يأهل قطر عندكم مزيون ..

[العنيـــده]

ماروانا غير مزيون قطر

كمل كمل

[راضـ نمله ـخ]

الجزء العاشر

في الامـــــارات ..

صار وقت الليل .. وامنه وابوها ساروا المطاار .. وجاسم كان معصب لان ابوه ماخذه معه .. لان عليه امتحان ولازم يدرس .. وجاسم شووي يدرس وشووي يطلع وشووي يلعب ههههههه ..

وفي المطار امنه تفكر كيف بتشووف اهلها الا صار لها سنين ما شافتهم .. وجدها وجدتها بيتذكرونها ولا لا .. وكان ودها لو يكون سعوود موجود .. بس هو مسافر عن ديرته ..

وبعد ما وصلوا استقبلوهم ناايف وخالــــد

نايف وخالد تقربوا من بو سعود : السلاااام عليكم ..

بوسعود : وعليكم السلام .. وتخاشمو

نايف تقرب من امنه ومد يده لها .. ومدت يدها وسلمت عليه .. وبعدها راحوا للبيت العوود .. وفي بيت ابوهم العود الكل كان مجتمــع .. والجد والجده موصين ان الكل يجتمــع .. والكل اجتمع ما عدا عبدالعزيز وسعود ..

اول ما دخلوا البيت الكل قام يسلم عليهم ويستقبلهم .. وامنه تقربت من الجده .. وباستها على رااسها .. الجده حضنتها وتمت تصيح .. تذكرت بنتها الغاليــه .. الي فقدتها وهي توها بعز شبآبها .. تمت تصيح على الذكرى الي بقت منها .. وماقدرت تعوضها بحنان امها الي فقدته .. تمت حاضنتها وتصيح .. وامنه بعدها دمعت عيوونها وضمت جدتها بالحيييييييل .. وباستها على راسها مره ثانيه وقالت لها : شحالج يمه ..

الجده بهالكلمه .. حست بشووقها لبنتها ولحفيدتها الي فقدتها من سنين : بخيير يا عسى ربي يرضى عليج ..

وبعدها تقربت امنه من الجد وحبته على راسها وهو بالمثل حضنها .. وقال لها تيلس عنده .. وتموا كلهم سوالف سوالف .. وامنه حست بحبهم لها بالحييل .. وكانت تتمنى لو عايشه معهم من زمااان .. وبعدها البنات خذوا امنه تيلس عندهم .. وتموا يسولفون معها .. امنه كانت هااديــه .. غير عن طبعها .. وتناظرهم وتتأملهم .. كيف يبين ان الكل يحب بعض .. وان محد بقلبه على حد .. وان الابتسامه مرسوومه على ويوهم كلهم ..

تقربت ام سلطان من البنات .. وقالت لهم يروحون يتساعدون في تجهيز العشاا .. والكل قام .. وام سلطان تقربت من امنه ويلست احذاها ..

ام سلطان : شخبارج امنه

امنه وهي مستحيه : الحمدلله بخير الله يسلمج خالتي .. ومن صوبج

ام سلطان : بخير بشووفتج .. توه مانور البلاد بجيتكم ..

امنه : تسلمين خالتي ..

وبعدها دخلوا ناصر وخالد .. وشافوا امنه قاعده مع ام سلطان ..

خالد : شحالج يمه ..

ام سلطان : طيبه ..

ناصر تقدم عند خالته وباس راسها : شحالج الغاليه

ام سلطان : الحمدلله ..

ناصر يناظر امنه الي منزله راسها بالارض .. مب متعوده عليهم .. وطيبتهم الي شافته عندهم .. عمرها ما شفته عند حد الا القليل ..

ناصر : شخبارج بنت خالتي ..

امنه رفعت راسها وابتسمت : بخير الله يسلمك

ناصر : توه مانور البلاد .. ويغمز لها

امنه استحت : تسلم ..

خالد يناظر ناصر الي ما شال عيونه من على امنه .. وامنه تتحاشى تشوفه ..

خالد : كلت البنيه بعيينك

ناصر انتبه لعمره وضحك : شنسووي قمـر

اهني امنه استحت.. وماقدرت ترد .. او تقول شي .. وام سلطان تناظرهم : انتوا شمقعدكم عند الحريم .. يلا روحوا صوب الرياايل ..

خالد : يمـه شدعوه زهقتي منـه ..

ام سلطان وهي قايمه ومطنشه ولدها : يلا امنه قومي نتعشا .. وقامت امنه معها .. وتعشوا وخلصوا ..

وبعدها بو سعود قال لهم ينادون امنه لان بيباتون في الفندق .. بس بو عبدالله "الجد" حلف عليهم ما يطلعون من عنده .. وبعد اقناع وافق .. والبنات كلهم قرروا يباتون فبيت ابوهم العود عشان امنه .. وبعدها كلهم راحوا بيوتهم .. ومريم تمت عند البنات مع ولدها سعود ..

وفي الليل عند البنــات .. كلهم يالسين بالصاله الي فوق وماخذين راحتهم .. لان محد غريب يصعد .. ونايف محرم لهم بس مريم خذت معها شيله احتيااط .. وتموا يسولفون

مريم : امنه تدرسين ولا خلصتي

آمنه : لا الحمدلله مخلصه .. يالسه بالبيت ..

مريم : مو مفكره تخلصين جامعه .. او تشتغلين

عهود : اي مو مفكره احسن من قعدة البيت

آمنه : لا والله ماشي شغل ولا دراسه بس بالبيت

دانه مبطله عيونها : شدعوووه ما تتمللين

آمنه ابتسمت : هههه عندي الي يسليني

شوق : وشو هذا الي يسليج

آمنـه : حرمة ابوويــه

اهنا الكل استانس لامنه شكلها متعلقه بحرمة ابوها .. هههههه << مايدرون شالوناسه الي تقصدها امنه

مريم : شكلها حبووبه حرمة ابوج صح

امنه ضحكت : ههههههه هيه واايد .. مطلعه روحها انا .. اتسلى فيها

شوق مستغربه : شلون يعني .؟

آمنه تبتسم : ماشي بس يعني كل اسوي فيها مقالب وما اسمع رمستها ..

عهود : طيب ليش .؟ يعني هي ما تعاملج اوكي

امنه ماحبت تتعمق في الكلام عن حرمة ابوها او تشوه صورتها بس ابتسمت وقالت لهم : لا بس نوعي احب اطفر بالواحد هههههه

مريم : بس يبين عليج هاااديــه ..

شوق : اي والله واااايـد ..

آمنه : ماتدرون والله يا ما تحت السواهي دواهي.. بس خلوني على الصوره الي انا فيها مابي ازيغكم مني ههههههه

وبعدها الكل تم يسولف ويضحك .. ودانه تقول لهم سوالفها بالمدرسه ومع الطالبات والمدرسات .. وبعدها يتناقشون بمواضيع .. ويقلبونها ضحك .. الا تلفون امنه يرن .. بالليل .. الكل استغرب من متصل ..

امنه شافت الاسم مكتوب " روحي " ابتسمت وردت وحطت على السبيكر

:السلااااام عليكم .. هلا والله بالغالي

جاسم : وعليكم السلاااام .. شحااااالج امووووونه

آمنه ضحكت : طيبه.. امداك تشتاق لي ..

جاسم : والله مكانج مبين بالبيت ههههههه هدووووء ماشي حشره ولا شي

آمنه : يعني انا الي مسوويه الحشره هاا ..

جآسم : حتى امي احسها مفتقدتج هههههههه

آمنه : يحليلها هههههههه ان شاء الله راجعتلها عما قريب ..

جاسم ضحك : هههههههه متى ناويه ترجعين

آمنه : وانا مداني اوصل عسب ارجع ..

جاسم: وانا مسكين .. اونه امتحان ولازم ادرس ..

امنـه : هيه شد حيلك .. واذا يبت نسبه اووكي .. لك احلى هديه من احلى اخت .. احم احم

جاسم : هههههه عاش وااثق

آمنه : مب يحق لي .؟ هههههه

جاسم : دام انا اخوج .. اكيد يحق لج ههههههه

وبعدها الكل ضحك .. وجاسم عصب .. درى ان حاطه سبيكر والكل يسمعه .. وبعده تم يسولف عادي .. وخلص وسكر من عندها ..

عهود : ما شاء الله عليه جاسم كم عمره ..

آمنــه : 17

عهود : اها يعني بينكم سنه .. حلو .. وابتسمت لهاا

آمنه : اممم شوق شو فيج حزينه .. الحين انتي بتصيرين عرووس .. من قدج وتغمز لها

شوق ناظرتها وابتسمت : عقبالج ان شااء الله

آمنــه الي متعقده من فكره تتزوج وتصير ام .. عسب لايصير الي صار لها لبنتها : هههههه تو الناس علينا

عهود : بنزل اجيب شي ناكله من المطبخ .. من يجي معي ..

الكل ماله خلق .. بس آمنه قالت بتنزل معهم . ومريم عطتهم مرضاعة ولدها سعود لجل يسون له حليب ..

ونزلوا المطبخ .. وتموا يسون اكل .. امنه سوت القهوه .. والشااي .. وعهود طلعت الاغراض من الثلاجه ..بيسون عصير .. وسندويشات .. وطلعت عهود الشوربه وقالت لآمنه تسوويه .. وهي بتروح بيتهم بتجيب اندوومي وبترد .. وامنه قالت لها اوكي بس لا تتأخر .. طلعت عهود .. وامنه تمت تسووي الشووربه .. وعلى ما يستوي .. تمت تحط السندويشات في الشواايه .. وبعدها يه واحد من وراها ونقزها .. وهي فزت .. تخرعت .. ولفت راسها وشافته خالها نايف

آمنه تضحك : خرعتني والله ههههههههه

نايف : شو تسووين

آمنه : اكل عسب نسهر وناكل ونشووف تلفزيون وووو الخ

نايف : هههههه بتنفجروون من كثر الاكل ..

آمنه : ماعليك انت اذا ما كلينا شو تبا نسووي.؟ نجابلك مثلن ههههههههه

نايف فرصها على خدودها بالحييييييل ..وضحك .. : يحصلكم تجابلون واحد مثلي ..

آمنه : هييه .. ههههههه .. بقولك خالي .. شرايك تسير تزيغهم البنات فووق ..

نايف : فاضيلهم اناا .. ولا اقول .. بخرعهم .. وبرد لج .. وراح نايف صوب غرفته قال بيبدل ويتسبح وبعدها بيروح يخرعهم ههههه وآمنه نست امر مريم ان لازم تتغطى عنه ههههههه

آمنه بطلت الثلاجه وتمت تبطل الادراج تحت .. الا ناصر يدخل .. نيوووف وينك .. شاف الثلاجه مبطله .. وحسب ان نايف عند الثلاجه لانه من قبل شوي دخل المطبخ .. يبي يخرعه .. خذا سويج السياره وفلعه عليه .. الا آمنه تفز مره ثانييييه من مكانها وتصاااارخ

آمنه : خاااااااااااالي .. قلت لك زيغهم مب تزيغنــ .. الا تشوف ناصر واقف ومتصنم اولا شافها كانت قمر ولا احلى وشكلها بريئ لا ابعد الحدود بعدها استوعب وضحك .. وآمنه بسرعه خذت شيلتها من على الكرسي وغطت راسها ..

ناصر وهو يضحك : ههههههههه مطرشه خالي يخرع البنات ها .. بتخربينه والله

آمنه انحرجت : شو يخصك

ناصر: ولاشي .. بس شتسوين بروحج بالمطبخ .. وقعد على الكرسي ..

آمنــه : ماشي بس نسوي اكل عسب ناكله ونسهر ..

ناصر بالفيت يستظرف دمه : حسبتكم بتتصورون معه ههههه

ناصر يأشر لها على الشوايه لان واضح انه ناسيته .. وهي بسرعه ربعت صوبه وطلعت السندويشات بس الله ستر ماشي احترق ..

آمنه ناظرت ناصر : تبا سندويش .؟

ناصر : لا اكيد بتسمم .. ههههههه

آمنه : لا والله .. بس كيفك توفر

ناصر : ولا اقوول عطيني ..

بعدها لفت له السندويش بقصدير وعطته .. وصبتله عصير وعطته .. وبعدها دخلت عهود .. وشافت ناصر وامنه .. قلبها عورها واحترق من الغيره .. بس سكتت .. عهود : وصلت الاميـره عهود .. هههههه

ناصر يناظرها : ههههه او الخبله الثانيه اهني بعد

عهود : ما الخبل الا انت

آمنه : هيه صدقتي .. وضحكوا البنات عليه .. وهم تموا يكملون شغلهم .. وهو يعلق عليهم .. لما خلصوا طلعوا من المطبخ .. وشافوا نايف بطريجهم ..

نايف : الحين جايكم ..

عهود : لالا مريم عندنا فووق .. خلها تاخذ راحتها

آمنه واطق راسها بيدها : اووووه نسيت .. هههههه طرشته يزيغهم ونسيت مريم .. زين ان ما سار .. وتموا يضحكوون ..

بعدها امنه تذكرت المرضااعه .. آمنه : اوو نسيت اسوي الحليب .. سيري ودي الاكل فووق .. وانا بسوي الحليب .. وبجيبه مع الشاهي والقهوه

عهوود .: اوكي .. وراحت فووق .. وامنه راحت المطبخ تسووي الحليب ..

ودخلت المطبخ .. وسوت الحليب وخلصت .. وبعدها اتصلت بموزه ربيعتها .. كانت تبا تلعوزها .. بس موزه من حسن حظها حاطه موبايلها على السايلنت وماردت ..

وسارت امنه فووق عند البنات وتموا ياكلون وسوالف .. وبعدها صلوا الفجــر .. وعلى الساعه 4 الكل رقد ..

اليوم الثاني وماباقي الا يوم على ملجة محمد على شوق .. الكل مرتبش بالتجهيزات .. ومر اليوم على الكل بتعب ..

ويوم الملجه قريب المغرب البنات كلهم مجتمعين عند شوق في بيت بو ناصر .. والمزينه كانت تعدلهم ..

وأول وحده خلصت هي دانه .. كانت لابسه فستان وردي طالع عليها جنان .. و طقم في من اللون الوردي .. و صندل عليه اكسسوار وردي .. ولفت شعرها على فوق ومعه سلسه اكسسوار للشعر .. وفي خصل من شعرها طايح على وجهها البريء والمكياج خفيف .. كريم اساس .. ورسمت عيونها بالكحل .. وحطت حمره ورديه .. وطلعت كأنها ملاااك

وبعدها مريم .. لبست فستان تركوازي بلا كم .. وكان طوله تحت الركبه ومقصص بطريقه حلوه .. ولبست صندل بخيط ومسويه مثل علامة اكسات .. وشعرها فلته بس على جنب حطت فراشه نعومه بلون التركوازي .. وشعرها قصته مدرج لحد ظهرها .. ولبست طقم الماس اهداها اياه عبدالعزيز .. وهي تلبس الخاتم .. كانت تتمنى لو هو معها بهاللحظه .. وتمت تدعي له ان الله يووفقه بدراسته .. ويرد لها سالم وكانت حييل مشتاقه له..

آما امنـه لبست الفستان الاحمــر .. والطقم الي خذته .. وحطت الورده بين خصلات شعرها الي مسويتلها المزينه طريقه حلووه حيث تبين الورده بين شعرها .. وخلت شعرها مفتل على طووله .. واستشورته على القصه الي كانت قاصته ولبست صندل احمر نعوم وبسيط .. وحطت مكياج خفيف .. رسمت عينها بالكحل الاسود ودمجت معه شوي لون احمر .. وحطت له حمره وفوقه جلوس .. وطلعت قمـر


وعهود لبست فستان اسود ومدخله عليه دانتيل فوشي عليه فصوص ملتف حول الرقبه .. وكان طويل الفستان وطالعه ملاااك .. هي بروحها تبين اصغر من عمرها .. ومع التعديل والتزين بينت اصغر بزود .. ولبست صندل فوشي .. وشعرها رفعته على فوق .. ونثرت به اكسسوار الشعر مثل فصوص على شكل قلوب لون اسود وفووشي .. ولبست الطقم .. وحطت كحل اسود رسمت به عيونها .. وحوله كحل فوشي .. وحطت حمره ورديه .. وعليه قلوس .. وطلعت ملااااااك ..

آما شوق كانت لها مزينه خاصـه .. وطلعت ملكه و روووعــه .. البنات كلهم انبهروا بجمالها .. وكل وحده تقط عليها كلمه تحرجها .. وهي تبتسم لهم وتحاول تضحك رغم الخوف والتوتر الواضح عليهاا ..

كانت لابسـه فستـان برتقالي واسود .. بدون اكمام .. وصوب الرقبه مرفوع على فوق كانها اميره .. والفستان كان مفصل عليها وعلى طولها . ومن ورى له ذيل طوويل ..ولبست صندل اسود وبرتقالي ..
وشعرها رفعته على فووق بطريقه تبين صدق اميـره .. ومكياجها كان اسود وبرتقالي .. وطالعه جنااااان .. وما لبست الطقم .. لان محمد بيلبسها الشبكه .. وتموا البنات يصورون معها .. ويخففون عليها التوتر الي هي فيــه ..

وبعد ما تجهزوا البنات.. نزلوا تحت يرتبون كل شي لان الخطوبه بتم في البيت .. والحوش كبير وكل شي مجهز فيــه ..

ومريم راحت شوي بعيد لجل تكلم عبدالعزيز .. وهي تدور رقمــه من بين الارقام .. الا فجأه يظهر لها " قلبي " يتصل بك

ابتسمت مريم وردت على عبدالعزيز ..

مريم : السلاام عليكم حياااااتي

عبدالعزيز : وعليكم السلام . ياهلا والله بهالصووت

مريم : شخباارك ياا قلبي .. ان شااء الله مرتاااح

عبدالعزيز تنهد : مشتااااقلكم والله .. ودام اني اسمع صوتج مرتااح يا قلبي

مريم بدت تصيح : الله يحفظك .. لاتطول علينا زيااده ..

عبدالعزيز ضاق صدره وهو يسمع حرمته حبيبته تصيح : افاا يا عمري تصيحين .؟! اتفقنا على وشو ؟

مريم تمسح دموعها : مب بيدي والله .. بعدها ابتسمت : عسى الله لا يحرمني منك .. ويخليك لي ولسعود

عبدالعزيز : آميين .. حياتي انتي .. اخبار دلوع ابوه

مريم : بخير رقدتـه وخليت الخداامه عنده ..

عبدالعزيز ما عجبه الوضع .. بس عرف ان الحاله الي هم فيه ما يسمح ان تجابله .. وخصوصا لازم تكون مع شوق وتجابل الناس والحشره الي بتصير .. فسكت

وبعدها تموا يسولفون وكل منهم يعبر عن شوقه للثاني .. ويقولون لبعض الي صار لهم في الفتره الي طافت ..

آما عند شوق بعد ما كانت متوتره وخايفه .. صارت طبيعيه لا شعور .. لان الفتره كل بنيه تتمنى تعيش لحظتها .. وهي بتعيشها لكن مب بالطريقه الي كانت تتمناها او تخطط له .. بس بعدها قالت الي فيه الخير الله يسويه .. كانت حيل تتمنى لو سعود وقف في طريجهم وما خاهم يحطمون حياتها .. هي ضعفت في الموقف الي صار لهاا.. وكانت تحسب ان سعود بيكون قووي وبيسوي شي ..بس هيهات الصدمه الي كان فيها سعود .. محد عاشها من قبل .. بس يالله الحمدلله على كل حال .. ونزلت من عينها دمعة قهر وظيم على هالحيااه ..

وبعدها امنه راحت عند شووق .. ومسكت كتفها برقه .. وبابتسامه قالت لها : شو فيـج شوق .؟!

شوق تبين ان ما فيها شي .. : ولاشي .. بس ما اتخيل افارق هلي .. وابتسمت لامنه اتطمنها ..

آمنه ابتسمت لها وقالت لها : الله يوفقج يا شوق .. بس لاتكتمين ضيقج بقلبج .. واذا احتجتي شي انا موجوده .. وابتسمت لها .. وباستها على خدها وراحت ..

اهني بدت شوق تنزل دموعها .. دمعه ورى الثانيه .. بأبتسامة آمنه تذكرت سعود .. كان في شبه واضح من بينهم .. شوق كل ما شافت آمنه تذكرت سعود وزاد الحزن بقلبها .. وفي خاطرها الحين لازم اتناسى سعود .. اليوم بصير على ذمة رجال ثااني ..

آمنه راحت الحوش من ورى وقعدت على الكرسي مقابل الحديقه .. وأخذت موبايلها واتصلت لجاسم تسلم عليه .. وبعدها كلمت أخوها سلطان.. وبعده فهد .. وبعد ما خلصت من اخوانها .. اتصلت على ربيعتها موزه ..

موزه من بعد رنتين ردت ..

موزه : السلااام عليكم .. هلا والله اشتئتلك يا حبيبة البي

آمنه ضحكت : وعليكم السلام .. وانا بزوود وربي ..

موزه : شحالج .. شو مسويه .. ان شاء الله غديتي عندهم حرمة سنعه ..

آمنه ضحكت : افاا عليج .. ما اروم العوزهم .. ما تعودت عليهم ههههههه

موزه : ان شاء الله مستااانسه

آمنه ابتسمت : الحمدلله .. اخبار الاهل والحباايب

موزه : هههه كلهم بخيــر . .. وبعد السوالف سكرت امنه عسب تروح للبنات .. وفي هالوقت ظهر ناصر من البيت عسب يسير عند الريايل لان من بعد سفرة سعود قليل ما يرقد في بيته .. وظهر من ورى عسب البنات كلهم موجودين بالبيت .. وهو طالع شاف امنه معطته ظهرها وحسبها شوق .. وراح صوبها ومسكها من كتفها يبي يملغ عليها قبل لا يروح عند الريايل .. آمنه اخترعت ولفت راسها ..

ناصر انصدم .. هذي مب شووق .. انحرج بعده نزل يده وقال لها : السموحه والله .. حسبتج شوق

آمنه راح لونها .. لانها كانت مو متغطيه .. وقالت لها : مسموح .. وتبيه يوخر .. عشان تدخل داخل ..

وناصر قبل لا يوخر قال لها : اقري على عمرج .. وراح .. وهي بسرعه دخلت داخل وحالتها لله .. وبعدها خذت نفس وراحت صوب البنات عسب تنسى وتساعدهم ..

والبنات تموا يجهزون كل شي .. وعهود تذكرت ان الشبكه في غرفتها . وغرفتها مغفوله والمفتاح عندهاا .. واتصلت في راشد عشان وهم جاين يجيبون الشبكه من غرفتها .. وراشد طلع من الميلس ورد عليها

راشد : السلام عليكم ..

عهود : وعليكم السلام .. رشوود

راشد : امري وش بغيتي .؟

عهود : تعال بيت عمتي .. واخذ المفتاح لان الشبكه بغرفتي .. والمفتاح عندي .. وانتوا جاين الخيمه صوب بيت خالتي خل محمد يجيب الشبكه معه

راشد : وشو .. عيدي .. وشوي شوي

عهود ضكت فهمته شيسووي .. وبعده سكر من عندها وقال لها ربع ساعه وخل تظهر المفتاح برع ..

وبعده محمد شاف راشد وقال له يروح المغسله يجيب سيارته .. راشد وصلت اعصابه كل واحد يطرشه مكاان .. بس ما قدر يقول لاخوه شي .. لان اخوه الثاني بروحه معصب ومتوتر ..

وشاف سلطان بطريجه وقاله يروح يجيب المفتاح من بيت عمته .. وسلطان من بعد ما كسر خاطره راشد كل واحد مطرشه بمهمه واافق .. وقال له راشد يقطه المغسله على طريجه وهو يروح بيت عمته .. وبعدها نزل راشد المغسله .. وهو راح بيت خالته ..

وتم ينتظر يطلعون له المفتاح .. توه مسك التلفون بيتصل براشد الا عهود تطلع له .. كان واقف على جنب ولاف راسه ومابين .. عهود من وراه

عهود : خذ رشوود اسمحلي تأخرت ..

سلطان لف راسه : مسمـ ... مسموحه .. انصدم لما شافها .. وهي ويها انقلب طاح المفتاح ودخلت دااخل .. وخاايفه لو درى حد من اخوانها عادي يدفنونها .. بس هي شو ذنبها وبخاطرها هالثوور رشود قالي اظهرله وما قال ان حد بيجي ياخذ المفتااااااح .. مالت على شكله .. وراحت صووب البنات .. يستقبلون الحريم .. والمعازيم

وسلطان اخذ المفتااح .. يالله عليها عهوود كبرت واحلوت ما شاء الله .. ربي يحفظهاا .. حشى ملاك مو ادميه ههههه .. يالله لا اتخبل بس .. ومر المغسله عند راشد .. وراشد قال له : جبت المفتاح

سلطان لاشعوريا : لا شفت ملاك

راشد : وشوو .. شتخربط

سلطان : ها لا ولاشي .. بس المفتاح .. طلعه من مخبااه وعطاه ..

وبعدها خذوا السياره .. وسلطان راح بسيارته وراشد راح بسيارة محمد اخوه .. وصلوا البيت العود ودخلوا الميلس .. بعد صلاة العشا .. الشبااب كلهم حركوا عشان يروحون الخيمه الي صوب بيت بوناصر .. وطبعا طلال مسويلهم مسيره .. يهرن والبااقي معه .. وتم يستعرض .. ويتسابقون الشبااب .. لحد ما وصلوا الخيمه .. سوا حشره ومن حظهم ان مافي دوريات ..

وعلى الساعه عشر محمد راح بيت عمته من الباب الي ورى عشان بيدخل يلبس شوق الشبكه .. دخل محمد وخواته وامه وعمته احذااه .. وبعد ماوصل عند شوق .. باس راسها .. وشوق ميته من الاحراااج .. وبعدها لبسها الشبكه ولبسها الخاتم .. وباس يدهاا .. وتم يتأملهاا .. ذااااب من شكلهاا كانت ملاااااك .. عيونه طول الوقت عليها بس لما حد يكلمه يشيل عيوونه .. وشوق منزله راسها


وفي المــانيا ..

