قصتي الأولى .. صارحني بحبك

[لهفة الأحساس]

مكافحة الشباب البلشتية : ادري طولت عليكم بس استحملوا ..... شخبار النتايج انشاءالله تمام

الطائر: شكرا على المرور

رجاوي: راشد شخصيته غيور عشان جذي مايستحمل حد يقرب منها وشخصيته بتتضح اكثر على نهاية القصه

[لهفة الأحساس]

نور: شكرا على المرور

[لهفة الأحساس]

الجزء السادس عشر:


ساره: يمكن الحين نايم اكيد باجر بيرد علي ... هذا راشد يتصل شيبي ؟؟ مابرد عليه اكيد بيمل وبيسكر .. قلت له لاتكلمني لمدة شهر شفيه مايفهم !!!

بعد نص ساعة ...


ساره:>>> هذا شفيه ليش مو راضي يسكر .. اتصل 20 مره غير المسجات برد عليه وبشوف شيبي

راشد: الووو

ساره: الووو

راشد: ليش ماتردين

ساره: ليش ارد

راشد: ليش ماتبين تكلميني

ساره: قلت لك مابكلمك شهر واظن احنا متفقين

راشد: لا مو متفقين انتي الي قررتي هالشئ وانا مااقدرت اقولج لا بس حسي فيني حرام عليج .. انا لا انام ولا اكل حالتي حاله .. مو طايق نفسي كرهت نفسي .. متضايق كل الي حولي حاسين فيني الا انتي
ساره:<<<< يمكن متصل عشان عيد ميلادي وانا مطنشته مسكين

ساره: انزين ليش متصل ؟؟

راشد: عشان ابي اكلمج ..خلاص عاد والله تأدبت

خلاص كلميني

ساره: لا للحين ماتعلمت للحين يبيلك تحس

راشد: ساره انتي جذي عبالج بحس بغلطتي .. لا .. انتي اذا سامحتيني بتكسبيني ولابكرر هالشئ مره ثانية لكن اذا استمريتي في الي تسوينه بكرهج .. وحتى لو ماكرهتج مابقدر انسا هالي تسوينه فيني

ساره: قلت لك مابي اكلمك ومابغير رأيي >> معقولة ماقالي كل عام وانتي بخير معقولة ناسي عيدميلادي .. يعني هو مو مهتم فيني ولايدري عني وبعد يغلط ويبيني في نفس اللحظة اسامحه

راشد: ساره سامحيني

ساره: راشد لاتعاندني قلت لك مابكلمك خلال هالفتره .. خلاص انا بسكر التيلفون

راشد: لاتسكرينه .. ماصدقت تردين علي

ساره: مع السلامة

راشد: مابسكر

ساره: كيفك اذا تسكر التيلفون في وجهك مو ذنبي اوكي

راشد: شدعوة ليش كل هذا ..أدري اني غلطت بس انا بشر انا موعصوم من الخطأ

ساره: مو بس هالشئ انت اصلا ماتدري عني ..

راشد: شنو الي مادري عنج

ساره: انت شتعرف عني .. شنو احب شنو اكره .. ما تعرف عني اي شئ ولامهتم فيني

راشد: الحين انا مو مهتم فيج ولا انتي الي كله ماتبيني ولاتبين تكلميني

ساره:>>> توقعتك متصل هالحزه عشان تقولي كل عام وانتي بخير .. يعني انك تبي تسبق الناس كلها .. بس مابقوله اذا قلت هالكلام بيقولي ادري وهو اصلا مايدري عني

راشد: شنو ؟؟؟؟؟؟؟؟

ساره: ولاشئ خلني اسكر الحين عشان مابي اتهاوش .. وباجر نتفاهم

راشد: واذا مارديتي علي باجر

ساره: قلت لك باجر نتفاهم .. باي

راشد: باي



...............................................

في بيت فاطمة ....

علي: اروح اكلم فطوم ..ولالا .. شقولها عاد .. رفيجتج عاجبتني هي مخطوبة ولا لا ابي اتزوجها .. شلون اعرف اذا كانت مخطوبة ولا لا بدون ماتحس فطوم .. شلون اسألها بدون ماتحس شلون!! لازم بتفهم ..... بشوفها اذا قاعده بقولها والي يصير يصير ...


علي: نوره تعالي

نوره: شنو ؟؟

علي: فطوم قاعده

نوره: اي

علي: وينها في الغرفة؟؟

نوره: لا كلهم تحت في المطبخ

علي: شيسون

نوره: ناكل

علي: شتاكلون ؟؟ شدعوة نادوني

نوره: ماندري انك قاعد

علي: انزين خلاص ..أنتي وين رايحه

نوره: بروح اجيب شبس

علي: جيبي لي وياج حدي جوعان

نوره: انزين يالهامور

[لهفة الأحساس]

علي: هامـــــــور.. روحي مابي اعكر مزاجي الحين بعدين براويج


راح المطبخ وشافهم كلهم متجمعين ...

علي: الشيف فطيم شتسوين ؟؟

فاطمة: شوفة عينك ..أطعم الاسود الجائعة

علي: عيل سندويش على طريقج اوكي فطوم حبيبتي

فاطمة: انت مو نايم شمقعدك الحين

علي: لا مو نايم .. انزين المهم متى بتخلصين من الي في يدج

فاطمة: ليش؟

علي: ابيج شوي

فاطمة: اكيد تبيني اطبع لك شئ صح .. حق مصلحتك تتذكرني

علي: لا لا .. مابيج تطبعين لي شئ ..انتي بس متى تخلصين

فاطمة: يعني ربع ساعة

علي: خلاص انا بروح غرفتي ولي خلصتي تعالي لي فوق

فاطمة: انزين شتبي ؟؟ قول الحين

علي: لا بعدين بروحنا احسن

أمل: شعندكم ؟؟أسرار

علي: مالج خص

محمد: مالج خث

أمل: حمود اسكت احسن لك

علي: المهم فطوم انا فوق اوكي

فاطمة: اوكي

أمل: شعنده علي ؟؟

فاطمة: شدراني .. سمعتيه مارضا يتكلم

أمل: انزين قولي لي عقب شبيقولج

فاطمة: صج انج ملقوفه

أمل: عاد قولي لي

فاطمة: خلاص سكتي كملي انتي الباقي وانا بروح اشوفه

أمل: انزين

راحت له فاطمة .. دخلت غرفة علي ماشافت حد .. راحت غرفتها لقته ينتظرها

فاطمة: يالله قول شعندك؟؟

علي: فاطمة مين البنت الي كانت جاية بيتنا معاج

فاطمة: مين ..

علي: الي كانت واقفة معاج عند الباب

فاطمة: تقصد ساره

علي: اي

فاطمة:شفيها؟؟

علي: من بنته ؟؟

فاطمة: ليش تسأل

علي: ابي اعرف مخطوبة ولا لا

فاطمة: ليش؟؟

علي: ابي اخطبها

فاطمة: لا مو مخطوبة بس لاتفكر فيها

علي: ليش ؟؟

فاطمة: خلك بعيد عنها ياعلي فاهم

علي: ليش؟؟شفيها

فاطمة: مافيها شي ..أنت الي فيك

علي: شفيني انا

فاطمة: صج ا نت اخوي .. بس ساره اعزها وايد وماارضى تتسلى فيها

علي: ليش اتسلى فيها

فاطمة: نسيت حصه .. تعلقت فيها وذبحت نفسك عشان تاخذها .. وعقب ماملجت عليها طلقتها

علي: بس حصه غير

فاطمة: شلون غير؟؟

علي: انتي عارفة موضوع حصه ماارتحت وياها

فاطمة: مو هاذي الي خليتني اقص على امي وابوي واقول انها رفيجتي عشان يخطبونها لك ..

علي: اي

فاطمة: وانت عقب الي تركتها

علي: اي بس شفتي شسوت فيني هي واهلها .. مااكنت ادري انهم داخلين على طمع

فاطمة:.. ساره حساسه ومابيك تجرحها

علي: انتي ليش مو راضيه تفهميني

فاطمة: انا فاهمتك تموت لين توصل للي تبيه ولين وصلت له تخليه

علي: يعني شنو مابتساعديني

فاطمة: صج انت ح ااخوي .. بس مااقدر ادخل نفسي في موضوعك وبعدين اخسر ساره واخسر صداقتها

علي: اقولج ابيها .. وان شاءالله ساره بتكون غير عن حصه

فاطمة: لا تحاول معاي



فاطمة: قلت لك ماراح اتدخل

علي: خلاص يبا مانبي منج شئ

طلع علي معصب سكر الباب بالقوة وراح غرفته ..

