خلاص
ساره: انا ماتكلم جذي .. خلاص انا هونت اصلا
سعود: ياويلج ان عدتيها مره ثانيه
ساره: انشاءالله بابا
سعود: انا ابوج ؟؟؟؟؟؟ بعد بعد ؟؟ اشوفج استقويتي
ساره: اي .. كيفي ..ادلع عليك .. محد معبرني غيرك وتنزل دموعها
سعود: شفيج بتسوينها فيلم هندي .. انتي جدتي

ساره: جدتي ها ..اراويك من هي جدتك

سعود: وينج شتسوين ؟؟
ساره: في غرفتي اشرب نسكافيه

سعود: وانتي كل ماتصلج بس كله تشربين نسكافيه .. عمري ماجربته هذا الي تسوينه .. بخيله

ساره: انا مب بخيله ..بسوي لك

سعود: كله حجي مانشوف شئ

ساره: الحين بسوي
سعود: خلاص انا قريب بيتكم سويه وباخذه

ساره : وي من صجك شلون بعطيك اياه

سعود: ها بدينا بالبخل .. سويه وحطيه على الطوفه على سور البيت وبجي بوقف السياره وباخذه .. في حد في البيت

ساره: لا بس الخدامات

سعود: خلاص جهزيه وانا جايج

ساره: اوكي دقايق يالله باي

سعود: باي يالبخيله ههههه

ساره: مب بخيله يالشيبه

سعود: يالله يالله باي
ساره: باي

راحت سوت النسكافيه .. وتدور كاس بلاستيك او ورق تحط فيه النسكافيه مالقت .. خذت Mug مرسوم عليه دبدوب احمر وصبت فيه النسكافيه .. راحت الحوش وحطت النسكافيه في على السور .. واتصلت فيه

ساره: سعود وينك

سعود: عند اللفه

ساره: يالله بسرعه حطيته على السورتعال اخذه .. لاتكته انزين

سعود: اوكي باي

اطلعت من ورا الشجر بعد ماتشربك شعرها وملابسها في الاغصان
ساره: اخ اخ اوووو واي تقطعت تقطع ( سمعت صوت سيارته قربت من البيت وقفها قريب وخذ النسكافيه دخل سيارته سكر الباب واتصل )

سعود: هلا النمله
ساره: اهلين .. ها بشر شلون ؟؟
سعود: صبري للحين ماشربته بينكت علي
ساره: يالله اشرب وقولي
سعود: اووووه زين والله حلو وسكره خفيف مثل ماحبه
ساره:صج
سعود: اي لج مستقبل
ساره: اشوه خفت مايعجبك
سعود: والحليب بعد زين
ساره: انا ماسويه على حليب
سعود: عيل على شنو ؟؟
ساره: كوفي ميت
سعود: اها اي اي زين يمدحونه ذيه ههههههههه شدراني انا يأمج شيبه شعرفني في هالسوالف
ساره: ههههههههههههههه جنك عيوز
سعود: اشوفها كل يوم تشرب منه .. ترا عشان حلووووووووو

ساره: وين بتروح الحين
سعود: برجع الدوام
ساره: فله دوامك .. تطلع وتروح وترجع .. ماتشغلني سكرتيره عندك
سعود: جان زين ..
ساره: من صجي شغلوني في الصيف متدربه صيفي .. وبعدين لين تخرجت بشتغل عندكم
سعود: اي عشان مااشتغل بس قاعد ومجابلج
ساره: هههههههههه لا لا بنشتغل
سعود: مايصير
ساره: ليش مايصير .. اصلا تتمنون اشتغل عندكم .. انا الشركات بس بيشوفوني على طول بيشغلوني
سعود: ههههههههههههههه يا خطيره أنتي
ساره: عبالك مالاعب أنا
سعود: خلاص أنتي تخرجي ويصير خير.. يالله أنا وصلت الدوام .. وأنا طالع بتصل لج
ساره: اوكي .. بااااي تيك كير
سعود: بااااااي قلبي بااااااي

ساره مستانسه نست كل الي صار أمس حست أنه سعود بغشمرته وسوالفه قدر ينسيها كل شئ .. وحسته انه بدا يرجع يهتم فيها مثل قبل
.................................................. .............