عبدالعزيز كان طالع يجيب اكل عشان ياكلونه .. وسعود تم في البيت وخلقه ضااايق على الاخــر .. ويفكر بشووق .. الحين اكيد هي معه .. وتم يفكر ودمووعه تحرق عيوونه .. وتنهد .. بعتيني يا شووق .. واسمحيلي ماوسيت شي .. ذليتيني .. خليتيني ابيعج والسبه انتي .. يعني تبيعيني وانا اشتريج .. اخ ما هقيتها منج .. ونزلت دمعه من عينه حرقت قلبه بنزولها .. مسحه وايده ترتجف وفي خاطره .. ما بخليج تذليني بزووود ..

بعدها أخذ قلم وورقه وكتب ..


ريــــح بالـــــك يآ سعــود وآتــرك الهـــــــوى لأصحـــآبه
ريــــح حالـــــك يــآ فــاقـــد حـــب وحـنــان.. نــــآســه
أنـــت الـيتيــم .. الـــوحيــــد بيــــن آهلــه و أحبـــآبـــه
كفكف آلدمــع بيدينـك ولا تنتظـــر أحـــد(ن) يكفـــآبــه
أنــت الغــريــب .. الحــزيـــن ولاحـــد(ن) درى بحــآلــه
مـــات القلــب والجســد عايشٍ وحـده .. بــلا روحــــه
عشــت العــذاب والقلــب آحتـرق .. وأحترق جـــوفــه
طعنتينـي يـآ شـوق ومآ عــاد القلب يتحمل أوجــآعه
رضيت المــر .. رضيت بالعذاب وسهر الليل لصبــاحـه
بس ما رضيت المذله في الحب مهما كانت آسبـابـه


نهاية الجزء

وانتظروا الجزء الحـادي عشـر

وانتظر ردودكم وتعليقاتكم

[راضـ نمله ـخ]

الجزء الحادي عشر ...




في قطــــر

بعد ما لبس محمد شوق شبكتها .. وقصوا الكيك .. وشربوا العصير ..والخ من هالخرابيط .. بعدها طلعوا من عند المعازيم ..

ودخلوا الميلس المخصص لهم .. وشوق تتمنى الارض تنشق وتبلعها .. ولا ان تعيش هاللحظه واتم هي ومحمد بروحهم .. بس واقع لا محاله .. ماتقدر تسوي شي الا ترضى للامر الوااقــع .. بالبدايه كانت ام ناصر وام محمد .. وخواتهم معهم وخوات محمد .. وبعدها الكل طلع .. وما تم غيـر محمد وشوق ..

كان الصمت موقفهم خلال اول ربع ساعه مع بعض .. ماكانوا غير انهم يناظرون بعض .. واذا طاحت عين محمد بشووق .. شوق نزلت عيونها للارض .. ومحمد يتأمل جمال شوق ونعومتها وحلاتها ,,

محمد قطع الصمت : شحالج شوق

شوق وهي منحرجه : طيبه .. وانت

محمد : دام اشوف القمر جدامي اكيد بخير

شوق ابتسمت ونزلت عينها للارض .. كانت منحرجه .. ومتوتره .. وكل شي ..

محمد تقرب منها ورفع راسها بيده وقال لها : ليش ما تطالعيني .. اخرع .؟!

شوق ناظرته وطاحت عينها بعينه .. وبعدها نزلت عيونها وقالت له بصوت شبه للهمس : لااا

محمد ابتسم لها : لمتى بتمين تنحرجين .؟! الحين انتي خطيبتي .. يعني حلال علي

شوق مااتت من الاحراج ماتعرف شتسووي ويها صار احمررررر وحار

محمد حس فيها انها منحرجه وضحك عليها .. يبي يسكت مايقدر خخخخخ

شوق تناظره وبخاطرها شفيه هذا استخف .. وشكت بعمرها يمكن فيها شي يضحك ..

شوق : محمد ليش تضحك

محمد خفف ضحكته وابتسم لها : اضحك عليج

شوق استغربت وبخاطرها شفيني عشان يضحك علي .. وتمت تشوف عمرها اذا في شي يضحك ولا لا ... محمد باسها على خدها وقال لها بصووت خافت : كلج قمــر .. اضحك على الحيا الي فييج

شوق ابتسمت وقلب لونها مره ثانيه .. ومحمد طول الوقت يتعمد يحرجها ويضحك عليهاا .. وبعد ساعه تقريبا .. قال لها محمد : يلا شووق الحين بطلع تامريني على شي

شوق وحست ان الفرج بكلامه وابتسمت له : سلااامتك

محمد فهم ان تبيه يروح بس كان يبي يملغ عليها ويحرجها .. وقال لها : بروح على شرط

شوق انحرجت حست ان فهم قصدها وضحكت : ههههه انت تبي تروح ما قلت لك روح

محمد ابتسم لها : يعني فهمت من قصدج تبيني اقعد معج .صح ؟! .. ويلس احذاها وتقرب منها بزوود ..

محمد يناظرها : ارتحتي الحين .

شوق منحرجه وتبتسم بدون ولا كلمه ..

محمد تم يتأملها .. شكلها كان بريء وملاااك .. وفي قلبه سبحان الله على خلقته .. فجأه تذكر مكالمة عهود معها .. والواضح ان كانت ماتبيه .. تغير ملامح محمد .. وناظر البااب وتم يفكر

شوق حست ان فيه شي وتكلمت : شفيك محمد .؟

محمد ناظرها بنظره ماعرفت تفسيرها : مافيني شي ..

شوق : متأكد

محمد بخاطره بعد تحس فيني .. وقال لها : يهمج اذا فيني شي ولا لاء

شوق ماعرفت شترد وبعد تردد قالت له : مو انت خطيبي ؟! يعني اكيد يهمني

محمد : بس لهالسبب يهمج.؟

شوق ماعرفت شقصده وسكتت وتمت تناظره

محمد حط عينه بعينها ونزلت عيونها للارض .. محمد بجديه تكلم : شوووق

شوق وقلبها قابضها .. ناظرته : هلا

محمد : انتي موافقه علي برضااج .؟!

شوق بتوتر وخوف : اكيد برضاي .. ليش؟

محمد ومايبي يخسر شوق .. دخلت قلبه بسهووله وحس ان ملكته .. برائتها وطيبتها وعفويتها .. بس لما يتذكر ان هي تحب سعوود تتغير مشاعره ورايه فيهاا .. وماحب ان يعيش بوهم وقال يا ان اليوم يبدي حياته للنهايه .. او ينهيها قبل لا يبديهاا ..

محمد : شوق اسمعيني للاخــر .. انا مابي اعيش بوهم .. ولا ابيج تحسين اني غافل عن شي .. انا اعرف انج تحبين سعوود .. شوق وجها تغير .. ومحمد كمل كلامه : وانا ابي اعرف ليش وافقتي علي .. حد غصبج او لا .. وسعود تحبينه الحين ولا لا .؟ ابيج تفهميني وتريحيني يا شووق

شوق دمعت عيوونها .. وماعرفت شتقول له .. بس الي قدرت عليه طلعته بالغصب بعد ما شافت نظرات محمد الي شوي وتحرقها : محمد ليش خذيتني دام شاك فيني .. وعرفت عني هالاشيااء

محمد مسكها من كتفها وهو معصب : انا سألتج ابي اجابه .. مابي سؤال

شوق هالمره ما استحملت تمت تصيح وقالت له : انا وافقت عليك لأنك ولد خالتي ورجال النعم فيه .. ابوي مدحك لي .. وانا وافقت عليك برضاااي .. " ماحبت تقول له الصدق وتسبب مشاكل " اما سعود ما بكذب عليك واقولك اني ماحبيته .. صح اني حبيته .. بس اليوم اعتبره نفس اخوي بما اني على ذمة رجال ثاني .. وبعدها دموعها تنزل ورى بعض .. وقالت له : تكفى يا محمد لا تسوي شي وتسبب مشااكل .. ان شاء الله بقدر اسعدك وما اخليك تندم انك خذيتني ..

محمد ما اقتنع وايد بكلامها بس ارتاح شووي .. وضم شوق لصدره ومسح ادموعها .. وقال لها : سامحيني يا شوق ماحبيت افتح هالموضوع الحين واخرب كل شي .. بس قلت نصفي القلوب من البدايه ..

شوق وهي تمسح دموعها وخرت من عنه شووي .. ومحمد باس راسها وقال لها : اشوفج على خير ولاتحطين بقلبج علي يالغاليه .. وطلع عنهاا .. اما هي رتبت شكلها ومكياجها .. عشان لا يبين ان كانت تصيح او شي ..

وبعدها دخلوا عليها البنات .. وتموا يعلقوون عليهم ويحرجوونها .. وهي تبتسم وسااااااكته .. وكانت تفكر بالي صااار .. وبخاطرها يااربي تقدرني اعيش هالحياه على خيير ..

وبعد ما انتهت الليله .. الكل راح صووب بيته .. واول ماوصلوا البيت كل منهم بدل وقط عمره ورقد .. اما امنه تعودت البنات يكونون قريب منها .. بس اليوم الكل راح بيته عشان اغراضهم ويبدلون وياخذون راحتهم .. والبنات كلهم قالوا لامنه ترووح معهم وهي بالبدايه مارضت .. ولما وافقت ابوها مارضى ههههه ..

هي تمت ترتب اغراضها .. وبعدها تسبحت وبدلت .. ولبست بجامه .. وراحت الصاله تشوف تلفزيون على ما ترقد .. وشغلت التلفزيون وحطت ام بي سي تو .. وتمت اطالع ورقدت بنص الفلم .. وبعد ربع ساعه خالها نايف دخل البيت وشافها .. وحب يلعوزها .. راح صوب المطبخ الي فووق .. واخذ قلاص ماي باااااااارد .. وكته عليها وشرد .. دخل المطبخ .. وامنه قامت واخترعت ..

وبصوت شبه مسموع : استغفرالله العظيم .. وشو ربي يعاقبني .. ويبلاني على الي كنت اسويه في حرمة ابوويه .. اوووف .. ماشي غيره هذا نيووف ..

نايف طلع من المطبخ : نيووف بعينج

امنه شافته وضحكت : ياعلك مابا اقوول .. مب صاحي انت .. تبيني امرض يعني .؟

نايف تقرب منها وضحك .. : هههههه انتي تحبين المقالب .. جربي حد يسوي فيج هههههه عشان اتوبين

امنه قربت صوبه وعضته على ويهه وشردت وقالت بصوت عالي : مابتوب ودخلت الغرفه وقفلت البااب .. وبدلت ملابسها .. بعدها تمت ترسم .. خلصت الرسمه وبعدها رقدت .. ونايف متحلف عليها يرد لها الحركه .. وبعدها هو الثاني راح يرقد ..

واليوم الثاني في الامـــارات ..

على الصبح ام جاسم يالسه تتحرطم على الخدامه .. وجاسم نزل من فوق وشاف امه وهي تتحرطم

جاسم : صباح الخيــر يمه ..

ام جاسم : صباح النور ..

وسار جاسم عنده امه وباسها على راسها .. ام جاسم عرفت انه يبا شي .. ولا مب لله يبوسها على راسها ..

ام جاسم : ها جسووم تبا شي .؟

جاسم يناظرها : لا ليش

ام جاسم سكتت .. ويلست صوب الطاوله تتريق .. وجاسم معها ..

جاسم : يمــه

ام جاسم : امر

جاسم : ما يامر عليج عدو .. الا ما شتقتي لامونه وابوويه

ام جاسم وهي تصب لها الكوفي بالكوب : هيه اشتقت لهم وفي خاطرها العكس ههههه وجودهم وعدمهم واحد وخصوصا امنه الي مرتاحه منها خخخ

وبعدها نزل سلطان .. وسلم على امه ويلس ... ام جاسم : فهد للحين مانش ..؟

سلطان : شكله بيغيب اليوم ..

ام جاسم : هذا متى داوم بالذمه .. وتركتهم .. وسارت فووق توعي فهد .. وفهد بعد ما ظهر رووحها رضى ينش ويسير للمدرسه ..

وفي بيت بوسعيـد ..

موزه يالسه من صباح الله خيــر .. ومبطله التلفزيون واتابع خرابيط كل شوي تفر بقناه .. وحسن وهو نازل شافها ..

حسن : شو تسووين من صباح الله خير صاحيه

موزه : شبعت رقااد .. وزهقاانه

حسن : الحمدلله والشكر .. ناس ترفس النعمه .. ناس تتمنى ترقد وناس تزهق من الرقااد .. وسار عنها ..

موزه فكرت تتصل بربيعتها امنه ..وفي خاطرها ان شاء الله احصلها .. لان البارحه اكيد كانت سهرانه .. بجرب اتصل ما بخسر شي .. واتصلت بامنه وردت عليها

آمنه : السلام عليكم .. امنووو << ما انتبهت على الرقم

موزه : وعليكم السلام .. جوري ههههههههه بعد امنو .. للحين راقده ولا نشيتي << غبااء

آمنه : لا للحين راقده .. انتظري شوي وبنش ..

موزه تضحك : ماتيوزين انتي .؟ الا اخباااارج وصح النوم

آمنه : بخييير .. صح بدنج .. شو تبين متصله هالحزه

موزه : ماشي زهقاانه وقلت ارمسج ..

آمنه : يالظااااالمه .. الحين شو يرقدني مره ثاانيه ..

موزه : ماشي رقااد .. استغلي الوقت كلها اليوم وباجر وترجعين

آمنه : ههههه اشتقتلكم والله .. وبعدها تموا يسولفون .. وامنه تقول لها عن الملجه والخطووبه وكل شي صاار لهاا .. وموزه بالمثــل .. وبعدها سكرت امنه .. ونشت من سريرها .. وسارت تتغسل وتبدل .. عسب تنزل تحت عند جدتها ..

وعند موزه دخلت عليها اختها فاطمه .. وبيدها شيخه .. فاطمه : متى نشيتي يالساحره .؟

موزه : ماشي ساحره غير بنتج ..

فاطمه وهي تحب بنتها بالحيييل وتلوي عليها : فديت بنتي .. قمررر عسل على ابوها وامها

سعيد وهو نازل من الدري : من قده تركي عنده الي يذكره بالخير ..يالله عقبالنا هههههه

موزه ضحكت : هههههه ماتخيلك بوعسكور تعرس .. وتتزوج .. وتصير رومنسي مع حرمتك ..

سعيد : شو ليش مو مالي عينج ..

موزه وهي تضحك : لا شكلك دووم بتاخذها للقنص .. وتقنص معك هههههههه بس ما وصيك على حرمتك شوي شوي لاتعقدها ..

سعيد كان قدامه قوطي الكلينكس اخذه وحذفه عليها : هههه يحصلها اصلن تاخذ شيخ الشباب ..

موزه : هيه هين شيخ الشبااب قال هههههه .. وتموا يتناجرون .. لين ما دخل عليهم مشعل ... واستلمهم .. سعيد وموزه يحاولون يعصبوونه .. وهو من صوب ثاني يحكر لهم .. وماخذهم ببرود وعلى قد عقلهم ههههههه

وبعدها فاطمه سارت عند تركي توعيه عسب كلهم يطلعون يتفطرون مع بعض .. فاطمه تشيل اللحاف من على تركي

فاطمه : نششششششش

تركي لا حياة لمن تنادني

فاطمه ادف تركي على الخفيف عسب ينش .. وهو يحس بس ماله خلق ينش يبا يرقد .. فاطمه اخذت قلاص ماي وكتت بيدها شوي مااي .. وتمت تقطر على ويهه .. وهو متلعوز منها ..

تركي بعصبيه : فاطمه والي يرحم والديك .. طلعي برع

فاطمه : مابا اول نش ..

تركي : ابغى انام شالسالفه يعني .؟

فاطمه : ارقد بعدين .. الحين بنسير رباعه نتفطر برع .. يلا عاد نش

تركي : توكلوا بروحكم .. انا مالي خلق ابغى ارقد .. واخذ اللحاف وتلحف ..

فاطمه زعلت .. وحز بخاطرها ليش ان عصب عليهاا .. ومايبا يسير معهم .. : براحتك .. وقامت بتسير تطلع برع الغرفه الا يمسكها ويقعدها .. وهو نش وقعد عدالها .. وقال لها : خلك معي .. وحط راسه على حظنها وكمل رقاده هههههههه .. وبعد ربع ساعه تقريبا طق الباب سعيد .. وقالت له فاطمه يدخل .. ودخل الغرفه .. وشاف تركي راقد على حظن فاطمه ..

سعيد يطالع فاطمه بنص عين وقال لها : من هالياهل الي على حظنج

تركي فتح عينه : انقلع برع .. ما الياهل الا انت .. وبعدها ناظر مرته وقال لها : ماعليك منه .. وسكر عينه

سعيد : خوز من على ريلي اختي .. كسرتهاا .. عنلاااااتك مع هالرااس

تركي يفتح عينه : حرمتي وكيفي .. باس ريلها .. يبي يغايض سعيد .. وبعدها سكر عينه .. وفاطمه انحرجت منه .. وسااكته

سعيد فتح عينه على الاخير : يامسود الويه يلا نش .. لا اسبحك بالمااي .. .. تركي طنش له وباس حرمته مره ثانيه وغمض عيوونه ..

سار سعيد صوب تركي .. يبا ياخذ الماي الا تركي يفز ويمسكه من رقبته .. ويقطه على السرير .. وتموا يتهاوشون عبط .. وفاطمه تضحك عليهم .. وبعدها دخلت ام سعيد ووخرتهم عن بعض .. وهم يضحكوون .. وهي تضحك عليهم .. وبعدها الكل تجهز .. عسب يسيرون يتفطرون برع ..


في قطــــ،،،ـــر

الظهــر في بيت بو ناصر

محمد كان رايح بيت بونااصر عشان يتغدى فبييتهم ومنها يشوف شووق .. لانهم كانو عازميينه .. وهو قال ان بيتغدى وبيطلع ويا شووق شووي .. ويرووح معها كم مكان .. وفي الصاله ..

محمد : شخباارج شووق ؟؟

شوق وهي منحرجه وللحين ماتعودت ع الوضع اللي هي فييه : طيبه الله يسلمك .. وانت ؟؟

محمد يناظرها : بشووفتج تأكدي اني بخيير .. وابتسم لها

شووق وفخاطرها والله اني ما استااهلك يا محمد : انشالله دووم وابتسمت ابتسامه خفيفه

محمد : الا وينه ناصر ؟؟

شووق ضحكت : ويين بيكوون يا بالدوام او فبيته راقد بعيد عن ازعاجنا

محمد استاانس يوم شافها تضحك : انشالله دووم هالضحكه الحلوه ..

شوي والا اترد لها موجاات الألم والعذااب اللي هيي فييه وتتذكر سعوود وهي صج اشتاقت له ولهت عليه من زمان ما تدري عنه .. دشت ام نااصر عليهم يوم شافت امها والسعاده اللي على ويها .. استغفرت ربها .. استغفر الله انا شلون جي قاعده افكر

ام نااصر : يلا تعالوا تغدوا .. وابتسمت

محمد : انشالله

وراحت ام نااصر ومحمد شااف شووق وشاف السرحاان اللي هيي فييه .. وتذكر سعووود .. شوي والا يدق تلفون البيت وشالته شووق

شووق : ألووو

الطرف الثاني تعذب يوم سمع هالصووت اللي من زمان ماسمعه وتوله عليه : السلام عليكم اختي ..

شوق وفز قلبها هالصووت مب غريب عليها الا تعرفه عدل وتعذبت زياده يوم سمعت كلمه اختي : وعليكم السلام .. من ..؟؟

سعود شدعوه ماعرفتيني : سعووود

شووق كانت بس تبي تتأكد ان هاي سعود ويوم تأكدت مدري ليش سوت هالحركه وحذفت التلفون وعيوونها دمعت .. محمد انصدم من حركتها .. وحب يعرف من اللي على التلفون .. شوق وفخاطرها .. لا تكفه لا ..

محمد : الووووووو

سعوود : يااااا هلا ومررحبا بو جسوووم

محمد وويهه تغير : اهليين .. اخبااارك واخبار عبدالعزيز ..؟؟

سعود : تماام عال العاال .. الا ويينه نااصر .. اتصله وقاافل جوااله ؟؟

محمد ضحك : راقد ..

وتموا يسولفون واول ماسكروا محمد قاام وحذف التلفون عليها وعصب : انتي ليش جذبتي علي ؟؟

شووق وهي خايفه : انااا ؟؟ ليـ .... .ش ؟؟

محمد : اتقولين سعود اعتبره مثل اخوي .. بالله عليج هالحركه شتسميينها ؟؟ .. الا في شي بقلبج .. ليش ماتصارحيني .. ليش ماتقوليلي ان غصبووج علي .. انتي تبين تعذبين عمرج واتعذبيني معج ؟؟ .. لو ماتبيني قوولي .. انا مابي اظلمج واخلييج اتعيشين مع واحد انتي ماتبينه

شووق : لا محد غصبني وتمت اتصيييح

محمد قام ان بيطلع : يوم بتقدرين تقوليلي الصج اتصليلي وانا بكون موجود .. ورااح

وشووق تمت اتصييح صيااح .. اول ماحست ان امها بتجي .. مسحت دمووعها بسرعه

ام نااصر : وين محمد ؟؟؟

شووق تتحاشى نظرات امها لجل مايبين انها كانت تصيح : تذكر ان عنده شغل ضروري وراااح

ام نااصر : يعني مابيتغدى ؟؟

شووق : لا يمه لا .. وراحت فووق وتمت اتصييح .. وفتحت الكبت .. واخذت القلاده الي اهداها سعود قبل لا يسافـر الامارات .. تشوف القلاده وتصيح تصيح .. وبخاطرها ليش يااربي كل ماحاولت اكحلها اعميها .. ليش مب قادره اسيطر على الي بقلبي .. تعبت والله تعبت .. وقطت عمرها على السرير وتمت تصيح ..


في بيت بو محمد ..

محمد دخل البيت وشكله معصب .. وسلم عليهم ببرود .. وطلع فوق .. وعهود مستغربه من اخوها .. هو قبل لا يطلع قال لها بيروح يتغدى فبيت عمته .. وبيظهرون هو وشوق .. يعني معقوله صار من بينهم شي .. يااربي على هالمشاكل الي تتحذف علينا .. وتمت سرحانه وتفكـر في حالة اخوها وبنت عمتها .. وتذكرت يوم كلمت شوق .. وواضح ان محمد سمع الكلام .. وفي خاطرها تدعي ان ظنها يكوون غلط ..

وبعدها راحت عهود عند اختها دانه وتشووف شحالها .. لان هالاياام تدرس عشاان الامتحانات قربت ..

عهود وهي مبطله عيونها : دانوووووووووووه ..

دانه تلف راسها وتناظر اختها : هاا شفيج تصارخين

عهود : قوومي درسي بدال مجابلة الكمبيوتر ..

دانه بزهق : مت وانا ادرس .. قلت بجيك على الايميل ..

عهود : اوكي .. سكري الجهاز .. ودرسي شووي عشان نروح عند اموون .. مب عدله .. باجر بتسافر ..

دانه تفاجئت : باااجر؟؟!!

عهود : اي باجر .. يلا خلصي شغلج .. وطلعت عنها .. وراحت صوب غرفة محمد .. تبي تكلمه شصاار بينه وبين شووق .. طقت البااب محد رد عليها .. وراحت صوب غرفتها تتجهز لجل تروح بيت ابوها العود

محمد في غرفته كان توه طالع من الحمام الله يعزكم .. واخذ ثوبه وتعدل وتكشخ ... بيروح مع الشبااب يتشرون للسفر .. لان بيسافرون بعد يومين .. واتصل لولد عمته عشان يمره .. بيروح معه بموتره ..

عهود تجهزت .. وبعدها اتصلت بمـريم عشان تروح البيت العود .. ويجتمعون البنات كلهم .. ومريم قالت لها بتبدل سعود وتجهزه .. وبتروح البيت العود .. بعدها اخذت جوالها .. واتصلت لشوق ..

شوق بعد ما شوي ويحترق الجوال ردت .. شوق : السلام عليكم ..

عهود :وعليكم السلام .. شحالج شوااقه ..

شوق بضيق : الحمدلله .. وانتي

عهود وهي حاسه فبنت عمتها وتدري ان بينها وبين اخوها شي ..: ماشي الحال .. شوق شفيج .؟ صاير شي بينج وبين اخووي؟

شوق بدت ادمع : هو قال لكم شي ..

عهود : لا ما قال شي بس رجع البيت وشكله معصب .. وقال بيتغدى عندكم وبيطلع معج .. واشوفه راد البيت من وهل

شوق ماقدرت تمسك عمرها : مدري شقول لج ياا عهود ..

عهود : قولي الي بخاطرج ولا تضيقين بعمرج

شوق : محمد يدري اني احب سعود

عهود بطلت عينها على الاخير : وشووووووووووووو

شوق وتحاول تكتم صياحها : الي سمعتيه ..

عهود : بس شلون عرف .. انتي قلتي له ؟

شوق : لا .. مدري من قال له .. بس يوم قالي ما انكرت هالشي .. وقلت له الحين اعتبره مثل اخوي بما اني على ذمة رجال غيره ..

عهود حست الدنيا ضاقت فيها .. شتخربط هذي ؟!! : شوق شتقولين .. ومحمد شسوى ..

شوق تنهدت : والله محمد نادر الي مثله .. تفهم الوضع .. وكل شي .. وقالت لها الموقف الي صارلها مع سعود وان محمد عصب على هالسالفه ..

عهود : الله كريم .. ان شاء الله تمر الايام على خير ..

شوق: الله يسمع منج .. وبعدها تموا يسولفون .. وقالت عهود لشوق تجي بيت ابوهم العود عشان امنه .. وشوق قالت بتتجهز وتخلي ناصر او ابوها يجيبونها .. بعدها سكرت .. ونزلت عهود عشان تروح البيت العود ..

نزلت عهود الصاله .. وراحت ورى اخوها ومسحت على شعره .. عهود : شعر بنيه مب رجال .. ليش مطوله ..

سلطان لف راسه .. وعهود اهني انصدمت .. ثاني مره يصير لها موقف محرج مع سلطان .. بس هالمره زين انها لابسه ومغطيه عمرها .. لانها بتروح البيت العود ..

عهود تلتهت وهي تتكلم : آسفـ آسفه .. حسبتك راشد

ابتسم لها سلطان وبخاطره تبي تذبحني هالبنيه : لا عاادي .. الا اخباارج .؟

عهود : الحمدلله بخير .. وانت .؟

سلطان : بخير دام انج بخيـر ..