فاطمة:>>> علي هذا للحين مو عارف شيبي .. اخاف اكلم ساره عنه ويخطبها وعقب يتركها .. شذنبها البنت اذا هو للحين صغير ولا مستقر في قراراته ...

.................................................. .................

الصبح الساعة 10 ...

ساره تطالع جوالها ....

ساره:>>> سعود لا اتصل ولا ارسل مسج ولا افتكر فيني .. فرق بين اول ماعرفته والحين.. فرق لما كان يحبني وفاجأني في عيد ميلادي وفرق الحين حتى مايكلمني ولا كلف على نفسه يقولي كل عام وانتي بخير ... بروح الصاله اشوف مين قاعد


أحمد: ساره

ساره: نعم

أحمد: متى تخلصين من المعهد

ساره: باقي لي 4 اسابيع وتخلص الدورة

أحمد: خلاص اول ماتخلصين على طول بنسافر .. اليوم بروح انا وعبدالعزيز نحجز التذاكر

ساره: صج .. وناسه خل اغير جو شوي

أحمد: بتستانسين ووووايد .. كل مكان بوديكم

ساره: احلى شئ ان مريوم بتكون معاي

أحمد: عشان تلفون الاسواق ادري


أحمد: شرايج نروح نتغدا عند عبدالعزيز

ساره: خووووش فكره .. نروح نتغدا وعقب توصلني المعهد

أحمد: اوكي .. اتصلي فيهم شوفيهم في البيت ولا طالعين

ساره: اوكي .. بروح اجيب جوالي وبكلم ناديه

أحمد: اوكي

راحت ساره غرفتها عشان تاخذ الجوال وشافت مس كول من راشد .. ماردت عليه واتصلت في ناديه

ساره: الووو

ناديه: فيصل حبيبي خل التيلفون

ساره: الووووو ناديه

ناديه: هلا ساره

ساره: اهلين .. شخبارج يالقاطعة

ناديه: الحمدالله .. انتي شلونج


ساره: تمام .. ندوي انا واحمد نبي نمر نتغدا عندكم .. مشغولين ولابتطلعون ولاشئ

ناديه:لا قاعدين ماعندنا شئ حياكم الله

ساره: خلاص عيل عالساعة 1 احنا عندكم

ناديه: خلاص بانتظاركم

ساره: يالله سي يو

ناديه: سي يو


راحت ساره صاله ماشافت أحمد وراحت غرفته ..شافته يطالع التلفزيون

ساره: كلمت ناديه قالت قاعدين .. وقلت لها عالوحده بنكون عندكم

أحمد: اوكي .. جيبي كتبج معاج .. عشان عقب ماترجعيني البيت اخذهم ..وقولي حق امي ان احنا بنتغدا عندهم

ساره: امي وين

أحمد: تتكلم في التيلفون في الصاله الي تحت

ساره: اوكي

ساره :>> شلبس شلبس امممممم خاطري البس شئ فوشي .. نزلت الصاله وراحت عند امها


ساره: يما ..

شيخه: لحظة الجازي .. نعم

ساره: يما انا وأحمد بنروح نتغدا في بيت عبدالعزيز

شيخه: كلمتوهم

ساره: اي قاعدين في البيت .. وعقب أحمد بيوصلني المعهد وبخلي امير يرجعني

شيخه: انزين

راحت ساره المطبخ تتريق وتطالع التلفزيون .. وبعد ساعة راحت غرفتها وشافت 3 مس كول من راشد وهي تطالع الجوال اتصل مره ثانية وردت عليه

راشد: شلونج ساره ؟

ساره: الحمدالله ..انت شلونك؟

راشد: انا خليها على الله (ويتنهد) .. قلتي بتلكميني اليوم ومن مساعه اتصل ماتردين

ساره: كنت نايمة

راشد: اها

ساره: شصار .. في شئ

راشد: امس قلتي اليوم بنتفاهم

ساره: راشد انت ليش مو راضي تفهم .. كم مره اقولك خل نبتعد عن بعض هالفتره

راشد: لي متى

ساره: لين احس اني اقدر اوثق فيك

راشد: للحين ماخلصنا من هالسالفة

ساره: اي للحين ..

راشد: مابتلقين حد يحبج كثري

ساره: راشد لاتخليني اقول كلام مايعجبك خلني ساكته

راشد: شبتقولين

ساره: ولاشئ

راشد: قولي الي في قلبج ... لاتخشين شئ

ساره: انت أنت .. ما

راشد: انا شنو قولي .. اصلا انتي ماخليتي كلمه ما اقلتيها .. يعني عادي الي بتقولينه

ساره: كل شئ قلته يحق لي اقوله .. مو من شوي

راشد: انتي مافي شئ يرضيج

ساره: الحين انا مافي شئ يرضيني .. يعني تبي تسوي كل الي تبيه واسكت ولا اتكلم ..

راشد: انا ماقلت جذي

ساره: شلون تبيني اكون عاديه معاك وان مااحس باي اهتمام من ناحيتك .. حتى اليوم عيدميلادي ولا قلت لي كلمة كل عام وانتي بخير


راشد: من قالج اني ناسي

ساره: لا

راشد: اانا ادري والهديه العصر بتكون عندج

ساره: راشد كل شئ واضح .. مافي داعي تروح تشتري هديه الحين وتجيبها

راشد: لا صلا انا شاريها من فتره

ساره: انا لا ابي هدايا ولا قاعده انتظر هديه .. بس توقعتك مهتم اكثر .. اصلا انت مو حافظ التاريخ مع اني قلت لك التاريخ ..

راشد: اقولج ادري

ساره: انزين قولي كم تاريخ عيد ميلادي

راشد: تاريخ عيد ميلادج .. لحظة

ساره: شنو بتشوف كم تاريخ اليوم عشان تعرف

راشد: لا اصلا انا اعرف

ساره: قلت لك انا مو غبيه.. وانا مو ناقصني شئ عشان انتظر منك هديه .. المهم عرفت انك ماتذكرحتى تاريخ عيد ميلادي .. شنو اهم من هاليوم بالنسبه لي عشان تتذكره

راشد: شفيج ساره انا متذكر بس ابي اسويها لج مفاجأة

ساره: على راحتك.. جذب وصدق جذبتك .. المهم انا بسكر الحين

راشد: ليش ؟؟

ساره: بروح بطلع الحين مع أحمد .. ومابي اتاخر عليه

راشد: اوكي متى بكلمج ؟؟

ساره: ماادري لي رجعت يصير خير .. مع السلامة

راشد: مع السلامة ...

ساره: مو قادره استحمله اكثر من جذي .. برسل ايميل لسعود واذا رد علي زين واذا مارد خلاص بشيله من بالي ..


سعود الي خليتني عشان اكمل حياتي معاه وضحيت بحبنا عشانه طلع خاين .. اذا كنت تبي تعرف شصار ارسلي ايميل فاضي وانا بقولك شصار .. واذا مايهمك تعرف لاترسل شئ وانا بفهم ............


ساره:<<< ماادري بيحس بيتأثر ولا كالعاده مايهمه .. بروح البس عشان ماأتأخر ........

.................................................. ..
علي:>>> شاسوي الحين فطوم مو راضيه تساعدني وانا ساره عاجبتني موت وابيها .. واحس هالمره بيكون حظي حلو مع ساره .. ماارتكبت جريمة اني تركت حصه ماتفاهمنا وتركتها من البدايه احسن من اني اطلقها عقب مانتزوج واجيب منها عيال خلاص راحت في نصيبها ... مافي الا اخذ رقمها واكلمها بنفسي ولا فطوم مابتفيدني بشئ

[لهفة الأحساس]

محمد: علي ودني الدكان

علي: شتبي ؟؟؟؟؟

محمد: ابي حواوا

علي: وين فطوم

محمد: تهت

علي : شتسوي

محمد: ترثم

علي: انزين روح الحين وعقب بوديك الدكان انزين

محمد: بتوديني

علي: اي .. يالله روح..>>> بروح وباخذ رقم ساره من جوالها .... مافي احد في الغرفة ... وينه الجوال .. لقيته في الجارج

خذ الجوال وسجل رقم ساره وطلع برا البيت ...

