تويت
يعطيج العافيه اختي
وبإنتظار الباقي
وبإنتظار الباقي
-
-
رجاوي جبت لكم الجزء اتمنى يعجبكم
الجزء الحادي عشر :
ساره: شفيك سعود؟؟ شلون يعني تعودت عليه وهاذي اول مره يكلمني >>> شفيه يغار ولاشسالفته .. من متى هو يغار علي اصلا ؟؟؟؟
سعود: اها .. والهدايا شسويتي فيهم ؟؟؟
ساره: قلت لك قبل قلت حق امي تصرفي فيهم
سعود: شكله يحبج .. جايب لج هدايا وحركات يبي يكسبج شكله صج رومانسي ولاشرايج ؟؟
ساره: مشكلته مو مشكلتي أنا .. خل نغير الموضوع تكلمنا عنه وايد
سعود: انزين شنو جدولج اليوم؟؟
ساره: قلت لك بروح بيت مريوم !!!
سعود: اي صح ؟؟ متى بترجعين ؟؟
ساره: ماأدري بس أكيد بتأخر
سعود:كاشخه ؟؟
ساره: طبعا
سعود: كل هذا حق الخطيب
ساره: تدري اني كاشخه حق نفسي وانا دوم جذي
سعود: اي صح المهم انا بكون عالمسنجر .. اذا رجعتي ادخلي
ساره: يعني بتسهر اليوم ؟؟
سعود: اي ولاتتأخرين
ساره: اول مره تقولي لاتتأخرين ....
سعود: لا قصدي عشان بكون اننتظر
ساره: اوكي انزين انا بروح الحين عشان البس تدري يبيلي وقت
سعود: خلاص وانا بعد عندي مشوار
ساره: وين عند ربعك ؟؟
سعود: لا بس بوصل هلي وبرجع البيت
ساره: اوكي ... يالله باي
سعود: باي
.................................................. ................
ساره داخله بيت عمها .. وهي داخله الا راشد داخل وجايب العشا معاه .......
راشد: السلام عليكم
ساره: عليكم السلام
راشد: شلونج ساره
ساره: بخير
راشد: جايه حق مريم صح ؟؟
ساره: اي
راشد: ماقلتي لي انج بتجين ؟؟؟
ساره: بعد ماسكرت هي عزمتني >>> شفيه هذا من الحين بيتحكم فيني
راشد: بتدخلين المجلس ؟؟
ساره: اي
راشد: لو سمحتي نادي لي مريم
ساره: انشاءالله
خلته ودخلت المجلس .. سلمت على البنات عقب افصخت عبايتها وشيلتها وتعطرت جات تقعد معاهم
عائشه: أيوا ياأبيض ياكاشخ أنت
ساره: هههههههههه ماتوبين أنتي
عائشه: ماينلام اخوي راشد اذا استعجل على الخطوبه .. وينه يجي يشوف
ساره: تضايقت من كلام نور ماتبي البنات يعرفون بموضوع الخطوبه
نجلاء بنت خالتهم لولوة : استغربت من هالكلام وتفاجأت كانت متوقعه راشد يخطبها وحاطه عينها عليه
نجلاء: صج ساره ؟؟؟ليش ماقلتي ؟؟؟
ساره: هاذي عوش تخربط للحين ماصار شئ .. اي صج مريم راشد يبيج وانا داخله قالي اناديج
مريم: اوكي بروح له
نجلاء تساسر عنود: ذيله من صجهم ولايتغشمرون ؟؟
عنود: جنه صج
نجلاء: من صجه شعاجبه فيها
عنود: ماادري .. بس سكتي لايحسون بشئ
منى ودانه بنات خالهم سيف بعد مستغربين ........
دانه : منوه سمعتي
منى: اي
دانه: ليش محد تكلم عن الموضوع قبل ؟؟؟؟
منى: ماشفتي ساره شلون سكرت الموضوع .. يمكن خايفه من الحسد
دانه: شدعوة
منى: خطبوها وايد ماعجبها الا راشد .. الظاهر بينهم قصة حب .. عيل ليش كان يقول يبي ياخذ وحده غريبه
دانه: تهقين ؟؟؟
منى: اي .. عيل ليش خطبها ولا مو من قلة البنات عندنا وأنتي تدرين
دانه: ساره هاذي مو مالة حب .. هاذي بس تعرف تحك الكتب حك
منى: عادي .. صايدتها من كل صوب
دانه: يمكن .. بس وين شافها وين حبوا بعض .. هو يمكن ماشافها من سنين
منى: هذا الي انا وانتي نعرفه .. لكن ماتدرين شصاير بينهم .. ماشفتي الحين تقول حق مريم انها شافتها وهي داخله .. انتي شدرااااااج
دانه: شدعوة منى لاتبالغين
منى: كل شئ بيبين بعدين وبتقولين منوه قالت
نور: منى ودانه تحشوووووون في مين ؟؟؟؟
منى: ها شنو !! لا بس اقولها ودنا نسافر
نور: اها... عيل شربوا العصير بيصير حار
دانه: انزين
مريم : رجعت مريم والتفتت على ساره وتقولها ... شفتي شلون تغيرت وجوهم
ساره: اي
مريم: شفيهم كل هذا حسد ؟؟؟؟؟؟؟؟
ساره: >>> على شنو يحسدوني ياحسره (الي يدري يدري والي مايدري يقول حاسدينها)
ساره: مايندرا بس نظراتهم فضحتهم ... معقولة يتصرفون جذي .. مابيني وبينهم شئ
مريم: هالزمن توقعي كل شئ
ساره: اي والله
دخلت الجازي المجلس : السلام عليكم ..
كل البنات دروا عليها : عليكم السلام
الجازي: يما مريم اقول حق الخدامات يحطون لكم العشاء
مريم: اي يما
الجازي: خلاص دقايق والعشا يكون جاهز ... اخذوا راحتكم يابنات .. محد في البيت
غيرة البنات من ساره كانت واضحه .. حاولوا يخفون هالشئ بس كان واضح .. لأنهم كانوا حاطين العين على راشد ... لأنه صار له فترة يدور وحده يخطبها بس ماكان يفكر في بنات العيله .. وهذا الشئ الي خلاهم يستغربون انه فكر في ساره .......
.................................................. .......................
راشد جاب الأكل وطلع من البيت .. مو حلوة يقعد والبيت كله بنات ... تواعد مع رفيجه عبدالله وطلعوا يتعشون ..ويفكر في ساره ومستانس حده .. ويفكر في مستقبلهم مو مصدق ان حلمه تحقق واخيرا لقى البنت الي تناسبه ... مايدري ان ساره اخر شخص تفكر تاخذه هو راشد
ساره قاعده معاهم وتفكر في سعود .. ليش يسألها وايد عن راشد حست فيه شوية فضول بس فضول غريب مايطمن .. يمكن يفكر انها خلاص بتنساه عشان راشد ظهر في حياتها .. يمكن يفكر ان حبها له بيقل عشان جذي يسأل ....
ساره:>> حتى لو راشد يعاملني بطريقة حلوة المفروض ماقول حق سعود .. مابيه يحس بالغيره مابيه يحس بالاحساس الي انا احسه لما يكون مع زوجته.. سعود عمره مابيعرف الغيره ولابيعرف هالاحساس الا لما انا اتزوج ويعيش الاحساس صح ... بس انا مااتمنى له هالشئ لانه يحرق القلب ...
.................................................. ...........تعليق
-
الساعة 11 ونص ساره اتصت في ابوها يجي ياخذها ... رجعت البيت بدلت امسحت مكياجها .. دخلت المسنجر مالقت سعود
ساره:>> غريبه قالي بسهر اليوم .. خل ادخل المنتدى اشوفه شكاتب .... شنو هاي .. شفيها هاذي اميرة الورد للحين مستمره في الي تسويه وهو ماعطها مجال شكله مستانس ... لا وبعد للحين ايميله ظاهر ....... اف اف اف خل اشوفه باجر وبقوله عن هالسالفه .. متى بيحط لها حد يعني !!!
خل انام احسن لي ولا ارفع ضغطي على وحده مثل هاذي ماتستاهل ....... مرت نص ساعة ولانامت
ساره: >>> بروح اجيب دفتر الاشعار احس اني بكتب شئ الليلة
بعد نص ساعة اكتبت قصيده وكان عنوانها
( لي فات الفوت ماينفع الصوت)
كنت بدنيتك وردة وكنت لي بستان الورود
أزرع محبة وشوق وأحصد فيك الحنان
ليه عاد تقلب موازين الهوا وكل الوعود
مرة تجي ومر تصد صدقني تلقى بدنيتي كل الأمان
ماودي لغيرك انقطف واجازيه بصدود
ليتك مكانه بس تكون واضحك لدنيا بامتنان
خذني معك لايهمك لوتقلب الدنيا برق ورعود
أدري زعلهم زعل يومين ولاكنه الزعل كان
قلبك مكاني وهو هلي ماهمني لو يجافوني بصدود
لي فات الفوت ماينفع الصوت حكمة وقالوها زمان
نامت واتصل فيها راشد الساعة 9 الصبح
راشد : صباح الخير
ساره: صباح النور
راشد: شلونج ساره ؟؟؟
ساره: بخير >>> الله يالدنيا قبل ماكان يمر يوم بدون مايتصل لي سعود الصبح والحين مو لاقيته .. مافي غير راشد
راشد: نايمه ؟؟
ساره: لا كنت نايمة قعدت الحين
راشد: سوري قعدتج
ساره: لا ماعليه حصل خير .. اصلا انا كنت بقوم
راشد: اوكي
ساره: راشد ممكن اطلب منك طلب
راشد: امري تتدللي ؟؟
ساره: مابي احد يعرف بموضوع الخطوبة يعني مابي الخبر ينتشر .. كفايه اهلنا يدرون
راشد: ليش؟؟؟؟؟؟؟؟؟؟؟؟؟
ساره: احسن تدري الناس مايرحمون .. على طول يشتغل الحسد .. ودام ان الخطوبه مطولة .. مافي داعي الغرب يعرفون
راشد: انشاءالله
ساره: وامك وخواتك بعد الافضل مايقولون حق حد عن الموضوع على الاقل لين يصير الموضوع رسمي .. وانا بوصي امي
راشد: خلاص ولايهمج .. كل شئ بيصير مثل ماتبين
ساره: اااااه ياسعود وينك الحين ابي اقولك عن سالفة اميره الورد .. للحين انا مقهوره
راشد: وينج ساكته ؟؟؟
ساره: معاك معاك
راشد: اوكي انا اخليج تقومين على راحتج .. تامريني بشئ
ساره: تسلم
راشد: خلاص عيل مع السلامة
ساره: مع السلامة >>>>>> يقول مابتصل وايد وهو كل شوي يتصل شكله بيلعوزني ... اووووه نسيت اليوم عندي موعد في عياده الاسنان ... بروح البس بسرعه عشان ماأتاخر
ساره في السياره ..... أمير شغل الراديو
امير : اوكي
ساره: لا غير
امير: هزا زين
ساره: اي .. سرحت شوي وبعدين اسمعت أغنية الفتت أنتباها خصوصا ان الي يغني عبد المجيد ... >>> حلوة هاذي الاغنية امير طول طول ..
اهتم فيني ..اهتم حط بالك عليا .. سكني بروحك وعينك وقلبك .. حافظ على اهل القلوب الوفيه .. مو كل يوم تلاقي واحد يحبك ..