عهود تبي تطلع الا سلطان يناديها .. سلطان : عهوود

عهود لفت راسها وناظرته : هلا

سلطان : وين محمد ؟!

عهود : مدري يمكن فوق .. الحين بروح اشوفه لك .. اول ماغيرت اتجاها .. الا تشوف محمد نازل من فووق .. ابتسمت عهود وطلعت ..

الا راشد يطلع من المطبخ .. راشد : على وين يا جماعه

محمد : ماباقي شي على السفر .. وبنروح نشتري ملابس . واغراض ..

راشد : انزين انتظروني .. بروح معكم ..

محمد : لا ياخي مب فاضين ننتظر .. على ما تتسبح وتبدل .. نكون مخلصين احنا كل اشغالنا ههههههه وضحكوا على راشد ..

راشد : اصلن يحصلكم اروح معكم .. بس يلايلا قلبوا وجيهكم .. بتصل بنيووف بخليه يروح معي .. ونتلاقى ..

سلطان : قصدك عمك نايف .. ههههههههههه ..

راشد وهو رايح فووق : لاتنسى انه خالك .. وعم الدعله الي احذااك .. وبسرعه راح فوق بدون مايسمع اي كلمه منهم .. بعدها الشبااب طلعوا ..

في البيت العود ..

امنه وعهود ومريم .. قاعدين يسولفون .. عن خطوبة شووق .. والاحداث والمواقف الي صارت .. وبعدها تطرؤو لعدة مواضيع .. وبعد ساعه من قعدتهم .. وصلت شووق .. ويلست تسولف معهم ..

مريم : آمنه بتوحشنيا والله ..

آمنه : وانتوا بعد ..

شوق : ليش ماتقعدون زياده .؟

آمنه تنهدت : ودي والله .. بس الوالد عليه دوام .. والبيت اكيد مفتقديني .. مايقدرون يعيشون بدوني .. خوفي يصير فيهم شي ..

الكل ضحك .. عهود : يا واثقه ..

آمنه : صج اني دوم ضراابه معهم .. بس بعد احبهم والله .. هههههه حيل اشتقت لهم

شوق : خاطري والله اروح الامارات .. شرايكم انكلمهم .. نخليهم يودونا ..

مريم : ان شاء الله بيوافقون .. بس خل يرجعون من سفرتهم هذي .. ويصير خير

آمنه يه في بالها سعود : هيـه .. سعود فديته .. وربي اشتقت له .. شرايكم نتصل له ..

شوق ويها تغير .. والكل ناظر شووق .. الي توترت وماعرفت شتسووي .. امنه لاحظت عليهم .. وسكتت ..

عهود تبي تغير الموضوع : شرايكم نطلع ونفتر .. ناخذ امنه جوله بقطر هههههه

آمنه ابتسمت : فكره حلوووه والله .. يلا سيروا تزهبوا .. ويوم تخلصون تعالوا اهناا . وبنسير رباعه ..

وبعدها البنات كل وحده راحت بيتهم عشان تتجهز .. وامنه خلصت بسرعه .. وبعدها اخذت جوالها واتصلت بسعود ..

سعود رد عليها .. : السلااام عليكم .. هلا والله بالغااليه

آمنه : وعليكم السلااام .. شحالك .؟!

سعود : طيب الله يسلمج .. وانتي شخباارج .. واخبار قطر معج .. تروحين من ورانا ها

آمنه ضحكت : بخير والله .. وانا وقطر مشتاقين لك ..

سعود : وانا بزوود ..

آمنه وهي تضحك وبلهجه يبين انها تتمصخر : شخبار الدراسه معكم .. ان شاء الله امشين حالكم ..

سعود فهمها : الحمدلله ههههه ..

آمنه : كم باقي لكم ترجعون ..؟

سعود بدون ماينتبه لكلامه : بعد العمليه بسبوعين

آمنه الي انصدمت : وشو .. عملية امنو .؟!

سعود قلب ويهه .. وبخاطره انا شقلت اكيد الخبر بينتشر . : اقصد الامتحانات ..

آمنه بترجي : سعود تكفىى .. خبرني شسالفه

سعود توتر : آمنه انسي ..

آمنه : سعود انت اخووي .. وربي بتخليني احاتيك وافكر بالكلام الي قلته لي .. تكلم والي يرحم والديك .. ريحني ..

سعود يهديها : ماشي .. بس عبدالعزيز بيسوي عمليه .. وان شاء الله العمليه مظمونه ومب خطره ..

آمنه الي نصدمت وانقلبت 180 درجه : خالي عبدالعزيز .؟؟!!

سعود : ايي

آمنه : ليش شو فيه .. ومريم حرمته تدري .. بس واضح ان محد يدري .

سعود : وانا مابيج تبينين لحد انج تعرفين .. وامنه ابيج توعديني ..

آمنه : اوعدك .. بس مب عدله محد يدري .. على الاقل خبروا جدي .. خوالي ..

سعود : ماعليج انتي.. نايف بيخبرهم .. بس مانبي الحريم يعرفون شي .. لان السالفه ماتستاهل ..

آمنه حست بضيق : الله يقوومه بالسلااامه ..

سعود : آمين .. وبعدها عبدالعزيز اخذ التلفون من سعود وتم يسولف معهاا .. وبعدها سكرت منهم لان البنات وصلوا ..

بعدها طلعوا البنات وراحوا فيلاجيو .. وتموا يتشرون على الخفيف ويتمشوون .. وبعدها دخلوا مطعم يتغدون فيه .. وكل وحده خذت المنيو .. وطلبت الطلب الي تبيه .. وبعد ماطلبوا ..

آمنه : شوق ماحددتوا متى العرس .؟

دانه تبي تلعوز شوق : محمد قال شهر بالكثير ويعرسون ..

الكل انصدم : وشووووو .. وشوق قلب ويها ..: شهرررر ؟!!

دانه تكمل جذبتها : اي شهر.. شنسوي اخوي ميت عليج .. مب قادر ينام الليل وتضحك هههههههه

وبعدها الكل فهم السالفه وتموا يضحكوون ..

آمنه : عيل للحين ماحددتوا صح ..

شوق : اي للحين .. تو النااس والله

مريم وهي تشرب ولدها حليب بالمرضاعه .. : لازم تحددين عشان تبتدين بالتجهيزات ..

شوق : الله كريم ..

وبعد سوالف وضحك .. وصل طلباتهم .. وتموا يتغدون .. وبعد ما خلصوا .. راحوا ستار بكس .. وخذوا لهم فرابتشينو .. وطلعوا .. وبعدها رجعوا البيت ..


في الامــارات ..


على المغرب الكل كان مجتمع بالصاله في بيت بو سعيد .. وموزه كانت حيل زعلانه .. لان اختها بتسافر .. بترجع السعوديه ..

فاطمه وهي تهدي اختها : تصدقين توني عرفت غلاتي عندج .. وتبوسها على راسها ..

موزه وخلقها ضاايق : انتي من يوومج غااليــه .. بس ما يستوي جي تسيرين بسرعه .. والله ازهق برووحي بالبيت مع هالميانين .. وتأشر على اخوانها ..

سعيد : ميانين بعينج ..

حسن : انا لو كنت مينون .. وارثه من موزوه

موزه : موزوه بعيينك .. وانا فديتني صاحيه .. وكلي ثقل وذووق .. وتناظر اختها .. : صح فطاامي ..

فاطمه : هيه صح .. وتبوس راسها << حلاوه السالفه هههههه

تركي : فاطمه خلاص كلتيها من كثر ماتبوسينها ..

موزه والي منقهره من تركي ليش انهم مابيتمون زياده عندهم : شوو يخصك .. اختي وكيفي..

تركي يقلد طريقة كلامها : حرمتي وكيفي ..

والكل ضحك عليهم .. لان موزه كل شووي تعصب على تركي ..

تركي ويبا يغايض موزه .. : فطاامي .. اخر مره اجيبك الامارات .. دوومك مع خواتك .. انا كذا اموت واشتاق لك ..

موزه محتررررره حيل وتعيد كلامه بطريقة اتمصخر بالكلام : فطاامي .. اخر مره اجيبك الامارات .. دوومك مع خواتك .. انا كذا اموت واشتاق لك ..

الكل ضحك عليها .. وكيف ويها انها منقهــره ..

سعيد : تركي اترك اختي بحالها .. اخرتها بتموت على يدها ..

تركي يناظر حرمته : لا حرمتي بتدافع عني ..

حسن : والي يسلمك انت وحرمتك .. سير عندها لاتموت عليناا

تركي يناظر حسن : بل .. ليكون تنقلب ضدي انت الثااني

حسن ضحك .: ههههههههه لا افاا انا دوم معك يالنسيب .. وسار عنهم

موزه وصلها مسج فتحته وتغير ملامح ويها .. الكل استغرب كيف كانت معصبه عليهم ومالها خلقهم .. وبعدها شقت ويها وواضح انها مستاانسه .. وراوت اختها وشو بالرساله .. والرساله كانت من آمنه انها باجر بترجع وهالشي فرح موزه بالحييييل ..

تركي يناظر سعيد : بوعسكور شووف شوف اختك ..

سعيد يناظر موزه .. وهو استغرب : خير اللهم اجعله خير .. شو ربحتي مليون ..

موزه وهي تغايضهم : مالكم خص ..

حسن من وراها سحب الموبايل وقرا المسج .. وموزه عصبت

موزه : والعثرررررررررره .. وسحبت الموبايل منه ..

الكل يناظر حسن عسب يقوول لهم وشو بالرساله .. بس هو نذل فيهم .. خذا شماغه .. وسار برع ..

سعيد : مالت عليه .. وموزه تمت تضحك عليهم ..



وانتظروا الجزء الثاني عشـر

وانتظر ردودكم وتعليقاتكم

[راضـ نمله ـخ]

الجزء الثاني عشر

في قطر

دانه تبي تروح لبيت خالتها عشان الامتحانات قربت ..
راحت عند عهوود

دانه : عهووود

عهوود : نعم

دانه : أبي ارووح بيت خالتي

عهود رفعت حاجبها : ليييش …؟؟

دانه وحست بإختها : بعد لييش..؟؟ .. أبي أدرس .. لا يروح فكرج بعييد

عهوود ابتسمت : والمطلووب .. ؟؟

داانه : انج اتقولين لمحمد يوصلني

عهوود : وليش انشالله انتي ماتقوليله ؟؟؟

دانه : اوووووووف .. عمري ماطلبت منج شي وسويتيه .. وراحت لمحمد

دانه بصووت عالي : محمــــــــــــــــــــــــــد

محمد : ووجع .. في حد جي يصرخ

داانه برطمت : ابي اروح لبيت خالتي ودني

محمد ماحب يطولها وهي قصيره : انزين يلا تجهزي ..

دانه قامت وباست راسه : يا حبي لك والله وتجهزت وراحوا


فبيت بو ناصر

آمنه وشووق وناصر ونايف قاعدين يسولفون

آمنه : تدروون اشتقت لمنوو ؟؟

الكل : مــــن؟؟

آمنه : لحرمه ابوويه

ناصر ضحك لان يعرف نواياها ويا حرمه ابووها

شوق : وليش انشالله تضحك ؟؟

ناصر : خلي بنت خالتج اتقوولج وماوقف ضحك

آمنه وراحت ولزقت فخالها : خالي شوفه شو يقول عني !!

نايف : شفييك على اموونه ..؟

ناصر ويضحك : مافيني شي

شوي والا جوال شووق يرن وكان محمد .. ويهها قلب مره وحده

آمنه تمت تعلق : يااااا عيييييني .. الحب يتصل بك !!

شووق : جبي وراحت شوي بعييد .. بس استغربت من اتصاله

شووق : ألووو

محمد : شووق

شوق : هلااا

محمد : أبييج ضروري ..

شووق : لييش.. وش صاير ..؟؟

محمد : ولا شي بس بييج بعد شووي

شوق : انزيين وسكروا الخط


فبيت بو فيصل

دانه وصلت بيت خالتها ونووف بدوورها استقبلتها

دانه : هلا بالطش والرش

نووف : هلا بالقااطعه باللي ماتسأل ولا تفكر انها تسأل

دانه : حرام عليج بس مثل مثل مايقولون ظروف الحياه صعبه

نووف : أي وانتي دووم هاي عذرج .. ودخلوا الحجره يدرسوون

داانه سرحت تفكر شووي ..

نووف : يتهنـــــــــــــــــــــــى

دانه ضربتها : جاااب

نووف : انا برووح أجيب شي نشربه او نااكله

داانه : زين ان فكرتي اتضيفيني

نووف : شفتي شلوون وراحت

دانه وردت ترجع لتفكييرها والا فيصل يدخل الغرفه لان كان يبي نووف بموضوع ومايدري ان دانه اهني .. وانصدم بوجوودها .. وانتبه ان هي مب منتبهه له واستغل الفرصه وتم ينظارها وينظارها لين مانتبهت علييه .. وعدلت قعدتها : انت من متى اهني ..؟؟

فيصل وحب يلعب باعصاابها : من زمااااااااااااااااااان

دانه انتبهت للوضع وانحرجت : شتسوووي .. ؟؟؟ … يلا اطلع برررع

فيصل بعنااد : ماابي

دانه : انا اعلمك شلوون ماتبي .. ومسكت المخده وحذفته علييه وهو بعد شووي عنها .. والا الضربه تجي بويه نووف اللي الصحن طااح من يدها .. والا تشهق

نووف : شسويييييييييتووا ..؟؟

دانه وهي تضحك على شكل نووف : كنت ابي اضرب اخووج الدب

فيصل : وانا بعدت عن هالضربه

نووف : والضربه جت علي .. وتموا يضحكوون

شوي والا فيصل يرووح ورااحت رووح داانه معه



ومن ذااك الصووب محمد وصل بيت بوناصر واتصل لشوق وقالها انها تتجهز وتطلعله احسن .. لان وده يفتر وياها شووي .. وراحت قالت لهم انها بتطلع مع محد .. وتموا يعلقون عليهم .. وبعدها طلعت .. ونايف اخذ امنه قال بيمشيها ويدورها .. وناصر مسكين عليه دوام بيروح بيته عشان يتجهز .. وبعده بيروح للدوام


بالسياره عند محمد

شووي ودخلت عليه شووق : السلام عليكم

محمد : وعلييكم السلام

شووق سكتت وتمت تتأمل وتناظره واتشووف اذا في شي يعني معصب او لاا

محمد : اخبااارج ..؟؟

شووق : طيبه الله يسلمك وانت ؟؟

محمد : بخييير .. وسكت

شووق : وش فييك ..؟؟

محمد : مافيني شي ليش وش فيني

شوق : مادري وسكتت لان ماتبي تسأل زياده

شووي ووصلوا عند فيلا وقالها : يلا نزلي

شووق : ويين

محمد : بعد ويين .. يلا نزلي برويج البيت

وتم يروييها وجي .. وقالها ان هالبيت لهم .. شووي وشووق عيوونها دمعت وتمت اتصييح .. دووم كانت تتخيل انها عايشه فبيت سعود وبنت احلامها على هالبيت

محمد وضمها : شفييج اتصيحين ؟؟

شووق : لا .. مافيني شي .. بس .. مستانسه


في المــانيــــــا

سعود وعبدالعزيز توهم راجعين من برع .. كانوا يدورون ويغيرون جو .. عبدالعزيز قعد على الكرسي .. ويغير بين القنوات يبي يشووف شي .. تملل وسكر التلفزيون .. وناظر سعود الي كان بااله بعيد عنه وسرحاان ..

عبدالعزيز بعد عشرين محاوله : سعوووووووود

سعود انتبه له اخيرا : هاا .. هلا امر

عبدالعزيز يضحك عليه : وين وصلت .؟!

سعود : بوسمره ههههه .. مكاني بعد وين وصلت

عبدالعزيز وحب يتناقش بالموضوع الي مضايق سعود هالاياام : سعود

سعود يناظره : وش بغيت

عبدالعزيز : للحين تحبها ..

سعود والدنيا ضاقت به : ولين اموت

عبدالعزيز : يا سعود البنت صارت من نصيب رجال غيرك .. والي تسويه غلط انك تفكر فيهاا

سعود وشوي بدا يعصب : وشو الغلط ؟ اني حبيتها .. واخرتها خلتني انذل بحبها .. وتركتني؟ هاي الغلط الي اسويه

عبدالعزيز يهدي سعود : اهدا يا سعود .. بس الرجال وصل لعندك وقال لك بيرخصها لك لو تبيها .. وانت بعتها يا سعوود .. كنت تقدر ادافع عن حبك

سعود : ادافع عنها وهي رفضتني .. ووافقت على محمد ؟ .. تدري اني احبها وشاريها وبيجي يوم واتقدم لها .. ولا ماتقدر تصبر

عبدالعزيز : يا ريال .. انت ماتدري وشو سبب موافقتها .. يمكن حد ضغط عليهاا او شي .. او محمد تقدم لها وماتبي تسبب مشااكل .. وانت تدري ان محمد خطبوا له شوق وهو مايدري

سعود ضاق بزوود : خلصوا البنــات .. ماحصلوا الا شووق .. بس خلها على الله ..

عبدالعزيز : ياريال عشاانك والله انساهاا .. وعشان ولد خالك .. الي تسويه خيانه له والله

سعود : شسويت انا .؟ انساهاا غصب يعني .. مب بيدي .. والله يقدرني على هالشي .. وقام من مكانه ودخل الغرفه ..

وعبدالعزيز احتار بآمر سعود وقلبه يعوره على حالة ولد اخته الي بحسبة اخوه واكثــر .. بعده جواله رن وشاف المتصـل راشد ورد عليه ..

عبدالعزيز : السلاااام عليكم .. هلا والله

راشد : وعليكم السلام .. هلا بالحبيب .. اخبارك

عبدالعزيز : الحمدلله بخير .. انتوا اخباركم واخباار الاهل

راشد : الحمدلله كلنا تماام .. وخالد عندي يسلم عليك

عبدالعزيز : الله يسلمك ويسلمه ..

راشد : مشتاق لكم والله شخباار سعود

عبدالعزيز وخاطره ضايق عشان سعود : بخير والله .. الا انتوا متى ناوين تجون

راشد : ان شاء الله يومين وعندكم ..

عبدالعزيز يمثل : لاااا من صجكم .. ما بغينا نرتاح منكم .. وبتجون

راشد يكمل معه : اي ادري انكم ميتين على جيتنا .. بس يالله اسكت لا انهون اسبووع

عبدالعزيز يدري ان راشد اذا يبي ينذل بيسويها : لا والي يرحم والديك .. هههههههه حياكم الله ... وتموا يسولفون .. ويسألون عن الاخباار والاحوال .. وبعدها اخذ خالد التلفوون وكمل على راشد .. وتم يسوولفوون ..

دانه حست انها تأخرت فاتصلت على محمد ومارد عليها واتصلت على البيت وامها قالتلها ان الدريول طالع لان عندهم كم شغله

دانه : اوووووووووف

نووف ناظرتها : وش فييج ……؟؟

دانه : مافي حد ياخذني

نوف باستهبال لان تدري بهالشي الامل مقطووع : رقدي عندي

دانه باستخفاف : اي هين

نووف : خلاص بقوول لفييصل يودييج

دانه : لاااااااا ..

نووف : مب بكييفج .. واتصلت على فييصل وفييصل طاار من الفرحه

وشووي ووصل فييصل >>> مب مصدق

داانه : ما بتيين معي ..؟؟

نووف : جاان زيين .. بس فيصل مابيرد البيت على طوول واتعرفين الوقت الحين متأخر

دانه : اف اف .. انزييين وسلمت عليها وراحت

دخلت السياره والا فيصل : نقعيييني اكثر

دانه سكتت .. فيصل : شدعوووه لا سلام ولا كلام

داانه : سلاااام

فيصل : بل شايفتني يهوودي

داانه : ............... ( مافي رد )

فيصل : داانـــــــــه

دانه : همممم

فيصل : شرايج أودييج مكاان قبل ما اوصلج البييت

دانه وبفرح : صج والله .......!!!

فيصل : اقوول انثبري بمكاانج احسنلج

شووي ووصلوا البيت ويت بتفتح الباب : دااااااانه

دانه بدون ماتحس : عيوووووونها

فيصل ابتسم : تسلملي عيوونها .. امممم .. احبج

دانه انحرجت ورااحت وفيصل : أمووووت على هالحيااا والله .. وراااح



مريم بهاليوم كان ضايق خلقها .. اشتاقت تناظر عبدالعزيز .. اشتاقت لعيوونه اللي اذا شافتها يرتاح قلبها واتحس ان الدنيا تضحكلها .. وشافت سعوود ولدها وتمت تتأمله

مريم : يا حبيبي يا ولدي .. والله اني اشتقت لابووك .. ليش محد حااس .. اتعرف شقد احبه ؟؟ .. والله يفووق الوصف .. على هالكلام دخلت عليها آمنه

....: يا عيييييييني .. شوو هاا .. الكل عنده زوج وحبيب .. وانا طايح حظي ونصيبي خخخخ

مريم انحرجت : جب لا تحرجيني

آمنه وتاخذ سعووود منها : لا ترمسين جي قدام ولدج واتسبيني

مريم تضحك : انشالله

وتموا يسولفون وبعدها اتصلوا على عبدالعزيز .. وتموا يسولفون معه .. بعدين مع سعود .. وبعدها امنه استأذنت .. وراحت البيت العود ..


صباح اليوم الثاني ..

واخر صباح تقضيه آمنه في قطــر .. قامت من النوم .. ودخلت الحمام الله يعزكم .. واخذت شاور .. وبعدها طلعت .. وبدلت .. وصلت لها ركعتين .. وبعدها اخذت القران .. وتمت تقرا

في الامــارات ..

موزه مسويه بهم فلم هندي .. وتودع اختها الي بتسافر .. وفاطمه سلمت على الجميع .. وبعدها اخذت بنتها شيخه الي كانت راقده .. و سارت السياره .. ومسكوا طريجهم للسعوديه ..

بعدها الكل سار يكمل رقاده .. وموزه كانت زعلانه لان اختها سارت عنهم .. وبنفس الوقت مستانسه لان امنه بترجع الامارات .. اما حسن سار للمدرسه ..

في بيت بو زايد ..

زايد يالس في الميلس مع ربعه .. سهرانين من البارح ..

زايد : شباب شرايكم نساافر ..

حمد : وين نسافر وهالدوامات كارفينا ..

زايد : ماعليك ناخذ اجازه يومين .. مع الجمعه والسبت .. شرايكم ..

سيف : وين تبا تساافر .. زهقنا من الدول المجاوره ..

حمد : اربع ايام اذا قدرنا نحصل اجازه .. وين تبا نسافر فيهم .. اسبانيا ولا فرنسا ..

ضحكوا الشبااب عليه .. وبعدها اقترح عليهم زايد يسافرون البحرين .. والكل وافق ..

بعدها قاموا يلعبون سووني .. يتبارون كرة قدم ..


في بيت بو منصور ..

ام منصور .. تتصل في ريلها ومايرد .. وتمت تنتظر وكل شووي تتصل وهو مايرد .. لين بالاخير طلع ان الموبايل مغلق .. وام منصور قلبها قابضها .. هي متفقه معه ان يمرها ويسيرون الموعد ..وتمت نص ساعه على هالحاله .. بعدها دخل بومنصور ..

ام منصوور ارتاحت اول ماشافت ريلها : وينك يابومنصور .. حرقت التيلفون ولا ترد .. واخر شي مغلق ..

بو منصور .: ناسي تيلفوني بالدوام .. ويمكن الجارج خلص

ام منصور : اهاا .. يلا نسير المستشفى .. بس انتظر ازقر شمسه .. عسب على طريجنا نوصلها المدرسه ..

بو منصور : اوكي عجلو .. انتظركم بالسياره .. وطلع عنهم ..

نزل منصور من فووق وشاف امه .. وقالت له يزقر شمسه .. وبهالوقت شمسه كانت نازله ..

منصور : وين سايرين .؟!

ام منصور : عندي موعد .. وعلى طريجنا باخذ شمسه للمدرسه ..

منصور : ماعليج امييه .. انتوا سيروا انا بوصل شمسه على طريجي ..

ام منصور : ساير الدوام ؟

منصور : هيه امييه ..

ام منصور : الله يحفظكم .. وسارت برع ..

شمسه تبوس اخوها على راسه : فدييييت اخوويه والله ..

منصور يغمز لها : اعجبج ..

" كانوا متفقين انهم يسيرون يتفطرون برع ويدورها .. بعد ما حنت عليه شمسه الباارحه بالليل .. ووافق "

وطلعوا شمسه ومنصور .. اخذها ودورها .. وبعد ساعتين وشي تقريبا رجعها البيت .. عسب يسير الدوام .. ووصاها تسير حجرتها بدون ماتشوفها امها .. واذا درت امها ان ماوداها المدرسه .. حلف ان لو وشو مايركبها موتره هههه .. وكمل طريجه للدوام ..


في قطــــــر

في البيت العود

آمنه قاعده بالصاله متملله وخاطرها ضايق .. لان اليوم بترجع الامارات .. هي صح مشتااقه لهم .. بس كانت حيل مستانسه مع اهلها بقطر .. وجدتها تشوف التلفزيون بعيد عنها ..آمنه وهي يالسه تفكر الا تشوف مناكير على الطاوله .. ظبيه امس يابته البيت العود وشكلها نسته .. خذته آمنه .. وقالت بتحط لها من الملل .. وتمت تحط لها بطريقه حلووه ومرتبه .. بعدها دخل ناصر وراح صوب جدته كان توه راجع من الدوام .." دوامه شفتات " .. وباس راسها .. وشاف آمنه قاعده شوي بعيد .. مايدري وش تسوي بيدها .. بس شكلها مشغوله بشي .. وراح صوبهاا ..

آمنه رفعت راسها وابتسمت ..

ناصر : السلام عليكم ..

آمنه نزلت راسها وتمت تكمل الي بيدها : وعليكم السلام

ناصر : وشو هالخرابيط الي تحطينه بيدج.؟

آمنه : ماشي بس متملله وشفته جدامي قلت بحط لي ..

ناصر وهو يقعد شوي قريب منها : آهاا ..