علي: >>اتصل الحين ولا انتظر .. احاول مع فطوم مره ثانيه .. ماظنها بتسوي شئ موقفها واضح من البداية .. بتصل والي فيها فيها

يرن جوال ساره ...

ساره: مين هذا رقم غريب .. ارد ولا لا مابرد .... اوووه نفس الرقم مره ثانية .. برد يكمن وحده اعرفها مغيره رقمها

علي: الوو

ساره: الوو

علي: السلام عليكم

ساره: عليكم السلام

علي: ساره

ساره: >>>هذا من وين يعرف اسمي

ساره: اي من معاي

علي: شلونج

ساره: الحمدالله .. من معاي

علي: انا علي اخو فاطمة رفيجتج

ساره: خير فاطمة فيها شئ

علي: لا مافيها شئ .. بس ابيج في موضوع

ساره: انت من وين جبت رقمي

علي: ساره انا شفتج مره وبصراحه انتي عاجبتني وابي اخطبج .. بس انا باقي لي كورس واتخرج .. واتمنى انج تنتظريني لين اتخرج واخطبج لاني الحين مااقدر اتقدم لج .. لاتفكريني قاعد العب او اقص عليج لو ابي اقص عليج ماقلت لج بتزوجج وانتي عارفتني وعارفه هلي ..وانا واضح وصريح معاج ..شرايج ؟؟

ساره: >>>شقوله ...

علي: شفيج ساكته

ساره: شتتوقع اقولك .. الي يبي يخطب مايسوي الي انت قاعد تسويه اظن لي اهل تخطبني منهم ..

علي:ادريماقلت شي .. بس انا حبيت اعرف رأيج .. اذا ممكن تنتظريني ولا لا

ساره: انا ماعندي رد .. ولو سمحت مره ثانيه لاتتصل مع السلامة

علي: لحظة

ساره: باي

وسكرت الخط في وجهه

ساره: >> شفيه هذا صايده شئ في مخه .. وشلون خذ رقمي .. معقولة فاطمة عطته اياه .. مااعتقد .. لي شفتها في المعهد بسألها ....

أحمد: (يطق الباب) ساره يالله وينج

ساره: لحظة بس بلبس عبايتي .. روح السياره

أحمد: اوكي .. لاتنسين ا لكتب

ساره: اوكي

.................................................. .........

في بيت عبدالعزيز ....

ساره: ناديه تبين اساعدج

ناديه: لا بس مسكي فصول لعوزني مو عارفة اسوي شئ

ساره: اوكي

أحمد: ساره عطيني الرموت
ساره: حط mbc4 الحين يحطون برنامج حلو

أحمد: لاعت جبدي من هالبرامج ابي شئ عربي

ناديه: ياالله حياكم .. تفضلوا

ساره: وووووااااااووووو الريحه تجنن .. ناديه صج هذا طباخج ولاشارينه

عبدالعزيز: اعلم ههههه

ساره: قول قول شارينه صح

عبدالعزيز: لا صج هي طابخه

أحمد: اهم شئ ناكل .. مو مهم من وين الاكل

ناديه: يالله يالله بيبرد الاكل .. كلوا بسرعة

أحمد: ساره جيبي لي بصل من المطبخ

ساره: شلك بالبصل .. روايح ….

أحمد: شعليج .. لايكون ريلج وأنا ماادري

ساره: خسي ريلي ماخليه ياكل بصل

أحمد: انزين لي تزوجتي كيفج وياه الحين جيبي البصل

ساره: انزين

ناديه: أحمد أحط لك لحم ولا دجاج

أحمد: أبي من الاثنين انا جوعان

ساره: شوي وبتاكلنا كل هاي جوع.. تفضل البصل

عبدالعزيز: هههههههههه انتوا قطو او وفار

ساره: ناديه النت شغال عندكم

ناديه: اي

ساره: زين .. عشان اشيك على ايميلي

أحمد: ماادري مين بيرسل لج ايميل .. اوبرا وينفري

ساره: مابرد عليك

أحمد: حتى انا مو فاضي .. ابي اكل .. ناديه طباخ عجيب

ناديه: بالعافيه

ساره: وين فيصل

ناديه: عند الخدامة

ساره: ناديه .. شفت سويت في الثلاجة .. مدلعتنا اليوم

ناديه: تستاهلون

ساره: يحيك عبدالعزيز كل يوم ناديه تدلعك جذي

عبدالعزيز: لا مو كل يوم .. بس شان انتوا جاين

ناديه: لازم تفضحني

أحمد: عادي ندري انه عشانه ههههههههههههه

ساره: اي ندري هههههههههههههههه

عبدالعزيز: بل كاشفينج هههههههههههههه

ناديه: الي بيضحك مابياكل سويت

أحمد: خلاص سكتوا لاتقطعون رزقنا

ساره: انا خلصت بروح اغسل يدي

ناديه: شدعوة ماكلتي شئ .. ولا الاكل ماعجبج

ساره: بالعكس لذيذ .. بس شبعت .. انا بروح افتح الكمبيوتر لي حطيتوا السويت نادوني

ناديه: اوكي

راحت ساره تشوف ايميلها وماشافت اي ايميل من سعود .. انقهرت منه وراحت الصالة ... شافتهم للحين يتغدون راحت تعلب مع فيصل .. وتفكر

ساره: >> شبقول حق فاطمة لي شفتها .. اخوج متصل يبي يخطبني .. من وين جاب رقمي ؟؟؟ شلون اتجرأ واتصل .. وليش فاطمة مالمحت لي ولاقالت شئ .. ليش تخليه هو يتصل فيني .. اذكر شفته كم مره يوصل فاطمة الجامعة بس هو ماشافني .. وين شافني .. شلون عرفني اكيد فاطمة الي قايلتله عني ولا هو من وين يعرفني .. ليش اتصل وقالي انتظريني لين اتخرج .. مايدري اني مخطوبة لراشد .. اصلا فاطمة ماتدري شلون هو بيعرف .. اخوها وسيم وجامعي وامي تعرفهم وكفاية انه اخو فاطمة بس ليش يتصرف جذي في شئ مو قادره افهمه .. سعود ومايبيني ولامفتكر فيني وراشد وطلع خاين وعلي ؟؟؟ علي .. بس انا ماافكر اتزوج كفاية الي شفته .. مو ناقصه صدمة ثالثة .. احس خلاص ماصارت اوثق في اي رجال .. احس كلهم نفس الشئ .. باقي لي شوي وخلاص اتعقد .. ااااااه بس المفروض ماخلي علاقتي بسعود وراشد تأثر على حياتي لازم بيجي يوم وبتزوج وبيكون عندي بيت واسرة وعيال .. هاذي حال الدنيا .. بس علي ..ماادري يستاهل افكر فيه ولا مايستاهل خصوصا عقب حركته .. هذا مو تصرف رجال يعرف السنع .. بس لو تقدم لي رسمي وجا وخطبني من اهلي .. شنو بيكون موقفي .. ماادري .. هالمره مابي اتسرع .. ابي اتخذ قراري عن قناعه.. مابي افكر وايد في هالموضوع الي الله كاتبه بيصير .. لي شفت فاطمة بسألها عن كل شئ عشان افهم الموضوع

ناديه: ساره تعالي ماتبين سويت

ساره: اكيد ابي

أحمد: ساره الساعه كم بتروحين المعهد

ساره: بعد ساعتين

أحمد: حلو .. عبدالعزيز .. تتحداني في البلاي ستيشن

عبدالعزيز: اتحداك

...............................................

بعد 3 ساعات .. في البريك في المعهد.....

ساره: فاطمة ابي اقولج شئ .. بس ماادري شلون

فاطمة: خير ؟؟؟؟؟؟؟

ساره: اخوج عليه

فاطمة: شفيه ؟؟؟؟؟؟؟

ساره: اتصلي اليوم

فاطمة: يعني مافاد معاه الي قلته

ساره: يعني مو انتي الي عطيتيه رقمي

فاطمة: طبعا لا

ساره: عيل من وين جاب الرقم

فاطمة: ماادري شلون يمكن خذه من جوالي وانا ماادري

ساره: يمكن . بس هو شلون يتجرأ يسوي جذي

فاطمة: شقال لج ؟؟

ساره: قال يبيني انتظره لين يتخرج وينتظرني

فاطمة: وانتي شقلتي له

ساره: قلت له لاتتصل مره ثانيه وسكرت التيلفون

فاطمة: ساره انا أسفه على الي صار .. وماكنت ابيه يقرب منج .. هو قالي اكلمج بس انا ماوافقت .. عشان جذي هواتصل بنفسه لانه يدري ان مافي امل اكلمج

ساره: لو انتي كلمتيني كان ريحتني من هالاحراج الي سببه لي اخوج .. بعدين موقفج غريب ..