ساره: اااااااااااااه صج حلوة
لو قلت لك زعلان جب لي هديه .. لو قلت لك مابيك قولي أحبك .. لاتزعل ان كدرت جوك شوية .. قلبي طفل ويحب يلعب بقلبك ..
ساره: وااااي هذا الي يعجبني فيك ياعبدالمجيد .. تغني الأغنية وجنك توصف قصة .. دايما احس اغانيك تجسد احساسي
انا لك ودي تكون انت لي .. ياشين غيابتك .. ويازين قربك .. ابسط حقوقي انك تحس فيا
ساره: اوووووووووه ليش يقطعون الاغنيه .. اي والله ياسعود ابسط حقوقي انك تحس فيا .. بس صج صج حلوة اول مره اسمعها ... اول ماروح البيت بدورها في النت
احسها توصف حالتي معاك ياسعود.. اهتم فيني .. حط بالك عليا ... مااذكر الباقي .. بتصل في سعود ..
ساره: هلا سعود وينك امس مادخلت النت ؟؟؟
سعود: شاسوي نطرتج وتأخرتي
ساره: >>>وين ذيك الايام تنتظرني لي الفجر
سعود: وينج ؟؟
ساره: في السياره عندي موعد اسنان .. سعود توني سمعت اغنية تجنن حق عبدالمجيد اسمها اهتم فيني
سعود: شنو كلماتها ؟؟
تقول كلماتها .. اهتم فيني .. حط بالك عليا .. سكني بروحك وعينك وقلبي.. اممممممم نسيت اي اي بعد لو قلت لك زعلان جيب لي هديه .. لو قلت لمابيك قولي أحبك
سعود: اي اظن سمعتها حلوة
ساره: حلوة الا تجنن فكر في كلماتها تعيش في جو الاغنيه << ولا احسك فهمت قصدي
ساره:نسيت اقولك كتبت لك قصيده امس وارسلتها على ايميلك اقراها
سعود: انشاءالله
ساره: خلاص انا وصلت .. الظهر بكلمك عالمسنجر
سعود: اوكي
ساره:باي
سعود: باي
مر اسبوع وساره تحس سعود .. للحين يبتعد اكثر واكثر ومره كانت تكلمه على المسنجر الساعه 12 في الليل
ساره: لا ماتحبني انزين
سعود: بلى احبج
ساره: اي ووايد
سعود: ااااااااي حتى بخطفج
ساره : انت تخطفني
سعود: اي بخطفج
ساره: مااعتقد
سعود: ليش؟؟
ساره: ماتسويها
سعود: ليش ماتقدر
سعود: ليش مااقدر اخطفج واتزوجج ؟؟؟
ساره: ماتقدر ولابتسويها
سعود: ليش مااقدر ؟؟؟؟
ساره: انا اقولك ماتقدر يعني ماتقدر يعني ماتقدر
سعود: اقدر
ساره: ماتــــــــــــــــــــــــــــــــــــــــقد ر
سعود: ليش؟؟؟؟؟؟؟؟؟؟ تقولين هالكلام؟؟؟؟؟؟؟
ساره:جربتك وادري انك ماتقدر تواجه المجتمع مثل ماقلت ؟؟؟
سعود: ليش تفكرين اني مااقدر اسوي شئ ؟؟؟؟؟؟؟؟؟؟
ساره: هذا الواقع .. عمرك مابتسوي هالشئ ولا في الاحلام .. اصلا انت بديت تتغير .. كله بعيد عني
سعود: انا أتغير عليج ؟؟؟ ليش ؟؟ اصلا انا ماتغيرت
ساره: عيل ليش بعيد .. ولاراضي تقولي عن السالفه الي مخليتك كله متضايق
سعود: مافي شئ
ساره: فيه وشئ كبيــــــــــــــــــــــر بعد
سعود: كبير .. اي والله كبير
ساره: شنو ؟؟؟؟؟؟؟؟؟؟؟؟
سعود: مااقدر اقول
ساره: ليش ؟؟؟؟؟؟؟؟؟
سعود: ولاشئ .. اصلا انا ابتعد عشان هالشئ من مصلحتج .. حتى لو اضطريت اتزوج وحده ثانيه عشان اقطع الامل الي تفكرين فيه وتفكرين في حياتج ومستقبلج
ساره: >> معقولة يكون تزوج وحده ثانية ... لا لا شدعوة .. اصارحه بالي افكر فيه .. بس هذا شئ خيالي .. شدعوة بيتزوج .. اكيد تزوج ولا ليش غاب فتره طويلة كان مايتصل الا مره كل 3 ايام لا وبعد يكلمني دقيقه او نص دقيقه ويسكر
ساره: سعود لايكون انت متزوج وحده ثانيه؟؟؟
سعود:شنو لا مو متزوج وحده ثانيه
ساره: بلى كل شئ واضح من كلامك انك متزوج
سعود: لا مو متزوج واصلا اذا كنت متزوج هالش بيبين
ساره: اي بين ولا ليش كنت مبتعد عني فتره طويلة .. من بداية ماتغيرت علي
سعود: شوفي لو شفتي حبي لج نقص يعني انا متزوج .. بس طالما حبي لج نفس الشئ يعني ماتزوجت وحده ثانيه
ساره: متزوج قول انك متزوج وحده ثانيه
سعود: قلت لج ماتزوجت وحده ثانيه .. كفاية وحده بعد ثنتين
ساره:>>> الحين كل شئ اتضح جدامي .. الفتره الي قطعت عني وابتعدت كنت توك متزوج ويمكن بعد كنت في شهر العسل ..
ساره: تزوجت صح
سعود: اقولج ماتزوجت وحده ثانيه
ساره: قول قول قول انك متزوج !!!
سعود: ماتزوجت
ساره: متزوج
ساره: تزوجت ؟؟ صح صح ؟؟؟
سعود: اي اي تزوجت .. ارتحتي
ساره: شنو ؟؟؟ تزوجت ؟؟؟؟؟؟؟؟؟؟؟؟
سعود: اي تزوجت عشان تعيشين حياتج
ساره: انت شتقول ؟؟؟ شتخربط ؟؟؟ انت من صجك
سعوود: اي
ساره: لا ماصدق انك تزوجت مره ثانيه ؟؟؟
سعود: تزوجت وياليتني ماتزوجت .. وهذا الشئ الي خلاني ابتعد عنج وكنت متضايق لاني ماارتحت معاها
ساره: انت شتقول .. انا للحين مو مستوعبة كلامك .. مااعتقد لا .. شنو يعني تتزوج ؟؟ ولا فاهمة اسبابك .. تتزوج ليش ؟؟؟؟؟؟؟؟؟ شناقصك عشان تتزوج ؟؟ ماعندك سبب عشان تتزوج وحده ثانية ؟؟ تتزوج بعد علاقتنا ب 3 شهور شدعوة ؟؟
سعود: صدقي
ساره: ليش تتزوج ؟ زوجة وعندك وقايمة بكل احتياجاتك ؟؟ بس بعيدة عنك .. هالشئ عوضته بعلاقتك فيني لقيت الحب عندي ؟؟ عيل شناقصك ؟؟ شالي تبيه بعد ماكفتك زوجتك وفهمناها وانا بعد مو كفاية 3 حريم في حياتك وبعد متضايق ومومرتاح؟؟ >>>>> الحين بيقولي انه يتغشمر
سعود: انا سويت هالشئ عشانج
ساره: شلون عشاني ؟؟ شلون يعني تخليني وتتزوج وحده ثانيه وتقول عشانج؟؟ تخليني وتخلي قلبي يحترق عليك وتقولي عشانج ؟؟؟ تقطع اي امل ممكن يربطنا بعض وتقول عشانج مو مستوعبه كلامك.. صعب افهمه >>>>> تقولي المجتمع ونظرته ونظرة هلج وتروح تتزوج وحده ثانيه يعني تقدر تاخذ غيري وماتقدر تاخذني ... شنو يخربط سعود.. الافضل يسكت بدل مايعطيني اعذار مثل هالاعذار
سعود: عشان تعيشين حياتج وتتزوجين ضحيت .. وتزوجت عشان تبتعدين عني .. وطحت انا فيها وماقدرت انسجم معاها
ساره: يعني لو عجبتك وانسجمت معاها كنت بتنساني .. ماخذها عشان تنسيك ساره
سعود: ساكت
ساره: >>>>>>> معقولة لو كانت زينه وعلى مزاجه خلاص كان بيخليني .. بس عشان طلعت مو زينه استمر معاي يوم يكلمني ويوم لا ... محد قاله يروح يتزوج بهالسرعه عقب 3 شهور من علاقتنا يروح يتزوج وانا الغبيه الي اقول يمكن عنده مشاكل مع هله .. بصبر على وضعه بصبر على ابتعاده عني .. اكيد عنده مشكله كبيره لازم ماكون انانيه
سعود: زوجتي الحين قريبه لازم اسكر ..
ساره: ليش تتهرب
سعود: ماتهرب لكن صج هي قريبه .. بتصلج باي
ساره: باي
بعد ربع ساعة اتصل سعود
ساره للحين تفكر في كلامه وتحاول تفسر ليش قالها انه متزوج يمكن انه يقص عليها عشان تتزوج راشدوقال يألف لها القصه ..او تتوقع انه يتغشمر يبي يشوف غلاته عندها
سعود: هلا
ساره: انا للحين مو مستعبه الي تقوله
سعود: صدقي
ساره: شلون تبي تقنعني انك عشان تضحي بتخليني اعيش حياتي .. بدل ماتوقف في وجه اهلي تستلم لها الدرجه وتقطع كل الامال ...
سعود: هذا كله عشانج
ساره: لاتقول عشانج مو على شاني ... لو علاقتك بزوجتك الثانيه انجحت كنت تركتني ولا سألت عني .. >>> صج انك أناني .. معقولة مافي شئ يترس عينك .. لازوجتك ولا انا شنو هالانسان مايشبع ... ويمكن بعد يقص علي ويكون مستانس مع الثانيه بس يمثل علي
سعود: بعدين نتفاهم لازم اسكر الحين .. باي
ساره: باي
ساره: >>> معقولة لها الدرجة يطلع سعود اناني ..متى شافها متى عرفها متى خطبها لحق يسوي هذا كله .. من وين دفع لها مهر وهو ظروفه ماتسمح بهالشئ .. اكيد خذ سلفيه معقولة؟؟؟ من هاذي الي تستاهل انه يضحي بزوجته وفيني ويتسلف ويسوي كل هذا عشانها ... وشلون رضت فيه وهو متزوج وعنده عيال .. اكيد يعرفها ولا مافي وحده ترضا تاخذ واحد متزوج لازم في سبب ... شلون خذ هالقرار بهالسهولة .. ويقول مو مرتاح معاها واضح انه يقص علي .. شلون يعني مو مرتاح معاها هاذي الي فضلها علي شلون مو مرتاح معاها ماظن بيروح بيتزوج اي وحده اكيد سأل عنها وشافها وشافته وقعد معاها اكيد كان في فترة خطوبه اكيد عرفها عدل وعجبته ولا مابيتزوجها بس جذي .. مااعتقد ان هو غبي عشان يتزوج اي وحده خصوصا بالنسبه لشخص مره بتجربة زواج فاشلة مع زوجته الاولى وفشلت اكيد اذا بيتزوج وحده ثانيه بيختار عدل مابياخذ اي وحده عشان مايكرر غلطته الاولى .. شلي اعجبك فيها ياسعود احلى مني ..؟؟؟ تحبك اكثر مني ..؟؟؟ تضحي بنفسها واهلها وسمعتها ومستقبلها عشانك ؟؟؟... ماظن ...