آمنه : وانت من وين جاي .؟ من الدوام

ناصر وهو يناظر اصابعها : يس .. . آمنه

آمنه رفعت راسها وناظرته : اممم ماذا تريد

ناصر يناظر المناكير .. : خليني احط لج .. آمنه ناظرته بنص عين وبخاطرها من صجه هذاا .. ناصر : يلا عطيني .. ومد يده لها عشان تعطيه ..

وهي عطته المناكير .. وتم يحط لهاا .. بس طبعا بدون ما يلمس يدها .. واظافرها مسكينه راحت فيها مع اصابعها .. ناصر ما ضبطه عدل . هههه لان اصلن ماله بهالسوالف .. بعد ما زهق ناصر وهو يحط لها .. اخذ المناكير .. وشخط على ويها فيه .. وقطه وشرد .. طلع برع راح صوب بيته .. لان هو جاي البيت العود يسلم على جدته وبعده يبي يروح يرقد ..

آما امنه عصبت .. وهي طالعه فووق .. خالها نايف شافها .. وتم يضحك ويضحك ..

نايف : هههههههههه من مسوي بويهج لوحه فنيه .. وتم يضحك

آمنه معصبه : هيهيهي مايضحك ..

نايف : لا صج شمسويه بوويهج ..

آمنه وهي صاعده فووق : الثوور نصوور ماحلى له الا ويهي يبدع فيه .. وراحت الغرفه تغسل ويها .. ونايف ضحك عليهاا وعلى شكلها ههههههههه ..

امنه بغرفتها ..بعد ما غسلت وجهها ورتبت حالها لمت اغراضها تبي كل شي مرتب وجااهز .. ورتبت الغرفه .. لان بالليل بيساافرون ..

ونزلت تحت بالصاله .. وشافت ابوها مع جدها وجدتها يالسين يسولفون .. وسلمت عليهم .. ويلست تسولف معهم ..

ومر الوقت وصار قريب المغرب .. امنه نزلت اغراضها .. وكل شي جاهز .. نايف بيوصلهم للمطار .. وبعد ساعه بيحركون من البيت ..

آمنه : نآآآيــــف

نايف : آمــري ..

آمنـه : طلبتك

نآيف : ابشري بعزج ..

آمنه : اول شي ناصر راقد الحينه صح .؟

نآيف : ايي

آمنه : ابا اسير عنده شووي ..

نايف تم يناظرها وشو تخربط هذي .. آمنه : تكفىى خالي بس بوصخه بصبغ الاظافر وبطلع ..

نايف : ماتيووزين عن حركاتج انتي .. الله يعين ريلج عليج ..

آمنه ضحكت .. : يلا خالي طلبتك عااد ..

بعدها نايف وآمنه راحو بيت ناصر .. وودها نايف فوق لغرفتـه .. وبطل الباب شوي شوي .. بدون مايحس نايف .. وآمنه دخلت الغرفه .. وتمت تحط مناكير باظافر ريله .. وبعدها شخبطت على ويهه وهو بساابع نوومه .. يتحرك شوي وامنه توخر من عنده .. يوم يثبت تروح مره ثانيه تشخبط بويهه .. وبعده طلعت ..

ونايف يضحك عليها .. نآيف يناظر امنه كيف مستانسه : مب صاحيه ..

آمنه : يستاهل والله هههههه ما شفته شو سوا في ويهي ..

نايف : الا شفته .. يلا خل نطلع قبل لايقوم ويقلب علينا البيت ..

وبعدها راحوا البيت العود .. والكل تجمع فيه لجل يودعون امنه وابوها .. لانهم بيسافرون ..



وعند ناصر .. اول ما قام دخل الحمام الله يعزكم .. وهو يغسل ويهه انصدم وشو بويهه .. وفي خاطره .. اما هالغبيه سوتها .. هههههههه اي عادي كل شي اتوقع منها .. ياربي على هالبنت خبله وتخبلتني معها بس كيف وصلت لي .. ساحره مب ادميه ههه .. وبعده شاف ساعته .. يلا ماباقي شي ويسافرون خل الحق عليهم .. وبسرعه غسل عمره وبدل ملابسه وتكشخ وطلع ..

وراح البيت العود .. اول مادخل طاح عينه بعين امنـه .. الي الابتسامه بكل ويها ههههه .. وتحاول تكتم ضحكتها ..

ناصر : السلام عليكم

الجميع : وعليكم السلام ..

وبعده ناظر نايف الي شافه كاتم ضحكته .. وفي خاطره اكيد هذا نيووف الثوور جايبها عندي بس حسابه عندي بعدين ..

جدته : نصوووووووور وشو هالخرابيط اللي حاطها انت

ناصر مافهم : أي خرابيط ؟؟

وامنه ونايف بهالوقت نقعوا من الضحك لان شكله مانتبه ع المنكيير اللي فرييله .. وتم يتأملهم .. وبعدها شاف ان جدته اتشووف ريييله .. وانتبه والا ينصدم

ناصر : اياا ال .... شالحركاات اللي مسويتها انتي

آمنه : تستااهل عسب ماتعييدها ..

ناصر : والله انج ياااهل .. وعصب .. بعدها قال لامنه تجيب شي يمسحه فيه وراحت جابتله وعطته وهي تضحك ..

ناصر : يلا اشوفج امسحيه

آمنه ناظرته بنص عين : ماباا .. امسحه برووحك ..

ناصر وهو يمد له الاسيتون : يلا مسحييييييييه ..

آمنه : ماباااااا .. ههههههههه

بعدها جت شوق واخذت الاسيتون .. وتمت تمسح الصبغ من ريل ناصر .. ومحمد يتأملها ويناظرها ..

وتموا يسولفون الجميع .. وبعدها بشووي .. الكل قام يسلم على امنه وبوسعود لانهم بيسافرون .. واخذهم نايف للمطار مع ناصر .. ناصر بسياره بروحه .. بس حط الشنط عنده .. واتجهوا للمطــار


في الامــــــارات .

جاسم يالس ويا منصوور : اووووووف

منصوور : بلاااك ؟؟

جاسم : بلاني بعد .. ماعندي هدف في الحيااة

منصوور ضحك : احسنلك ..

جاسم سكت وتم يفكر وقاطع افكاره منصوور وقاله : اختك متى بتررجع .؟؟

جاسم : اليوووم

منصوور فتح عينه وبفرح : صددددق ؟؟

جاسم : هيييه .. وبنسيير نستقبلهم بالمطاار

منصوور : يلا عيل سريينا .. وشوي وحركوا

وساروا المطار .. وبعد ربع ساعه وصلوا بوسعود وامنه .. واستقبلوهم .. وخذوا الشناط .. وساروا البيت .. منصور وجاسم اخذوا الشناط .. ودخلوهم دااخــل البيت .. وامنه تساعدهم .. منصور وهو طالع شاف امنه .. تشيل الشنطه بتثااقل .. سار صوبها ..

منصور : عطيني ادخلهم عنج

آمنه تبتسم لها : ماتقصر .. انا بدخلهم ..

منصور سحب منها الشنطه بالغصب : حمدي ربج اني اساعدج ههههههه

آمنه تضحك : هههه اوكي مشكوور .. اصلن من نفسي مالي خلق اشيل نفسي .. بالغصب اشيل الشنط

منصور يستظرف دمه : اذا تبين بشيلج مع الشنطه ماشي مشاكل ههههههههه

آمنه : هيهيهي ظريف اخ منصوور

منصور حس ان ثقل بكلامه : اوكي اسف

آمنه : سامحتك بس على شرط

منصور : شووو

آمنه : اممم ابا تجيب لي سنيكرز ..

منصور : من عيووني ما طلبتي شي ... << طيح الميانه الاخ

آمنه الي طنشت : تسلم .. وكانت تبا تدخل الا منصور يزقرها

منصور : آمنـــــه ..

آمنه لفت راسها وناظرته : هلاا

منصور يبي يقول لها عن مشآعره .. يمكن تفهمه او تحس به .. لان كل مايحاول يبينلها .. يحس انها ماتحس فيه ابــــــد .. بس قرر يصارحها ويريح عمره ..

منصور: بقولج شي ..

آمنــه والي استغربت من نظرات عيونه : قوول

منصـوور : آمنــه أنــا ..............



وانتظروا الجزء الثالث عشـر

وانتظر ردودكم وتعليقاتكم

[.قطري مزيون.]

راضخ نمله تراك لعبة بعصابي
انا سجلت علشانك الله يطول في عمرك
كمل القصه
تراها وصلت معاي للأخر
ابي اعرف شصار مع شوق هل هي بتم مع محمد
ولا بتاخذ سعود
وايش بيصير مع ناصر من بياخذ
وعبدالعزيز شبيصير معاه
الله يخليك كملها تراك قهرتني


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[.قطري مزيون.]

ننتظر باقي القصه باقصى وقت ممكن يالغالي
لاتاخر علينا

[MissRose]

رضووووووخ


كمل كمل

[راضـ نمله ـخ]

الجزء الثالث عشر ...


منصور يبي يقول لها عن مشآعره .. يمكن تفهمه او تحس به .. لان كل مايحاول يبينلها .. يحس انها ماتحس فيه ابــــــد .. بس قرر يصارحها ويريح عمره ..

منصور: بقولج شي ..

آمنــه والي استغربت من نظرات عيونه : قوول

منصـوور : آمنــه أنــا .. أنا .. وتردد ان يقولها الي بخاطره .. وحس الوقت مب منااسب وسكت ..

آمنه : شو فيك ..

منصور : أنا بغيتج تسلمين على حرمة عمي ..

آمنه الي درت انه يرقع بكلامه : هيه ان شااء الله .. وسارت عنه .. وهو دخل الاغراض داخل .. وبعده سار للبيــت ..

آمنه سلمت على اخوانها .. الي حيل اشتاقت لهم ... وسلمت على حرمة أبوهــا .. بعدها سارت فوق عسب ترتاح .. والبقيه ساروا يرقدوون ..

بحجرة آمنه .. اتصلت على موزه .. وموزه من اول رنه ردت عليها

موزه : هلااااااااااااا والله يا بعد حيي

آمنه : هههههه انزين خلي التلفون يرن شووي ليش ماسكته

موزه : قلبي دليلي هههه .. حسيت انج بتتصلين اول ماترجعين ..

آمنه : والله اشتقت لج ..

موزه : وآنا بزوووود .. باجر تعاالي عندي وقولي لي كل شي سويتيه بقطر ..

آمنه : ههههههه افا عليج .. ان شااء الله .. يلا الحين بسير ارقد حدي مقفله .. وان شاء الله باجر نلتقي

موزه والفرحه مو واسعتها بعودة ربيعتها : على خيييييير يلا قلبي . يلا سي يو

آمنه : مع السلامــــــه ..


في قطـــر

بالمجلس عند الشبـــاب .. الكل يالس ويعلبوون سوني .. والي يلعب بلياارد .. والي يسوولف .. دخل عليهم محمد ..

محمد : السلااام عليكم ..

الجميع : وعليكم السلاااام

محمد : انتوا ليش سهرانين ترى السفر باجر الصبح ..

نـايف : افكر اروح مواصل ..

راشــد : انا مب رايح معكم ..

ناصر يناظر راشد : ليش؟!

راشد : الدوام تالله على شكلهم مب راضين يعطوني اجاازه .. الا بعد اسبووع

خالـد : انا بعد بالبدايه مارضوا يعطوني اجازه .. عطيتهم كم صاروخ لما وافقوا ههههههه

راشـد : مشكلتي ماحب الكذب .. وماشي استريت

محمد : اي هيــن .. قال ماشي ستريت ..

سلطان : انزين والبقيه مستعدين ؟

ناصر : انا واحد مستعــد من زماان ..

راشد : مبارك بتسير معنا .؟

مبارك : قبل موعد العمليه بيومين بجي ..

فيصـل : انزين قلتوا لاهلكم عن العمليه ..

نايف : اي قلت لهم بس الحريم ماعندهم خبـر .. عشان مايصير قلق

فيصل : زين تسوون والله

راشد : يعني انا بسافر بروحي ؟

وبهاللحظه دخل طلال .. : انا بسافر معك

راشد : انت استريح .. ومن وين جاي هالحزه ..

طلال .: من سيلين ..

محمد : وانت اربع وعشرين ساعه مطيح هنااك .. والدراسه على صووب

طلال : ناجحين ناجحين .. ياشيخ الا مستقله ههههه ظامن النجاح وبنسبه حلووه ..

مبارك : والله محد مضيعكم الا هالمستقله

طلال : لا بالعكس مريحينا .. الا صج بتسافرون عشاان عمي

راشد : ايي ..

طلال يدري ان مافي امل ياخذونه معهم .. : كنت ناوي اجي معكم بس خبركم بزنس ههههه وسلموا على العم عزوز ..

سلطان : وليش ماتتصل له انت .. وتسلم عليه

طلال : كل يوم ملعوزهم .. ههههه وبعده ناظر خالد وقال له : بو وليد

خالد : خير .. شتبي << يلعب سوني مب فاضي له

طلال : بلعب معك ..

خالد : انتظر اخلص هالمباراه ..

وبعد نص سااعه .. نصهم راحوا يرقدون والنص الثاني بيسافرون مواصلين ..

في غرفة محمد .. بدل ملابسه وقط عمره على السرير حييل تعبان .. والصبح وراه سفر .. وقبل لا يرقد قال بيتصل بشووق كان حيل مشتاق لهاا .. من اول ما صارت خطيبته كل يوم عن يوم يزيد حبها في قلبه .. يبيها دووم معه وبقربــه .. في خاطره ااه يا شووق وربي مشتاق لج .. خذا الجوال بيتصل لهاا .. بس شاف الوقت وقال مب عدله اتصل يمكن رااقده الحين .. خلاص باجر بتصل لهاا .. اخذ جواله وطرش لها مسج ..

أبيك.. }~
ولاأبي غيرك.. }~
ولاغيرك يعوضني .. }~
أشوف [الناس] غير الناس و{انت }اللي {مجنني}
واذا[ صرت] في حياتك {غلطه} ...؟؟
أرجوك صارحني
وأبعرف{ دنيتك} تظلم والاأنت [ظالمني]..؟؟
{معذب} في هوى[ حبك] ولكن كيف [ترحمني] ..؟؟

وعند شوق كانت يالسه تفكر في حياتها .. وكل شوي خيال وطاري سعود يجي في بالها .. وتستغفر ربها .. وبعدها .. سمعت صوت رنة المسج وصلها .. وبطلت المسج وقرته .. ودمعت عينها .. محمد غير حياتها فوق وتحت .. من طيبته وحنانه قدر يدخل قلبها .. بس ماقدرت اطلع سعود من قلبها وتنسااه ..

وتمت ادور بين المسجات وطرشت له رساله

صاحت{ عيوني }تنشد
القلب [رؤياك] . .
وأثره{ فؤادي} في بعادك قصيدة . .}~
كل [السعادة] أعشقت يوم[ لقياك] ..!!!
وكل ..القرايب.. في {بعادك} بعيدهـ...!!
كل {الرسايل} كان
ترضيك[ تفداك ]..والا ..
خذ[ قلبي ]رساله جديدهـ .. }~

وصل محمد المسج .. واستانس انها قاعده .. واتصل لهــا

شوق اول ما شافت شاشة الجوال محمد يتصل بك ابتسمت بس كانت خايفه .. وردت عليه

شوق بصوت شبه للهمس : السلام عليكم

محمد : وعليكم السلاام .. شخباارج شوااقه

شوق : بخير الله يسلمك .. وانت

محمد : اذا انتي بخير اكييد انا بخيــر

شوق انحرجت : ان شاء الله دووم

محمد : اممم تدرين اني بسافر الصبح

شوق : ايي ناصر قال لي .. ليش مارقدت للحين

محمد : كنت بالميلس مع الربع .. وانتي ليش للحين مارقدتي

شوق ماعرفت شتقول : مافيني نوم ..

محمد : شوااقه

شوق لاشعوريا : عيونها

محمد : فديت عيونها والله .. بعدها شوق انحرجت .. وقال لها : بتشتاقين لي

شوق ساكته ..

محمد : شفيج سكتي .. يعني عادي عندج اني بساافـر

شوق : لا

محمد عرف انها منحرجه : وشو لا

شوق : ايي

محمد ضحك عليها : ههههههه وشو لا اي ..

شوق تغير السالفه : ترجعون بالسلامه ان شااء الله

محمد : بشتاق لج والله ..

شوق : وانا بعد

محمد استانس : من قلبج

شوق : اي .. وبعدها تموا يسولفون بس ماطولوا عشان محمد وراه سفره ولازم يريح شووي ..

وشوق اول ماسكرت التلفون تمت اتصيح .. وبخاطرها يااربي توفقني معه واقدر اسعده .. وبعدها يه في بالها سعود .. استغفرت ربها وقرت قران وبعدها رقدت ..

يوم الخميس الصبح .. الشبااب سافروا .. بعد ما ودعوا الاهــل .. وعهود بعدها راحت تتصل لشوق .. تشوف شخبارها ..

وشوق كانت صاحيه لان محمد كلمها قبل لا يساافر .. بعدها مارجعت ترقد .. رن جوالها وردت عليه .

شوق : السلام عليكم .. هلا عهووود ..

عهود : وعليكم السلاام .. كيفك يا البي

شوق : منيحه .. انتي كيفك

عهود : على حطت يدج ملل ههههه .. الا شمقعدج من الصبح ..

شوق : كلمت محمد قبل لا يسافر .. بعدها مارقدت

عهود فرحت حست ان علاقتهم تتحسن : اهااا .. اخبارج مع حموود

شوق تنهدت : زينــه .. والله دخل قلبي اخووج ..

عهود ابتسمت : بدا مفعول الحب عندج

شوق : ههههه شدعوا دوا .. وبعدها تموا يسوولفون ويخربطون ..

بالامـــــــارات ..

امنه ناشه من وقت .. عسب بتسير لربيعتها مووزه .. تزهبت وخلصت ونزلت تحت .. شافت بويهاا حرمه ابووها .. وتأففت فخااطرها .. معنه مشتاقه ان اتلعوزها .. بس مالها بارض الحيين .. سارت ويلست ع الطاوله عسب تتريق

أم جاسم : لا سلام ولا كلام .. انا يوم اقول انتي مافيج لا حيا ولا مستحى .. عنبوووج انا يالسه ولا صبحتي علي ولا شي

آمنه : اوووف .. اصبحنا واصبح الملك لله .. بدييينا .. ترا والله مالي بارض لج .. ولا لي بارض اني انااشبج الحيين .. وخذت لها فطااير ونشت من مكانها
أم جاسم : ماتنلااميين بنت .......

آمنه قاطعتها لان عرفت شبتقوول : لو جبتي طاري امي على السانج اقصه لج سامعه وسارت عنها

وهي فالسياره تذكرت منصوور .. كان بيقوول شي .. بس ماعرفت شوو .. وشكله كان بيقوول رمسه كبييره .. اووووه نفاااد .. ليش افكر أنا .. وفتحت شنطتها وخذت لها سنيكرز البرتقالي>>> تمووت عليه


فـي قطـر

فبيت بو ناصر

دانه كانت تدرس لان امتحاناتها قربت .. وتمللت من الكتااب قالت بتفتح ايميلها شووي .. لان فخاطرها تكتب كم من شي لفييصل .. ورااحت صووب الكمبيوتر وفتحت ايميلها وشافته اون لاين .. استاانست

دانه : هلا والله .. عااش من شاافك اوون لاين

فيصل : هلا فييج .. عاشت ايامج .. عاد تدرين توني كنت بكتب لج شي واطلع ..

دانه : وانا داخله عشان اسوي نفس اللي انت بتسوييه

فيصل : شفتي شلوون .. القلوب عند بعضها .. اخباار الدراسه وياج ؟؟

دانه : تماام الحمدلله .. بس والله تمللت .. تعبت من الكتاب .. وبنفس الوقت خاايفه من الامتحانات وقاعده اضغط على عمري بالدرااسه .. وخبرك هالسنه آخر سنه لي .. وبتخرررج وبصيير الخرييجه داانه

فيصل : اي حبيبتي شدي حييلج بالدراسه .. اهم شي درااستج .. ابيج تجيبيين لي نسبه حلوه .. وتفرح الوااحد .. عااد ابي افتخر فيييج ههههههه

دانه : افاا علييك مااطلبت كم فيييصل انا عندي ؟؟ وااحد مافي غيره

فيصل : حبيبتي انتي .. يلا حبي انا الحين بطلع .. لان برووح اشووف الشباب قبل لا يساافرون ..

دانه ابتسمت : اووكييك .. اشووفك على خييير .. وعااد لا تقطع .. ترا القطاعه ماهي بزيينه

فيصل : من عنونااتي .. يلا بباااي

دانه : بااي .. وتمت تقرا المحادثه مره ومرتين وثلاث بعدين سكرت ايميلها والكمبيوتر ورااحت اتشووف اخووها محمد .. وبعدها تكمل دراستها


في الإمااراات

وصلت آمنه بيت ربيعتها مووزه وشافتها .. مدري شو استواابها اللي عيينها دمعت .. اشتااقت لهاا بالقوو .. وسارت لها ولوت عليها : اشتقت لج يالدددددبه

مووزه وهي اتصييح : وانا اكثثثثر والله انا ماسوى شي من دوونج

آمنه شافتها ومسحت دمووع ربيعتها : مابا اشووفهم .. تستوين تلوعين الجبد .. وتييبيين المرض .. يوم اتصيحين

موزه ضربتها ع الخفيف : ماتيوزيين انتي عن سواالفج .. يلا تعالي دااخل وقوليلي اللي صارلج بالتفصييل الممل ..

وساروا الحجره وتمت آمنه اتسوولف واتسوولف واتقوولها عن سواالفها وكل شي صارلها .. مره وحده تذكرت نااصر واللي استوا من بيينهم .. وضحكت من قللللب .. موزه اتعرف هالضحكه .. هالضحكه وراها شي جاايد ..
مووزه : يلا اعترفي شسويتي

آمنه مب قادره تتنفس من الضحك : شـ .. ـي .. يضـ .. ضحك من .... وماقدرت اتكمل ويلست تضحك وتضحك

مووزه : يلا عااد ارمسي

وآمنه قالتلها السااالفه وكل شوي تضحك واتكمل .. مووزه يووم سمعت السالفه تمت تضحك وتضحك .. مارامت تسكت .. اتعرفها ربيعتها .. ماتيووز عن هالسوالف .. مستعده اتموت اللي يداامها .. بس عسب تضحك علييه ..

مووزه : حراام علييج جي سويتي فييه

آمنه : والله هو مايستحي .. شفتي شو سوا بي .. هو الباادي ..

مووزه تضحك على حال ربيعتها .. وتموا يسولفون ..

وبعدها موزه لاحظت سرحان ربيتعتها .. وقالت بخاطرها تبا تزيغها .. موزه اقتربت من آمنه : بووووووووو ..

آمنه فزت : والعثرررررره .. بلاج .. زيغتيني ..

موزه وهي ميته من الضحك .. : سرحانه بشو .. اعترفي .. ليكون القلب بدى ينبض هههههه وتغمز لها

آمنه ضحكت : ههههههه سكتي زين .. بس منصور غامضني

موزه : ليش شو بلاه .؟

آمنه خبرتها بالسالفه الي صارت .. وان يبا يقول رمسه بس بعدها رقــع .. خاطرها تعرف شو الي كان بخاطره يقوله .. كل ما تحاول اطنش الموضوع .. يمر وقت وتتذكر .. و بعدها شغلوا التلفزيون .. وتموا يشوفون مسلسل .. وياكلون حلويات وشبس وهالخرابيط

لين مايا جااسم وخذا آمنه

وفالسياره

آمنه : جسووووووم

جاسم : جسووم بعيينج .. قولي جااسم .. او يفضل الشيخ جااسم

آمنه : الشيخ جاااسم بعيينك .. المهم ماعلينا .. اليوم شو نظامك ..؟؟

جاسم : بسير ويا الشباب عواافي .. ليش تبين شي ..؟

آمنه : اووف .. لااا بس بغيت اتوديني مول الامارات .. بس مافي مشكل >> الاخت قلبت هندي .. وشوي ووصلوا البيت وجاسم ساار عند ربعه


اما بالنسبه لزايد وربعه حاان مووعد سفرهم وييل حالي بلااهم خخخخخ .. وقعدوا يحطوون أغرااضهم فالسياره .. وكانوا بيسيروون فسيااره زاايد ..

حمد : اتصدق مب متشجع لهالسفره

زايد : عيل لا اتسير محد جاابرك .. كل واحد منكم يالس يقولي شي .. واحد مايبا الدول المجاوره على قوولته .. والثااني مب متشجع .. عيل بلاها هالسفره

حمد : بل بل بل .. بلاك حرجت ..

زايد : لا سلامت عمرك حبيبي .. اقوول يلا حط اغراضك لا كف يطيرك

سيف يسمعهم ويضحك على مناجرهم : حشى حرييم مب رياييل

زايد : ما علينا يلا خلصوا عسب انحرررك .. وحطوا كل اغرااضهم وحركوا ..


فبيت بو منصوور

منصوور كان قااعد فالصاله ويفكر بآمنه .. والله هالبنت لعبت بمخي .. معقووله انا احب ؟؟ .. واحب من ؟؟ .. احب وحده خريشه وهبله ههههههه .. بس والله على الخبال اللي هي فييه .. فيها شي يجذب .. وعلى هالافكار قاطعته اخته شمسه

شمسه : منصووووووووووووووووووووور

منصووور زااغ : هاااااااااا .. وجع ليش تزاعجين .. اذني راحت منج

شمسه : اووف شسويييلك استوالي سااعه وانا ارمس ويااك وانت خببر خييير ..

منصوور : انزين ماعلينا شو بغيتي ؟؟

شمسه : باجر عندي حفله فالمدرسه واباك توديني اشترلي اغراض

منصوور : وين اودييج .. الدكاان ؟؟

شمسه : هيهيهي ماتنكت

منصوور : جب وقولي وين اودييج؟؟

شمسه : اباا اسير اي موول المهم اشترلي

منصوور : انزيييين .. تامرين أمر .. ماطلبتي >> منصوور من النووع اللي مايحب يرفض لاخته شمسه طلب .. وهو اساساً مايحب يرفض لحد طلب كله حااضر والغنييمه

شمسه : ماتقصر ياخووي .. المهم يلا تعاال تغداا ..