[لهفة الأحساس]

الساعه 1 رجعت أم ساره من الدوام ونادتها ..........
شيخه: هاذي الهدايا جابها سعود امس
ساره: ادري
شيخه: وليش مافتحتيهم ؟؟
ساره: وليش أفتحهم
شيخه: انزين وديهم غرفتج
ساره: مابيهم .. رجعيهم عليه .. للحين ماصار خطيبي عشان أخذ منه شئ
شيخه:أنتي ماتستحين شلون أرجعهم ؟؟
ساره: عيل خليهم عندج وتصرفي فيهم ..أنا مابيهم .. خلت أمها وراحت غرفتها
اتصل سعود بعد ماخلص دوامه
سعود: وينج مارديتي علي
ساره: كنت أكلم أمي
سعود: شعندها ؟؟
ساره: راشد جايب لي هدايا .. قلت لها مابيهم عباله بيقص علي بالهدايا .. انشاءالله يموت وافتك منه
سعود: شهالكلام .. هذا خطيبج مايصير تتكلمين عنه جذي وحتى لو ماصار بينكم نصيب .. هو في الأخير ولد عمج .. ماتعودت اسمعج تتكلمين بهالاسلوب
ساره: شاسوي من القهر الي فيني
سعود: ولو مايصير تقولين هالكلام
ساره: انشاءالله مب قايله
ساره: الحين بترجع البيت صح؟؟
سعود: اي
ساره: بتدخل المسنجر ..
سعود: اي لازم
ساره: اوكي .. انا بروح افتح المسنجر وبشارك شوي في المنتدى بانتظرك تدخل
سعود: اوكي .. باي حياتي
ساره: باي حبيبي
.................................................. .............

العصر راحت ساره عشان تكلم امها في موضوع الخطوبة

ساره: يما

شيخه: نعم

ساره: شوفي انا موافقه على الخطوبه بس مو الحين

شيخه: متى عيل

ساره: خل ينتظر لين اتخرج ولانسيتي كلامج قبل .. مافي خطوبة ولازواج قبل التخرج

شيخه: اي بس نقدر نسوي الخطوبه الحين والعرس عقب التخرج ..

ساره: لا لا اذا ملجنا بعدين كل يوم والثاني بيقول ابي اشوفج وطلعات وغيره .. شلون بدرس بنحرج منه .. مابقدر اقوله لا مابي اشوفك ابي ادرس

شيخه: يعني شقولهم ؟؟؟؟
ساره: قولي لهم مافي ملجه الا بعد التخرج

شيخه: مو انتي تقولين ماتعرفين شئ عنه .. الحين عندج فرصه تسون الخطوبه وتعرفون بعض عدل

ساره: يما انا مااقدر اوفق بين الاثنين .. ومابي أهتم بشئ على حساب شئ ثاني ... ترا بسقط وانتوا السبب

شيخه: بس شقولهم!! .. راشد مستعجل ويبي الخطوبه هالفتره .. ويبي يكلمج في التيلفون .. شقولهم الحين ؟؟؟

ساره: شنو يعني .. تمشين كلامه على حساب مصلحتي

شيخه: لا بس خالتج الجازي تقول الولد مافيه صبر

ساره: شنو خلاصة الكلام ؟؟؟

شيخه: ماادري خليني اكلمها واشوف شنو رأيهم

ساره: الحين كلميها وردي علي

شيخه: الحين ؟؟؟؟؟؟

ساره: اي شفيها اكيد هي قاعده

شيخه: انزين ..