ماادري شنو ردة فعلي .. اعصب ولا ازعل ولا اتضايق ولا استانس اني اكتشفت حقيقته ولاشنو بالضبط .. ماادري وليش اعصب وليش اتضايق من اكون انا اصلا مالي حق ازعل ليش انا زوجته ؟؟؟ زوجته شلون وافقت ؟؟؟ تدري ولا ماتدري ؟؟ تدرين ان زوجج واحد اناني كل يوم يعشق له وحده تدرين ان انا موجوده بحياته تدرين انج انتي مو كفاية بالنسبه له وانا مو كافيه وزوجته الثانيه مو كفايه حتى اميرة الورد وغيرها من البنات الي في المنتدى مو كفايه ؟؟ مادري متى بتكتفي ... مستحيل اقتنع باللي تقوله .. انك تضحي عشاني وتتزوج .. هاذي موتضيحه .. بتصرفك هذا انت تبيعني ماتضحي عشاني ... انتظر يطلع الصبح عشان اتصل فيك واعرف الموضوع وافهم كلامك.. احتمال يكون جذب انشاءالله تكون تتغشمر او تختبرني بس ماتكون متزوج وحده ثانيه ....
توقعاتكم ؟؟ ساره بتصحى وبتترك سعود؟؟؟ كلام سعود صج ولا يجذي صج انه متزوج وحده ثانيه ؟؟؟ صج سعود يضحي عشان ساره ولا بيطلع شخص اناني ؟؟؟؟؟؟؟؟تعليق
-
يسلموووووووووو
يسلموووووووووووووو لهفة الاحساس تسلم ايدج كخخخخخخخخخخ بس لو هالقصه من تاليفج تصلحين تكونين كاتبه هههههه
ناطرين الجزء اللي بعده >< يقهرني سعود خخخخخخخخخخخخخخخخخخخخختعليق
-
يسلموووو
وننطر الباجي
وشكله سعود انانيتعليق
-
مكافحة الشباب البلشتيه: اكيد من تأليفي عيل بايقتها هههههههههههههههه
رجاوي: الاجزاء الجايه بتبين كل شئ
انتظروني الجمعهتعليق
-
الجزء الثاني عشر :
انتهت الاجازة ورجعت ساره لدوامها في الجامعة وهالشئ الي خلاها تتخطى صدمة سعود ... وبدت تفكر في راشد .. مو حب لكن تحاول تتقبله على أساس انه الشخص المناسب لها والي بتكمل معاه مشوار حياتها .. لأن سعود وبكل بساطة تركها وصار معظم وقته حق هله خصوصا بعد زواجه الثاني ..... فشافت الافضل انها تعيش حياتها...
العصر اتصل سعود في ساره .... ماشافت التيلفون ولما رجعت وشافت المسك كول وصلها مسج منه ...
سعود: ساره شوفيني من دريشة الصالة الي فوق ..
ردت عليه ساره: اوكي
وشنو الي شافته ساره ... سعود وزوجته وعياله في السياره .. نزلوا جنب بيتهم ودخلوا بيت كان ينبني .. دخلوا كلهم يشوفون البيت .... وساره مستغربة شلون يقولوها تعالي وشوفي .. يبيها تشوف زوجته .. صج انها مغطيه وجهها بس ليش يبيها تشوفها ..
ساره: هذا جن ولا شنو جايب لي زوجته وعياله عشان اشوفهم مع بعض كلهم ويحرق قلبي ان زوجته معاه لهالدرجة احساسي مايهمك .. لهالدرجة مستهتر بمشاعر زوجتك قبل لاتستهر بمشاعري .. جايبها عند بيتنا وهي المسكينه ماتدري عن شئ ماتدري انك جايبها عشان اشوفها .. ماتوقعت يطلع منك تصرف مثل هالتصرف .. لا احترمتني ولا احترمت مشاعري ولا احترمت زوجتك ومشاعرها .. شلي استفدته من هالي سويته شنو ؟؟؟؟؟
بعدها بيومين اتصل وكان يسولف عن زوجته الثانية (الزوجة الجديدة) ويشتكي منها ومن تصرفاتها وعقب ...
سعود: ساره خلج ساكته اوكي
ساره:ليش؟؟
سعود: باتصل من جوالي الثاني وبحطه عالسبيكر اسكتي واسمعي
ساره: اوكي
سعود: اتصل في زوجته الثانية ..
الزوجة :( تتدلع) هلا
سعود: اهلين
الزوجة:( تزيد الدلع) وينــــــــــك
سعود: شتبين انتي ؟؟؟
الزوجة : ههههه وينك ماجيت ؟؟؟
سعود: شتبين اقولج ؟
الزوجة: ابي اسكريـــــــــــم
سعود: مابجيب لج
الزوجة: ليش أبـــــــــــي
ساره:>>> شفيه هذا متصل في زوجته عشان اسمعها وهي تتدلع وتتميع وتتغشمر معاه ..
سعود: مابجيب
الزوجة: عاد عاد تكفى
سعود: مستمر في المكالمة وماخذ راحته ولا كأنه ساره عالخط وبعد 5 دقايق سكر
سعود: ساره
ساره: هلا
سعود: سمعتيها ؟؟
ساره: اي
سعود: جنها ياهله صح ؟؟
ساره: اي
سعود: هاذي ماخذها بس حق السوالف والضحك والغشمره
ساره: اي >>> لو تسكر وايد احسن من الكلام الي قاعده اسمعه ..._( حاولت ساره تسكر منه بسرعه)
ساره: لا هذا اكيد مو صاحي يوم يجيب لي وحده عند البيت ويوم يخليني اسمع كلام الثانية .. شيبي بعد .. وين يبي يوصل .. هذا صاحي ماظنه صاحي ... راشد ماشفت منه عيب دايما يراعي مشاعري ويبيني بس ارضى عليه وانا مو مهتمه اتمنى بس اقدر اتقبلك ياراشد وانسى سعود .. سعود باقي كم شهر على عيد ميلاده بعطيه هديته وبقطع علاقتي فيه .. مابيه يظن اني عرفته عشان الهدايا .. عشان اخذ هدية عيدميلادي وتنتهي القصة .. بعطيه هدية عيد ميلاده عشان مايكون له عندي شئ .. وخلاص .. اتمنى بس اقدر اتقبل راشد مو طايقته على الرغم من كل الي يسويه .. ادري انه زين وطيب حاسه بكل هذا .. بس ماحبه قلبي مع سعود الي موداري عني لاهي مع بيته وحريمه وعياله ..
.................................................. ............
بعد هالفترة من علاقة راشد بساره بدا يتعلق في ساره اكثر واكثر صارت حياته كلها بس يتمنى الايام تركض ويتزوجها
اتصل راشد: هلا والله بالقمر
ساره: بدون نفس أهلين
راشد: شخبارج ؟؟؟
ساره: تمام ..أنت شلونك؟؟
راشد: أنا بخير دامج بخير
راشد: وحشتينـــــــــــــــي وينج اليوم ؟؟
ساره: عندي امتحانات تدري
راشد: ادري بس اشدعوة طمنيني عليج وسكري
ساره: هالمادة صعبة وانا احاتي مو ناقصه تزيدني
راشد: خلاص خلاص .. متى تخلصين؟؟
ساره: ماادري
راشد : انزين لي خلصتي كلميني
ساره: اوكي .. اذا تأخرت نام لاتنطرني
راشد: مستحيل انام بدون ماكلمج حتى لو بس تقولين لي كلمتين وتسكرين ترا ماراح انام بنتظرج
ساره: اوكي >>>> جنه مصخها وسندرني وايد
راشد: ماودي اخليج بس مضطر
ساره: اوكي
راشد: حطي بالج على نفسج
ساره: انشاءالله
راشد: مع السلامة
ساره:مع السلامة
ساره: راشد يمللني كل شوي يتصل وانا فترة امتحانات مو ناقصه>>> قبل لما سعود كان يتصل لي ايام الامتحانات كنت استانس ولا افتكر بس راشد مااتقبل منه اي شئ ماادري ليش مو قادره اتأقلم معاه ...........
الساعة 10 في الليل اتصل راشد مره ثانيه .......
راشد: هلا ساره
ساره:<<< اووووووووووووووه مللني (هلا)
راشد: مااتصلتي ؟؟
ساره: ماخلصت؟؟
راشد: متى بتخلصين ؟؟؟؟؟؟؟
ساره: ماادري
راشد: مايصير تاخذين بريك وتكلميني 10 دقايق .. تعبت وانا انطرج
ساره: مااقدر للحين ماخلصت
راشد: عشاني
ساره:>>> هذا من وين طلع لي بديت اتنرفز صج
راشد: شقلتي ؟؟؟؟؟
ساره: مااقدر
راشد: بس شوي ما بأخرج
ساره: قلت لك مااقدر قاعده ادرس مالعب انا
راشد: ادري .. شفيج عصبتي ؟؟؟؟؟؟
ساره: ماعصبت
راشد: عيل شفيج ؟؟؟؟؟؟؟
ساره: >>> اللهم طولك ياروح
ساره: راشد انا مشغولة
راشد: انا خطيبج ولي حق عليج
ساره: وانا عندي امتحانات ولا تبيني اسقط
راشد: ماقلت جذي
ساره: بروح اجيب حبوبي لحظة
راشد: حبوب شنو
ساره: حبوب ضغـــــــط
راشد: فيج الضغط ؟؟
ساره: اي
راشد: بس شلون ؟؟ ومتى ؟؟ اول مره ادري
ساره: من زمان
راشد: بس انتي صغيره
ساره: ادري .. (بعصبية) بروح اجيبهم
راشد: انزين انزين
رجعت ....
ساره: الووو
راشد: خذتيهم
ساره: اي
راشد : بالعافية ..
ساره: ساكته
راشد: شلونج الحين احسن
ساره:>>> اففففففف ...
ساره: للحين الدوا ماخذ مفعوله
راشد: خلاص عيل اخليج ترتاحين
ساره: اوكي . باي
راشد: باي
.................................................. .................
ساره راجعه من الجامعة دخلت البيت وراحت غرفتها وقاعده تغني ..
ساره: ايش جابك من بلادك لبلادي .. ايش الي خلاك تسكن في فؤادي .. احس الشئ في مهجتي لك غير عادي .. كل ماشوفك يزيد .. يا ذا الحب الجديد.. يعتصر قلبي وياخذ مايريد .. كنت وحدي منعزل في وسط وداي .. جيتني بالحب من قلبك ينادي ...
اي والله كنت وحدي ياسعود.. كنت لاهية بدراستي والجامعة .. جيتني وقلبت دنيتي .. بس شنو اخرتها معاك .. تزوجت عشان تبتعد عني وانت ماابتعدت تروح وترجع يعني مااستفدت شئ
وين جوالي .. ابي اشوف مسجاتك القديمة ياسعود.. للحين مامسحت شئ منهم .. هالمسجات تذكرني لما صج كنت تحبني ... أحب أشوفهم ...
وين مسجاتك الحين .. نادر ماترسل لي شئ .. ونادر ماتتصل .. وينك ياللي كنت تسأل عني ليل ونهار .. ماتخليني ثواني .. وينك .. معقولة يقسى قلبك علي !!
بتصله بشوفه اكيد الحين في الدوام:
اول بشغل هاذي الأغنية وبعدين بتصل
شغلت اغنية عبدالمجيد قول امين واتصلت وحطت السماعه قريب المسجل عشان يسمع ..