منصوور : اووكيك يلا امشي وساروا يتغدووون




في قطـــ،،،ـــر

فبيت بو محمد ..

عهوود كانت قاعده بحجرتها واتفكر بنااصر .. الحين انا صارلي سنتين وانا احبه وهو ولا عارف عن هواا داري .. بس اوقات يحسسني من تصرفاته ان يحبني واوقات احسه مب معبر ولا حااس فيني .. والله مب قادره اتحمل .. تعبت وررربي .. وتمت تتذكر الموااقف اللي صارلتها .. وتذكرت موقف صارلها من كم شهر

محمد : اقوول سكتي لا اييج بطراق ماتدرين من وييين ..

عهود والدمعه بعيينها : انا شقلت الحين .. بس قلت ان ....

محمد قاطعها : بس جب ولا كلمه ..

ناصر : عييب علييك جي اتكلم اختك .. هي مب قصدها .. وبعديين انا مارضى على بنت خاالي جي تعااملها

عهوود ماتحملت وصاحت .. وراحت فووق .. وبعد سااعه من هالسالفه .. نزلت تحت وكان ناصر توه داخل مع راشد وماسك بيده ورده حمره ..

ناصر ابتسم : هااي لج ..

عهوود : على وشو ؟؟

ناصر : مااحب اشووفج زعلااانه .. كلش ولا بنت خالتي

عهوود ابتسمت وخذت الورد وعلى هالافكار دخلت عليها دانه

دانه : عهودوووووووو ساعديني

عهوود والدمعه بعينها : لييش .. شو فييج؟؟

دانه : افااااااا يا اختي العزيزه ليش اتصيحين؟؟

عهوود : لا ماشي .. المهم قوليلي شو فييج

دانه : في مسأله مب عارفه أحلها تعالي شرحيلي اياها

وعهود شافت المسأله وتمت تشرح لها ليين مافهمت ..





في المــانيـا

وصلوا الشباب المانيا .. واستقبلوهم عبدالعزيز وسعود .. وبعدهم خذوهم للبيت .. كانوا مستأجرين بيت وكان كبيــر ومريح لهم .. كل واحد قط عمره ورقد .. حدهم كانوا تعباانين .. مواصلين من امس والي ما رقد غير ساعتين بالكثير

عبدالعزيز الي حالة سعود مب عاجبه .. : سعووود

سعود يناظره : آمر

عبدالعزيز : مآ يامر عليك عدوو .. بس لاتخلي محمد يشك بحالتك .. او يلاحظ عليك بشي .. خلك طبيعي معه ..

سعود : لاتوصي حريص .. هذا اخووي مب بس ولد خالي ..

عبدالعزيز يربرب على كتفه : هذا العشم فيك يا ولد غانم

بعد شوي طلع سعود من البيت راح يجيب اكل لهم .. اما عبدالعزيز اخذ جواله واتصل لحرمته ..

مريم كانت قاعده فبيت اهلها .. مع خواتها وبنات عمها .. رن جوالها شافت ان عبدالعزيز متصل لها .. عطت اختها سعود .. وطلعت الحوش ويلست على الكرسي وردت عليه

مريم : السلاااااام عليكم يااااارووحي

عبدالعزيز كان حيل مشتاق لها : وعليكم السلاااااام .. شحالج يا قلبي

مريم : بخيير دام اني اسمع صووتك .. انت شحالك وشمسووي عساك مرتااح

عبدالعزيز : مرتاح وانا اكلمج بس متعذب مشتااق لكم بالحييييل

مريم : واحنا اكثر والله

عبدالعزيز : انتي في البيت ولا وينج

مريم : فبيت هلي

عبدالعزيز : وسعود وينه

مريم : داخل عند اختي ..

عبدالعزيز : فدييته مشتاق له والله .. بوسيلي اياه

مريم ضحكت : هههههه ان شاء الله

عبدالعزيز : يا عساني ما انحرم من هالضحكه الحلوووووه

مريم : تسلم يااقلبي .. ولا انحرم منك ..

عبدالعزيز : آميــــــــــن ..

مريم : آخبـار الدراسه معك .. ان شاء الله مرتاحين

عبدالعزيز وكل مايتذكر هالشي خاطره يضيق : اي الحمدلله .. والشبااب وصلوا يعني ونااسه

مريم : الحمدلله على سلامتهم .. بس مو تستانس معهم وتنسااااني .. ياويلك والله

عبدالعزيز : افاا انا انساج .. انتي عمري وحد ينسى عمره .؟

مريم استانست : الله يحفظك ياااقلبي ويخليك لناا

عبدالعزيز .: ويخليج لي ياارب .. مريووومه

مريم : عيوونهـــــا

عبدالعزيز : فديت عيوونهــا .. بس اجرب صوتي هههههه

مريم : هههههههه حلوو صوتك ..

عبدالعزيز : يااقلبي والله

مريم : فديت قلبك .. يلا حياتي الحين بدخل داخل وما اوصيك على عمرك ..

عبدالعزيز يتكلم بحزن وكنه طفل صغير : ما شبعت منج .. ليش بسرعه تملين مني

مريم ضحكت : شدعوه انا امل منك .. والله بخاطري طول عمري اتم معك ما افارقك لحظه .. بس شسوي اكيد البنات ينتظروني داخل

عبدالعزيز : خليهم يولون لاحقه عليهم .. بس انا مسافر وماتدرين اذا برجع ولا لا

مريم فز قلبها واخترعت عليه : وشوو ليش بعد ماترجع وشو هالكلام .. ان شاء الله بتخلص دراستك وبترجع

عبدالعزيز بخاطره الله يعدي هالعمليه على خير وارجع لهم .. : ههههه ان شاء الله .. هالكثر تخافين علي

مريم عيونها دمعت : وشلوون ما اخاف عليك .. مب انت قلبي وروحي .. مابيك تقول هالكلام والله بزعل

عبدالعزيز : احبج والله .. خلاص مابقول مره ثانيه .. وبصوت طفل : توبه ماعيدها

مريم ضحكت وتمت تسوولف معه .. ولما وصل سعود قال لها بيسكر .. وهي سوت نفس حركته وملغت وماخلته يسكر .. ههههههه وبعدها بعشر دقايق سكروا .. ومريم قامت من مكانها تبي تدخل داخل

وشاف ولد عمها صقر واقف ومسند نص جسمه على الطوفه ويناظرها بنظرات مافهمت معناها .. ومريم بسرعه عدلت شيلتهاا الي كان نص شعرها تقريبا ظاهر ..

صقر : السلام عليكم

مريم وهي تبي تروح من عنده : وعليكم السلام

صقر : انتظري .. خل اسأل عن اخبارج ولا مايصير

مريم : بخير .. وانت من متى واقف اهني

صقر : من البارحه ..

مريم : هيهي ظريف

صقر : توج مستانسه وانتي تكلمين الحبيب .. اشوف مزاجج تغير

مريم والي شوي وتعصب منه : انت شدخلك .؟

صقر : لا بس كسرتي خاطري عايشه بالعسل .. ماتدرين ان ريلج الحيوان مسافر يتونس وانتي اهني شوي وتصيحين ومشتاقتله ومسويه معه فلم هندي .. عايشين جوكم والله وضحك بمصخره عليهم

مريم ماقدرت تمسك اعصابها : ما الحيوان الا انت .. وتكلم عن عبدالعزيز بأدب .. لاتشوف شي ما يعجبك ..

صقر ضحك : هه شبتسوين .. بتضربيني ياحرم المصون عبدالعزيز

مريم : الزم احدودك يا صقر .. ومالك خص بريلي ولا حسابك عند ابوك

صقر وناظرها باحتقار وهو طالع : ما اقول الا تف على اشكالكم الوصخه ... وطلع برع وركب سيارته وراح ..

اما مريم كانت حيل معصبه .. ودخلت داخل والكل استغرب شفيها مزاجها تغير .. وخذت ولدها سعود وقالت لهم بتروح تبدله وبترجع .. ودخلت الغرفه وتمت تصييح .. وادعي على صقر الي خرب فرحتها .. جاي ينكد عليها ويذلف


//


ومر اسبوع وكلن على همه سرى .. راشد ماحب يسافر بروحه وقال لفيصل يجي معه .. وخصوصا فيصل الي على كيف كيفه يداوم ما يداوم ياخذ اجازات بالهبل لان مديرهم ابو رفيجه .. ووصلوا المانيا واستقبلوهم عبدالعزيز وسلطان وخالد وراحوا البيت .. وقعدوا الشباب كلهم سوالف وضحك ..

فيصل : بوسعود متى العمليه ..

عبدالعزيز وضايق خلقه : بالكثير اسبوع .. وتنهد

فيصل : لاتضيق على عمرك .. ان شاء الله تقوم بالسلامه وخل ايمانك بربك قووي

عبدالعزيز : ان شاء الله خير ..

بعدها عبدالعزيز قام من عندهم .. ودخل الحجــره يبي يصلي .. وانتبه على ورقه طايحه واخذها وقراها .. وهز راسه وبخاطره .. الله يهديك يا سعود .. واخذ الورقه وشقها وقطها بالزباله .. كانت القصيده الي كاتبها سعود .. ويمكن محمد يشوفها بالغلط ويبتلشون بعدهاا ..



في الامــــارات ..

بحــزة المغرب آمنه يالسه بالصاله وتفرفر بالقنوات .. اخذت موبايلها واتصلت لربيعتها موزه .. موزه طبعا الموبايل بيدها على طوول .. مارنت الا رنه والا ترد عليهاا

موزه : السلااااااااام عليكم ..

آمنه الي كانت تاخذ حبة بسكوت على ماترد موزه : وعليكم السلاااام .. وانتي اربع وعشرين ساعه ماسكه المووبايل ..

موزه ضحكت : هههههههه شسوي زهقت .. العب .. اصور .. اخربط ..

آمنه : ههههه الله يعطيج العقل .. الا شو رايج نسيــر المول

موزه : شو عندج بالمــول

آمنه : بنسيــر نغازل .. بعد شو عندي .. زهق وبنتشرى وبعدها نتعشى ونرد ..

موزه : اوووووكي .. بخلي حسوون يودينا

آمنه : لالا شو حسوون هذا بسرعه يتملل .. ومابيخلينا نتشرى على كيفنا هههههه

موزه : عنلاتج نسير بروحنا يعني

آمنه الي نست هالامر : امممممممم باخذ معي سلطان وفهد وانتي قولي حق حسوون .. وبعدهم بيستوون مب فاضين لنا ونحن بناخذ راحتنا ..

موزه : افكاار عليج .. اوكي بسير ارمسه .. ان شاء الله مايكون بعييــد مع ربعه .. لان ماشي امل يرجع لي ..

آمنه : هههههههه اوكي بسرعه .. وانا بتصل بالبزرينووه وبشوفهم وين .. يلا سلاام .. وسكرت الخط ..

آمنه واخذت تتصل بسلطان .. بس قافل موبايل .. وبعدها اتصلت بفهـد .. وسمعت صوت الموبايل يرن محطوط على الشاحن باخر الصـاله ..

آمنه : اوووووووووووووووف وينهم

بهاللحظه دخلت عاشه الصاله وشافت امنه تتأفف : شو فيج انتي

آمنه : وينهم عياااالج

عاشه وهي تاخذ الريموت : وانا شو عرفني .. سيري دوريهم .. وكانت عاشه مندمجه بالي تشووفه .. وتبا تيلس على الكرسي .. الا امنه تدز الكرسي على ورى وعاشه اطيح على الارض وامنه تشرد ..

عاشه : اموووووون يالحماره .. هين اذا ماعلمت ابووج عليج ..

آمنه مسويه روحها تخااف : زيغتيييني .. وبعدها سارت الحوي .. تبا تسير صوب الميلس الي برع .. قالت يمكن يلعبون سووني .. اوشي .. ودخلت الميلس .. وشافتهم يتبااارون .. وبصوت عالي : عنلاااااااااااتكم .. وينكم من الصبح ادوركم

الكل تم يناظرها مستغرب وشفيها حدرت على كيف ابوها .. لا متغطيه لاشي .. لان منصور وجاسم كانوا قاعدين بس مايلعبون .. على الجهه الثانيــه وهي ما انتبهت لهم .. عاد منصور الي فز قلبه اول ما شاافهــا .., وبخاطرها انا ولا مره شفتها تقول كلمه حلوه ههههههه بس بعد احبهاا ..

آمنه : شو شايفين وحش .. المهم ابااكم تسيروون معي الموووول يلا فزوا .. والكل ساكت من الصدمه مب قادرين يرمسون بس يناظرونها ..

بعدين منصور كح عسب تنتبه له الرجال قاعد انحرج .. : كح كح ..

آمنه لفت راسها وشافته .. الا تتفشـــل .. وتظهر برع .. وظهر وراها جاسم ..

جاسم : شو يايبنج الميلس انتي .؟

آمنه : وانا شو عرفني ان في حد غير سلطان وفهد .. ويعني ماترومون ترمسون من البدايــه ..

جاسم وهو معصب : تعرفين ان الميلس اي حزه اييون ربعي ربع سلطان او فهد .. مره ثانيه اذا تبين شي اتصلي قبـــــل

آمنه كانت منحرجه .. وفوق هذا اخوها يحرج عليها : اوووف خلاص زين .. شي صار وانتهى .. وقول لسلطون وفهود يتزهبون ابا اسير معهم المول

جاسم : على كيفج بتسيرين المول .؟ قلتي لابووي ... ومع امنوو بتسيرون

آمنه تشلخ : هيه قلت لابويه وقالي سيري .. وبعد ربيعتي موزه بتسير معي ..

جاسم : اوكي .. بس لاتطولون .. واليوم الخميـس .. يعني زحمه الموولات ..

آمنه : أوكي مابنطوول .. وسارت فووق اتصلت بموزه وخبرتها وبيتواعدون بالمول .. وبعدها .. تزهبت ولبست شيلتها وعباتها ونزلت .. وشافت حرمة ابوها ..

عاشه : وين سآيره ..

آمنه : المــول ..

عاشه : مع امنـو ..؟

آمنه : فهد وسلطان .. بعدها فكرت آمنه لو حرمة ابوها معهم ما بيتدخلون اخوانها فيهاا ..

آمنه : شو رايج تسيرين معنـا .؟

عاشه : لا ماحب اسير مولات يوم الخميس وزحمه .. وانا بسير بيت ابويـه

آمنه تحاول تقنعها : يلآ عــاد .. ما بنتأخر ..

وبعد حنه ورنه وافقت عااشه وسارت معهم .. وبعد دواره .. وتشري .. ساروا يتعشوون .. وبعد العشا رجعوا البيت ..


في غرفة آمنه كانت يالسه صوب البلكوونه تفكر في أهل قطـر .. والايام الي قضتهم معهم .. صدق ان ايام قليله ومعدوده .. بس بسرعه قدرت تتوالم معهم .. وتحس انها منهم .. صدق انا مو واايد بس احسن من ولاشي .. وخصوصا الايام الي قعدتها ما كانت كثيره عشاان تحس انها صدق منهم وفيهم ..وبعدها تمت تكمل رسم .. لين ما قفلت .. وشلت الي بيدها .. وسارت ترقد ..


في قطـــــر

يوم الجمعـــه .. بعد صلاة الجمـعه .. الكل اجتمع فالبيت العـــود .. والبنات قاعدين مع جدهم وجدتهم .. ويسولفون معهم .. وشوق كانت تحب تسمع عن سوالف اوول .. وكل شووي تسأل .. لما البنات زهقوا منهـا ,,

عهود : خلاص يمـــــه .. سكتي ذبحتينا ..

دانه : اي والله .. على كل شي ادقق ..

شوق : هههههههه عشان افهم واستفيد ..

عهود تغمز لهاا : اييه تستفيدين عشان تقولين لعيالج واحفادج .. من الحين تفكر بالاحفااد ..

شوق انحرجت لان جدها وخالها كانوا يالسين ..

بومحمد : عهود ماتيوزين انتي

دانه : ما قالت شي غلط ههههههههههههههههههه .. وتموا يضحكوون .. وبعدها رن جوال شووق والبنات يقطون عليها كلام وهي تتوعد فيهم .. وقامت من عندهم

في المــانيا

محمد كان قاعد ويا الشباب .. تذكر شووق وابتسم .. اشتاق لها حيييل .. وقال ان بيتصل لها .. قاام من مكاانه ورااح بررع بالزرع .. واتصل لهاا ..

محمد : حي الله بهالصووووووت

شووق : الله يحييييييك ويخليييييك .. اخباااارك ؟؟

محمد : طيب الله يسلمج حبييبتي .. والله اشتقتلج شووق مب طبيعي

على هالكلام سعوود كان طالع وسمعه ..

محمد ما انتبه علييه وكمل كلاامه : عااد اتصدقيين اشتقت لج شووق .. وانتي اسمج شووق .. صج اسم على مسمى ..

شووق تمت تضحك : عااد شفت شلووون ..

محمد : افااا علييج اعجبج .. قوليلي شلوون البلاد من دووني ..؟؟

وسعوود كل كلمه يقوولها محمد قلبه ينغزه ويعوره .. يتخيله بداال محمد .. ويقول لها هالكلام .. مدري شصارله .. مره وحده انعفست حالته فووق تحت .. مب قادر يتوااازن .. حااول يتماالك نفسه

شووق : اكييد مب حلووه .. الا اخباارهم الشباب ؟؟

محمد : والله تمااام وعال العاال ..

شووق : شووف يوييلك لو شفت بناات ألمااانيا .. اول ماتشووف بنت نزل رااسك على طووول

محمد : افا علييييج .. داام عندي القمر وش ابي بالنجوووم ؟؟

سعوود يسمع هالكلاااام ومب قاادر يتحمل مدري شصاارله : محمــــــــد

محمد لف ويهه وشاف ويه سعوود المقلووب : هـــلا

سعوود : يلا تعاال الشباب يبوونك وراح على طووول

محمد ماعرف وش يقول ووش يسووي .. وشووق يووم سمعت صووته اخنقتها العبره .. والدنيا ضاقت بهاا .. وتذكرته .. ااااااه يا سعوووود .. ربي يصبرني على هالعذااب

محمد : يلا شواقي .. انا الحيين برووح وبتصلج بعدين

شووق وبصووت حزيين : اووكي .. يلا تحمل بعمرك ..

محمد : وانتي بعد .. يلا مع السلامه

شووق : الله يسلمك

سكرت شوق من محمد ويلست صوب عتبة البااب .. ومنزله راسها وتفكــر في سعود .. وبعدها قالت بخاطرها .. والله يامحمد ما تستاهلني ولا دقيقه .. تعلقت فيني واايد .. وانا ما استااهل شي .. يااربي خذ روحي خلني امووت .. انا اتعذب ومحد حااس فيني .. سعود يحسبني مستاانسه بحيااتي .. ومتهنيه من بعده .. مايدري ان كل مره قلبي ينطعن مليوون مره .. اموت لما اسمع طاريه اسمع حسه ... هو روحي قلبي كل دنيتي .. اااااخ .. شسوي اقص على عمري واقول نسيت سعود بتناساه .. وهو مايروح عن بالي ولا لحظــــــــه .. اخ يالقهــر .. ونزلت دمعه حاره من عيونها حرقت خدها .. ومسحتها ودخلت دااخل ..

شافت مريم قاعده على الكرسي وتشوف التلفزيون .. رسوم متحركه مع ظبيه .. يلست عندها شووق .. وحطت راسها على صدرها .. وبدت عيونها ادمع

مريم استغربت شفيها شووق .. مسحت على راسها .. بعدها تكلمت ..

مريم : شوااقه

شوق ناظرتها ..

مريم : ياقلبي شفيج .. ليش زعلانه .. حد ضايقج بشي .؟

شوق تهز راسه بمعنى لا ..

مريم : اجل وش فيج .؟

شوق بالغصب اطلع الكلام : احبه يا مريم .. مدري شسوي

مريم اتحاول تهديها : قصدج سعود

شوق : اييي

مريم : حبيبتي لا تضاايقين عمرج .. وان شاء الله مع الاياام بتنسينه .. ومحمد يعوضج عن سعوود وينسيج اياه بعد

شوق وبدت تزيد بصياحها بس كاتمه عمرها عشان لحد يسمعها : ما استاهله والله ما استاهله

مريم تمسح على راسها ..: لاتقولين هالكلام يا شووق .. هذا المكتوب مانقدر نغير شي .. وبعدها باستها على راسها .. وحاولت تهديها ..

وفي الصـوب الثاني .. دانه استأذنت منهم بتروح البيت تبي تدرس .. لان ماباقي على امتحاناتهم الا كم يووم .. وتبي تراجع قبل لا تجي مدرستها .. وراحت البيت عنهم .. اما عهـود راحت المطبـخ تشوف امها اذا تبي مســاعده .. وراحت عندهم .. ومحد يبي منها شي .. قالت بتتصـل لآمنـه .. واتصلت لهاا ..

آمنه كانت يالسه تاكـل اندومي .. وتشوف التلفزيون مع اخوها سلطان .. الا يدخل عليها جاسم ويفر عليها تلفونها .. وشافت ان عهود قطر يتصل بك .. وردت عليهاا

آمنه : السلااام عليكم .. هلاااااا والله

عهود : وعليكم السلام .. ياهلا بج .. شخباارج .؟

آمنه : الحمدلله بخير بسماع صوتج .. انتي شحالج .؟

عهود : طيبه .. الا ما تسألين عنا .. ليكون نسيتينا هههههه

آمنه ابتسمت : افاا انا انسااكم .. اهل قطر بالقلب والله

عهود : تسلمين فديـتــج .. يلا عاد مشتاقين لج .. مب ناويه تجين مره ثانيه .. ولا ننتظر بعد اربع خمس سنين

آمنه ضحكت : هههههههههه الله كريم .. وبعدها تموا يسولفون ضحك وسوالف .. لما سكروا ..

ام جاسم دخلت الصاله وشافتهم مجابلين التلفزيون .. ام جاسم : يلا غدا

آمنه : مابا .. يالسه اكل اندومي

فهد قام من عندهم وسار يتغدا .. << حده يوعان مب فاضي لهم ههههه

ام جاسم : بلا هالاندومي الي تاكلينه وسيري تغدي .. وابوج يباكم كلكم اليووم ..

آمنه : شو عنده ابويــه .. يبا يسوي اجتماع الامم المتحده .. ولا يحل القضيه ..

ام جاسم : لو في قضيه .. بس قضية خباالج ..

آمنه : ههههههه .. خلاص بقووم بعد يمكن يحل هالقضيـه ..

وبعدها ساروا تغدوا .. وآمنه ماكلت الا سلطه وشربت شوربه .. لان طول الوقت تاكل خرابيط .. ومب يوعانه .. وبعد الغدا الكل اجتمع بالصــاله ..

بو سعود : ابا اقوولكـم شي ..

جاسم : سم

بوسعود : سم الله عدوك .. الي بقولكم اياه هو .. ان الدوام معطيني شغل برع البلاد .. سنه بالكثيــر وشغل ضروري ولازم أســافر ..

ام جاسم الي انصدمت : شووووووو

بوسعود : الي سمعتوه ..

جاسم : ابوويه صدق الي تقووله

بوسعود : لا امزح معكم .. هيه صدق السالفه مافيها مزح

آمنه : ابوويه ونحن انتم روحنا وانت تسـافـر ؟

بوسعود : هيـه .. معكم عاشه وانتوا كبار وان شاءالله ماعليكم شر .. واذا صادف وعندكم اجازه ... بحجزلكم وتيون عندي

أم جاسم : بس يا غانم .. سنه مب شووي ..

بوسعود : شسوي هذا شغلي .. وانا اشتغل عسب امنوو غيركم .؟

سلطان : اذا هذا الشغل لنا مانبااه ..

بوسعود : ماعندي شي ثاني اقووله .. وبعد اسبوعين بالكثيـر مسافر ..

ام جاسم : اسبوووووعين؟؟!!

بوسعود : هــيـه .. كنت ناوي اخذكم معي .. بس العيال مدارس .. وجاسم ماباقي الا اسبوع لامتحاناتك .. اباك تشد حيلك ..

جاسم الي منصدم من سالفة سفر ابوه : ان شااء الله ابوويه ..

وبعده الكل قام وساار حجرته .. مالهم بارض لشي .. مب متخيلين البيت بدوون ابووهم .. ومر اليوم كئيب عليهم .. والله يعين حالهم ..

ومرت اربع اياام وكلــن سرى على همــه ..

في المــانيــا ..

عبدالعزيز رقدوه بالمستشفى .. عشان ياخذون منه دم وتحاليل .. ويهيئونه للعمليـه لبكره .. ومبارك امس وصل .. والكل مجتمـع عنده .. ومسوين ميلس بالحجــره .. وتموا يسولفون ..ويحاولــون يخففون عن عبدالعزيز .. الي اعصــابه متــوتره بسبة العمليــه ..






طفاج القدر يا شمعتي .. خلاني اجر بحسرتي .. شلي بهالعمر يا دنيتي .. محسود على حبي وقسمتي .. فص ملح وذااب مابين ايديا وراح .. شبااب وغاب ماتهنى يوم وارتاح ! .. يا شمس الدنيا والقمر .. أنا ادفع شبابي والعمر .. لو يرجع اضمه واعتذر .. ويشوف شسوا بيا القهر






























في الليل مريم راقده فبيت ابوها .. بعد ما رقدت سعـود .. اخذت الجوال تتصل في عبدالعزيز .. الي قلبها كان معورها .. ماتدري ليش .. كانت تبيه حييل .. خذت جوالها واتصلت له ..

عبدالعزيز كان بغرفتــه يقرا قران .. محد عنده لان انتهى موعد الزيـاره .. ومايصير حد يتم عنــده .. مع ان حاولوا الشبااب مع الدكتور بس مارضى ..,

سمع عبدالعزيز صوت الجوال يرن .. اخذه وشاف الرقم ورد

عبدالعزيز : السلاام عليكم .. هلا حبيبتي

مريم كانت تصيح وبصوت مقطع : وعليكم السلاام

عبدالعزيز اول ماسمع صوتها تقطع قلبه .. مايحب يشوف مريم تصيح ولا يرضى بزعلها : شفيييج مريم

مريم كثر ماتقدر تكتم صياحها : عبدالعزيز ابيييك .. ما صارت متى بترجع

عبدالعزيز يهون عليها : مريم يا قلبي .. لاتصيحين .. ما باقي شي وبررجع .. لاتعورين قلبي والي يرحم والديج

مريم بصوت شبه للهمـس : انزين متىى .. والله تعبت من دونــك .. والله اخاف عليك يصير فيك شي بالغصب اقدر ارقد او اسوي شي كله بالي عندك

عبدالعزيز الي دمعت عيونه .. ماقدر يسمع مريم وهي تتقطع بكلامها وقلبها يعورها .. وهو بعيد عنها مايقدر يسووي شي .. ما يقدر يخفف عنهاا .. : مريم

مريم وعيونها تحرقها من الدموع : عيونهــــا

عبدالعزيز : أحبـج يا حيآتي .. تكفين طلبتج .. مابيج تصيحين ..