فاطمة: علي مايستاهلج ولايصلح لج

ساره: اخوج وتتكلمين عنه جذي .. شسالفة يافاطمة

فاطمة: تبين تعرفين ليش مابيج ترتبطين فيه

ساره: أكيد ابي اعرف

فاطمة: بكون صريحه وبقولج كل شئ وانتي كيفج .. بس انا الي علي اني انبهج ..

ساره: خرعتيني قولي

فاطمة: البريك خلص بعد مانخلص ال class بقولج كل شئ

ساره: اوكي .. بس ما روحين البيت قبل ماتقولين لي كل شئ

فاطمة: ان شاءالله


ساره بتوافق تتزوج علي ؟؟ سعود خلاص مافي أمل منه ؟؟ راشد بيوافق على زواج ساره من شخص ثاني ؟؟

[مكافحة الشباب البلشتيه]

يسلمووووو على الموضوع ^_^

والاحداث حلوه بس ياريت لو كان البارت اطول وهذي ساره كل يوم يحبها واحد

ههههههههههههههههه يله ناطرين الجديد

[لهفة الأحساس]

انشاءالله خلال هالاسبوع بكمل كتابة القصه كلها عشان مااتاخر في تنزيل الاجزاء وبخلي البارتات طويلة

[لهفة الأحساس]

جزء طويل مثل ماوعدتكم

الجزء السابع عشر :

بعد ماخلص ال class

ساره: تعالي يالله الحين قولي لي

فاطمة: انزين انزين بقولج مابطير صدقيني

ساره: يالله عاد

فاطمة: شوفي .. السالفة . اممممم

ساره: بدون مقدمات

فاطمة: اوكي قبل 3سنين أخوي علي تعرف على وحدة شلون ماادري المهم وعجبته البنت .. واقنعني انها زينة وبنت ناس ومتربيه وانه يحبها ويبيني اقول حق امي وابوي انها رفيجتي عشان يقدر يقول انه شافها ويبي يخطبها

ساره: اي .. يعني مو أول مره يسوي هالحركة

فاطمة:اسمعيني لي النهاية وبعدين احكمي

ساره: اوكي

فاطمة: حاولت اخليه يبتعد عنها بس مافي فايده .. كان مصر وقالي انا ماقدر اجذب على البنت ماتعرفت عليها الا وانا ناوي أخطبها .. وانا مابي اتركها الحين بعد ماتعلقت فيني .. ماارضاها لبنت الناس . . انا مااتسلى .. وبعدين صار الي صار وخطبها .. وطلعت وحده داخله على طمع بعد ماعرفت هو ولد من .. وبعد

ساره: وبعد شنو ؟؟ قولي لي كل شئ لاتخشين عني شئ

فاطمة: ان شاءالله.. وحس انه مو قادر يتأقلم معاها ومع طبايعها وهو ماعرف هالشئ الا بعد الملجه .. لما صار يطلع معاها ويشوفها شتلبس وشتسوي .. ماعجبته تصرفاتها كلشئ عندها عادي هي واهلها تحسينهم free تطلع شعرها عادي تتمكيج كأنها رايحه عرس وتطلع عادي .. ولسانها طويل ولاتحترمه ولاتسمع كلامه صبر عليها وايد بس مااقدر يخليها تصير مثل مايبي لأن أهلها واقفين معاها وعاجبهم الي تسويه

ساره: الحين فهمت .. انزيني وليش قلتي لي ان علي مايصلح لي

فاطمة: لاني مااعتقد انه نساها.. هو كان يحبها وايد ومستعد يسوي اي شئ عشانها .. وحتى بعد ماتطلقوا تأثر وايد بالي صار وحالته النفسيه كانت مأساة وبصراحه كانت فترة صعبة بالنسبة لنا كلنا .. ومابيه يرتبط بوحده ثانيه .. وبعدين يطلقها لأي سبب كان هو للحين صغير والعمر جدامه .. لين يتخرج ويشتغل بعدين يفكر في الزواج .. لكن الحين ماشجع اي قرار سريع يتخذه .. خصوصا أنج طرف في الموضوع وانا مابيج تتأذين .. على العموم انا قلت لج كل شئ وانتي حره .. مااقدر افرض عليج رأيي انج ماتاخذينه .. بس عطي نفسج فرصة تفكرين ولاتسرعين في اي قرار .. وهو مثل ماقالج مابيسوي اي شئ قبل مايتخرج يعني عندج فرصة كافية لتفكير ..

ساره: من صجج افكر فيه بعد الحركة الي سواها

فاطمة: انا ماقلت لج وافقي .. بس في نفس الوقت اقولج لاتتسرعين واستخيري والي الله كاتبه بيصير

ساره: استخير !!

فاطمة: اي استخيري عشان تكونين مرتاحه ومطمنه للقرار الي بتتخذينه

ساره: خلاص شورج وهداية الله .. انشاءالله بسوي مثل ماقلتي لي

فاطمة: يالله فديتج الدريول صار له نص ساعة ينتظرني

ساره: اوكي .. انا بعد بروح

فاطمة: سي يو تومورو

ساره: سي يو

.................................................. ......................
رجعت ساره البيت وراحت تدور أحمد ...

ساره: وينك من مساعة ادورك

أحمد: ماكنت في البيت

وين عيل: قلت لج بروح احجز

ساره: حجزت

أحمد: اي حجزت .. ارسلت لج ايميل بس مايوصل يمكن ايميلج مليان فضي الرسايل الي فيه
ساره: اي من زمان مامسحت شئ

أحمد: أنا بطلع الحين ..تبين شئ

ساره : وين بتروح ؟؟؟

أحمد: لايكون انتي زوجتي وانا ماادري

ساره: لا بس عشان اعرف اذا الشئ الي ابيه على طريقك ولا

أحمد: شتبين ؟؟

ساره: جيب لي معاك اي جريدة انجليزيه

أحمد: من متى الثقافة بالانجليزي ؟؟

ساره: هاذي المدرسة الي في المعهد طالبه جريده .. وبعدين عبالك بس عشان انت تدرس في امريكا يعني تعرف اجليزي ..!! شنو احنا مانعرف

أحمد: لحووول بدت ساره باي انا بروح

ساره : هههههههههههه باي

راحت ساره غرفتها عشان تمسح الايميلات .. وكانت تفكر في سعود ......
ساره: صج اني مشتاقة لسعود بس في نفس الوقت احس براحة نفسية .. من تركني وانا بالي خالي مرتاح .. ماتجيني كوابيس ولا عايشه بقلق وتوتر مثل قبل .. ماعندي أسرار ولاعندي شئ اخشه .. صج راحة .... افففففف كل هاذي ايملات .. من زمان مامسحت شئ .. اووووه هذا ايميل من سعود .. مسكين رد علي اول ماارسلت له الايميل بس الظاهر انا عشان كنت مستعجلة ماانتبهت انه ارسله .. صج اني ظلمته .. خل اشوف شكاتب


ساره .. شصاير قولي لي شسوا راشد طمنيني عليج ..

ساره: بكتب له الي صار في ايميل وبرسله الحين .. ...


شسوي الحين.. ملل .. بتصل في مريوم

مريم : الوو

ساره: هلا مرايم

مريم: هلا والله

ساره: شخبارج شعلومج ؟؟؟

مريم: انا بخير انتي شخبارج شمسويه ؟؟

ساره: انا بخير .. ها مستعدة حق السفر

مريم: افا عليج أكيد مستعدة

ساره: مريوم شتسوين؟؟

مريم: ابد قاعده ماعندي شئ

ساره: شرايج تجين بيتنا

مريم: اجي شسوي

ساره: تعالي قعدي معاي طاقه جبدي من الملل

مريم: اوكي

ساره: بسرعه لاتتأخرين

مريم: اوكي

ساره: ياالله سي يو

مريم : سي يو


ساره: شسوي الحين شسوي .. بروح اجهز خفايف وكيك .. حق مريوم

شيخه: شعندج رايحه المطبخ
ساره: بسم الله أنتي من وين طلعتي

شيخه: شفيج .. من مساعة قاعده هني بس انتي ماشفتيني

ساره: بروح اجهز عصير وخفايف

شيخه: ليش ؟؟

ساره: مريوم بتجيني

شيخه: انا اقول ماتسوين شئ بس جذي

ساره: مانخلص من هالسالفة

شيخه:ماترضين حد يقولج شئ .. من بيجي معاها

ساره: بروحها .. لا تأخريني بروح المطبخ

شيخه: روحي روحي

نزلت تحت وراحت المطبخ تبي تسوي عصير فريش مالقت الخلاط وراحت غرفة الخدامة ..