سعود: الوووو
(يسمع صوت المسجل)
قول امين عساك تحبني وتموت فيني .. قول امين عسى ايدينك ماتفارق ايديني .. مثل مااشتاق انا لعينك .. ابي تشتاق انا لعيني .. عساك تحبني وتموت فيني ...
قصرت عالصوت ..
ساره: هلا سعود
سعود: هلا والله رايقه يالنمله
ساره: اي .. شخبارك ؟؟
سعود: تمام
ساره: من متى ماشفتك
سعود: اي
ساره: خاطري اشوفك .. اشتقت لك
سعود: خلاص شوفي وقت انتي فاضيه واشوفج
ساره: انا فاضيه انت شوف متى يناسبك ؟؟
سعود: عادي عادي اي وقت .. قرري وقولي لي
ساره: اوكي
سعود: انا مشغول بسكر الحين
ساره: اوكي باي
سعود: باي
ساره : >>> الله يالدنيا .. أنت الي كنت تركض وراي وتتصل فيني عشان تشوفني الحين وينك ..؟؟؟؟؟
الحين يقول زوجته الاولى تغيرت من بعد ماتزوج الثانية .. صارت تهتم فيه وتراعيه وتدلعه اكثر من قبل بوايد .. عشان جذي مايبيني خلاص لقى كل شئ شيبي فيني حب بالتيلفون ومن بعيد وهو قاله مره بلسانه حبنا حلو .. بس من بعيد .. هالحب مايوكل عيش ... اشتقت حق ايامنا الحوة اشتقت لحبك ياسعود.. بسوي له مفاجأه مثل مافاجأني بعيد ميلادي والحين عيد ميلاده باقي عليه اسبوع باخذ له هديه حلوة وبفاجأه ... شلون بسوي المفاجأة اخاف مايقدر يشوفني من متى وانا ابي اشوفه وهو كل يوم يتعذر بعذر ...
تيلفوني يرن .. اووووه هذا راشد
راشد : مساء الخير
ساره: مساء النور
راشد: شخبارج ؟؟
ساره: بخير .. راشد انا بروح اتغدا امي تناديني
راشد:اوكي بالعافيه
ساره: الله يعافيك .. مع السامة
راشد: مع السلامة >>> ساره دايما مشغولة ماحسها مهتمه فيني وكل ماقولها خل نقدم موعد الخطوبة مو راضيه وضعي جذي مو عاجبني ماحس اني خطيبها ....
ساره: زين اني قلت له بتغدا ولا الحين بيقولي وينج وينج .؟؟ ماتتصلين ماتسألين ؟؟ عباله ماعندي شئ في هالدنيا غيره ....
ابي اطلع من هالنكد الي انا فيه .. ابي اشيل سعود شوي من تفكيري ... وين اروح.. وين اروح .. اي اليوم عرس قريبة نور قلت لهم اني مابروح .. بتصل الحين في نور وبسألها وين العرس ...
ساره: شفيها ماترد .. بتصل مره ثانيه ..
نور: الووو
ساره: هلا نور
نور: الووو الوو ما اسمع شئ لحظة
ساره: اوكي
نور: هلا ساره
ساره: اهلين وينج ؟؟
نور: في الصالون
ساره: غيرت رأيي بروح معاكم العرس
نور: صج
ساره: اي
نور: تبين نمر عليج
ساره: اي انا ماحجزت في الصالون ومالي مزاج الزحمة بروحي بتمكيج وبسوي شعري انتوا بس مروا علي اوكي
نور: انشاءالله ولايهمج
ساره: خلاص ماعطلج مع السلامة
نور: مع السلامة
ساره: >> بروح اقول حق امي اني بروح معاهم العرس عقب بنام ساعتين وبقوم العصر عشان اجهز .. بس شالبس .. بلبس فستاني الاسودتعليق
-
الساعة 4 قامت ساره من النوم .. شربت نسكافيه وقعدت شوي تطالع التفزيون في الصالة ... عقب راحت تسبحت و غسلت شعرها وبدت تستشوره .. ومشغله الراديوا .. سمعت اغنية غايب حبيبي على ا ف ام وارسلت مسج لسعود عشان يسمعها
عالساعة 6 خلصت من شعرها .. لبست الفستان وبدت تتمكيج 7 ونص خلصت بس باقي اللمسات الاخيرة .. واتصلت فيها نور
نور: هاي ساره
ساره: هايات
نور: جاهزه
ساره: تقريبا
نور: بعد نص ساعه بنمر عليج تدرين بعد زحمة الشوارع يعني بنكون في القاعة 8 ونص ... عشان يمدينا نصور ونتفرفر بالفساتين هههههههههههه
ساره: هههههههههههه اوكي تفرفري على راحتج
نور: يالله سي يو باي
ساره: سي يو باي
جاتها نور والبنات وراحوا العرس ... بس استغربت ساره من موقف بنات خالتها لولوة وبنات خالها سيف .. ماعطوها وجه .. متغيرين عليها ماتدري ليش ؟؟؟ احتمال عشان انخطبت لراشد
ساره:<<< معقولة عشان راشد خطبني متغيرين علي .. انا ماغصبته يخطبني كانوا جدامه لو يبي وحده منهم كان خطبها .. معقولة كل هذا حقد وحسد ..........
.................................................. ......
اليوم الثاني ... ساره مستغربة صار المغرب وراشد مااتصل كلش ولا حتى ارسل مسج ..
ساره: >>> يمكن مريض ولا مشغول ... غريبه عمره ماسواها .. بتصل فيه وبشوفه
ساره: مساء الخير
راشد: هلا مساء النور
ساره: شلونك؟؟
راشد: الحمدالله
ساره: شفيك ؟؟ مريض ؟؟
راشد: ليش يهمج لو كنت مريض ؟؟
ساره: اكيد
راشد: متأكده !!
ساره: اكيد مااتمنى انك تمرض .. صوتك متغير .. شفيك متضايق
راشد: مافيني شئ
ساره: عيل ليش مااتصلت اليوم ؟؟
راشد: انشغلت
ساره: شدعوة تبي تقص علي .. يبين فيك شئ
راشد: لاتشغلين نفسج
ساره: قول شفيك لاتقعد تدلع .. شصاير خرعتني !!
راشد: موضوع مضايقني
ساره: شنو ؟؟؟
راشد: اسمحي لي مااقدر اقولج
ساره: شدعوة
راشد: اي مااقدر
ساره: مو انت تقول انك خطيبي .. خلاص لازم اعرف
راشد: تدرين اني بديت في مشروع
ساره: اي
راشد: وناقصني مبلغ
ساره: اي
راشد: بس
ساره: انزين ليش ماتقول حق ابوك ماشاءالله عنده خير
راشد: ابوي من البدايه ماكان يبيني ابتدي هالمشروع يبيني اشتغل معاه .. بس انا مااحب اعتمد عليه في كل شئ احب اعتمد على نفسي .. وانشاءالله لين تزوجنا انا ابي اتكفل بكل مصاريف العرس .. لي متى بعتمد على ابوي
ساره: اوكي مو مشكله .. بس انت الحين متوهق ..اخذهم سلف وعقب رجعهم
راشد: انا كرامتي ماتسمح لي اخذ من اي حد حتى لو كان ابوي
ساره: انزين خذ سلفيه من البنك
راشد: (يتنهد) : علي سلفيات وايد انشاالله بسددهم اول ماينجح المشروع بس الحين مااقدر اخذ سلفية .. متورط
ساره: انزين كلم امك
راشد: اقولج ماحب اخذ من حد
ساره: انزين وشنهو الحل ؟؟؟؟؟
راشد: ماادري
ساره: كم يعني هالمبلغ ؟؟
راشد: مو هالمبلغ بس انا راتبي كله رايح عالسلفية شقولج ياساره
ساره: شوف انا عندي مبلغ في البنك ابوي حاطه لي .. بروح بسحبه وابيك تجي بيتنا وبعطيك اياه .. وبعطيك بطاقة البنك والرقم السري .. انا كل شهر ابوي ينزل لي مبلغ مصروف لي وانا ماصرف منه الانادر لاني لين اطلع مع امي تشتري لي كل شئ ابيه ..
راشد:(يرد بعصبية) شتقولين انتي انا ماقلت لج الموضوع عشان تعطيني فلوسج لا ومصروفج بعد
ساره: قلت لك انا ماصرف منهم شئ والمبلغ محد بيدري اني سحبته .. وأنت لي نجح مشروعك رجعهم على راحتك
راشد: لا ياساره .. مو انا الي اخذ من بنت انا عندي كرامة
ساره: راشد هي كلمة وحده اذا تبيني اكون زوجتك تاخذ المبلغ ولاتبدي حياتنا وانت تفرق بين فلوسي وفلوسك ..
راشد: ساره انتي شتقولين ؟؟؟؟
ساره: هذا شرطي تبيني زوجتك حسسني اني غير عن أهلك وان مافي فرق بينا
راشد: لاتحطيني في هالموقف الصعب
ساره: راشد ترا انا عنيده وصدقني ماتبي تشوفني لي وين اعاند
راشد: خلاص خلاص كل شئ ولا اني اخسرج .. بس توعديني انج تاخذينهم عقب اعتبريهم دين علي
ساره: موافقة .. متى ماقدرت رجعهم
راشد: انشاءالله ..
ساره: يالله انا بروح البنك ابيك تجي بيتنا في الليل كأنك جاي تسلم على أحمد عشانه بيجي اليوم من امريكا .. وبعطيك الظرف بدون ماينتبهون .. والبطاقة خلها عندك لانه احتمال تحتاج مبلغ واكون مااقدر اشوفك في هاليوم .. فخلها احتياط
راشد: مشكوووووورة ياساره .. بصراحه ماتوقعتج جذي
ساره: العفو .. وبعدين قبل كل شئ احنا عيال خاله وعيال عم قبل لاننخطب لبعض صح
راشد: صح .. بس كنت افكر انج مو مهتمه فيني بس اثبتي لي العكس
ساره: لاتزعل مني اذا حسيت اني بعيده عنك .. بس مو متعوده يكون في شخص فحياتي
راشد: الحين عرفت شكثر تعزيني
ساره: بس خلاص لاتزودها ههههههه
راشد: اوكي
ساره: مع السلامة
راشد: مع السلامة
ساره: بروح ابدل عشان ماأتاخر ... يرن تيلفون ساره
أنت عندي حاجه غير هاذي مافيها كلام .. (نغمة سعود )
سعود: هلا ساره
ساره: اهلين
سعود: وينج
ساره: في البيت .. بطلع الحين ..
سعود: ايميلي نسرق
ساره: صج
سعود: اي شلون ارجعه
ساره: تعرف السؤال السري واجابته
سعود: لا
ساره: عيل ماقدر ارجعه لك ماعرف
سعود: والحل؟
ساره: مين سرقه ؟؟ وليش ؟؟
سعود: ماادري المهم صرفيني شسوي ؟؟؟
ساره: خلاص بسوي لك غيره .. شنو تبي النك
سعود: اي شئ
ساره: اوكي .. بخليك الحين عشان بطلع بعدين بكلمك
سعود: ابيه الحين تسويه
ساره: مااقدر والله .. اول مارجع بسويه وعد
سعود: اوكي
ساره: باي
سعود: باي
ساره: >>> وقت الي تبي مني شئ تعرف شلون تلقاني باقي الاوقات مشغول
البست وراحت الصاله ...