مريم تنهدت : وانا احبــك بزود .. والله يشهد بهالشي .. بس ابيك ترجع لي .. لا تطول علي ..

عبدالعزيز بخاطره الله كريم : ان شاء الله قــريب برجع لا تحاتين .. وبعدها تموا يسولفون .. اكثر من ساعه بعدها سكر عبدالعزيز عشان يرتاح للعمليه .. بس بطريقه ما تحس فيهاا مريم ..

اليووم الثاني

في ألمانيا

عبدالعزيز قبل ما يدخل حجره العمليات قعد يوصي كل وااحد منهم على شي .. ووصاهم على حررمته وولده

محمد : بس خلاص .. انشالله بترجع لناا سالم معافى وماتشكي باس .. وانت بتربي ولدك ..

عبدالعزيز : محد يدري يمكن امووت

سعوود : فال الله ولا فاالك .. محدن يمووت قبل يوومه .. وانشالله بترد لنا ومافييك شي ..
وقعدوا يسولفوون معه .. وبعديين دخلووه غرفه العمليات


في الامارات

آمنه كانت يالسه على اعصاابها .. تدعي لخالها .. ومارامت ترقد .. وطول اليووم سهراانه .. وتحاااتي .. واتصييح .. خايفه علييه .. ماتبا يستوييله شي ..
مارامت تتحمل والا تتصل لاخووها سعوود : ألووووو

آمنه : هلا سعووود .. اخباارك ؟؟

سعود : نحمد الله .. انتي اخبارج ؟؟

آمنه : والله احااتي .. قولي شصاار على خااالي ؟؟

سعوود : والله مدري .. قبل شوي دخلووه غرفه العمليااات ..

آمنه : سعوود دخييلك اول مايظهر من العمليات اتصلي .. وبدت اتصيييح

سعوود : انشالله .. ماطلبتي شي ..

آمنه : يلا اخليك انا الحيين ..

سعوود : اووكيك .. يلا بباااي وسكروا الخط

وبعد ساعتين .. باب غرفه العمليااات تبطل .. اللي كل الشباااب راحووا للدكتووور .. يبوون يعرفون شصاار على عبدالعزيز ..


وانتظروا الجزء الرابع عشـر

[راضـ نمله ـخ]

الجزء الرابع عشر


وبعد ساعتين .. باب غرفه العمليااات تبطل .. اللي كل الشباااب راحووا للدكتووور .. يبوون يعرفون شصاار على عبدالعزيز ..

وكـان وجه الدكتــور مايبــشر لا بخـيــر ولا بشــر .. والشباب على اعصااابهم ..,

<< بالاصل يتكلمون بالانجليزي .. بس انا ترجمته لكم ههههه عشان ما اتعبكم بالترجمه خخخ

سعود : دكتـــور طمـنـــا ..

الدكتـور : خلال 52 ساعه اذا ما صحى بيدخــل في غيبــوبه ..,

الشباب علامات الصدمه على وجهم .. وانقلب لونه ..

نـاصر: دكتـور ممكن نشوفـه ..

الدكتور : الحين لا .. لان يحتاج الى عنايه مشدده .. وانتوا تقدرون ترجعون وباجر تردون له .. لان قعدتكم مالها فاايده ..

بعدها الشبااب قعدوا على الكراسي في مكانهم .. والهم ماليهم من راسهم لساسهم .. ويفكرون بحالة عبدالعزيز .. وكيف يخبروون الاهــل .. نايف قام من مكانه لجل يتصل على ابوه .. وهو يخـبرهم ..

في قطــر ..,

الرجال كانوا مجتمعيــن في البيت العوود .., ورن التلفون .. وبومحمد على طول فز للتلفــون ..,

بومحمد : الوو .. السلام عليكم ..

نايف : عليكم السلام .. شحالكم .؟

بومحمد : ماعليك من حالنا .. اخباره عبدالعزيز .. شصاار عليه .. بشر والي يرحم والديك

نايف تنهد : مدري شقولك ياخوي .. ادعوا له .. قال لنا الدكتور خلال 52 ساعه اذا ما قام .. بيدخل في غيبوبه ..

بومحمد انصدم وبصوت عالي لا شعوريا الي خلى الكل ينتبه له : وشوووووو ..

نايف : ادعوا له .. وخبر البااقي .. الحين انا بسكر واي شي جديد يصير ان شاء الله بخبركم ..

بومحمد : الله كريم .. يلا فمان الله .. وسكر الخط .. وراح صوب ابوه والريايل .. وقال لهم عن اخبار عبدالعزيز .. الي خلى حالهم يتغيــر ..,

بوعبدالله "الجد" : حنا لازم نقول للحريم عن عملية عبدالعزيز .. مب عدله انخليهم على عماهم ..

بو محمد : صدقت يبه ..

بو ناصر : بس من الي بيقول لهم ...,

بو سلطان : عمي شرايك تقول لعمتي .. وهي تخبرهم ..

بو عبدالله تنهد : شورك وهداية الله ..,



شوق كانت قاعده عند داانه .. وشوي تسوولف معها .. وشوي تدرسها .. وشووي تسكت واتفكر ..
دانه ياها فضوول .. تبي اتعرف شلون علاقه شووق بأخووها : شوووق
شووق وكانت سرحاانه : همممم

دانه : شلونج ويا اخووي ؟؟

شوق شافتها بنظره مب فاهمتها : شلون يعني ؟؟

دانه : انتي عارفه وانا عارفه والكل عارف .. انج كنتي تحبين سعوود ( كلمه كنتي هزت شووق ) .. وان كل اللي صاار غلط بغلط .. شووق انتي ليش وافقتي على محمد ..؟؟

شوق تذكرت الموااجع : اااااه يا داانه .. هالشي لا تسأليني اياه لاني مابقدر اجاوبج ؟؟

دانه : صج ان محمد اخووي .. بس سعود يحبج .. ليش جي سويتي فييه ؟؟ ليش عذبتيه ؟؟ انتي مافكرتي انج قاعده تطعنين سعوود باليووم اكثر عن مليوون طعنه ..؟؟ .. وان هو يتعذب كل دقيقه وثاانيه ؟؟ ليش جي سويتي فييه ؟؟

شوق ماقدرت تتحمل هي صج فكرت بمحمد واهلها بس مايا فباالها حاال سعوود .. فكرت بالكل بس مافكرت بسعوود .. وكيف بيكوون .. تمت اتصيييح صياااح .. : الله يخليج يا داانه مايفيد هالكلام الحييين

دانه : صج مايفييد .. بس كان ودي اعرف انتي ليش جي سويتي ..؟؟ .. صدمتينا كلنا بموافقتج على محمد

شووق وخلاص مب قادره تتحمل هالكلام .. دانه كانت كل كلمه اتقولها .. تعذبها .. لان كلامها كله صح .. : داانه واللي يسلمج .. ارحميييني .. انتي ليش مب راضيه ترحميني ؟؟ ليش تبين اتعذبيني اكثر من ما انا متعذبه ؟؟

دانه كانت مقهووره لان دااانه اتعرف شعوور الواحد يووم يحب كييف : متعذبه ؟؟ وضحكت ضحكه استهزاء !! .. والله محد متعذب بهالدنيا الا سعوود .. الله يسامحج بس .. وراحت عنهااا .. خلتها تحت تأثير الصدمه .. دانه ماتدري ليش جي سوت فيها .. بس مهما يكون اللي سوته شووق بسعود مب شووي ..

وشووق من الناحيه الثانيه .. سامحني يا سعوود .. والله مب قصدي اني اعذبك .. امووت ولا اشووفك متعذب .. انت كل شي بالنسبه لي .. وماحب اشووفك جي .. بس والله مب بييدي .. لو بييدي كان ماخلييتك تمر بهالمررحلله .. ااااخ من هالدنيا .. الله يسامحكم كلكم ..

وعند مريــم ..

مريم في بيت اهلها كانت قاعده واتشووف ولدها سعوود واتفكر بعبدالعزيز .. مدري ليش خايفه .. في شي بدااخلي مب مطمني .. اوووف .. خلاص بتصله وبسأل عن اخبااره .. اتصلت وكان الجوال مغلق !! .. عجيييبه !! .. ليش قافل جواااله ؟؟ .. اوووف .. الله يستر بس .. وقعدت تلاعب ولدها لين ماشافته دااخ ورقدته .. وطلعت برع تبغى تشم هوا شووي يمكن يخف عنها الضيقه الي فيهاا .. طلعت الحوش الا تشوف اخوها شهاب واقف مع صقر .. بسرعه غيرت طريجها ودخلت دااخل .. وزادت الضيقه فيها ..


في الامـــارات ..

آمنه قاعده بغرفتها .. حالتها لله . وتدعي لخالها .. وتفكر في مريم .. وفي اهل قطر .. وبخاطرها معقوله محد يدري .. لازم يخبرونهم .. لان الحين ما ينفع لخالي الا الدعااااء .. ان شااء الله يارب يقوم بالسلامه .. ويفرح اهله وحرمته يااارب .. وبعد دقاايق .. موبايلها رن وفزت له .. وكانت ربيعتها موزه .. وردت عليها

آمنه : السلااام عليكم ..

موزه : وعليكم السلااام .. شصار على خالج .؟ ما قالوا لج شي للحين

آمنه تنهدت : للحيــن .. خايفه لايصير فيـه شي ..

موزه : ان شاء الله مابه الا العاافيه وادعي له ياا امنه .. ان شاء الله يقوم بالسلامه واحسن عن اول ..

آمنه : الله يسمع منج .. والحين بسكر بسير اصلي ركعتيـن .. وبعدها بتصل بسعود ..

موزه : خير تسوين .. ولاتنسين تطمنيني ..

آمنه : ان شاء الله .. مع السلامه ..

موزه : مع السلامه .. وسكرت الخط ..

قامت امنه من مكانها .. تبا تتوضا لجل تصلي .. الا ابوها يدخل الغرفه .. امنه سارت عنده وباسته على راسه ..

آمنه : شحالك ابوويه

بو سعود : الحمدلله .. من قبل شوي كلمت سعود ..

آمنه الي تنتظر ابوها على نار يقول لها اخبار خالها : هيه ابوويه شقال لك ..

بوسعود : ادعي له يا امنه .. هو الحين محتاج دعاائكم .. وان شااء الله يقوم بالسلامه ..

آمنه دمعت عيونها : ان شاء الله ابوويه ..


في قطـــر ..,

بوعبدالله "الجد " قال لحرمته عن عبدالعزيز .. الي ماقدرت تمسك عمرها وتمت تصييح .. وتتقطع على ظناها .. وتلومهم . شلون ماخبروهاا ..

بوعبدالله : استهدي بالله يا امنه .. ان شاء الله بيقوم بالسلامه

ام عبدالله : ان شاء الله .. بس شلون كل هذا يصير بولدي .. واحنا خبر خيير .. مب حرام عليكم .. انا امه .. شلون تبي بالي يرتااح على وليدي وهو بعيد عني .. ياا حسرتي عليك ياا ولدي ..

بوعبدالله : ادعيله يا ام عبدالله .. دعاء الام مستجااب .. الصياح ما ينفع .. ربج كريم

ام عبدالله تمسح دموعها الي حرقت جفونها : والنعم بالله ..

بوعبدالله : انا ابيج تخبرين الحريم عن عبدالعزيز ..

ام عبدالله وقلبها يعوورها على ولدها : ان شااء الله ..


وعلى المغـــرب ..

الكل كان مجتمع في البيت العود .. والجده قالت لهم خبر عبدالعزيز .. بدون مقدمات .. عطتهم كااش .. لدرجه انهم تموا خمس دقاايق سااكتين من الصدمه .. محد قادر يستووعب .. ومريم اول ما سمعت الكلام .. بعد لحظه .. الدنيا دارت براسها .. مب قادره تصدق هالكلام .. في خاطرها هو قايل لي بيسافر عنده دووره .. كل هذا فيه وانا ما لاحظت .. شلون جي شلووون ..مب حرام عليهم يخشون عني وما يقولون لي .. ليش هو مب ريلي .. ابو ولدي .. مب من حقي اعرف .. لييييش لييش كل هاي يصير فيني .. بعدها تمت تصييح .. وكل ماله صووت صياحه يووضح .. والبنات راحوا صوبها يهدونها ..

ام محمد الي صج صدمها الخبر وتمت تدعي له وتصيح تعتبر عبدالعزيز نفس ولدها الي تربى مع عيالها

ام محمد : شووق يمه .. قومي صبي ماي لمريم ..

شوق وهي حيل منهده قامت من مكانها .. وراحت المطبخ تجيب لمريم ماي تشربه .. وصبت الماي في قلاص وعطته عمتها ..

ام محمد اخذت القلاص : مريم شربي شووي

مريم ودموعها تحرق وجها .. مب قادره تتكلم او تقول شي .. وخرت القلاص من صوبها .. وبعدها قامت من مكانها .. وطلعت من البيت العود وراحت بيتها .. دخلت الصاله وقطت عمرها على الارض وتصيييح .. وتصاارخ .. : لييش يا عبدالعزيز .. ليش ... ليش ما قلت لي حراام عليك .. انت بعييد عني بهاللحظه .. تكفى لاترووح عني .. مابي الدنيا بدونك .. تكفى طلبتك ارجع لي .. وتمت تصييح .. وبعد دقاايق دخلوا عليها البناات .. دموعهم زادت اول ما شافوا حال مريم .. عهود تقدمت منها وظمتها .. وتمت تهديها

عهود ودموعها على خدها : يا مريم ادعي له .. الصيااح ما بيفيد .. ادعي له يقوم بالسلااامه

مريم تصيح وماتسمع ولاشي .. مب قادره تتخيل ان كل هاي بعبدالعزيز وهي ماتدري .. كان قلبها قابضها ويعورها .. تحس ان بيصير شي .. بس ما توقعت ان يكون ريلها حبيبها .. مريض وبيسوي عمليه وهي ماتدري ..


في الامــارات ..

امنه يالسه بالصاله مع اخوها جاسم .. الي ذبحها من الاسئله وهي باليالله ترد عليه .. كانت حيل تعبانه مالها خلق شي .. كل الي كان ودها .. ان يقولون لها ان خالها بخيــر .. وبعد شوي دخلت حرمة ابوها الصاله وحطت صينية اكل عند امنه

ام جاسم : كلي .. من الصبح ما كلتي شي

آمنه وخاطرها ضايق : مابا .. مالي نفس

ام جاسم : مب زين ما تاكلين شي .. وخالج الحين ما يبا منج الا انج تدعين له ..

آمنه غمضت عيونها : الله يقوومه بالسلامه ..


ومر يومين .. وكلن على همه ســرى .. مريم كلمت اخوها عشان تسافر المانيا عند ريلها .. ماتبي اتم ولا يوم زياده بالبلاد من دونـــه .., وحجزلها هي وولدها والخدامه .. وهو بيروح معها .. وسافروا الصبح


في المــانيــا ..

الشبااب مجتمـعين عند غرفة عبدالعزيز .. وكانوا يدخلون عليه اثنين اثنين .. او واحد .. مايصير يكثروون .. وكانوا يدعون له من خاطرهم .. وقلبهم يعورهم .. المفروض يقووم .. خايفين يدخل بغيبوبه .. بعدها الله العالم الفتره الي بيتم فيها ..

ومر الوقت وهم يالسين يدعون له .. وكل شوي احد يتصل بهم عشان يطمنونهم عن حالة عبدالعزيز .. الي كانت لاجديد .. ناصر انتبه ان في واحد ووحده جاين صوبهم .. انصدم لما شاف مريم واخوها شهاب تقرب منهم ناصر وسلم على شهاب .. وناظر مريم بنظره كلها حييره .. كان لون وجها رايح .. ومبين عليه التعب من قلــب ...

ناصر : الحمدلله على السلامه ..

شهاب : الله يسلمك .. اخبار عبدالعزيز .. شصار عليه

ناصر تنهد : لاجديد .. ادعوا له

مريم بدت تصيح : ابي اشووفه .. والي يسلمك

ناصر : ادخلي شوفيه .. بس لاتطولين لان مب زين له ..

مريم : ان شاء الله

ناصر اخذ سعود من القاري .. وأشر لمريم وين تدخــل .. واخذ شهاب معه وراحوا صوب الشبااب .. الي الكل قام وسلم عليه .. وكان صدمتهم بوجود سعود ولد عبدالعزيز ..

في غرفـة عبدالعزيز .. مريم شافت عبدالعزيز على السرير .. كنه واحد جسد بلا روح .. بلا حياه .. المكان هدوء .. الا صوت الاجهزه ودقات القلب .. وعيونها بدت تدمع وتصيــح بزود .. وبزوود .. تقدمت منه .. لما وصلت له باسته على راسه .. وبعدها مسكت يده وباسته .. وتمت تصيــح ..

مريم : عبدالعزيز والي يرحم والديك قووم .. لاتخليني انا وولدك بروحنا .. احبك .. لاتتركنا .. ودمعت عيوونها .. : والله مالي غيــرك ..

وتمت تمسح بيده وتدعي ربها ان يقوم لها بالسلامــه .. وبعد شووي حست بيد عبدالعزيز تضغط على يدها .. تمت تناظره .. وعيونها ماتوقف دمووع ..

عبدالعزيز بصوت متقطع وشبه للهمس : مـ .. مريـ .. ــم

مريم وهي تصيح : عيوون مريم .. وباست يده .. : ارتاح يا قلبي لاتعب عمرك ..

عبدالعزيز كان به الم محد يحس فيه .. من داخله .. دمعت عيونه وهو يشوف حرمته كيف واقفه عنده وتصيح .. وتترجاه يقوم لها بالسلامه . وتم ضاغط على يدها وبعدها ارخى الضغطه .. وسمعت مريم صوت الجهاز .. صرخت مب عارفه شتسووي طلعت برع الغرفه وتنادي على اخوها .. على ناصر .. بعدين الدكاتره بسرعه طلعوها ودخلوا يشوفون حالة عبدالعزيز ..

مريم بحضن اخوها تصييح .. : مابيه يروح مني .. بمووت لو صار فيه شي .. تكفىى ياشهاب لاتخليهم ياخذونه مني .. وتمت تصيييح ..

شهاب يهديها وقلبه قابضه : ادعيله يا مريم .. ان شاء الله بيرجع لج ولولدج ..

بعد نص ساعه طلعوا الدكاتره من الغرفه ويتناقشوون .. وراح صوبهم الدكتور ..

محمد : تكلم شصار بعبدالعزيز ..

الدكتـور وهو يناظرهم : الحمدلله تعدى مرحلة الخطـر .. بس الحين يحتاج للراحه ..

الكل استانس وحمد ربه ان عبدالعزيز بخـير .. وان شاء الله يرجع لهم احسن من اول ..


بشـــروا الأهـــل بالي قــاله لهم الدكتـــور .. والكــل استـانس على هالـــشي .. وتموا يدعون ربهم ويحمدونــه ويشكـــروونــه ..,

في الامــارات ..

آمنه يالسه تفكـر بخالها .. وترسم وتشخبط على لوحتها .. وتفكر اذا هو بخير او لا .. ليش محد يتصل لها يطمنها .. وقالت بخاطرها .. من اكون عشان يهتمون يقولون لي .. انا ماعرفتهم الا من فـتره .. صح اني حبيتهم ودخلوا قلبي .. بس انا ماعرف وشو الي بقلوبهم لي .. هم عندهم اهل الي يحبونهم .. وواضح انهم حيل مع بعض .. اتمنىى لو عندي اهل مثلهم .. هم اهلي .. بس بنفس الوقت مب اهلي .. ليتج يا امييه عاايشه ما متي وتركتيني وحدي .. عشت بلا ام .. محد قدر يعضوني عنج ياا امييه .. ليتج خذتيني معج .. ليتج يا امييه .. تعبت وانا أصبــر .. مسحت دمعتها الي نزلت من عيونها غصب عنها وهي تتذكـر امها .. واخذت فرشاتها .. وراحت بعالمها .. وتمت ترسم ..بعدها يالسه وزايغه ومب عارفه شتسووي .. للحين سعوود ما اتصلها .. وهي اتشووف الموبايل واتصييح .. مب قادره تتحمل .. وشووي اتشووف موبايلها يرن .. وردت ع الموبايل وتحسب ان ربيتعتها لان كل شوي تتصل وتتطمن عن حالهم ..

آمنه : السلام عليكم .. وتنهدت ..: هلا بنانا

سعود ابتسم : وعليكم السلام .. بنانا مره وحده ..

آمنه تأكدت من الرقم ومن شافت الرقم نست كل الي في بالها : الووووو .. سعووووود!! .. تحريتك ربيعتي .. المهم ماعلينا بشششر .. انشالله خييير

سعود وطاير من الفرحه : خييير يا اموون خييير .. نجحت عملييته وانشالله بيرد عبدالعزيز نفس اوول ..

سعود : الله يسمع منـج .. ومريم جت عنده ..

آمنه ومب مصدقه : احــــلــــف .. بس كيف عرفت؟؟

سعود : خبروا الاهل .. والكل عـرف .. وعاد جوليت ماتصبر عن روميو ..

آمنه ضحكت : هههههه حليلهم والله .. المهم شحالكم شمسووين

سعود : تماام التماام .. ومن صوبكم

آمنه : الحمدلله كلنا بخيــر

سعود : وماي فذر شو اخباره

آمنه : ههه منيح .. بيسافر بعد اسبوع بالكثيـر

سعود استغربت : وين بيسافر

آمنه : عنده شغـل في ايطاليا سنه وشي ..

سعود انصدم : وشووو .. سنه وشي .؟! .. وشو هالشغل .. وانتوا مابتسافرون معه .؟

آمنه تنهدت : لا .. كان يبا ياخذنا .. بس اخواني عليهم مدارس .. ودوامات ..

سعود : انتي ماعليج شي .. شرايج تنورين قطـر ..

آمنه ابتسمت : ما اعتقد ابوويه بيوافق

سعود : أنا بكلمه ..

آمنه : لا لا ترمسه .. انا ما ابا اخلي اخواني واسير عنهم ..

سعود : ليكون ما حبيتينا ولا دخلنا قلبج

آمنه ابتسمت : الا حبيتكم .. وبسرعه تدخلون القلب .. بس روحي متعلقه في بلادي

سعود : هههه وطنيه بزياده الاخت

آمنه : شو اسوي بعد .. ما اقدر اخلي ربيعتي حياتي .. ولا اخواني .. ولا حرمة ابويه

سعود : أي هيــن .. وتقدرين تتركيني .. انا صرت وحيد ماعندي احد ..

آمنه ضحكت : ههههههه وين راحوا العالم ..

سعود ضاق خلقه وتذكر شوق : اتركوني ..

آمنه : يحصلهم سعود ولد غانم عسب يتركونه

سعوود سكت وحبت امنه تغير الموضوع لان حست ان هو متضايق

آمنه :.. حبيبي والله سعوود .. فرررحتني الله يفرررحك وينوولك اللي فبااالك .. خلاص لك علي اني احققلك اي شي فبااالك ..

سعود تذكر شووق وبضيق : مافي شي فبالي .. الحمدلله ان عبدالعزيز قااملنا بالسلامه .. هاي المهم

آمنه طبعاً تعرفوونها مايطووف عليها شي : سعوود فييك شي ..؟؟

سعوود : لا سلامتج .. المهم اموون انا الحين اخلييج برووح للشباب .. بس بغييت أطمنج

آمنه ما اقتنعت .. سعود يالس يتهرب ..: اووكيك .. يلا سلملم

سعوود : بااي وسكروا الخط

وآمنه طبعاً احتفالاً لهالمناسبه الحلوه .. أكيييد بتسوي شي يريحها .. والشي اللي يريحها انها اتسووي مقاالب .. راحت الصااله وشافت حرمه أبووها يالسه اتشووف التلفزيوون ومندمجه .. راحت صووب الكهربا .. وسكرتها .. طبعاً بدون ماتشووفها أم جاسم

أم جااسم : شو استوا !! .. وسارت صووب التلفزيون اتشووف شو سالفته .. و آمنه من الصووب الثاني راحت وشلت الريمووت ودسته .. ويووم ام جااسم ردت شافت الريموت مب موجود

أم جاسم مستغربه : شوو صااير ؟!!!!! ويلست اتدوور ع الريمووت .. وطبعاً هي مستانسه اتشووف حرمه ابووها جي ضايعه بتفكييرها .. وقالت بتنهي هالشي انها اتجب عليها ماي بااااااااارد .. ويووم راحت المطبخ .. صبت لها مااي باارد .. بس خطرت لها فكره احلى ..

آمنه : اااخ لو في شي الحين بالفريزر زيين .. وفتحت الفريزر وشافت شي ريد بل

آمنه : أكييد هاي مال جاسم .. بس خل ينجلع .. وضحكت ضحكه .. وخذت الريد بل .. وسارت الصاله وشافت بعدها حرمه ابوها اتدور ع الريموت ..

آمنه : اتدورين على شو ؟؟

أم جاسم : اووف تعبت وانا ادور ع الريمووت .. مدري ويينه !! ..

آمنه : يا العميه .. ماتشووفينه كاهو قداامج ع الطااوله ..

أم جاسم : اووه .. اوكييك .. وخذت الريموت ويلست

شوي وآمنه تجي من وراها .. وتجب عليها ريد بل باااااااااارد

ام جاسم صرخت صرخه : آمنه يالحمااااااااااااااااره .. تعالي لا ايييج بالنعاال .. وآآمنه شردت وهي تضحك .. دشت الحجره .. وتذكرت ربيعتها مووزه .. من زمان ماتدري عنها واتصلت لها .. وتموا يسولفون وعقب سكرت ورقدت



اليوم الثاني بالامــــارات ..