ساره: وين الخلاط ؟؟؟؟

الخدامة: صبر شوي انا جيب wait

ساره: دورت في كل مكان مالقيته بشوف الحين وين حاطته .. (ولحقتها شافتها طلعت الخلاط من المخزن)

الخدامة: وين حطي ؟؟؟

ساره: في المطبخ بعد وين في الصالة .. بعدين تعالي أنتي ليش حاطه الخلاط في المخزن .. خليه في المطبخ هاي خلاط مو كارتون نخلينه في المخزن

الخدامة : اوكي

ساره: والله حاله

يرن جوال ساره رقم سعود .......

ساره: وي هذا سعود شصاير في الدنيا ...... تعالي تعالي انتي سوي العصير

الخدامة: اوكي

ساره: الوو ..

سعود: الوو

ساره: لحظة بروح غرفتي

ساره: هلا

سعود: هلا ساره .. شفيج قولي لي خرعتيني ؟؟

ساره: ارسلت لك ايميل

سعود: ماشفته .. انتظرتج تردين ومارديتي اتصلت

ساره: راشد طلع خاين

سعود: شلون ؟؟

ساره: ضفته على ايميلي وكلمته على اساس اني وحده ثانية وعطاني رقمه عشان اكلمه .. اعتذر وايد لين كسر خاطري وسامحته بس ماادري ارجع له ولا لا خلاص ماعندي ثقه فيه .. كفايه اني ماحبه بعد يخوني عشان اكرهه زياده

سعود: من صجج انتي !!!!!!

ساره: اي .. هذا الي تركتني عشانه .. عشان اتعود عليه واحبه وانساك .. هذا قصدك من الي سويته صح ..؟؟

سعود: اي .. كنت اشوف تصرفاتج .. تبين تنتحرين وتكرهينه .. قلت ابتعد يمكن تحبينه او تتأقلمين مع وضعج الجديد .. ضحيت بحبج وسعادتي عشانج انتي

[لهفة الأحساس]

ساره: واميره الورد شنو سالفتها للحين ودي افهم شصار ؟؟
سعود: شتقصدين ؟؟؟

ساره: انت عارف شقصد .. أقصد المسج الي ارسلته لي .. وعلى العموم انا مامسحته عشان اذكرك فيه والحين برسله لك .. لحظة


سعود: وصل .. شدعوة قلبج اسود مانسيتي المسج ولامسحتيه ؟؟

ساره: شلون تبيني امسحه .. شلون وهذا هو المسج الي عفس حياتي وخلاك تبتعد عني

سعود: خلاص انسي

ساره: شنو سالفة المسج .. صج اميرة الورد قايلة عني هالكلام ولا أنت كنت تألف عشان تبعدني عنك

سعود: شدراني بروحي نسيت .. خلاص غيري الموضوع

ساره: مابي اغير الموضوع ابي افهم .. اعتقد من حقي اعرف شصار

سعود: انا في شنو وانتي في شنو

ساره: ليش شصاير

سعود: زوجتي الثانية حامل

ساره: صج .. (يعني مافي امل يتركها)

سعود: اي صج .. قالت لي الخبر وهي مستانسه وفرحانه وانا متضايق ومو قادر اخش عنها هالشئ

ساره: وليش متضايق ؟؟

سعود: ماكنت ابيها تحمل كنت ناوي اطلقها

ساره: شلون يعني ماكنت تبيها تحمل هي زوجتك ولازم تتوقع انها تحمل

سعود: ماكنت متوقع

ساره: شنو ماكنت متوقع .. جنك تتكلم عن معجزة صارت .. هي زوجتك وشئ طبيعي انها تحمل ليش الحين تبين انك متفاجئ

سعود: كان عندي امل اطلقها واخذج

ساره: شنو ؟؟؟؟

سعود: اي بس شوفي القراده

ساره: بس انت ولامره قلت لي انك تفكر في هالشئ !!

سعود: اي كنت ابي فتك منها واطلقها .. عقب اروح حق اهلج واخطبج واحطهم جدام الامر الواقع والي فيها فيها .. لكن الحين عقب مااحملت طارت احلامي كلها .. كل يوم اتمنى انها تسقط عشان ارتاح

ساره: خلاص الي صا ر صار

سعود: الحين مالي وجه اقول بخطبج شلون اروح حق أهلج واخطبج وانا متزوج ثنتين وعندي عيال .. شبيقولون عني

ساره: شدراني عادي الحج متولي

سعود: ههههههههه تطنزين بعد يالنملة

ساره: شرالبلية مايضحك .. الظاهر مافي امل نتزوج

سعود: الله كريم

ساره: لحظة سعود هاذي مريوم على الخط الثاني

سعود: خلاص عيل اخليج انا بدخل البيت

ساره: اوكي باي

سعود: باي عمري

مريم: وينج انا في الصاله انتظرج تحت

ساره: وي سوري دقيقه وانزلج

مريم: اوكي


تعطرت ونزلت بسرعة ...

ساره: هلا والله هلا

مريم: اهلين يالمتغلية

ساره : ليش متغليه ؟؟

مريم: ماادري عنج نقعت وانا انطرج

ساره: خلاص سوري انسي عاد شدعوة

مريم: من كنتي تكلمين .. أكيد راشد ؟؟ صح ؟؟

ساره: هههههههه

مريم: تخافين احسدج عيني مو حاره .. مو مثل بعض الناس الي خبرج

ساره: هههههههههه لا مو راشد وحدة رفيجتي بالجامعة

مريم: اها

ساره: تعالي نروح نقعد في غرفتي

مريم: ليش ؟؟

ساره: يمكن يدخل أحمد ولاشئ .. في غرفتي تاخذين راحتج

مريم: اوكي يالله

ساره: يالله

مريم: حلو هالعطر الي حاطته شسمه ؟؟؟

ساره: هذا شانيل

مريم: من وين ماخذته

ساره: ماخذته جاني هديه ( من سعود فديته)

مريم: اها .. ااااااي ذكرتيني

ساره: شنو ؟؟؟

مريم: عبالج انا ناسية عيد ميلادج .. مانسيت حطيت الهديه تحت .. حتى راشد جايب لج هديه بس ماادري شنو.. وجبتها معاي

ساره: مشكورة فديتج ماكان في داعي للهديه

مريم: شدعوة كم ساره عندنا

ساره: وليش سعود مكلف على نفسه كفايه انتي جايبه هديه >>>> ودي اخذ هديته واقطها

مريم: بعد الخطيب لازم يجيب هديه

ساره: اي صح .. جوالج يرن

مريم: اي ماسمعته .. الووو

عائشة: وينج ؟؟

مريم: عند ساروه في بيتهم

عائشة: شفيج انتي ناسية ان عندج موعد اسنان اليوم

مريم: اييييييييييييييييي شلون نسيت .. شلون بروح الحين ؟؟؟

عائشة: امي ذكرتني وطرشنا لج الدريول دقايق وبيكون عندج ومره ثانية لاتصيرين مفهيه

مريم: تعالي طقيني بعد عشان نسيت

عائشه: هذا جزاي عشان اذكرج.. يالله باي

مريم: باي

مريم: ساره بروح الحين ناسيه ان عندي موعد اسنان والدريول الحين في الطريق

ساره: شنو منصجج بتروحين ؟؟؟

مريم : اي بعد اسنان مو لعبة بعدين بيضرب عندي العصب

ساره: شدعوة توج جايه ماقعدتي حتى ماشربتي شئ

مريم: انا مو غريبة .. خليني اروح البس عبايتي الدريول في الطريق

ساره: اوكي

مريم: سوا لي مس كول .. خلاص بطلع الحين

ساره: اوكي خلاص ..

مريم: يالله مع السلامة وسلمي على امج ماشفتها

ساره: انشاءالله يوصل

.................................................. ........
بعد ساعة راحت ساره غرفتها وصلت صلاة الاستخارة لأنها ماكانت عارفة شنو تقرر في موضوع زواجها من علي .. وبعد الاستخارة حست براحه ...