ساره: ولاتدرين بقعد بسمعج شتقولين لها .. مو تقولج لا الحين وانتي ماتصدقين وتوافقين اصري على موقفج

شيخه: خلاص بكلمها (خذت التيلفون واتصلت في اختها )

شيخه: السلام عليكم

نور: وعليكم السلام

شيخه: شلونج نواري ؟؟

نور: الحمدالله بخير .. شلونج خالتي .. وينها العروس ماتبين ؟؟

شيخه: انا بخير .. موجوده ساره .. وين امج ؟؟؟؟؟

نور: فوق تبين اناديها لج ؟؟

شيخه: اي

نور (تصارخ) يمااااااااااااااااااااااا يمااااااااااااااااااااااااااااااااا يمااااااااااااااااااا

الجازي: شفيج بطيتي أذني .. حشا صبي مو بنيه .. سكتي

نور: يما خالتي شيخه تبيج عالتيلفون .. عشان جذي اصارخ شلون بتسمعيني وانتي فوق ؟؟
الجازي: تعالي فوق وناديني بسمعج

نور: يما الحين خالتي تنطرج بتردين عليها ولا شنو ..؟؟؟؟؟

الجازي : خلاص خلاص سكري تحت وانا برد عليها

نور: اوكي

الجازي: هلا هلا شيخه

شيخه: هلا والله شعندج تصارخين ؟؟

الجازي: ويا نوووور لعوزتني هالبنيه

شيخه: ههههههههه ماعليه .. المهم شخبارج؟؟ وشلون العيال ؟

الجازي: الحمدالله بخير .. انتوا شلونكم شخباركم وشخبار عروستنا

شيخه: والله الحمدالله بخير .. بغيت اكلمج في موضوع

الجازي: خير !!

شيخه: ساره مو راضيه نسوي الخطوبه الحين .. تقول بتكون مشغولة بالدراسه .. وتبي تأجل الملجه لين عقب التخرج
دخل راشد الصاله وسمع كلام امه

الجازي: نأجل الخطوبــــــــه !!!!

راشد: يما يما شنو نأجل ماصدقت انها وافقت .. !!

الجازي: اصبر خل افهم السالفه

شيخه: هذا راشد؟؟

الجازي: اي .. انزين كلميها قولي لها بس ملجه .. يعني مو لها الدرجه بتتأثر دراستها وهي ماشاءالله شاطره وماينخاف عليها

شيخه: اي تقول صعبه توفق بين الاثنين.. وتدرين عقب بيقول يبي يشوفها ويقعد معاها وطلعات وتيلفونات

ساره تأشر حق امها لاتوافقين

شيخه: شقلتي يأم راشد

راشد: يما شسالفه ؟؟؟ فهميني شصاير ؟؟؟

الجازي: خالتك تقول ساره تبي تأجل الخطوبه لي عقب التخرج .. عشان ماتتأثر دراستها وانت تدري مابقى لها شئ سنة وكورس وتخلص

راشد: يما بس

الجازي: شفيك يما

راشد: بصراحه حطمتوني .. انا مخطط حق الخطوبه الحين ومرتب كل شئ .. ماتوقعت جذي

الجازي: ماعليه ياولدي والأيام تركض .. واحسن لك عشان عقب ترتاح معاها

ساره تأشر حق امها شتقولج خالتي ؟؟؟

شيخه: تأشر لها صبري صبري

راشد: يما أن ابي اشوفها ابي الملجه الحين .. انزين على الاقل اكلمها بالتيلفون لين ماتتخرج ونملج .. مااقدر اصبر هالفتره كلها جذي

الجازي: خلني اشاور خالتك وارد عليك .. يمكن ساره ماتوافق

راشد: شنو ماتوافق اقنعيهم ولا ترا اهون واملج الحين كيفكم .. انا واحد مليت من العزوبيه

الجازي: ههههههه انزين اصبر ... سمعتي يأم عبدالعزيز

شيخه: اي بقولها .. ( ساره يما راشد يبي يكلمج في التيلفون خلال هالفتره يعني على اساس تعرفون على بعض عدل ..ومافيها شئ هذا ولد عمج .. وخطيبج ومو غريب )

ساره: لا لا استحي .. واخاف يتصل وايد يشغلني عن دراستي

شيخه: خلاص عاد لاتعاندين ..

ساره: قلت لج ر أيي .. ( تطمنت ساره ان الخطوبه تأجلت ودخلت غرفتها )

شيخه: الجازي سمعيني .. هاذي تدلع وتستحي انتي عطيه رقم ساره وخل يتصل ويكلمها شوي شوي وبتتعود عليه هههههههه

الجازي: اي مثل ماقلتي بعدين هي الي مابتخليه ههههههه

راشد: يما شتقولون؟؟؟

الجازي: خلاص صار الي في بالك

راشد: صج !! الحمداللــــــــــــــــــــــــــــــه

.................................................. ..................