ساره: يما انا بطلع
شيخه: وين بتروحين
ساره: مساعه راشد قالي بيجي اليوم عشان يسلم على أحمد فقلت بمر اشتري شوية حلويات وكيك
شيخه: اوكي .. قلتي حق عبدالعزيز ونادية يجون ؟؟
ساره: اوووووه نسيت الحين وانا طالعه بكلمهم
شيخه: وانتي لاتتأخرين
ساره: اوكي
ساره: الووو امير
امير: الوو
ساره: تعال بسرعه انا بطلع
امير: اوكي
ركبت ساره السياره تنتظر امير واتصلت في ناديه
ساره: مساء الورد
ناديه: مساء الفل
ساره: شخبارج ؟؟
ناديه: الحمدالله بخير
ساره: وشخبار عبدالعزيز وفصولي
ناديه: بخير .. شعندج متصله ..؟؟ من وين طالعه الشمس اليوم ؟؟؟
ساره: هههههههه شدعوة يعني لهالدرجة انا مااتصل .. تدرين امتحانات ودراسه
ناديه: ولاراشد ماخذ عقلج
ساره: ههههههههه لا تبالغين
ناديه: مابالغ
ساره: المهم لاتنسيني .. اليوم أحمد بيرجع من أمريكا .. تعالوا اوكي
ناديه: امممم لا بنفكر عقب بنرد عليج خبر
ساره: بعد .. من متى ؟؟؟
ناديه: هههههههههه جذي برستيج
ساره: لاتنسين تقولين حق عزوز
ناديه: بعد عزوز .. ؟؟؟ بفتن
ساره: اي عزوز وانتي ندوي هههههههههه
ناديه: طالت وشمخت
ساره: اقول قلبي ويهج بروح اشتري اغراض
ناديه: شنو بتاخذين؟؟
ساره: ياشين اللقافه.. بشتري حلويات وكيك
ناديه: كل هذا عشان أحمد .. من قده
ساره: لا سعود بيمر اليوم
ناديه: حركات .. الحب مانقدر
ساره: بسج مصاخه .. يالله لاتعطليني
ناديه: انزين انزين .. يالله باي
ساره: باي
ساره: أمير روح البنك
أمير : اوكي
ساره: >>> لازم عقب امر اشتري حلويات ولابيقولون وين راحت
راحت البنك سحبت الفلوس وعقب شرت كيكه وبيتيفور وفطاير ورجعت البيت ... راحت غرفتها تسبحت وبدلت ملابسها مره ثانية ... لبست تنورة سوده وقميص مشمشي وحطت كحل وجلوس مشمشي فاتح لبست خاتم ناعم معاه عقد وساعة بلون مشمشي .. عقب تذكرت سعود .....
ساره: بروح اسوي له الايميل ولابيفضحني عقب.. بس شنو احط له نك ... اممم بحط الغالي مثل نكه قبل في الشات احلى من سوبر مان ... ايوووه باقي الخطوة الاخيرة .. خلاص الايميل جاهز .. وين جوالي عشان ارسله الايميل والباسورد مسج .. ارسلته خلصت ... الحين خل اروح احط البطاقه داخل الظرف وبحط الظرف في مخباي اول ماافتح حق راشد الباب بعطيه اياه ... اااااااي تذكرت ناديه .. خل اتصل اشوف وينهم ومتى بيجون ...
ساره: هلا ندويه الحلوة
ناديه: هلا والله بشيخة البنات سارونهتعليق
-
ساره: وينكم ؟؟؟
ناديه: الحين بنطلع بس البس فصول وجاين
ساره: اوكي لاتتأخرون
ناديه: أحمد وصل ؟؟
ساره: لا للحين بس نبيه يدخل يلقانا كلنا موجودين
ناديه: انشاءالله ماراح نتأخر
ساره: اوكي تيك كير
ناديه : يو تو
نزلت ساره الصالة ماشافت حد .. راحت المطبخ تشوف العشا ..
ساره: جوالي يرن ... هذا راشد.. زين ان مافي حد
راشد: ساره انا عند باب بيتكم
ساره: حياك تفضل
راشد: اوكي الحين بنزل .. باي
ساره: باي
لبست شيلتها وراحت عند باب المجلس وافتحت له الباب .. اول مادخل حطت الظرف في مخباه
راشد: السلام عليكم
ساره: عليكم السلام
راشد: شدعوة شفيج مستعجله
ساره: عشان عقب ماتغير رأيك
راشد: مابغير رأيي وين أهلج
ساره: الحين بنادي امي وابوي .. وعبدالعزيز وناديه الحين جاين في الطريق
راشد: لحظة
ساره:( التفتت عليه )
راشد: محلووووة
ساره:( ابتسمت وراحت .. كلام راشد مايعني لها اي شئ .. انها تساعده شئ وانها تحبه شئ ثاني )
دخلت الصاله الي فوق شافت امها وابوها قاعدين
ساره: راشد تحت يبي يسلم عليكم
فهد: يالله يأم عبدالعزيز ننزل
شيخه: يالله
ساره: يبا أحمد من بيجيبه من المطار هو ومحمد
فهد: اذا وصلوا انا بروح أجيبهم .. ودام سعود هني خلاص محمد بعد لازم يقعد ويتعشا معانا
ساره: اوكي
نزلوا تحت كلهم فهد وشيخه راحوا المجلس وساره راحت المطبخ .. تحط حق راشد عصير وكيك .. وجابت الصينية المجلس .. ودخل عليهم عبدالعزيز وناديه مع ولدهم فيصل
عبدالعزيز وناديه: السلام عليكم
الكل: عليكم السلام
عبدالعزيز: شلونك يبا شخبارك ؟؟؟
فهد: الحمدالله طيب .. عطني فيصل
ناديه: شلونك عمي
فهد: بخير .. شلونج انتي
ناديه: الحمدالله
عبدالعزيز: شلونج يما
شيخه: الحمدالله .. وينكم مانشوفكم
عبدالعزيز: تدرين يما الدوام ياخذ كل وقتي
عبدالعزيز : شلونك راشد
ساره: انا باخذ فصولي
ناديه: لاتعطينه حلاوة
ناديه: شلونج عمتي
شيخه: بخير .. تعالي قعدي
ساره: لا بعطيه .. تعال فصولي حبيبي تعال
راشد: يسمع ساره تقول حق فيصل حبيبي موعاجبه يغار من الياهل
ساره: عبدالعزيز ... ناديه شتشربون
عبدالعزيز: كل شئ منج حلو
ساره: عاش اخوي عاش
راحت ساره مع فيصل المطبخ واتصل احمد في ابوه
أحمد: السلام عليكم
فهد: عليكم السلام
أحمد: شلونك يبا
فهد: الحمدالله .. وصلتوا
أحمد اي يبا .. بس يبيلنا شوي لين توصل الشنط
فهد: خلاص انا جايكم .. وقول حق محمد ترا سعود عندنا في البيت وهو بعد لازم يجي يتعشا معانا
أحمد : انشاءالله يبا
فهد: يالله مع السلامة
أحمد: مع السلامة
شيخه: وصلوا
فهد: اي .. يالله انا بروح اجيبهم
سعود: شدعوة ياعمي انا بروح اجيبهم
عبدالعزيز: يالله انا وانت بنروح .. يبا أنت خلك في البيت .. احنا بنجيبهم
فهد: خلاص روحوا ..
ناديه: عمتي انا بروح اساعد ساره عشان نجهز العشا ..
شيخه: يالله انا جايه معاج
في المطبخ ...
ساره: يما باجر ابي اروح السوق
شيخه: ليش
ساره: ناقصتني اغراض وايد ناديه تعالي معانا
ناديه: اوكي . انا بعد ابي اشتري حق فيصل شوية اغراض والعاب
شيخه: خلاص باجر نروح مع بعض
ساره: يما بعد مريوم وخالتي الجازي بيجون معانا
شيخه: مو مشكله كلنا نروح
ساره: باجر الساعة 7
خلصوا من تجهيز العشا وراحوا المجلس قعدوا مع فهد
فهد: كلكم رحتوا وخليتوني .. بس فيصل قاعد معاي
ساره: اي كفايه عندك الحفيد ماتبي حدغيره
ناديه: ها لايكون تغارين
ساره: انا اغار من هالنتفه .. انا مكاني في القلب
فهد: ههههههههههههه
بعد ربع ساعة دخلوا عبدالعزيز وراشد وأحمد ومحمد ...
دخلوا كلهم وسلموا .. ساره راحت عند أخوها أحمد سلمت عليه وباسته .. هالشئ الي خلا راشد يتنرفز .. مايبيها تبوس حد حتى لو كان اخوها .. وظل ساكت بس منقهر .. راشد يغار عليها من كل شئ ...
خلصوا العشا وراشد ومحمد استأذنوا وراحوا بيتهم عشان محمد يسلم على أهله .. ساره حست ان راشد متضايق من شئ بس ماعرفت شنو
وعبدالعزيز وناديه طلعوا بعدهم .....
بعدين دخلت ساره غرفتها وكلمت راشد .. وعرفت ليش زعلان
ساره: شدعوة ياراشد .. هذا ياهل لما قلت له حبيبي مااقصد شئ .. وأخوي راجع من السفر سلمت عليه وبسته شفيها مارحت بست واحد من الشارع ...
راشد: انا جذي مااستحمل ولا ابيج تبوسين حد لا اخوج ولا ابوج .. ولا اي رجال .. بس الحريم اوكي
ساره: شدعوة راشد من صجك انت ؟؟؟؟؟؟؟
راشد: اي من صجي .. ولاتناقشيني في هالموضوع مره ثانية ... مابي هالشئ يتكرر
ساره: هههههههه اوكي خلاص توبه
ساره:>>> حلو الاحساس ان في حد يغار علي .. سعود ولامره حسسني بهالشئ
.................................................. ...............
ثاني يوم العصر اتصل سعود.. وقال حق ساره انه يبي يشوفها اليوم الساعه 7
ساره: اوكي 7 بالضبط بكون جاهزه
سعود: اوكي .. باي
ساره: باي
ساره:>>> بشوفه وبرجع عقب اذا صار في وقت بروح معاهم السوق ....
الساعة 7 ..
ساره: وينه اتصل فيه وارسله مسجات ولا رد علي
الساعة 8 .....
خلاص انا بطلع معاهم صار لي ساعة اتصل مايرد علي الظاهر انشغل اليوم
راحت ساره مع امها وناديه ومريم وامها الجازي صار لهم نص ساعه من دخلوا وساره كل شوي تطالع جوالها يمكن سعود يتصل لانها حاطته صامت ماتبيهم يحسون بشئ ...
عقب شلت جوالها وشافت مسج من سعود :
ماتوقعت منج هالحركات كلش .. تأذين أميرة الورد وتألفين كلام بس عشان أنتي أنانيه ماتبينها تشارك معاي في المنتدى
ساره: مصدومة .. اي كلام الي ألفته شسويت انا ؟؟؟؟؟ شسويت انا مع اهلي لا كلمت حد ولاقلت كلام عن حد ماسويت شئ ... شيألف هذا شخربط ..... اممممممم يمكن يتغشمر اعرف حركاته يبي يخليني اخاف .. ابي اتصل اتأكد من الموضوع بس شلون وهم كلهم حولي .. معقولة يكون كلامه صج ؟؟.. شدعوة معقولة يألف كلام عشان ينهي علاقتنا وخلاص
بتصل فيه ... مايرد .. ليش مايرد .. اول مره يسويها اتصل هالكثر ومايرد .. يمكن مشغول .. لي رجعت البيت بكلمه .. برسله الحين مسج
شنو الكلام الي الفته انت تتغشمر صح ؟؟
ساره: >>> مارد غريبه .. ادري قاعد يلعب باعصابي يبني اخاف عقب بيقولي اتغشمر انتي كل شئ تصدقين
ارجعت البيت واتصلت فيه وووووووايد ولارد عليها .. هني حست ان الموضوع صج مو غشمره ..