ساره: يمكن الله كاتب هالشئ يصير .. عشان أخذ علي ويعوضني عن كل الي صار .. انا مابتسرع عندي وقت طويل افكر في هالموضوع ..

.................................................. ..............
في بيت فاطمة .....

فاطمة: نوره وين علي ؟؟

نوره: في الصاله قاعد مع أمي

فاطمة: انزين خلاص >>> الحين بروح له

علي: اوكي منصور .. عرفت شتقصد خلاص ساعة وأنا عندكم .. يالله فمان الله

فاطمة: علي بتطلع ؟؟

علي: اي تبين شئ ؟؟؟

فاطمة: اي .. تعال معاي غرفتي

علي: شعندج؟؟

فاطمة: تعال وأنت بتعرف

علي:>>> لايكون قالت لها ساره أني كلمتها

راحوا هم الاثنين غرفة فاطمة وقفلت الباب ......

فاطمة: علي بصراحة انت طحت من عيني

علي: افا ليش؟؟

فاطمة: انت فاهم وانا فاهمه مافي داعي تسوي نفسك ماتدري

علي: بس انتي الي خليتيني اضطر الجأ لهالطريقة

فاطمة: حتى ولو شلون تسمح لنفسك تسوي الي سويته الحين لو اخو ساره هو الي سوا هالحركة معاي ترضا

علي: طبعا لا

[لهفة الأحساس]

فاطمة: خلاص عيل ليش ترضاها على بنات الناس

علي: بس انا مو قاعد العب

فاطمة: قلت لك لادور حق نفسك اعذار

علي: وانتي شلون عرفتي هي قالت لج ؟؟

فاطمة: اي . وعالعموم انا قلت لها لاتردين الحين عندج فرصة لين يتخرج علي تفكرين في الموضوع وقلت لها على موضوعك مع حصه

علي: ليش تقولين لها؟؟؟؟؟ الحين مابتوافق

فاطمة: هذا زواج مو لعبة يعني البنت لازم تعرف كل شئ من البدايه

علي: وشنو رايها ؟؟؟؟؟؟؟

فاطمة: ماسألتها ... وهاذي اخر مره تتصل فيها انسى انك تكلمها مره ثانية ..

علي: اعتذري لها عن الي صار كانت لحظة طيش

فاطمة: ياكثر هاللحظات

علي: انا اتكلم جد الحين

فاطمة: احمد ربك البنت عدت الموضوع على خير لانها عرفت انك اخوي ماتضمن لو وحده ثانية تروح تعلم اهلها وبعدين بتعرف عدل شنو تيجة هالتصرف

علي: يامعوده انا ماكنت العب

فاطمة: علي لاتصير مراهق .. وخلاص اترك عنك هالسوالف الي بلا معنى .. ولاتفكر تتصل لها مرة ثانية

علي: ليش؟

فاطمة: لانك اذا سويتها بعلم ابوي وهو الوحيد الي بيوقفك عند حدك عدل

علي: شدعوة تهدديني..!! خلاص مابتصل شفيج انتي

فاطمة: تنبيه لك .. خلاص الي عندي قلته تقدر تروح

علي: ان شاءالله ياحضرة المديرة .. ماتبين اجيب لج عصا بعد تطقييني

فاطمة: هالمره فلت منها المره الجايه يويلك

علي: ان شاءالله غلطة ومابكررها

فاطمة: خلاص روح

علي: يالله مع السلامة

فاطمة: مع السلامة
.................................................. .......

ساره : ابي اكلم سعود .. ان شاءالله يرد علي ومايكون مشغول

سعود: هلا قلبي

ساره: أهلين .. سعود في شئ عن راشد ماقلت لك عنه

سعود: شنو ؟؟

ساره: انا مسلفته مبلغ وماعطته بطاقة البنك .. بس ابي اكنسلها وماادري شقوله اذا عرف اني كنسلتها

سعود: ان شاءالله مو مبلغ كبير

ساره: الي هو المهم الحين شاسوي ؟؟

سعود: كنسليها ولين قالج ليش .. قولي له امي قالت لي وين بطاقتج وقلت لها ضايعه ورحت معاها البنك عشان اسوي بطاقة جديدة واذا قالي يبي البطاقة الجديدة تعذري كل مره بعذر

ساره: خلاص .. باجر ان شاءالله بروح وبكنسلها

سعود: اي لاتنتظرين زيادة

ساره: اوكي .. بخليك الحين امي تناديني

سعود: خلاص روحي

ساره: يالله باي

سعود: باي

.................................................. .................

محمد: راشد افتح الباب

راشد: شتبي ؟؟

محمد:أفتح يا أخي

راشد: لحظة

محمد: شفيك ؟؟؟؟

راشد: مافيني شئ

محمد: العاده هالحزه انت راقد شمقعدك الحين

راشد: مافيني نوم

محمد: ليش ؟؟

راشد: قلت لك ولاشئ

محمد: شدعوة تخش علي .. قولي يمكن ترتاح اذا تكلمت

راشد: ماظن برتاح

محمد: شصاير فيك ؟؟

راشد: روح

محمد: لا حالتك ماينسكت عليها .. تدري قوم البس بنطلع

راشد: مابي اطلع وين اروح هالحزه ؟؟

محمد: بنروح البحر بنقعد شوي وبنعود

راشد: مابي اطلع

محمد: قوم قوم يالله ناطرك في السياره لاتتأخر

راشد: انزين

محمد:<<< اول مره اشوف راشد بهالحاله .. شفيه .. يمكن مشاكل في شغله

راشد: >>> ماتدري كل الي فيني بسبب ساره .. مو راضيه تسامح ولاتنسى .. وكل يوم تذبحني بالي تسويه


3 ساعات قاعدين عالبحر وراشد ساكت ولاراضي يتكلم ولاكلمة وموراضي يرجع البيت حاس بضيقه ولايبي يقول حق حد عن الي فيه حتى محمد اخوه واقرب الناس له ..

محمد: راشد شرايك نعود الحين بيأذن الفجر واحنا قاعدين

راشد: ماودي ارجع بس خلاص مثل ماتقول بيأذن الفجر

محمد: يالله عيل مشينا

راشد: يمشي بخطوات ثقيلة مو قادر يشيل نفسه .. حاس بالذل والاهانه ورفض ساره له .. مايقدر يقول لحد عن الي يحسه لان الكل بيوقف في صف ساره لان راشد هو الي خانها .......

محمد:>> ماادري شفيه راشد بس الظاهر انه شئ جايد .. عمري ماحسيته ضعيف وتعبان ومتضايق مثل اليوم .. حالته غريبة ويكسر الخاطر

راحوا المسجد صلوا وارجعوا البيت ....

راشد: بتصل فيها يمكن ترد علي ....

ساره: شفيه هذا استخف متصل هالحزه .. بحط الجوال صامت ولابرد عليه .....

راشد: يمكن نايمه .... بتصل باجر ....
.................................................. ..

ثاني يوم الساعة 9 الصبح

يرن جوال ساره اتصال من راشد .......

ساره: من متصل ؟؟؟ هذا راشد .. هذا متى بيفهم اني مابي اكلمه مابرد ....... هذا مسج منه ...

ساره عندي لج خبر ووووايد حلو لو سمحتي كلميني

ساره: راشد عنده اخبار حلوه ماظن يالله بشوف شعنده

ساره: السلام عليكم

راشد: وعليكم السلام .. اخيرا اخيرا رديتي علي ياساره لو تدرين عن حالتي ماسويتي الي تسوينه بس الله كريم

ساره: انت متصل عشان تقولي خبر حلو ولا عشان تعاتبني

راشد: عشان اقولج خبر وووايد حلو وبيفرحج وايد

ساره: قول شوقتني من زمان ماسمعت اخبار حلوة


للجزء الجاي


راشد: ساره انا توفقت في شغلي الحمدالله والسبب كان انتي

ساره: انا

راشد: اي انتي .. ماانسى وقفتج معاي لما كنت محتاج فلوس وساعدتيني .. والحمدالله توفقت بصفقة كبيرة واليوم جاتني صفقة ثانية احسن منها بعد وفلوسج رجعتهم في حسابج وطبعا مانسيتج خذت لج ارض صغيرة وبكتبها باسمج .. هذا عشان تعرفين اني مانسيت وقفتج معاي

ساره: وليش تاخذ الارض الفلوس بتحتاجها حق مشاريع ثانية

راشد: انتي ماعليج .. انا خلاص ثبت نفسي عدل واقدر الحين اقول اني ثبت نفسي في التجارة وان شاءالله الايام الجاية بتكون احسن واحسن

ساره: بس انا مااقدر اقبل الاراض منك

راشد: يعني انا اخذ منج الفلوس عادي وانتي ماتاخذين الاراض ليش ؟؟ بعدين هاذي حقج يعني لو انتي شغلتي هالفلوس خلال هالفترة اكيد بتحصلين ربح صح اعتبريني شغلتهم لج .. ونسيت اقولج خذت لج بعد أسهم بعد فترة بيرتفعون وبينفعونج في المستقبل ..