سكرت شيخه التيلفون وراحت حق ساره ...
شيخه: شتسوين ؟؟

ساره: أقرا في المنتدى

شيخه: ترا قلت لهم انج موافقه تكلمينه

ساره: شنو شنو !!!

شيخه: اي يقول على الاقل يكلمج في التيلفون وتقريبا باقي لج سنة ونص مو شوي .. واذا ماتبين خلاص املجوا

ساره: لا يبا شنو املج .. خلاص خلاص انا اتصرف لين اتصل ... تعرفين توهقيني

شيخه: ماوهقج بس الظاهر احنا دلعناج وايد

يرن جوال ساره

ساره: مين هذا الي متفرغ يتصل الحين؟؟ ماعرف الرقم .. خله يولي مابرد

شيخه: انزين انا بروح السوق بتجين معاي

ساره: لا مالي خلق اطلع اليوم

شيخه: خلاص على راحتج .. اذا تبين شئ اتصلي عالجوال

ساره: اوكي

اتصل راشد مره ثانيه وساره ماردت

راشد: ليش ماترد !!!! اها يمكن ماتعرف رقمي ههههههه

وارسل مسج ....
ساره انا راشد ردي علي

شافت ساره المسج ...
ساره: لحوووووول هذا صج لزقه شدعوة قال بكلمها وعلى طول يتصل ماعنده واحد اثنين على طول ... والله حاله ابتلشنا بهالخطيب

اتصل مره ثانيه ...
راشد: السلام عليكم
ساره: وعليكم السلام
راشد: شلونج ساره ؟؟
ساره: بخير
راشد: ماعرفتي رقمي صح ؟؟
ساره: اي
راشد: شخبارج بعد
ساره: الحمدالله
راشد: قالوا لي انج بتأجلين الخطوبه ..
ساره: اي .. تدري مابقى شئ ويبتدي الكورس الثاني وهالكورس المواد وايد صعبة ..
راشد: يعني مافي مجال نملج الحين
ساره: لا مااعتقد
راشد: انزين حاولي
ساره: الأفضل انه مانستعجل ..
راشد: خلاص ولايهمج .. بالنسبه لاتصالتي انا مابزعج مو كل شوي باتصل فيج .. لا بخليج تدرسين وتركزين .. بس بين كل فتره بتصل بسأل عنج عشان ناخذ على بعض أكثر .. لأن عقب التخرج مابي اسوي خطوبه .. بنملج ونتزوج على طول .. بعد مااقدر انتظر اكثر

ساره: انشاءالله

راشد: انتي شكثر باقي لج

ساره: سنة ونص

راشد: الله يوفقج انشاءالله .. هالفتره ابيها تكون فترة نعرف فيها بعض .. ونرتب امورنا حق العرس .. لاني مثل ماقلت لج بعد التخرج بنسوي العرس ونسافر على طول

ساره: انشاءالله >>> جنه وايد يتشرط مصدق روحه الأخ

راشد: شفيج ساكته ؟؟

ساره: اسمعك

راشد: تكلمي .. سولفي

ساره: شقول ؟؟؟

راشد: قولي اي شئ .. عبري عن رأيج

ساره: الي تبيه سوه .. ماعندي مانع >>> اسكت وانطم

راشد: الظاهر للحين مستحيه مني .. خلاص انا خطيبج

ساره: اي

راشد: قالت لي مريم تستحين بس ماتوقعت هالكثر .. ماعليه مع الايام بتتعودين علي

راشد: ساره

ساره: هلا

راشد: انا ابي كل شئ يصير بسرعه.. لأنج عاجبتني .. وأبيج .. ومتمسك فيج ولا ماكنت استعجلت هالكثر .. بس ماادري شنو شعورج من ناحيتي

ساره: ساكته >>>> وليـــــــــــــن لايكون يبيني اقوله احبك .. حبتك القراده ... مسوي روحه مراهق .. ماتليق عليك حركات الرومانسيه