آمنه نشت الصبــح .. واتصلت بربيعتها موزه .. وقالت لها تيي عندهـا .. وبعد حنه وافقت موزه لانها كانت تبا ترقد .. بس آمنه مب راضيه تخليها ..

نزلت امنه المطبخ .. وقالت لجوري تسوي لهم شي ياكلونه وعصير برتقال .. وظهرت لها كم من شي وقالت لها تييبه فوق بعدين .. عسب تتريق هي وربيعتها .. وهي ظاهره من المطبـخ .., شافت حرمة ابوها ..

ام جاسم : وش موعييج من الصبح ..,

آمنه : مشتاقتلج .. شفتج بالحلم وقلت لازم انزل عسب اشووفج ..,

ام جاسم : يا ظرافة دمج على صباح الله خير

آمنه وهي سايره : ادري عنج .. بعد شو الي موعييني .. جي نشيت روحي خخخخ ..

الا موبايل امنه يرن .. وترد

آمنه : هاااا وينج ..

موزه : وعليكم السلام .. يلا ظهري .. انا عند البااب ..

آمنه : اوكيك .. وسارت صوب الباب وبطلته لها .. ودخلوا ..

آمنه : موزوه سيري الغرفه .. انا بسير المطبخ اشوف البشكاره وبيي

موزه : اوكيك .. كوكلي .. وسارت فووق .. دخلت الغرفه .. وشافت الغرفه حالتها لله .. معفوووسه من قلب ..

موزه بخاطرها هااي امونه عنلاتها ماترتب غرفتها ولاتحب البشكاره ترتب غرفتها .. وقامت ترتب الاغراض .. وشالت الغطا من على الرسمه .. وانصدمت .. وفي خاطرها معقووله .؟ يعني توقعاتي طلعت صح 100% .. هههههه طلعتي مب هينه .. وبعدها دخلت امنه ويلست احذاهاا ..

موزه بدون احم ولا دستور : آموووون تحبين من ورانا

آمنه : شوو .؟ أنا .. احب امنوو

موزه تناظرها بخبث : اعتررفي ..

آمنه لمت موزه وباستها على راسها وضحكت : أحبج انتي ..,

موزه تناظرها بنص عين : أناا هااا

آمنه الي مب فاهمه السالفه : موزه بترمسين ولا اذبحج

موزه : ماشي .. بس ليش راسمه حبيب القلب ..

آمنه استغربت : حبيب القلب !!!

موزه سارت صوب الرسمه ورفعت الغطا : وهذا من يا انسه آمنه .., وانتي ماترسمين الا بالي تفكرين فيه ..

آمنه شافت الرسمه واستغربت .. وسرحت وراحت في خيالها .. معقوله انا احب ناصر هههه لا وين أحبه .. وبعد اذا حبيته هو شدراه بهوى دااري .. انا وين وهو ويــن .. بس صح ليش رسمته .. اممم يمكن كان قريب مني .. يييه شفكر فيه أناا .. عنلاتها موزوه فرت رااسي ..

موزه حست ان امنه سرحت بكلامها .. وفي خاطرها تبا تصرقعها الا تصارخ عليها : بوووووووووووووو

آمنه تصرقعت : والعثرررررره .. شو فيج خرعتيني

موزه ضحكت : ههههههههههه .. وين سرحتي ..

آمنه : ماشي .. المهم يلا خلينا ناكل ..

موزه : مابا سنيكرز هههههه ..

آمنه ابتسمت : لا مب سنيكرز .. خليت البشكاره تسوي لنا شي ناكله .. بنتفطر بالصاله ونشووف التي في ..

موزه : اووكيك .. وساروا الصاله ويلسوا على الارض وامنه شغلت التلفزيون .. وحطت قناة نجوم القصيد ..

موزه : امووون

آمنه : عنونها ..

موزه : فديت عنونها .. بس صج شرايج بالحب ..

آمنه تنهدت : حلوو .. بس الحب حلوو لاصحابه مب لاي حد ..

موزه استغربت : كيف يعني


آمنه : يعني مثلاً انا ويهي مب ويه حب .. شوفيني شزيني وشحلاتني .. مب ويه عواار راس .. لان انا اييب عواار الراس للنااس هاهاها

موزه : اووونه عااد مب ويه عواار رااس .. اتحدااج لو راسج ماعورج عن قرييب وغمزت لها

آمنه : هيييي انتي بلااااج استخفيتي ؟؟

موزه وتلعوزها : استهببببل ؟؟ والله مدري من اللي يستهبل ع الثاني ؟؟ انا والا انتي !! .. انتي ليش مب راضيه تعترفين ؟؟

آمنه فهمت قصدها : لان مافي شي اقووله .. وغيري الموضوع .. ويلسوا يسولفوون ومووزه كل شوي اتقط نغزااات على آمنه .. وامنه تعصب .. لين ما حسوون اتصل على مووزه وقالها ان بيمرها .. وشووي ورااحت


في قطـــ،،ـــر

عهود كانت قاعده بالحجره وتلعب بجوالها .. تذكرت نااصر .. وراحت من بين الارقاام .. وشافت رقمه .. مكتووب عليه ( حلم حياتي ) .. اتصل ؟؟ .. لالا .. اخاااف .. يعني هو فاتح جوااله هنااك ؟؟ .. والا عنده رقم ثاني !! .. اوووف .. يمكن غالق جوااله .. من بين هالافكار اتصلت له .. ورن التلفون وعلى طوول رد عليه نااصر .. ماعطاها فرصه : ألووووووو

عهود ساكته خايفه تتكلم ..

ناصر : ألووووو .. ويكلم الشباب .. هاي من قطر .. الظااهر مب قاعدين يسمعوون .. والا السيرفز عندهم تعبااان ..

عهوود ماطلع بييدها الا انها اتسكر الخط .. وكانت مرتبكه .. وبهاللحظه دشت عليها شووق بأحزاانها .. : شتسوووييين ؟؟

عهوود : هاا .. لا ولا شي .. شووي واتشووف اتصاال من ( حلم حياتي ) .. وتمت اتشووف الجواال وماتبي اترد ..

شووق : بسم الله وش فيج ؟؟ .. ردي !!

عهود : لا هاي وااحد مغلط .. كم مره يتصل .. ومايفهم الاخ

شووق : أهاا .. وسكتت عنها

عهود وحست ان شووق فيها شي : وش فيج شووق ؟؟

شووق : لا مافيني شي ..

عهوود : الا فييج .. قوولي ..

شووق : ولا شي .. الا اخبااره محمد ؟؟ من زمان مدري عنه !!

عهوود : اهاااااا يعني انتي زعلاانه لانج مشتاقتله وتغمز لهاا ..

شووق ابتسمت لها .. وتموا يسولفون .. وشوي دخلت عليهم داانه وكملت عليهم السوالف


في الإمارات

منصور كان يالس فالحجره ومتملل .. ماله بارض يظهر .. ولا له خاطر ييلس فالبيت .. مب عارف شو يسوي بحياااته .. دخلت عليه امه : منصووور

منصوور : هلا امييه

أم منصوور : حبيبي تعال تغدى

منصوور : لا امييه مالي خاطر ..

ام منصوور : حرام عليك لا تعذبني .. انت من البارحه مب مااكل شي .. ليش جي اتسوي بعمرك واتسوي فيني

منصوور : امييه قتلج مالي خاااااطر .. وشبعااان .. ويوم بيوع بيي عندج وبقوولج يووعاان

ام منصوور بضيييق : خلاص براحتك .. يت بتظهر : امييييه

ام منصوور : هلا

منصوور : ابا اعرس

ام منصوور شافته : بلاك استخفييت ؟؟

منصور : ليش يوم ولدج يقولج بعرس يعني استخف ؟؟

ام منصوور : انت بعدك بزر .. وبعدين للحين مب مكمل دراستك .. ولا مشتغل .. كيف تبا اتعرس ؟؟

منصوور : مابا البنت تطيير من يدي ..

ام منصوور : ومن هااي ؟؟!!

منصور : وحده .. وانشالله لو وافقتي اني اعرس راح اقوولج من هااي

ام منصوور : اعرفها ؟؟ والا ليكوون من هالبناات الصايعاات اللي تتعرفوون عليهم ؟؟

منصوور : لا تعرفينها واتعرفينها عدل

ام منصوور : المهم انت بعدك صغيير .. اشتغل او كمل دراستك عقب فكر بالزواج .. ظهرت وماعطته فرصه ان يتكلم

منصور في خاطره .. اخ يا امنه بس لو تحسين فيني .. او تبادليني الشعــور .. والله برتاح .. بس كيف بوصلج .. او بالاحرى بوصل لقلبــج .. كبرتي عن قبل .. بالاول قمر وحلووه .. والحين اخ تذبحيــن .. يالله ان شاء الله تكـون من نصيبي .. ان شاء الله قريب بخبرها عن الي بخاطري .. ولا بمووت اذا كبت زيااده ..

في قطــر .,

البنات كانوا كلهم مجتمعين في البيت العود .. ويسولفون ويخططون لعرس شوق .. وشوق شويه معهم تخطط وشوي بالها يروح بعيد وتسرح في سعود ., والبنات كل شووي يقطون عليها نغزه لما تحس فيهم وترد معهم .. الا دانه مب عاجبها الوضع وبخاطرها لو تقدر تسووي شي .. كان ماسكتت ..

دانه : عطشآآآنـــه ..

عهود : التعني المطبخ واشربي مااي

في هاللحظه دخلت الجده .. : عهوود .. وشو هالكلام .. وانا اقول عهود الكبيره العاقله جي تتكلمين

عهود انحرجت وضحكت : هههههه عادي الا بيني وبين اختي

الجده : بس مب جي يتكلموون

دخل طلال عليهم عرض : جي ولا فتك هاهاها

دانه : اخ الظريف وصل يلا انا بروح اجيب لي مااي وراحت .. اما طلال راح صوب جدته وحبها على راسها وقعد عندهم

شوق : طلال وينك ماتبين هالايام

طلال يتنهد ويمثل : ااااه شقولكم بس .. مشاغل الدنيا والظرووف .. ولا كان ودي اجابلكم

عهود : خف علينااا قال مشاغل الدنيا .. الا صياعة وهياتة الدنيا ههههه

طلال : هيهيهي .. يناظر جدته : الا يمه شخباارج

الجده : الحمدلله بخيير .. انتظر عيالي يرجعون لي عشان يرتاح قلبي

طلال يقرب عندها : ماعليج منهم يا يمه .. انا اسواهم .. ولا كلامي غلط

الجده ضحكت عليه : صح كلامك ..

طلال يبوس راسها : فديتها اناا ..

عهود : ماتقول شفيك اليوم لزقه بجدتي .. يلا اذلف

طلال : شتبين انتي ..

دانه دخلت الصاله بعد مارجعت من المطبخ : طلووووول .. ياقلبي شرايك تدورنا ..

طلال : افاا عليج ما طلبتي شي .. عندكم عشر دقاايق ما تجهزتوا بروح عنكم ..

البنات : احللللف

طلال : مابتصدقون كيفكم .. يلا بسرعه ولا بحرك

البنات فزوا من مكانهم .. وراحوا يجيبون عبيهم .. ولبسوا وطلعوا ..

عهود : يمه وينه طلال

الجده ضحكت : اتصل له خويه وقال بيروح له ..

البنات بطلوا عيونهم على الاخر .. دانه : اياااا النذل ..

شوق ضحكت : هههههههههه وربي انه ثوور .. بس حسابه بعدين

وبعدها البنات فصخوا عبيهم .. يلسوا يسولفون مع جدتهم ..


وانتظروا الجزء الخامس عشـر

[راضـ نمله ـخ]

يعطيكم العافيه ع المتابعه الطيبه و اسمحولنى ع التأخير

[العنيـــده]

مسموح ياللي تعذرت

و مسموح لو ماتعذرت



قمت اتنزل دبل

[MissRose]

مسموح بس

يلا كمل الباقي بسررررررعه

ترى انا اعصابي اختربت


ابي اعرف ايش بيصير في الاخر

[.قطري مزيون.]

يالله الشيخ كمل كمل ننتظر باقي القصه لاتأخر علينا

[راضـ نمله ـخ]

الجزء الخامس عشر

في المـانيـا ..

كانوا الشباب عند عبدالعزيز الي صحته تحسنت .. وقريب بيطلع من المستشفى .. وقريب الليل استأذنوا الشباب .. وراحوا يريحون .. وغير هالشي .. لان مريم بتيي تيلس عنده قبل لا يخلص موعد الزياره .. وتركت سعود عند الخدامه بالفندق ..

عبدالعزيز كان منسدح على السرير .. وعايش بهمه ويفكــر بحاله .. دخلت مريم وراحت صووبه .. وقعدت على السرير احذاه .. عبدالعزيز لف راسه وشاف مريم وابتسم لها .. مسك يدها وباسها ..

عبدالعزيز : شحالج حيااتي ..

مريم ابتسمت له : دام اني معك بخيير .. وانت اخبارك الحين ..

عبدالعزيز عدل قعدته ورفع عمره .: بخير يا قلبي .. وحط راسه على كتفها .. : اشتقتلج

مريم تمسح على راسه ودمعت عيونها : وانا اكثر والله .. ليش ماقلت لي عن الي فيك .؟

عبدالعزيز : مابي اعور راسكم ويااي .. وهذا انا سويت العمليه وصرت بخير وبرجع لج انتي وسعوودي ..,

مريم ابتسمت له : ولو المفروض كنت تقولي .. اذا انا ماوقفت معك وشاركتك الي انت فيه من الي بيوقف معك وبيحس فيك كثري .؟

عبدالعزيز ضمها لصدره : حيااتي انتي .. ادري محد بيحس فيني كثـرج ..

مريم : أوعدني مره ثانيه ماتخش عني شي ..,

عبدالعزيز باس راسها : أوعدج يا عسل .. الا سعود وينه .؟!

مريم ارتبكت بس ماتقدر تقوله الا الصج : بالفندق مع الخدامه

عبدالعزيز انصدم : وشووووو

مريم نزلت راسها : ماقدر اجيبه بيلعوزني وبيتم يصيح خليت الخدامه عنده

عبدالعزيز : كم مره اقولج ماتتركينه مع الخدامه ؟

مريم ساكته ماعرفت شتقول له

عبدالعزيز : كان جبتيه معج

مريم تحسفت ليه انها ماجبته معها : مدري

عبدالعزيز حس ان مريم زعلت وتندم ليش كلمها بهالطريقه .. صج ان مايحب ولده يتم عند الخدامه وبحالهم بعد .. بس ما يقدر يلوم مريم زياده لان صج وين تجيبه معها المستشفى ..,

عبدالعزيز : مريووومه

مريم منزله راسها : عيونها

عبدالعزيز يناظرها : زعلتي ؟!

مريم ناظرته وابتسمت .. وهزت راسها بمعنى لا

عبدالعزيز بخبث : عطيني بوسه عشان اتأكد انج راضيه

مريم ناظرته وابتسمت .. وتقرب منها عبدالعزيز وباسها ..

وبعد ما خلصت موعد الزياره وصل شهاب واخذ مريم وراحوا الفندق ..,’


اليوم الي بعده بالامـــارات

زايد رجع من البحــرين وسوريـا .. وطنش الدوام اسبوع وشي زياده مع ربعه .. الي كانوا محتشريين مايبون يرجعون .. وقالوا بيحثلونها وحثلوها .. زايد يالس بالبيت مع امه ..

زايد : امييه .. بوعوف متى بيرجع ..

ام زايد : مدري يا امييه .. اليوم رمسته وقال بياخذ اجازه وبيي

زايد : الله يووفقه ..

ام زايد تنهدت : ويوفقك واشوفك معرس .. واشوف عيالك يلعبوون عندي .. ويكسرون ويتشيطنون .. ويردون الروح للبيت ..

زايد : افا ونحن وين سرنا يا امييه ..

ام زايد : بمكانكم بعد وين سرتوا .. بس اليهال غير

زايد : امييه كنت مفكر اتزوج .. بس دام بتحبين عيالي اكثر مني هونت ..

ام زايد ابتسمت لولدها : انتي ظنااي وبجري .. وغالي على قلبي .. بس ريحني وتزوج

زايد : اممم عندج لي عروسه حلووه .. تناسبني ..

ام زايد تبتسم : موجوده العروسه من زمان .. بس انت ارمس وقول انك تبا تتزوج بسير اخطبها لك

زايد : من هذي سعيدة الحظ الي بتكون من نصيبي ..,

ام زايد : موزه بنت عمتك في غيرهاا ..

زايد بطل عيونه : موووووزوه ..

ام زايد تناظره : هيه موزه .. شو فيها شيخة البنات ..

زايد : لا ماشي.., وتم يفكر في موزه .. قبل شكثر كان يحبها ويستانس عليهاا .. وحتى ان مايرضى عليها .. بس مع السنين كبر زايد ولهى بشغله وربعه .. وراحت من باله ..

ام زايد : شقلت يا زايد .. نتوكل على الله

زايد : شورج وهداية الله يا امييه ..

ام زايد ابتسمت : الله يعطيني العمر عسب اشوف عيالك يااارب .. وربي يووفقك ياوليدي ويسعدك دنيا واخره ..

زايد نش من مكانه وباس راسه امه .. : تسلمين ياا اغلى ام بالدنيا .. وسار عنها


عند موزه .. كانت موزه يالسه بالصاله مع حسن اخوها .. الي كل شوي يقولها شرايج بهالقصيده وبهالقصيده .. نصهم مقتبسهم من مجلات جرايد ويشلخ عليها ان هو مألفه وهي مصدقه ههههه .. بعد شوي رن موبايل حسن وكان ربيعه وكلمه وظهر عن موزه ..

موزه بملل : اوووووف .. بهاللحظه دخلت عليها امها ..

ام سعيد : شفيج تتأففين من صباح الله خير ..

موزه : زهقت .. امييه شو رايج ادرس جامعه ..

ام سعيد : شو هالرمسه هاا .؟ من متى عندنا بنات يدرسن بالجامعه .؟ البنت مالها الا بيت ريلها وعيالها

موزه : ايي وينه هذا سعيد الحظ يعني بتم انتظره لمتى ان شااء الله

ام سعيد عصبت : صج بنات هالزمن ما يستحن .. شو هالرمسه .. انتي شكلج ينيتي ويلستي ..

موزه تنهدت : ااه يا امييه .. خليها على الله .. وسارت صوب امها وحطت راسها على حظنها ..

وبعد شووي رن تلفوون البيت وسارت موزه ترد ع التلفون وبخاطرها يااااارب تكوون امووون ..

وردت .. : السلام عليكم

ام زايد : وعليكم السلام .. شحالج مويز

موزه : طيبه الحمدلله ربي يسلمج وانتي شحالج

ام زايد : بخير مانشكي باس .. الا وينها امج ..

موزه : دقيقه .. الحين بزقرها لج .. موزه ترمس امها : امييه .. مرت خالي تبااج ..

اخذت ام سعيد التلفون .. ترمس ام زايد .. وموزه سارت المطبخ تسوي لها اندوومي .. وبعد ما خلصت وظهرت .. شافت امها تناظرها ومبتسمه ..

موزه تناظر امها مستغربه : خير امايه .. شو فيـج ..

ام سعيد ابتسمت لها : ما شاء الله كبرتي وبتصيرين عروسه ان شاء الله

موزه مب مستوعبه الكلام : شووو .؟

ام سعيد خبرت موزه الي قالت عنها ام زايد ان تباها لولدها .. وموزه طبعا فولت ع الاخر .. هي صج تتمنى تتزوج وتصير ام وتعيش مثل باقي البنات بس مب الحين .. تحس انها توها صغيره .. وزايد بحسبة اخوها ..

موزه : امايه مابا اتزوج ..

ام سعيد : هوو طلبت رايج انا .. والبنيه بهالسوالف مالها شور .. شور الكباار .. وولد خالج ما ينعاب ورجال .. وانتي اذا ماخذتيه امنوو بتاخذين .. ماعندنا بنات ياخذوون بعيد عن الاهل

موزه حرجت ونشت : شوو امييه ؟ هذا زواج مب لعبه .. ومب على كيفكم تغصبووووني .. وسارت فوق غرفتها وتصيح ..

وخذلت موبايلها واتصلت بآمنه .. آمنه بعد مووت ردت عليهاا .. وبخاطرها عنلاتها اكيد تبا تسمع الرنه .. وبعد شووي ردت

آمنه : السلااااام علييكم .. حيالله حبيبتي وعمري ودنيتي وكلي

موزه ضحكت من ورى خاطرها : هههههه وعليكم السلام الله يحييج

آمنه : شوو فيج ياااقلبي .؟!!

موزه تمت تصيح غصب عنها

آمنه استغربت : موزه شفيج .؟ شو بلاااج .. من مضاايقج

موزه بضيق ودموعها تحرق عيونها : يبون يتحكموون بحيااتي .. يبون يزوجوني وانا ماااباا مابا

آمنه استغربت وبنفس الوقت منصدمه : شوو .. يزوجونج امنوو .؟

موزه تندهت : ولد خالي .. زاايد

آمنه : بس هذا زواج مب لعبه .. تفاهمي معهم وخليهم ياخذون قرارج ..

موزه ضحكت بسخريه : ههه قراري .. انا اصلن بهالدنيا مب بقراري ههههههه ولدوني وانا مب راضيه ههه ماخذوا شوري عسب الحين باخذون شوري خخخخ

آمنه ضحكت : ياا قلبي عليج .. انزين يمكن مع الايام تحبينه .. وهو طيب ماعليج ياا موزه الي الله كاتبه بيصير

موزه شوي ارتاحت بعد ما شكت لربيعة عمرها : والنعم بالله ..

وبعد سوالف سكروا من بعض


في المــانيـــا

بعض من الشباب قرروا يرجعون البيت يغيروون ثيابهم ويسبحوون ويرجعوون المستشفى لعبدالعزيز ..
محمد كااان يسبح وسعوود يالس يفرفر بالقنوات لين ما محمد يخلص .. فجأه والا جوال محمد يرن ..

سعوود وهو رايح صووب الحمام عشان يقول لمحمد : محمـــــد جوااالك يــرن

محمد : رد رد ع الجوال .. تلقى هاي عبدالعزيز قايلهم يتصلوون عشان نرجعله

سعود ما انتبه ع الرقم ورد ع الجوال : اقوووووول عن العيله راح نجي بعد شووي

اللي ع الخط سكت و انربط الساانه ..

سعود : الحمدلله والشكر .. شفييك يالاخووو

..... : ألوووووو

سعود سكت ماعرف شو يقول : نــ .. عـم

شووق : لو سمحت سعوود وين محمد ؟؟ >> ماتعطل عمرها

سعوود : هه شدعوه لا سلام ولا كلام ؟؟

شووق : السلام عليكم .. اخباارك ؟؟ .. يلا عطني محمد

سعوود استغرب شالمعاامله الغريبه : محمد يالس يسبح .. يلا بااي وسكر الخط
ليش يعني .؟؟ .. ليش جي سووت وليش هالطرييقه ..؟؟ .. هالكثر اهوون عليها ؟؟ .. الله يسامحج بس .. كل يوم عن يووم قاعده تصدميني بتصرفاااتج ..

بهاللحظه محمد طلع من الحمام : هاا من المتصل ؟؟ اكييد الشباب ..

سعووود ارتبك : هاا .. لا ياي برد جان يسكر الخط .. ماعرفت من ..

( تجررحني مره .. ومره باسم الميانه .. واقوول باجر خيير .. وارتااح بعدييين بعديين .. وانت مثل ما انته .. هذا انت واناا ) بعد ماخلص محمد راحوا المستشفى

وشووق اول ماسكر الخط .. تمت اتصييح .. انا مب قصدي جي اعااملك يا سعوود .. بس ابييك اتعرف ان خلاص اللي بيني وبينك لازم ينتهي .. والمفرووض يكوون انتهى .. بس والله مب قادره انساااك .. كل يوم انا اتعذب .. تكفه لا تزعل مني .. لا تحط بخااطرك علي .. ودي اقوولك هالكلام .. بس ماااقدر والله ماااقدر ..


وعند عبدالعزيز .. الشباب كلهم يالسين عنده ..

سلطان : انا باجر معود قطر .. اجازتي خلصت ..

عبدالعزيز : الله يحفظك .. أي حزه سفرتك .؟

سلطان : الساعه 7 الصبح .. الا انت متى بترد .. ولا عجبتك المانيا .. لا وبعد الحباايب عنده .. ويغمز له

الكل ضحك على كلام سلطان .. عبدالعزيز : ههههه صدقت بهذي .. بس ان شاء الله بعد اسبوعين بظهر من المستشفى .. وبعدها برجع

ناصر : خلاص عيل انا وسعود بنتم معك .. والباقي توكلوا

راشد : هههه طرده يا اخ نااصر ..

ناصر ضحك : لا بس عليكم دوامات .. واحنا نوفي ونكفي .. صح يا بوسعود ولا

عبدالعزيز : هههههه الله يعطيكم العافيه .. ادري ماتقدرون على فرااقي .. بس يلا نتلاقى بقطر ان شاء الله

وبعد سوالف اتفقوا ان يرجعون الشبااب بعد اسبووع .. اما سلطان ومحمد بيرجعون باجر عشان الدوام .. ومحمد مايقدر يكثر من اجازاته لان وراه عرس ..وبيحتاج اجازات .. وسعود وناصر ومبارك بيتمون منها مالهم خلق يرجعون وخصوصا عبدالعزيز مب محتاجهم لان حرمته عنده خخخخخ

في قطــر ..

البنات يالسين في بيت بومحمد .. ويرتبون غرفة محمد لان باجر بيرجع من السفر .. وشوق يالسه على الكرسي وتناظر عهود .. اما دانه كل شوي تمر عليهم تقط كلام وتطلع عشاان تدرس

عهود : يلا قوومي رتبي .. انا تعبت .. حشىى مزبله مب غرفه

شوق تضحك : ههههههه حد قالج رتبي الغرفه .. يمكن هو يحب الوصااخه

عهود تناظرها بنص عين : هين اذا ما وصلت له الكلاام

شوق : خرعتيني .. الا جوالها يرن .. وتشوف ان محمد متصل لهاا .. وتناظر عهود ..