ساره: شدعوة كل هذا

راشد: تستاهلين اكثر ياساره .. انا شفت الخير على وجهج

ساره: بس هذا وايد

راشد: لاتقولين هالكلام

ساره: مااقدر اخذ منك شئ انت الي تعبت واشتغلت انا ماسويت شئ

راشد: ساره لاتخربين علي فرحتي خليني مستانس

ساره: ان شاءالله وعالعموم تستاهل كل خير والله يوفقك ان شاءالله

راشد: ادعي لي في صلاتج هذا الي انا محتاجه

ساره: ولايهمك

.................................................. ..............

توقعاتكم ؟؟؟؟؟؟؟؟؟؟؟؟

[no000r]

مشككككككووووووووره لهفه على البارت الرائع
وانا اتوقع ان ساره بتعيد التفكير في راشد

[لهفة الأحساس]

العفو نووووووور

احتمال تغير نظرتها له خصوصا بعد الي سواه واذا قدر يثبت اخلاصه لها احتمال تحبه

[مكافحة الشباب البلشتيه]

يسلمووووووووووووو على البارت الحلوووو

والله توقعاتي انها بتنعجب في علي كخخخخخخخخخ وسعود يمكن بيكون مجرد ذكرى حلوه مرت في حياتها وراشد احمتال بيتزوجون هاي الي فهمته من العنوان" صـــــارحني بحبـــك" وهاي احس المقوله من راشد لساره انه لين متى مابتصارحيني بحبج خخخخخخخخ على كيفيييييييي.



يله سلاام ^_^

[لهفة الأحساس]

الجزء الثامن عشر:

راشد : ساره انتي مسامحتني ؟

ساره: >>> رجع لي الفلوس وفوقهم ارض واسهم وانا افكر اروح اكنسل البطاقة

ساره: مسامحتك مو عشان الفلوس والارض لا .. سامحتك من البداية بس ماكنت ابيك تحس ان هالموضوع بيمر بسهولة عشان ماتكرر هالشئ مره ثانية

راشد: الحمدالله الحين اقدر ارتاح

ساره: راشد انا مو سيئة لهالدرجة

راشد: ادري

ساره: بس كنت ابيك تتعلم هالدرس

راشد: وانا تعلمته عدل

ساره: الايام بتثبت
راشد: للحين تشكين فيني

ساره: ماقلت اشك فيك بس مااقدر ارجع اوثق فيك بكل سهولة ... وهالشئ الي سويته انا بنساه وتأكد اني عمري مابعايرك فيه ولابفتح الموضوع مره ثانية بس في نفس الوقت انت لازم تثبت لي انك قد هالثقة

راشد: ان شاءالله بتشوفيني شخص ثاني

ساره: ان شاءالله تتغير اتمنى هالشئ

راشد: صدقيني مابخيب ظنج فيني

ساره: وانا احس انك صادق في كل كلمة تقولها .. >>> هذا سعود يتصل

ساره: راشد انا مضطره اسكر الحين رفيجتي تتصل .. بعدين بكلمك

راشد: اوكي مع السلامة

ساره: مع السلامة

سعود: تكلمين الخطيب

ساره: اي

سعود: خلاص عيل انا بسكر كلميه

ساره: لا لاتسكر

سعود: هذا خطيبج وبيكون زوجج قريب .. لكن انا ولاشئ خلج وياه

ساره: قلت لك خلاص سكر

سعود: مره ثانية اذا اتصلت لج وانتي تكلمينه لاتسكرين لين خلصتي منه كلميني

ساره: كيفي انا

سعود: سمعي كلامي

ساره: يصير خير

سعود: بعد

ساره: شفيك تبي تتهاوش ؟؟

سعود: هههههه المهم شخبارج

ساره: الحمدالله بسافر امريكا قريب

سعود: متى ؟؟؟
ساره: بعد اسبوعين

سعود: مين بيروح معاج

ساره: بيتنا كلهم حتى عبدالعزيز وزوجته وبيت مريوم

سعود: وراشد بيسافر ؟؟

ساره: ماادري هو عنده شغل ماظن يقدر يسافر

سعود: وشصار في موضوع البطاقة ؟؟

ساره:>>> الحين اذا قلت له عن الي سواه راشد بيغار خلني اسكت احسن .. (اليوم بروح اكنسلها )

سعود: ودي اشوفج اشتقت لج

ساره: وانا اشتقت لك اكثر >>> دليل اشتياقك لي ماكلمتني يوم عيد ميلادي مارجعت لي الا لما حسيت ان راشد مستحيل ينافسك ........
.................................................. ..............

بعد اسبوع ..............

سعود: قلت لج مابيني وبينها شئ ليش تشكين لايكون عبالج انا راشد

ساره: ماقلت اني اشك فيك .. بس اميرة الورد حركاتها مكشوفة وانت ليش للحين تعطيها وجه .. قلت لك مليون مره اطلع من المنتدى ..ايش عاجبك في هالمنتدى قولي

سعود: ساره طلعه مب طالع واذا مب عاجبج كيفج ..

ساره: انا تقولي هالكلام

سعود: اي

ساره: ليش تبي تقهرني ..

سعود: انتي الي تشكين في كل الناس عبالج الكل مثل راشد

ساره: ادري انك غير عنه وانا مستحيل اشك فيك لو اشوفك مع وحده مابصدق انك تخوني .. انت فوق اني اشك فيك .. انت حب عمري .. بس انا ماحب انك تتجاوب معاها يااخي حس فيني لو انا اسوي الي تسويه مع واحد من الاعضاء الي في المنتدى شنو بيكون موقفك؟؟

سعود: ماادري

ساره: خلاص من بكره بسوي مثل ماتسوي وشوف شلون هالشئ يحرق الاعصاب

سعود: انزين
.................................................. ......

بعد يومين .............

سعود: جنج مصختيها ويا أسير الحب

ساره: ليش شسويت ؟؟

سعود: كل الاعضاء يتكلمون عنكم

ساره: وانت شرايك

سعود: طبعا مايعجبني الي تسوينه

ساره: شفت شلون قبل لما كنت اقولك مااستحمل الي تسويه ماكنت تحس الحين عرفت شلون

سعود: المهم من اليوم ورايح مالج خص فيه

ساره: اوكي انا راضيه بس قبل ماتطبق اوامرك علي اول شئ انت اترك اميرة الورد وانا اوعدك اطلع من المنتدى كله مو بس مااشارك مع اسير القلوب

سعود : بعد

ساره: اي

سعود: واذا قلت لج بشارك والي ابيه بسويه وانتي كيفج ويالله مع السلامة ولاتتصلين فيني

ساره: من صجه هذا .. هاذي حاله يعني توه تاركني مده وماصدقت رجع يكلمني ةالحين تركني مره ثانية انا الغلطانة يعني لازم اقوله اطلع واطلع الحين مابيكلمني سنه


.................................................. ....

ثاني يوم الساعة 7ونص الصبح ........

ساره: وين حبوبي ...الظاهر مخلص ... شاسوي الحين ضغطي مرتفع حده وتعبانه اااااااه اااااااااااه شسوي
حتى ماعرف اسم الحبوب عشان اخلي الدريول يجيب لي من الصيدليه اصلا ماادري في صيدليه فاتحه الحين ولا لا ... بروح اشوف امي وابوي في البيت ولا راحوا الدوام

طلعت الصاله وهي تصيح تدور ومالقت حد في البيت ...