ساره: اوكي اذا مايبي يكلمني لايكلمني بس اول شئ يفهمني شصاير شنو هذا الكلام الي انا ألفته عليها .... معقولة يصدقها انا الي اعرفه من 3 سنين وهاذي توه يعرفها من كم شهر من المنتدى لاشافها ولايعرفها .. معقولة يصدق كلامها .. اصلا حتى لو انا ألفت كلام عشان تبتعد عنه يحق لي احبه ومابيه يقرب من وحده ثانيه ... حتى لو انا غلطانه المفروض يعذرني ويسامحني يعني حبي له مايغفر لي اخطائي .. بينهي علاقتنا عشان اميرة الورد .. !! الله ينتقم منج يالجذابه تبين تخربين بيني وبينه .. الله يعلم شقايلة له عني وشنو مجذبه .. معقولة يا سعود انت بهالغباء تصدق اي كلمة تنقال عني .. يعني اي شخص يجي يقولك اي شئ عني على طول تصدقه .. حتى ماتتصل تسألني وتتأكد ..... احس اني مخنوقه شنو خلاص بيتركني .. يعني علاقتنا ماانتهت بزواجه الثاني ولا عشان اني بنخطب لراشد تنتهي عشان أميرة الورد ... معقولة .. معقولة انت سعود الي اخترتك من بين كل الناس وحبيتك واخلصت لك .. انا شلون انام اليوم والله لو اموت ماجاني نوم .. شلون انام وقلبي يحترق ابي اعرف بالضبط شصاير شقلت انا شسويت .. والله اني ماسويت شئ والله ماسويت شئ .. صج اني اغار عليك .. بس ماتوصل اني أأذي اي انسان حتى لو كانت اميرة الورد ... قدرت تضحك عليك قدرت تفرق بينا .. معقولة سعود بعتني عشانها والله لو انا مكانك ماصدق اي كلمة تنقال عنك .. نيران في قلبي تشتعل .. أميرة الورد انتي شيطان بصورة انسان انتي شنو ؟؟؟ انتي شنو ؟؟ وين تبين توصلين ؟؟ حرام عليج حرام .. سعود والله احبك ليش تعذبني ؟؟ ليش تغيرت ليش ؟؟ عشان سبب تافه تتركني ؟؟
سمعت اغنية في التلفزيون وقعدت تصيح
ياكيف نامت عيونك وأنت ظالمني .. وانا عيوني تعاف النوم لو تزعل ... اسهر وقلبي لأجل عينك يخاصمني .. كني انا الي خطيت ولازم اتحمل
ااااااااااااااااااااااه اااااااااااااااااااااااه سعود والله حرام عليك الي تسويه فيني .. عشان تاكدت اني خلاص احبك ومااقدر استغنى عنك تسوي فيني جذي ... على الاقل تأكد .. بعدين سوا الي تبيه مو تخليني جذي وتنهي العلاقة بمسج .. الله يفضحج يا اميرة الورد .. الله ينتقم منج مثل ماحرمتيني من سعود.. سعود حب عمري .. سعود الي ماحبيت غيره .. ولاعرفت غيره .. سعود مو بس حبيبي .. سعود كل شئ في حياتي .... اااااااااااه سعود انت امي وابوي وحبيبي وزوجي وكل شئ في حياتي .. انت الي احبك واخاف عليك .. شلون تقدر تنام وتخليني جذي .. شلون قلبك يطاوعك اااااااااااه ااااااااااااه شاسوي عشان اثبت لك اني ماسويت شئ وان كلامها كله جذب عطني فرصه اثبت لك كلامي . خلني اواجهها والله انها جذابه وحسوده ...(تشهق من الصياح) ااااااااااااه اموت يعني اموت شلي يريحك ياسعود مابترتاح الا اذا شفتني ميته جدامك ... لعبت في مشاعري ذبحتني وعقب ترجع تحبني وترجع تخليني جننتني .. بس هالمره غير .. اول مره ماترد علي وتسفهني عشان هاذي الي ماتسوى ظفري ... انا مستعده اواجهها بس انت رد علي ... بانتظر اول مايطلع الصبح بشوفك وبكلمك عشان افهمك كل شئ .. احتمال يكون صج يتغشمر .. بس يويلك لو كنت تتغشمر والله يويلك مني حرقت دمي وحرقت اعصابي ..
برسله مسج
سعود ابي اكلمك ضروري ؟؟؟
......................................
تتوقعون الكلام الي كتبه سعود صج ولايتغشمر ؟؟؟ وشنو بيصير .. خلاص بتنتهي علاقتهم ولابيصير شئ وبيكتشف انا ساره مالها ذنب وبتتغير الاحداث ؟؟؟؟؟؟تعليق
-
الجزء الثالث عشر:
ساره: مارد علي .. بانتظر احتمال الموضوع غشمرة وانا قاعده احرق دمي عالفاضي بس مو قادره اهدا .. باخذ لي حبة احس اني بنفجر ....
ظلت ساره على هالحاله سهرانه لين الصبح شوي تصيح وتسكت وترجع تصيح انتظرت لي صارت الساعة 7 الصبح وقت الي سعود يروح دوامه .. اتصلت فيه ولا يرد اتصلت اكثر من مره مافي فايده ... راحت الستي وارسلت له مسج انا في الستي ابي اشوفك .. ولا رد عليها ارجعت البيت ..
مرت على الصيدلية خذت حبوب منومه وراحت البيت
وارسلت له مسج ثاني
سعود انت من صجك ولاتتغشمر ترا اذا تتغشمر والله يويلك مني حرقت اعصابي
حاولت تنام ومانامت الا بعد ما بدا مفعول الحبوب
.. قامت من النوم بعد تعب وسهر ولا رد عليها اتصلت فيه وووووايد تبيه يفهمها شصاير .. ولا عبرها ولارد عليها .. لين الليل وهي تتصل وتتصل وترسل مسجات .. خلني اواجه اميرة الورد جدامك وبتعرف انها جذابه .. ولار د عليها ولاكأنها تتصل ...... مروا الايام يوم ورا يوم ولا في فايدة
ساره: >>>هو قالي اول مره لما تزاعلنا .. اذا صارت بينا اي مشكله على طول اتصلي وراضيني عشان تنتهي السالفه لاتخلينها لبعد كم يوم والحين اتصله ولايعبرني .. ولا خلاص بس خذ هدية عيد ميلاده وطنشني .. اسبوع وانا اجهز فيها اخرتها حتى ماشافني بس جا عند بيتنا خذها وراح ..... الظاهر مابسمع صوتك عقب هالمره .. بس بحاول اتصل يمكن يرد علي ....... نفسيتي زفت .. مالي بارض اي شئ والحين امتحانات مافكر فيني ان عندي امتحانات وهالشئ بيأثر على نفسيتي عادي في الطقاق ....... ياريت اقدر اطلع من الحاله الي انا فيها .. بدخل المنتدى بحاول اوضح له اني مظلومه لانه مايرد على التيلفون وحاط لي بلوك في المسنجر ... موجود ..... معقولة ماصار لي دقيقتين دخلت قاعد يقهرني يشارك مع اميرة الورد وانا مطنشني لا وبعد الكلام الي يكتبه يقصدني انا مااستحمل هالكلام بس باقي شوي ويسبني .. بطلع بكرامتي احسن لي ........
ظلت ساره اسبوعين على حالتها هاذي صياح وحزن ليل ونهار ... لين بدت امتحاناتها وانشغلت مع الدراسة ونست سعود شوي .. او حاولة تتناساه .. تحاول تتقرب من راشد اكثر .. بس دايما تقارن بين راشد وسعود .. تحس ان سعود كان يحبها اكثر من راشد ويهتم فيها اكثر .. وراشد تحسه مشغول بدوامه ومشروعه ...
.................................................. ......
خلصت ساره امتحاناتها ...... وبدت الاجازة
ساره: بتصل في راشد بقوله اني خلصت ..... بعد waiting
شسالفته هالايام كل مااتصل waiting waiting من هذا الي يكلمه
اتصلت مره ثانيه ونفس الحاله .. صار لها ربع ساعه تتصل وهو يشوفها تتصل عالخط الثاني ولايرد .... واخيرا رد
راشد: هلا ساره
ساره: اهلين
راشد: سوري مارديت عليج بسرعة كنت اكلم رفيجي
ساره: ما سألتك مين تكلم عادي
راشد: غريبة انج متصله الحين !!!
ساره: كنت ابي اقولك خلصت الامتحان وحليت عدل
راشد: اي زين زين الحمدالله
ساره: اوكي انا بسكر خلاص بروح البيت
راشد: اوكي
ساره: باي
راشد: باي
ساره:<<< سعود قبل هو الي يتصل فيني بعد كل امتحان عشان يتطمن شسويت بس راشد ماحسه مثله .. صج هو يحبني بس مو مثل سعود يحبني بجنون
ما ادري راشد ليش دايما خطه مشغول .. عشان شغله زاد .. ما اعتقد خصوصا في الليل .. كله تجيه مكالمات .. ما اعتقد راشد عنده هالخرابيط ولا كان بين من البدايه مو معقولة عقب مافكر يخطبني يروح يتعرف على غيري .. يمكن يتهيأ لي .. صرت اشك وايد والسبه سعود خلاني ماصدق كلام حد
.................................................. ........
مريم : الوووووو سوسو
ساره: هلا
مريم: خلصتي اليوم
ساره: اي
مريم: بنروح المزرعة اليوم .. شرايج تجين معانا
ساره: لا حر شيوديني .. مريوووم؟
مريم: هلا
ساره: بتسافرون ؟؟
مريم: مادري للحين ماقررنا ..وأنتوا ؟؟؟
ساره: احمد يقول بيودينا امريكا
مريم: صج
ساره: اي
مريم: متى بتسافرون ؟؟؟
ساره: مو الحين على نص الاجازة
مريم: في عز الحر احسن لكم
ساره: قولي حق محمد يوديكم وجذي نسافر كلنا مع بعض
مريم: خووووش فكره .. بقولهم وبنشوف
ساره: وناسه لو نسافر مع بعض
مريم: يه ونااااااااااااسه كل يوم بنروح shopping مع بعض
ساره: اكيد اكيد .. انتي بس كثري من الحنه
مريم: افا عليج لاتوصين حريص
ساره: اعرفج خبز ايدي
مريم: ههههههههههه .. نسيتيني .. بسكر عشان بتصل في نور
ساره: اوكي
مريم : متأكده ماتبين تجين المزرعة ؟؟؟؟؟
ساره: اي متاكده
مريم: اوكي على راحتج باااااااي
ساره: بااااااااااي
.................................................. ..............
الساعة 10 في الليل ........