راشد: وووينج ساكته

ساره: معاك

راشد: لا شكلج سرحتي بعيد

ساره: لا معاك بس عندي خط .. أختك مريم متصله

راشد: خلاص عيل انا بسكر خلج معاها يمكن عندكم سوالف خاصه ولاشئ

ساره: اوكي ..>>> اخيرا بيسكر

راشد: خزني رقمي عندج

ساره: اوكي

راشد: يالله مع السلامه

ساره: مع السلامه

مريم: هلا بعروستنا الي عندها waiting

ساره: اهلين

مريم: من مساعه انتظر .. تكلمين مين وسافهتني؟؟؟؟؟

ساره: راشد

مريم: اووووووووه تطورات .. كل هذا من وراي .. ولاتعلميني ؟؟؟؟؟؟؟

ساره: ماادري هو فاجأني باتصاله .. اصلا اول مره يتصل

مريم: اول مره وهالكثر تسولفون ؟؟؟؟؟؟؟؟؟

ساره: يعني شنو اسكر في وجهه

مريم: هههههههههههههههههه

ساره: ماادري عنج .. سويتي لي تحقيق يامريوم

مريم: خلاص خلاص ولايهمج .. المهم اليوم بيتجمعون البنات كلهم عندنا ... لازم تجين

ساره: الساعه كم ؟؟

مريم: 7 كالعاده

ساره: اوكي .. تبين اجيب شئ معاي

مريم: اممممممم لا كل شئ جاهز .. بس اذا تذكرت شئ بقولج

ساره: اوكي .. عيل انا بروح البس

سعود ينتظر عالخط الثاني

مريم : اوكي

ساره: يالله باي

مريم: باي


سعود: هلا والله هلا تيلفونات وحركات .. للحين ماملجتوا وجذي

ساره: شتقصد ؟؟؟؟؟؟

سعود: تكلمين الخطيب ؟؟؟


ساره: لا هاذي مريم

سعود: شعندها ؟؟

ساره: عازمتني اروح بيتهم

سعود: ياسلام بتروحين تشوفين خطيبج .. خلاص طاح سوقنا .. لهاالدرجه ماتقدرين تصبرين عنه .. وين الي بتنتحر

ساره: شفيك سعود .. انت تدري مريم غير انها تصير لي رفيجيتي ودايما نتجمع في بيتهم

سعود: ادري ادري .. بس العوزج .. وهو مااتصل ؟؟؟؟

ساره: بلا

سعود: شددددعوة ؟؟؟؟؟؟؟؟؟؟؟؟؟؟؟؟؟؟

ساره: اي .. قلت لهم بنأجل الخطوبه لي عقب التخرج .. وعقب قال على الاقل مكالمات .. مابتعطلج عن دراستج
ومشيت الموضوع ..

سعود: اها .. وشنو قلتوا ؟؟؟؟؟؟؟؟؟؟؟؟ظ

ساره: شدراني عور راسي وهو يتكلم

سعود: شقال يعني بالضبط ؟؟؟

ساره: يقول خلال هالفتره لازم نعرف بعض عشان عقب التخرج بيكون العرس على طول

سعود: وانتي شقلتي له ؟؟؟؟؟؟

ساره: قلت اوكي

سعود: وشقال ؟؟؟؟
ساره: بس

سعود: شلون تحسين ارتحتي له

ساره: تدري اني مغصوبه عليه ... شلون ارتاح له

سعود: بس جنج تعودتي عليه ؟؟؟

ليش سعود يسأل وايد عن راشد ؟؟ هاذي بداية غيرته ولا شنو ؟؟ وشنو تأثير هاذي الغيره على علاقة سعود بساره ؟؟

[مكافحة الشباب البلشتيه]

.....

مشكوره لهفة وناطرييييييييييييييين اللي بعده بس ليش ما اتحطين الاجزاء كلها مره وحده خخخخخخ تسلمييييييييييييييييييييين


يله سلامممموه

[لهفة الأحساس]

مكافحة الشباب البلشتيه: انا للحين ماخلصتها كلها عشان جذي مااقدر انزلها مره وحده