ساره: احمد مسافر مع عبدالعزيز وناديه دبي وامي وابوي في الدوام من وين اجيب لي حبوب تعبانه وايد احس بالم في راسي ودايخه .... لو اعرف بس اسم الحبوب اااااااااااااه اااااااااااااااه اااااااااااااه سعود فيه الضغط بتصله بساله عن اسم الحبوب وبخلي الدريول يجيب لي .. اخاف مايرد علي برسله مسج

سعود شنو اسم حبوب الضغط الي تاخذه


ساره: طافت ربع ساعة ولا رد علي .. معقولة قاعد يعاندني اذا رد علي بمسج صج ماعنده احساس ..شسوي الحين والله اني تعبانه ومااقدر اروح الصيدليه بنفسي اخاف اتصل في ابوي اخليه يخاف علي .. شسوي مالي الا مريم اكيد نايمه الحين.. ليش ماترد ااااااااه والله بموت من الالم بمووووووت .. كاهي اتصلت

مريم: الووو

ساره: مريم لحقيني

مريم: شفيج

ساره: ضغطي مرتف تعبانه وايد

مريم: خذتي حبوبج

ساره: مخلص متوهقه

مريم: امي عندها خلاص دقايق وبرسلج مع السايق

ساره: بسرعه الله يخليج

مريم: اوكي مع السلامة
ساره: مع السلامة


مريم: وين الحبوب وين ..اي في المطبخ

مريم: حسناء حسناء .. نادي الدريول

حسناء: مافي دريول

مريم: وينه

حسناء : يودي ماما مستشفى

مريم: اي صح عندها موعد اليوم .. شسوي الحين .. بتصل في راشد .. ماادري في البيت ولاطلع


راشد: السلام عليكم

مريم: عليكم السلام .. راشد وينك ؟

راشد: توني طالع من البيت ليش؟؟

مريم: ارجع البيت بسرعه ابيك تاخذ حبوب حق ساره

راشد: شفيها ساره

مريم: انت تعال الحين

راشد: خلاص رجعت بس قولي لي شفيها

مريم: مرتفع عندها الضط وحبوبها مخلص

راشد: اي اذكر قالت لي قبل فيها الضغط ..انزين انا دقيقة واكون عند باب البيت طرشي الخدامة عند الباب مع الحبوب

مريم: اوكي يالله مع السلامة

راشد: مع السلامة

خذ راشد الدواء ويطير بالسياره ..........

راشد: اطق الجرس محد يطلع لي .. بدخل داخل بنادي الخدامة يمكن في المطبخ .. وين مافي احد .. بتصل في ساره


راشد: هلا ساره

ساره: هلا

راشد: صار لي ربع ساعة اطق الجرس .. شوفي انا بدخل الصاله بحط الحبوب عند الباب وانتي تعالي اخذيه اوكي

ساره: اوكي >>> مسكين راشد صج ان فيه خير

نزلت ساره خذت الحبوب وارتاحت كانت تبي تتصل في راشد تشكره بس كانت تعبانه ومو قادره تتكلم تبي تنام .. وارسلت له مسج

مشكور ياراشد مابنساك لك الي سويته اليوم

رد عليها راشد: افا عليج ماسويت شئ المهم نامي وارتاحي وطمنيني عليج بعد ماتقومين

شافت ساره المسج وابتسمت وغمضت عينها ونامت على طول ......

.................................................. ................

[لهفة الأحساس]

صحت من النوم الساعة 5 العصر وشافت جوالها يمكن يكون سعود ارسلها مسج ولا اتصل

ساره: شدعوة عباله ان مافيني شئ بس اسوي جذي عشان يفكر اني تعبانة ويكلمني ... جوعانه بروح اكل ... اول بتصل في راشد

ساره: هلا راشد

راشد: اهلين شلونج طمنيني

ساره: الحمدالله وايد احسن الموضوع مو مستاهل بس المشكلة ماكان عندي حبوب

راشد: ليش اتصلتي في مريم ليش ماكلمتيني من البداية

ساره: ماادري

راشد: فديت الي يستحون

ساره: خلاص عاد راشد ترا بسكر

راشد: لا لا ماصدقت ترضين علي

ساره: شكرا على الي سويته

راشد: ماسويت الا الواجب

ساره: انزين انا بروح اتغدا حدي جوعانه

راشد: خلاص روحي اتغدي

ساره: اوكي مع السلامة

راشد: مع السلامة

.................................................. .......

الخدامة: ساره انتي يبي عصير

ساره: اوكي جيبي

وهي تتغدا سمعت اغنية في التلفزيون ..

اه ياعيني يالليل دا الي قولت عليه حبيب ولاذاب ولامال ولا ليله كان قريب ..وتملي ناسيني وشوقي يزيد ..واقوله يجيني يروح لبعيد .. ..بقى يعني عشان حبيتوا ياليلي يجرا لي ماجرا لي.. حيرني هواه وتعبني معاه واتاري قلبوه خالي

روح ياليل للي ناسي روح وقوله حالي ايه ..قوله له قلبوا قاسي ليه يهون الشوق عليه ..

ساره: تعالي شلي الاكل خلاص مابي

دمعت عينها وراحت غرفتها ...

ساره: ماتوقعت سعود يكون قاسي

يرن جوالها .. فاطمة تتصل

ساره: هلا فاطمة

فاطمة: اهلين

ساره: شخبارج
فاطمة: الحمدالله .. انا متصله عشان اسلم عليج الحين احنا في المطار اليوم بنسافر

ساره: اي صح .. تصدقين نسيت انج اليوم بتسافرين مصر

فاطمة: توصيني على شئ

ساره: ابي سلامتج

فاطمة: شدعوة قولي خاطرج في شي

ساره: لافديتج تروحين وترجعين بالسلامة

فاطمة: ان شاءالله سلمي على خالتي

ساره: انشاءالله وانتي بعد سلمي على امج وخواتج

فاطمة: يوصل .. خلاص اخليج الحين ينادوني

ساره: اوكي مع السلامة

فاطمة: مع السلامة

.................................................. .............

ساره: الحين بقعد في غرفتي اسمع اغاني حزينه واصيح وسعود مستانس ولامفتكر لا بطلع من الغرفة مو ناقصني هالجو الكئيب


طلعت من غرفتها وراحت حق امها

ساره: يما متى بيرجعون اخواني من الامارات

شيخه: اظن عقب باجر ..ليش تحنين ولو خاطرج تروحين ليش مارحتي معاهم

ساره: تدرين كنت ادوام في المعهد وتوني خلصت

شيخه: مو مشكله بتروحين امريكا ودبي تقدرين تروحينها مره ثانيه

ساره: ادري بس ملل .. يما ابي فلوس

شيخه: حق شنو ؟؟

ساره: بروح السوق اشتري اغراض حق السفر

شيخه: عيل اتصلي في بنات عمج وروحي معاهم مساعه كنت اكلم خالتج الجازي وقالت انهم بيروحون السوق يشترون اغراض حق السفر

ساره: اوكي عيل بروح معاهم .. بروح اتصل في مريوم وببدل بسرعه >>> لازم اشغل نفسي باي شئ ومافكر في سعود لان التفكير فيه يتعب .. وان شاءالله كلها كم يوم وبسافر وعقب وانا هناك بكون مشغولة ولابيكون عندي وقت افكر فيه .... خل اتصل في مريوم قبل مايطلعون

ساره: مساء الخير

مريم: هلا مساء النور .. يبين من صوتج انج احسن

ساره: اي الحمدالله .. وبطلع معاكم بعد

مريم: يعني مو تعبانة الحين

ساره: لا زي الحصان هههههههه

مريم: هههههههههههه وشدراج ان احنا بنطلع

ساره: توصلني الاخبار اول باول

مريم: ماشاءالله امي لحقتتوصل الخبر

ساره: اي ويالله انتظركم تمرون علي .. بعد انا خطيبة اخوكم

مريم: اي والله مانقدر نقولج لا بيذبحنا راشد

ساره: لا بتوسط لكم عنده

مريم: بتخففين العقاب يعني

ساره: اي ..المهم يالله لاتتاخرون انا بروح ابدل نص ساعه وتكونون عند الباب

مريم: ان شاءالله

ساره: يالله سي يو

مريم: سي يو

.................................................. ..............

مريم : عوش يالله لبسي بسرعه

راشد: وين بتروحون

مريم: بنروح السوق .. وساره تنتظرنا مانبي نتأخر عليها

راشد: وساره ليش تطلع هي تعبانه خل ترتاح اليوم في البيت ولاحقه عى السوق

مريم: تقول صارت احسن

راشد: بس يمكن تتعب عقب