اتصل راشد:
راشد : مساء الفل
ساره: مساء النور
راشد: شخبارج
ساره: الحمدالله ؟ أنت شخبارك
راشد: بخير .. شكنتي تسوين ؟؟؟؟
ساره: كنت اتعشى >>>>> افففففف عن كل شئ يسأل
راشد: بالعافيه
ساره: الله يعافيك
راشد: شكلج للحين نشيطة
ساره: اي .. ليش أنت تبي تنام ؟؟ >>> صوت ذبذبات تيلفون عنده كأنه جواله الثاني حاطه صامت وقاعد يرن
راشد: اي والله دايخ .. تدرين طول اليوم في الشغل
ساره: اوكي عيل اخليك تنام وترتاح
راشد: اوكي .. تصبحين على خير
ساره: وأنت من أهله
ساره:>>> متأكده هذا الصوت اعرفه لما يكون جوال قريب مني ويرن وهو صامت يطلع ذبذبات ولما ابعده يروح الصوت شكله عنده خط عشان جذي سكر .. معقولة ؟؟؟؟؟؟؟؟ جني بديت اشك وايد .. قاعده اراقبه كأني في مسلسل بوليسي .. بس احس بديت اتعود عليه شاسوي الي يبينا عيت النفس تبغيه والي نبيه عيا البخت لايجيبه
بجيب دفتري احس من القهر ودي اكتب شئ ...
(أين وعودك)
كثيرة هي وعودك لي ...
أين هي الآن
أو بالأحرى أين أنت ...
تتحاشى حتى التواجد معي في نفس المكان
ماذنب قلبي الذي أخلص لك وصدق
كل كلماتك...
مشكلتك لاتحس أبدا
لو شاهدتني أذبل وأموت أمامك
أعلم بأنك لن تحس ...
أستحى العدو بأن يفعل فعلتك
أكره تجاهلك وبرودكتعليق
-
لاهي أنت بعالمك الوردي
ولكن ماذا أفعل رغم ذلك
لازال قلبي ينبض بحبك ...
أحيانا أردد على مسمعي كلمات لتزيدني قوة
لكن لا أدرك نفسي
الا وانا أسترجع ذكرياتي معك
برسله له على الايميل يمكن يفهم يمكن يحس .. بس ماظن
هذا راشد اتصل توه قال بنام غريبه ....
ساره: الووووو
راشد: هلا
ساره: أهلين
راشد: قاعدة
ساره : اي .. ليش مانمت ؟؟؟؟
راشد: ماقدرت أنام قلت اشوفج اذا قاعده .. انتي شتسوين ؟؟
ساره: كنت اكتب
راشد: شتكتبين ؟؟؟؟؟؟؟
ساره: اخربط شوية خواطر
راشد: صج أنتي تكتبين ؟؟؟؟؟؟؟
ساره: يعني اكتب على قدي توني في بداياتي
راشد: حلو.. سمعيني شئ
ساره: اممممم اوكي
قرأت الخاطره الي كتبتها
ساره: شرايج
راشد: ماشاءالله عليج .. وشنو مناسبة هالخاطره
ساره: ها .. ولاشئ انا اكتب بدون مايكون للقصيدة مناسبة .. يعني كله من خيالي
راشد: وانا شنو كتبتي لي
ساره: ماكتبت شئ
راشد: ومتى بتكتبين لي ؟
ساره: انشاءالله قريب >>> المشكله مافي شئ يربطني فيك عشان اكتب
راشد: هذا اعتبره وعد
ساره: وعد
راشد: انتظر بفاااااااااااااااارغ الصبر
ساره: لهالدرجة ؟؟؟؟؟؟؟
راشد: اي من قدي .. بتكتبين لي
ساره: وانت ماتكتب ؟؟
راشد: لا وين ياحسره مالي في هالسوالف
ساره: بتسافر ؟؟؟؟
راشد: لا ماقدر صعبة .. وأنتي ؟؟؟؟؟؟
ساره: اي .. بروح أمريكا
راشد: شلون بتخليني وتروحين ؟؟؟؟؟
ساره: تدري طول السنة دراسه ودي اغير جو
راشد: ادري بس
ساره: بس شنو ؟؟؟
راشد: ابي كل يوم تكلميني .. وأنا كل يوم باتصلج
ساره: بحاول بس ماوعدك كل يوم .. تدري احتمال هلك بعد يروحون معانا وأكيد خواتك طول الوقت بيكونون معاي .. وهالشئ بيحرجني جدامهم تدري التعليقات
راشد: يعني شنو ؟؟؟
ساره: وقت الي اقدر بكلمك .. وأنا مابسافر على طول كم يوم وراجعين
راشد: اوكي الله يعيني
ساره:<<<< احسه صج يحبني .. ويبيني ومتمسك فيني مو مثل سعود على اتفه سبب يخليني .. أسهل شئ عنده انه ينهي علاقتنا .. وراشد الي عمري ماحبيته احسه صج يحبني .. مو مهم اتزوج الي احبه المهم ان هو يحبني عشان ارتاح .. سعود لو خذته عمري مابرتاح بعيش في دوامة من المشاكل..
راشد: ساره
ساره: هلا
راشد : وين ر حتي ؟؟
ساره: معاك
راشد: ساره أنا أحبج
ساره: ساكته
راشد: أحبج ودي تفكرين مره ثانيه في موضوع الخطوبة مافي داعي لتأجيل..أحسج بعيده عني ماحسج معاي .. ولا اقدر اتدخل في اي شئ يخصج لان مالي حكم عليج ..
ساره:( تفكر في كلامه )
راشد: ساره انا احبج وشاريج بس ودي احس فيج انتي مو محسستني انج قريبة مني .. فاهمتني
ساره:( بصوت واطي )..اي
راشد: تمنيتج تحبيني مثل ماحبج تهتمين فيمي مثل مااهتم فيج .. بس احس برود في مشاعرج
ساره: (دموعها تنزل) >>> ودي أحبك ودي بس مو قادره شلون أشيل سعود من بالي شلون .. ماتستاهل الي أسويه فيك .. تستاهل وحده تحبك مثل ماتحبها وتهتم فيك وتراعيك .. بس أنا مااقدر صعبة انسا سعود اااااااااه ااااااااااه
راشد: شفيج ساكته
ساره: اسمعك ياراشد .. لاتزعل مني بس أنا استحي منك
راشد: ادري انج تستحين بس مو لهالدرجة .. ماانكر موقفج معاي بس من عرفتج عمرج ماقلتي لي كلمة حلوة .. عمري ماحسستيني بوجودي في حياتج .. احس اني ثقيل عليج
ساره: تنزل دموعها اكثر واكثر بس ساكته ضميرها يأنبها على الي تسويه فيه
راشد: كله ساكته؟؟
ساره: اوعدك احاول اتغير وانت ساعدني
راشد: انشاءالله بساعدج
ساره: >>> اذا استمريت جذي سعود بيضيع مني .. والمفروض ماضيعه
ساره: استحملني ياسعود .. بس اصبر خلال هالفتره صعب اتغير في يوم وليلة
راشد: بصبر بصبر لوالعمر كله بس تتغيرين
ساره: انشاءالله
ساره: تأخر الوقت خلاص نام وراك دوام
راشد: ماودي أنام
ساره: شلون بتروح دوامك سهران .. يالله نام
راشد: انزين بنام
ساره: تصبح على خير
راشد: وأنتي من أهله
سكرت التيلفون وراحت افتحت الكمبيوتر واسمعت اغاني
مشتاق له ميته عليه.. وينه بعد عمري ابيه .. بحكي له عن كل الي صار عن غيبته ليل ونهار وبلهفتي بحضن ايديه .. حسيت في غيابه بحزن .. مريت في اصعب ظروف .. ليته يجي .. ليته يحن .. وبعين أحوالي يشوف ...
ساره: ااااااااااااه رحت عني وكسرتني بغيابك .. وراشد مو مطمنه لمكالماته الزايده .. تفكر انك جذي بتخليني احبه .. تعال شوف بعينك شصاير احس وراه شئ ..
تغني وتصيح ..
عودتني كل يوم اسمع أنا صوتك .. عودتني كل يوم اسمع انا صوتك .. وعودتني لاضاق صدري ماتخليني ... والله وغيابك طال مادري وش اسبابه ..
اعذريني يالهدايا .. لوهملتك في الزوايا .. ماني متحمل أشوفك والي جابك مو معايا .. الي جابك وينه عني ياترا زعلان مني.. مادرا اني في غيابه كم شكيته للمرايا .. راح وخلاني لحالي .. شفتي ويش سوا في حالي .. خبريني ويش اسوي لو عشق قلبه سوايا
حرام عليك ماتحس مافي قلبك ذرة احساس اترجاك تكلمني ماترد علي حرام عليك .. ياريت اقدر اسوي فيك مثل ماتسوي فيني اااااااااااااااااااااه اااااااااااااااااااااه اااااااااااااااااه تحبني وتخليني سعود خلاص مافيني حيل ماقدر استحمل كل هذا .. أنا بشر أراف بحالي تعبت والله تعبت ااااااااااااااه ودي اشتكي لحد ودي افضفض لحد.. بس ماقدر اقول شئ.. شكثر بستحمل حطت راسها عالسرير وانهارت .. تصيح وتصيح بصوت عالي .. تشهق من الصياح .. بموت انا من الي تسويه فيني بموت .. تدري اني مااستحمل كل هذا ماتبيني ليش من البدايه خليتني اتعلق فيك .. شاسوي بقلبي شاسوي ادوسه ياريت ادوسه وارتاح منه اااااااااااه ولايصير فيني كل هذا .. أنت السبب لا قادره احب راشد ولاقادره انساك .. على كل الي تسويه فيني احبك .. لاني صج حبيتك من البدايه ماكنت العب ولا اتسلى حبيتك من قلبي اااااااااااااااه اااااااااااااااه بس انت غرورك فوق كل شئ فوق اي مشاعر .. مستانس باللي تسويه فيني اااااااااااااااه اااااااااااااااااه يالله انك تاخذ روحي وتريحني من الي فيني .. شنو ذنبي يعني شنو ذنبي اني حبيتك من كل قلبي وصدقت كلامك.. يعني انا غلطانة اني صدقتك .. ماارتكبت جريمة انا بس حبيتك حبيتك ااااااااااااه اااااااااااااااه اااااااااااااااااه محد حاس بالنار الي فيني لو اقول قصتي لأي حد الكل بيلومني اني صدقته .. شلون ماصدقه وهو كان محسسني اني اميرة وهو فارس احلامي .. خلاني اتنفس واكل واشرب حب عيشني في دنيا غير الدنيا الي عايشة فيها .. ذنبي الحين اني حبيته ..وكنت غبيه .. اااااااااااااااااااااه اااااااااااااااااه لو تنشف دموعي كلها محد بيحس فيني .. محد بيحس ولا انت ياسعود .. انكتب علي احبك .. سهل الكلام سهل اقول بنساك بس شلون شلون انساك.. محد يبي لنفسه الذل ااااااااه ااااااااااااااااه محد يبي لنفسه الاهانه .. انا مو مستانسه على الي تسويه فيني بس أحبك ااااااااااااااااااااااااااااااااااااه اااااااااااااااااااااااااااه ااااااااااااااااااااااااااااااااااااااه اااااااااااااااااااااااااااااااه
نامت بعد ماتعبت من الصياح ومابقى فيها قوه ...
.................................................. ...
قامت ساره الساعة 11 على صوت الجوال
ساره: الوو
مريم: ساروه للحين نايمه ؟؟
ساره: اي
مريم: احنا في المزرعة .. وناسه خساره ماجيتي
ساره: مريوم شعندج؟؟ انا بنااااام
مريم: بقولج شء حلو
ساره: شنو
مريم: بنساااااااااااااااااااااااااافر معاكم
ساره: صج
مريم: اي
ساره: اوكي باي
مريم: ههههههههه صج فيج رقاد باي
توها نامت .. الا أحمد يطق عليها باب غرفتها
ساره: ميــــــــــــــــن؟؟
أحمد: أنا بطلي الباب
ساره: شعندك بناااااااااااااام
أحمد : صارت 11 وانتي للحين نايمة قومي
ساره: اجازة انت ليش محتر؟؟؟؟؟ >> اففففففف
أحمد : اقولج بطليتعليق
-
ساره: انزين انزين
افتحت الباب وعينها مسكره ورجعت نامت
أحمد: قومي بسرعه .. عطيني صورتج جوازج منتهي يعني مافي سفر
ساره: نطت على السرير شنو ؟؟؟؟؟؟ شنو مافي سفر .. منتهي متى .. ؟؟ شنو ؟؟ صورة انزين
راحت تدور تدور ماحصلت شئ
ساره: ماعندي صوره
أحمد: قومي عيل الحين بوديج تصورين
ساره: الحين حرام عليك
أحمد: قومي ولا خلج مكانج ومافي سفر
ساره: شتقووووووول ؟؟ روح اركب السياره 5 دقايق وانا جاهزة
أحمد: جذي اوكي
رجعت من الاستيديو.. وفكرت تتصل في راشد لأنها أمس وعدته انها بتتغير وبتهتم فيه ... كالعاده عنده خط ثاني انتظرته شوي واتصلت مره ثانيه بعد مارد .. تذكرت انها وعدته تكتب له خاطره او قصيده وخذت الدفتر وحاولت تكتب له اي شئ .. القصيدة في صوب والمعنى في صوب يبين ان مالها معنى بس مجرد صف كلمات
(شبيهي)
شبيهي ياشبيهي في الوصوف وفي الفعايل
يامن لأجل عينه كتبت الشعر وأحلى القصيد
تذكر أول يوم أنك من حبي تسوي الهوايل
وحبك يعانق خفوقي كل مانبضه يزيد
تقول زيديني من حبك أصيلة وأنا أحب الأصايل
ووعديني على الميعاد تلقيني تراني بالحب والله جديد
وأنا أجاوبك مبتلي بحبك ياولد القبايل
على الميعاد سابق لك ومايأخرني غير موتي لك شهيد
شيل من بالك كل الأفكار والهموم وكل القوايل
وأبشر بحب ساكن مابين قلبي والوريد
ساره:<< بتصل مره ثانيه عشان اسمعه القصيده
راشد: هلا ساره
ساره: اهلين
راشد: سوري مارديت عليج كنت مشغول
ساره: مره ثانيه لي عندك خط رد علي قولي مشغول بعدين بكلمج وكمل مكالمتك مابيصير فيك شئ بس مااحب اقعد انتظر وانت سافهني
راشد: شدعوة ياساره انا اسفهج
ساره: اي وموعاجبتني سالفة ال waiting هاليومين شدعوة ولامره اتصلك الا عندك خط .. جنه مكالماتك زادت
راشد: تدرين ان عندي شغل انا مو قاعد العب
ساره: مالقت تلعب بس لين اتصلت لك رد علي وعقب كمل مكالمتك
راشد: انشاءالله
ساره: اوكي باي
راشد: ماقلتي لي ليش كنتي متصله
ساره: ولا شئ باي
راشد: باي
ساره : >>> يبيني احبه ومايشوف تصرفاته .. والله أن قلبي قارصني وحاسه ان فيه شئ هالاحساس مايجيني بس جذي متأكده انه يكلم وحده بس ماعندي دليل .. مافي واحد يسولف مع رفيجه نص ساعه واكثر .. انا الي بنت ماسولف مع ربعي هالكثر
راحت الصاله وشافت عبدالعزيز وناديه وفيصل جاين يتغدون عندهم
ساره: السلام عليكم
عبدالعزيز وناديه: وعليكم السلام
ساره: زين انكم جيتوا طاقه جبدي من الملل
عبدالعزيز: شدعوة الي يقول ماتشوفين باب الشارع
ساره: توني مخلصه امتحاناتي والحين اجازة بس ملل نبي نسافر
ناديه: ليش ماتدخلين معهد ولانادي
ساره: اي والله جبتيها .. بدخل معهد انجليزي
عبدالعزيز: ول ول ول ياحبج لدراسه حتى في الاجازة بتدرسين
ساره: لا الله الا الله قول ماشاءالله بتحسدني بعدين مخي بيوقف مابفهم شئ
عبدالعزيز: اشك انه يوقف
ساره: ناديه شوفي ريلج لعوزني
ناديه: خلها مسكينه
ساره: ابيكم تراضوني وتطلعوني وماترجعوني الا الساعه 12 في الليل
عبدالعزيز: ياسلام
ساره: اي .. شقلتي ناديه
ناديه: ماعندي مانع حتى انا ودي اطلع
عبدالعزيز: تسألين ناديه ليش لايكون هي الي بتسوق السياره
ساره: كيفي انا
ناديه: بس فيصل وين اوديه
عبدالعزيز: طالع ذيله على كيفهم قرروا وخلصوا
ساره: امي بتمسكه واحنا بندوووووووور ياي
عبدالعزيز: ههههههه الحمدالله والشكر
شيخه: وهي داخله الصاله .. عبدالعزيز ودهم خل يستانسون وفيصل خلوه عندي
ساره: زين ان في حد حس في حالتي المزريه
عبدالعزيز: صج لي حطيتي شئ في راسج تسوينه .. خلاص بوديكم بس اول خل نتغدا .. وعقب الغدا ابي تسوين لي عصير مثل الي سويتيه ذيك المره
ساره: بعد تتشرط ؟؟
عبدالعزيز: خلاص براحتج خلج في البيت
ساره: افا عليك اتغشمر انا احلى عصير بسوي لك كم عزوز عندي
عبدالعزيز: عزوز بعـــــــــــد؟؟؟؟؟؟؟
ساره: اوووووه نسيت نسيت مايسوى علينا غلطنا
عبدالعزيز: اي خلج مركزه عدل
عقب الغدا طلعوا عبدالعزيز وناديه وساره .. وقدرت ساره تنسا الي هيا فيه .. ورجعت مستانسه ومرتاحه .. واستغربت من راشد ليش مااتصل .. اتصلت فيه لقت عنده خط ثاني بعد اشوي اتصل فيها
راشد: هلا ساره
ساره: اهلين؟؟ من هذا الي تكلمه هالحزه
راشد: رفيجي عنده مشكله
ساره: عاد هالحزه ماعنده دوام مايبي ينام؟؟؟
راشدك قلت لج عنده مشكله
ساره: والحين خلاص خلص ولا للحين
راشد: خلص
ساره: يعني مابيتصل مره ثانية
راشد: لا
ساره:( تسمع صوت ذبذبات التيلفون قريبة )...>> اكيد الحين بيسوي نفسه بينام عشان يتصل فيها
راشد: شخبارج
ساره: انا بخير ..انت شخبارك؟؟؟
راشد: الحمدالله
ساره: جنه هذا صوت تيلفونك الثاني اسمع صوت ذبذبات
راشد: لا بس عشان قريب بوديه بعيد بيروح الصوت
ساره: اوكي
راشد: وين رحتي اليوم ؟؟
ساره: طلعت مع عبدالعزبز وزوجته طلعنا تمشينا ورحنا السينما وتعشينا ورجعنا وبس
راشد: ساره تصدقين حدي نعسان
ساره: خلاص ارتاح ونام
راشد: اخاف تزعلين عشان ماكلمتج وايد اليوم
ساره: لا عادي شدعوة اهم شئ صحتك وراحتك
راشد: يعني اكيد مابتزعلين
ساره: اي
راشد: اخليج عيل تصبحين على خير
ساره: وأنت من أهله
ساره: >>>>>> شسالفته .. اتصل الحين اشوف جواله مشغول ولا لا .. واذا ماكان عنده خط شاسوي بيبين اني شاكه فيه .. شلون أتأكد بنتظر شوي وعقب بتصل ...
ابي خطه تخليني امسك عليه دليل مايقدر ينكره .. بتصل في مريم وباخذ ايميله
ساره: الووو مريوم
مريم: هلا ..
ساره: بطلب منج طلب
مريم: شنوووو؟؟؟
ساره: ابي ايميل راشد
مريم: ليش ؟؟
ساره: ابي ارسله ايميلات لي سافرت امريكا
مريم: حركاااااااااااااات اوكيه برسله لج مسج
ساره: اوكي بس لاتقولين له انج عطيتيني الايميل ابي اسويها له مفاجأة وافاجأه بالايميلات
مريم: اوكي
ساره: يالله باي
مريم: باي
ساره: >>>>> ماادري اتصل ولا لا .. مابتصل بصبر بعد شوي بروح اشوف التلفزيون في الصاله وبرجع ...
هذا مسج مريم وصل .. وفيه الايميل ..
بعد ساعة ...
ساره:>>>ماادري اتصل الحين .. بانتظر تصير الساعة 2 وباتصل
الساعة 2..
ساره: اذا اتصلت شقوله .. اذا ماكان الخط مشغول ..اممم بقوله حلمت بحلم مزعج وخفت وقلت اتصل فيك ... يرن مايشيله ... بجرب الثاني .. بعد مايشيله الظاهر ظلمته يمكن صج تعبان وراح ينام ... شفيني جذي اوسوس ... بروح انام وايد احسن لي
.................................................. ...............
الساعة 4 العصر ..
ساره: >>> بتصل في فاطمة بقولها اني بسجل في المعهد يمكن تبي تسجل معاي على الاقل اتونس معاها ..
ساره: هلا فطومة
فاطمة: هلا والله ساره
ساره: شخبارج ؟؟
فاطمة : بخير .. أنتي شلونج؟؟ .. شمسويه مع الاجازة ؟؟
ساره: الحمدالله .. الاجازة صج ملل .. ودي اسجل بمعهد انجليزي .. شرايج تسجلين معاي
فاطمة: اي والله خوووووش فكرة
ساره: اعتبرج موافقة ؟؟
فاطمة : اي .. متى ودج نروح نسجل
ساره: انا بتصل في المعهد بشوف متى تبتدي الدورات عندهم وبقولج ..اوكي
فاطمة: اوكي
ساره: يالله حبيبتي اخليج
فاطمة: اوكي
ساره: باااااي
فاطمة: بااااااااااااي
.................................................. ..........
بعد أسبوع ...
عالساعة 10 ساره تكلم راشد: وسمعت صوت الذبذبات مره ثانية ..
راشد: ساره انا تعبت بنام
ساره: اوكي راشد .. تصبح على خير
راشد: وأنتي من أهله
ساره: هالمره أنا متأكده .. انه يجذب .. مابنتظر وايد مثل ذيك المره كلها ربع ساعة وبتصل وبتأكد ...
بعد ربع ساعة ..
ساره: الحين بتصل
تتوقعون راشد يخون ساره ؟؟؟ ولا مجرد أوهام ؟؟؟تعليق
-
يسلمووووووووووووو على الاجزاء يالهفة الاحساس وانا اعتقد انها اوهام مايخونهاا
ناطرين القريبتعليق
-
مكافحة الشباب البلشتية : كل شئ بيتضح في الجزء الجاي
وشكرا على متابعتجتعليق
-
لهفه الاحساس
انا مشاركه عشان القصه وااااااايد حلوووووه
تسلمييين وننتظر الباقيتعليق
تعليق