عهود فهمتها وضحكت .. وقالت لها : يلا ذلفي برع وكلميه .. ولا عاجبتج الرنه .. شوق ضحكت وطلعت برع وردت عليه

شوق ..: : الوووو

محمد ابتسم : عااش من سمع هالصووت

شوق : عاشت ايامك .. اخبااارك ؟

محمد : طييب وانتي ؟

شووق : تمااام

محمد يتمصخر : اشووفج بسرعه رديتي شطاري عليج؟؟

شووق : حسييت انك بتتصل

محمد يكمل عليها : صج ؟؟ يعني كنتي تنتظريني ؟؟

شووق : تقدر اتقوول جي

محمد عاش الكذبه : حبيبتي انتي .. شووااقي

شووق : هلااا

محمد : بتستقبليني باجر ؟؟

شووق : وين استقبلك ؟؟

محمد : فالمطااار

شووق : صججججج ؟؟ يعني بتييي ؟؟ << بالفيت ماتدري

محمد : ايي

شووق : عيل انا بكون باستقبالك وتموا يسولفون لين ماسكروا ..


ومر الاسبوع وكلن على همه سرى .. والشبااب رجعوا قطر .. وتحدد موعد خطبة موزه .. واليوم هو الموعد والكل مرتبش ويتجهــز .. وفاطمه اخت موزه جت من السعوديه عسب خطوبة اختها .. والكل كان يتجهز .. وامنه اول وحده خلصت .. وبعدها سارت عند موزه تهديها الي كل شووي تموت من الصياح وفيها ضيقه مب طبيعيه .. ما تبا هالزواج .. بس الكل غصبها .. لان مب من حقها ترفض .. وهذا نصيبها

...

آمنه قالت لهم بتسير البيت .. تجيب كم غرض لموزه ناسيته .. واتصلت لجاسم وكان صوته معتفس وحالته لله .. وقالها عشر دقاايق وبيمر لهاا .. وبعد ما وصل طلعت له ..

بالسيااره جاسم طول الوقت سااكت .. وامنه حست ان جاسم فيه شي

آمنه : جسووووم

جآسم بضييق : امري

آمنه تناظره : شفيك متضاايق

جآسم : مااشي

آمنه : هالكلام قوله لغيري مب لي .. قولي بلاك .. ليش متضاايق

جآسم تنهد .. وسكت

آمنه : بترمس ولا كيف .. ترى مب زين تكبت بقلبك .. قولي الي فيك يمكن ترتاح .. او اقدر اساعدك

جآسم بضيق : آمنه أنا احب موزه .. وسكت

آمنه انصدمت من كلامه : انزين

جآسم : وشو انزين .. انا احبها ليش مانطرتني .. ليش خذت هذا الي اسمه زايد

آمنه حزنت على اخوها : بس هي اكبر منك

جاسم بقهر وعصبيه : والعنه .. خير يا طير اكبر مني .. الا بسنه يا ما ناس وناس تزوجوا الي اكبر منهم بسنين .. شصار يعني

آمنه تنهدت : يا جاسم ما يفيد هالكلام .. ليش توك تقول لي .. الحين ما ينفع

جاسم حس بقهر وسكت ..

آمنه تناظر اخوها : جاسم تكفى لاتزعل .. مايهون علي اشووفك جي زعلان والسبه ربيعتي .. ان شاء الله ربي بيعوضك الي تسعدك وتريحك .. وكل شي مقدر ومكتووب .. لاتعترض على قسمة الله

جآسم تنهد : والنعم بالله

وبعد شوي وصلوا البيت .. واخذت امنه الاغراض ورجعها جاسم بيت موزه .. وتجهزوا وكل شي .. وبعد صلاة العشا بدا المكان ينترس بالمعازيم .. وكان كل شي مرتب وجاهــز .. وعلى الساعه 10 دخلت موزه وكانت العيون كلها عليها .. كانت طالعه جناااان وقمر .. فوق ماهي عليه من جمال طبيعي ورقه وحلاه .. ويلست بكل هدوء في مكانها وقلبها معورها .. ليش هي مب مثل بقية بنات النااس تقرر حياتها ومصيرها .. ليش الناس تتحكم بحياتها .. وبعد ساعه وصل زايد .. ومادخل عند الحريم .. وقال لهم يظهرون موزه .. ويوم درت موزه بهالشي في خاطرها وربي متخلف .. عقده من بدايتها .. الله يعيني على هالحيااه اونه مايبا يدخل عند الحريم .. من زين ويهه عاااد .. بعدها دخلت الميلس .. وظهروا الاهل كلهم وخلوهم بروحهم ..

موزه رفعت راسها وانصدمت من زمان ما شافته عن قرب .. وبعد مالاحظت ان زايد لاحظ انها تشوفه نزلت عيونها ..

زايد مزيوون حيـل والكل يشهد بهالشي .. بس موزه ماكنت تحبه ولا تباه تحسه معقد ومتخلف .. هذي نظريتها لكل شبااب اهلها الا اخوها حسن الي تموت فيه كان حيل متفهم وكل شي يوافقها ويكون بصفها ويفزعلها دووم ..

" زايد طويل وبشرته برونزيه .. وشعره ناعم وطويل .. وعيونه كبار ومرسومه ولونها بني .. وجسمه نحيف بس مب واايد .. وهو عصبي بنفس الوقت طيب .. وصعب أي حد يفهمه .."

زايد : شحالج مويز

موزه بخاطرها مويز بعينك : طيبه

زايد : دووم يارب .. انا بعد الحمدلله طيب وبخير الله يسلمج

موزه ناظرته وشافته يناظرها بنظرات ماعرفت تفسيرها . انحرجت ونزلت عيونها

زايد تم يتأمل موزه كيف حلوه .. وبخاطره ما شاء الله عليها ملاك .. عذااب هالبنت .. بس مدري شكلها ضايق خلقها ..

زايد : يا قمـر

موزه : انا موزه مب قمر

زايد يبا يرفع ضغطها : ومن قالج اني ارمسج.؟

موزه عصبت وسكتت وبخاطرها متخلف ما الوومك ..

زايد زهق من اسلوب موزه ومب راضيه تتكلم معه او تناقشه او انها تفتح موضوع وقال هو بيفتح موضوع معها : اممم موزه

موزه ناظرته بدون ماتتكلم

زايد : امم متى تبين العرس

موزه بخاطرها قصدك متى ابا موتي ..: مدري كيفك

زايد : متأكده انه بكيفي

موزه بخاطرها عله ان شااء الله ياهل جدامه يرمسني جي ..

زايد : شفيج ساكته

موزه : ماشي

زايد يبا يرفع اعصاابها يمكن ترمس او تقول شي : اوكي بعد اسبوع عرسنا

موزه انصدمت وناظرته : شوووو

زايد يناظرها بنص عين : انتي قلتي بكيفي

موزه ناظرته وتمت شوي تتأمل بشكله كيف انه حلو وجناان وبعدين تعوذت من ابليس بخاطرها .. شفايده الحلا والتخلف والعقده بعقله اوووف الله يعيني على هالحيااه

زايد : ماله داعي تسرحين فيني .. ادري اني مزيوون ومعذب خلق الله

موزه انقهرت : يا وااثق

زايد رفع راسه : يحق لي والله دام كل هالحلا فيني ..

موزه طنشته وماردت عليه .. بعد شوي رمست: مابا العرس بعد اسبووع

زايد : مب بكيفج

موزه عصبت : لا بكيفي هذا عرسي .. وانا الي اقرر

زايد : وانا المعرس ولا نسيتي

موزه بخاطرها شلون اقدر انسى يوم موتي : لا مانسيت .. ولا بعد بهالشي مالي شوور ..

زايد استغرب : ليش في شي صار بدون شورج

موزه ثمنت كلامها : لا مااشي .. ونشت تبا تظهر : يلا انا تعبانه بسير ارقد

زايد : أي هين ترقدين هالحزه .. وقام من مكانه ومسكها ويلسها على الكرسي ..

زايد : الصراحه هذي احلىى ليله مرت علي وعليج اكيـد .. شكلنا بنبتدي حيااه سعيده من قلب .. << يقول الكلام بطنازه ..

بعدين باسها على رااسها .. : وهذي البوسه عسب ماتنسين هاليوم الحلو طول عمرج يا عسل ..

موزه استغربت منه وتمت اتناظره

زايد : يالله تصبحين على خير سيري رقدي لا يطووفج الحلم بس .. وطلع برع وهو معصب ..

موزه بعدها سدحت عمرها على الكرسي .. وبخاطرها اووووف شسويت انا .. يلا انزين اونه احلى ليله مسوي فيها ظريف الاخ .. بس ماعليه يا انا يا انت .. اونه مايبا يدخل عند الحريم .. متخللللللف .. وغمضت عيوونها ونزلت من عيونها دمعة قهــر على الحياه الي بتعيشها مع انسان كل شي منقود وعيب وحرام ومايجوز .. بيرجعني ايام الجاهليه هذااا

الا تحس بأحد يمسح على خدها .. فتحت عيونها شافته زاايد .. قامت وعدلت يلستها .. واستغربت بوجوده

زايد ابتسم لها وبعبط : هالكثـر فراقي يعذب .. قلت لج وماتصدقين ..

موزه ابتسمت وانحرجت : شو تسوي .. ليش رجعت

زايد : نسيت مفتااحي .. وطالعها بنص عين .. : ماعندج غرفه راقده اهنا

موزه : كيفي ارقد المكان الي يعجبني شو يخصك انت

زايد : قومي ضربيني بعد ..

موزه سكتت عنه .. وزايد اخذ المفتاح وظهر .. وبعد شوي يت آمنه عندها .. وتمت تسولف معها .. وتقولها شصار بينهم .. وآمنه تضحك عليها .. وتمت تنصحها وتفهمها .. واسلوبها ما بينفع لان يعرفون طباايع زايد يعني عندهم فكــره .. ان هالاسلوب ما يمشي عنده .. وبعد شوي يت اختها وامها والبنــات لين ما تأخر الوقت الكل ساار .. وامنه سارت البيت ..

في ألماانيا

سعود ماكان يبي يخلي آمنه بروحها فالامارات من غيير ابووه .. وخصوصاً مع حرمه ابووه .. وخصوصاً ان المده طويله .. صج ان آمنه رافضه انها ترووح .. بس مردها بتمل وبتقوول برووح قطر .. عشان جي .. سعوود اتصل على ابووه
بو سعوود : الووو

سعوود : هلا يبه ..

بوسعوود : اهليين .. شخبارك يا ولدي ؟؟

سعوود : بخيير .. وانت اخباارك ؟؟

بوسعوود : يسرك ولا يضرك .. اخبار خالك ؟؟

سعوود : الحمدلله كل شوي قاعد يتحسن

بوسعد : الحمدلله

سعوود : يبه

بوسعوود : آآآمر

سعوود : طلبتك يا يبه طلبه ولا تردني

بوسعوود : عطيتك يا ولدي

سعوود : بما انك راح اترووح ايطاليا سنه .. وبتخلي اخوااني وحرمتك .. ليش ماتجييب اختي قطر .. انا مابي اخلييها برووحها من غيييرك .. ومهما يكوون .. ومهما يصير .. انا اخووها .. ليش تحرمني منها زيااده .. فوق اني انحرمت منها هالسنين .. راح تحرمني منها بوقت انت مابتكون موجود فييه .. مايصير هالمره هي من غير لا ام ولا ابوو

بوسعوود : بس يا ولدي .. يمكن هي ماتبا

سعوود : الاا تبي .. انت كلمها وشووف وش اتقوول ..

بوسعوود : خلاص تم .. افا عليك انت بس ..

سعود وطاير من الفرحه : مشكووور ماتقصر ..

بوسعوود : العفوو .. وتموا يسولفوون لين ماسكروا الخط

وبعدها بوسعود سار لآمنه .. ودق باب حجرتها ..

آمنه وفتحت الباب : هلا ابوويه

بوسعوود : امنه حبيبتي ابااج فموضوع

آمنه : آآمر

بوسعود : بتخليني ارمس وانا عند الباب ؟؟

آمنه ضحكت : ليش مب عايبنك المكان ؟

بوسعود : آآمنه يووزي

آمنه : خلاص خلاص يلا تفضل

بوسعوود ابتسم لبنته ودخل الحجره وسكر الباب : آمنه يا بنتي بغييت اقولج شي

آمنه : شو ؟؟

بوسعوود : اخووج سعوود اتصلي وقالي ان يباج اتسيرين قطر بالوقت اللي انا بسافر فييه

آمنه فخاطرها سويتها يا سعوود : انزيين ؟؟

بوسعوود : وهو رمسني واقنعني برمسته .. والحين انتي قوليلي تبين اتسيرين والا لا ؟؟

آمنه : ابوويه .. انا ماعرف شقوول .. هو الصراحه انا خاطري اسير .. بس اخااف عقب اتييني حاله اني ابا ارجع الامارات .. يعني اخاف ما اتأقلم هنااك ..

بوسعود ابتسم : شوفي بقوولج .. انتي سيري .. ولو حسيتي انج تبين تردين الامارات .. بخلي سعوود يردج .. شرايج ؟؟

آمنه نشت وباست راس ابووها : خلاص اوكييك ..

بوسعوود : الله يرضى عليج دنيا وآخره .. وظهر من الحجره وامنه قامت تبدل لبسها


اما موزه كانت بغرفتها تفكــر بالي صاار اليوم وماتدري الي سوته صح ولا غلط .. بس شتسوي بتعيش حياه هي ماتباها .. وتمت تصيح وراسها بمخدتها .. الا تسمع موبايلها يرن .. واخذت الموبايل وردت ..

موزه : السلام عليكم

.. : وعليكم السلام .. شحالج

موزه : امنوو؟

..: المـزيون ..

موزه في خاطرها وانا فااضيه عوار راس زود عن الي انا فيه .. : اووف مزيون بعينك .. وسكرت الخط بويهه

وبعد اقل من دقيقه رن الموبايل مره ثانيه .. وموزة تسكر الخط بويهه .. لين اخر شي طرش رساله وقال انا زايد لاتسكرين الخط

واتصل وهي تناظر الموبايل .. وفي خاطرها شوو يبا هذا ومن وين له رقمي ..

موزه : الووو

زايد : وعليكم السلام .. بلاج انتي .؟

موزه ومالها خلق : ماشي ..

زايد : انج ترمسيني بدوون نفس هالاسلوب مب علي انا .. وانتي شكلج مغصووبه علي صح ولا لا

موزه بخاطرها هيه مغصووبه .. بس الله يسامحكم دمرتووني : لا مب مغصووبه برضااي

زايد بسخريه : هههه مغصوبه ولا غيره .. اذا ماخذتيني .. بتاخذين اخووي او حد من الاهل يعني شرات بعض

موزه بخاطرها يعني متصل فيني تغثني ولا شو السالفه .. : انزين والمطلوب ..

زايد : ماشي سلامتج .. وتنهد ..: لاتزعلين يا موزه .. بس اسلوبج مب عدل معااي

موزه : هه يعني انت الي اسلوبك ماشي احسن عنه

زايد : اسمعي يا موزه .. لاتحاولين تقهريني او تبينين لي انج ماتبيني .. لان هذا واقع ماتقدرين تغيرينه .. ومصيرج معروف من وانتي صغيـره .. بس ابيج تمشين معاي اوكي .. عسب امشي معج اوكي ..

موزه ودموعها على خدها مب قادره تستحمل .. يعني انا شذنبي جي تسوون فيني .. ليش يعني ماتحترموني ولا تقدروني .. بس لاني بنت .. اكررهكم كلكم .. والله لاعلمك يا زاايد .. والله لاكرهك عيشتك .. تهددني من اول يووم .. هييين

زايد حس ان مصخها بالكلام .. بس كان حده متضاايق .. ومعاملتها له بهاليوم كانت مب شي عشان جي مب قادر يوزن كلامه .. وفي خاطره قال بسكر احسن لي .. قبل لا ازيد الطين بله ..

زايد : موااز خلاص بسكر .. وانتي ريحي الحين .. والسموحه اذا اني ازعجتج .. بس قبل لا اسكر ابيج تعرفين انج غاليه عندي .. يلا فمان الله

موزه والضيقه خانقتها : بحفظ الله .. وسكرت الخط ..

موزه تمت تفكر ودموعها بعينها .. اخ يا زاايد ... دقيقه طيب ودقيقه العكس .. مدري وشناوي عليه .. اووف الله يعيني .. خاطري اذبحك .. استغفرالله ..

ذي عوايدهم مـن أيـام وزمـن يثـرب
تكون البنت لأبن العم ورغبات الكبـار تصيـر
وتدري الأقربون أولى .. مع أنك للخفوق أقرب
وتدري للقدر كلمـة.. لعـادات الأهـل تأثيـر
لذا أرجوك تتركني وأنا مـن واقعـك باهـرب
شعرت بحكيها كنّه قصـاص وأمـر بالتعزيـر
شعرت الدنيا ضاقت بي من المشرق ليا المغرب
مشت خلّت وراها طفل ما يـدرك وش التدبيـر
يحسب أن الغرام أشعار شاعر وأغنية مطـرب
ضحكت وماقدرت أني ألاقي لضحكتـي تبريـر
من اللي بوقتنا مرّه ضحك من لدغـة العقـرب
رفضت أستوعب اللي صار ولا أستسلمت للتغيير


اليوم الي بعده .. آمنه نشت من وقت .. مع انها ما رقدت الا شووي .. خصوصا انها سهرانه في خطوبة ربيعتها .. وبعدها تمت تفكر بموضوع السـفر .. كيف ان بتعيش فتره طوويله مع اهل امها .. الي ما حست فيهم الا باخر الاياام .. وتخاف ان ماتتعود عليهم .. يعني تحس عمرها غريبه من بينهم .. وقالت بتتصل بسعود .. وتهزبه ليش رمس ابوها من غير رضاها .. واتصلت له ..

وبعد فتره والموبايل يرن.. : الوو السلام عليكم ..

آمنه استغربت هذا مب صوت سعود : وعليكم السلااام .. امنوو .؟


وانتظرو الجزء السادس عشر

[راضـ نمله ـخ]

الـجـزء السادس عشر

اليوم الي بعده .. آمنه نشت من وقت .. مع انها ما رقدت الا شووي .. خصوصا انها سهرانه في خطوبة ربيعتها .. وبعدها تمت تفكر بموضوع السـفر .. كيف ان بتعيش فتره طوويله مع اهل امها .. الي ما حست فيهم الا باخر الاياام .. وتخاف ان ماتتعود عليهم .. يعني تحس عمرها غريبه من بينهم .. وقالت بتتصل بسعود .. وتهزبه ليش رمس ابوها من غير رضاها .. واتصلت له ..

وبعد فتره والموبايل يرن.. : الوو السلام عليكم ..

آمنه استغربت هذا مب صوت سعود : وعليكم السلااام .. امنوو .؟

.. : شو فيج ماعرفتيني .. سعود

آمنه ضحكت : هههههه اسمحلي يالغالي ما ميزت الصوت .. شكلي وعيتك من الرقااد

بابتساامه : أي .. بس يلا عاادي .. المهم شحالج

آمنه: طيبه الله يسلمك.. بس تدري ماقدرت ارقد بسبتك

بابتسامه خبيثه : اكييد لانج تفكريني فيني دووم .. لا تفكرين فيني والله بتتعبين بعدين

آمنه شكت بالوضع وميزت الصووت : نصوووووووووووور

ناصر ضحك من قلب على هبال امنه : ههههه زين انج عرفتيني ..

آمنه : اياا الجذااب .. بس هين مردوده ..

ناصر : هههههههه اخباارج؟

آمنه : مايخصك .. صج انك ..... مابكمل

ناصر : اني وشو ؟؟ .. بهالوقت جواله رن .. وشاف الرقم وابتسم بس قال بخااطره بيتصل لها بعدين ..

آمنه : رد رد على موبايلك

ناصر : جييت برد عليها بس ما لحقت

آمنه : من هااي ؟؟

ناصر حب يلعب بأعصابها : أميرتي .. اهني امنه سكتت وانصدمت .. ليكون ناصر يحب ؟؟ .. ومن يحب ؟؟ .. وشلوون ؟؟ ومتى ؟؟ ..

ناصر : وين سرح الحلوو

آمنه بضييج : وينه سعود

ناصر : الحين انا موجود .. شتبين بسعود

آمنه بخاطرها تعوذت من ابليس .. : ابا توقيعه .. بعد شو اباا

ناصر يتحجج لها : سعود من قبل ساعتين راقد ..مافي امل يقوم ..

آمنه درت انه يتحجج عليها كالعاده : هيه .. سلم عليه .. وبالمره سلم على أميرتك .. توت توت << سمعته القطار ههههه

ناصر استغرب شو فيها هذي .. هههههههه .. شكلها عصبت .. بس يا ويلي من سعود لو عرف اني رديت عليها .. بعدها اتصل لها مره ثاانيه

آمنه يلست تفكر برمسه نااصر اللي مدري من وين ظهرتلها .. يالله يااربي زين اني ماتعلقت فيه بزوود .. كنت اقص على عمري يوم اني اقول ما يعني لي شي .. ليش جي صار فيني اول مادريت انه يحب .. اصلن انا من البداايه قلت الحب مخليته لاصحابه مب لي .. اوووف يلا زين افكر بشي ما يسوى .. الا يرن موبايلها ناظرت التلفون .. وشافت رقم سعود .. وفي خاطرها مثل ماتوقعت .. كالعاده يشلخ علي..

وردت عليه ..: الوووووووووو

ناصر : آمنه لاتسكرين الخط

آمنه : وعليكم السلام .. من قال لك اني بسكر الخط

ناصر ابتسم : هذي حركاتج ..

آمنه : ههههه انزين امر

ناصر ماعرف وشو يبي يقول لها .. بس يبي يكلمها : امم تبين سعود

آمنه : لا مابا

ناصر : اجل وش تبين

آمنه بسخريه : على ما اعتقد انت الي متصل .. يعني انت شو تبا

ناصر : لا بس بقولج .. زعلتي؟

آمنه : من شوو

ناصر بخاطره ياربي من هالبنيه .. مب قادر افهمها ..: ليش سكرتي الخط بوجهي

آمنه : أناا

ناصر : لا جدي

آمنه تكمل معه : ايي حليله شو اخباره

ناصر ضحك : هههههه شايفته كبرج تقولين يحليله ..

آمنه سكتت ماتبا اترد زياه .. مب قادره تستحمل

ناصر : آمنه بقولج شي .. بس ابيج تفهميني

آمنه : اتريا بييب السبوره والطبشوره .. هههههههه عسب افهم عدل ..

ناصر عصب .. شفيها هذي بتجنني : هاهاها وايد تضحكين

آمنه : وييييييينه سعود ..

ناصر : اصيرلج سعود ..

آمنه بخاطرها شو فيه هذاا ..: نصور تدري انك ملغ ..الله يعين حرمتك عليك

ناصر : شو يعرفج .. يمكن انتي تصيرين حرمتي

آمنه : هيي انت ثمن كلامك .. ونجوم السما اقربلك .. ويينه سعوود ؟؟

نااصر : يعني ماتبين تسمعين وش بقوول ؟؟

آمنه رمست بدون ماتحس : ماعاد يهمني خلاص .. اي رمسه بتقولها .. مابتعنيني شي .. خلاص نصوور قوول لسعووود اني اتصلت وسلم علييه .. " نزلت بهاللحظه دمعه مافهمت معناها " .. وسلم على ....... سكتت

ناصر : على من ؟؟

آمنه : على امييرتك

ناصر ضحك : هههههههااااااااااااااي .. خلاص ولا يهمج بسلم على شووق .. كلش ولا سلااامج

آمنه استغربت يعني كان يقصد شووق ؟ .. اووف صج اني غبيه .. احس عمري وايد نزلت عمري ..

آمنه ماحبت اتبين له شي : اوكيك سلم عليها وايد وانا عقب برمسها وبرمس سعود .. لان الحين وراي شغل .. يلا باااي

ناصر : بحفظ الله وسكرت الخط ولا ردت علييه .. كانت مقهوره من حركته .. هو متعمد يلعب بأعصاابها .. بس هين يا نصوور .. والله لردلك الصاع صاعيين .. الظااهر انت للحين ماعرفت امنه عدل


..

في قطــر..

محمد كان يالس بالدوام مع ربعه .. وسوالف وان واحد من ربعه باقي يومين على عرسه وهم طايحين فيه كلام .. وتعليقات ..

حمد الي ماهمه كلامهم : باجر تتزوجون .. وبنشووف حالكم كيف ..

محمد ضحك : هههههههه اسكت بس الله يعين حالك ..

علي : انا اقولك من الحين ودع السهرات .. مافي هياته صياعه كشتات ..

حمد : والي يرحم والديكم سكتوا .. الي يسمعكم بدخل سجن .. مو زواج

محمد : ندري عنك .. ما صرنا نشوفك نفس قبـل .. وكل ما قلنا شي .. لالا مشغول هههههه

حمد : مب فاضيلكم .. لاتزوجتوا بنشووف شلون بتفضوون لنا .. ويناظر محمد ويغمز له

محمد : ليش شايفيني مقصر معكم .. اربع وعشرين ساعه مجابلكم ..

حمد ضحك : تونا في بدااية المشوار .

علي : زين يلا .. انا بروح اكمل شغلي ..

حمد : الله معك .. وانا طالع برع الدوام ويغمز لهم .. وطلع

محمد بعد ما رجع من السفر ماشاف شووق إلا مره .. كان ولهان عليها ومشتاقلها .. حتى من زمان مب مكلمها .. جان يتصل لها ..


وعند شووق كانت يالسه بالبيت زهقاانه ماتدري شتسووي .. وفي بالها قالت بتروح بيت ابوها العود .. الا جوالها يرن .. راحت صووبه .. وشافت ان محمد .. وخاطرها ضاايق

: السلاام عليكم

محمد : وعليكم السلام .. شحالها القمر

شوق : الحمدلله بخيير .. وانت شحالك

محمد : تماام دام اني اسمع صووتج ..

شوق : دووم يارب

محمد : شتسوين يالسه من الصبح ..

شوق تناظر ساعتها : أي صبح الله يهديك .. قريب الظهر الحين ..

محمد : لا اخبركم دام ماعندكم شي تسهروون ..

شوق تنهدت : لا ماسهرت .. وبعد شووي بروح بيت ابوي العود

محمد : خلاص انا بمرج .. بعد ساعه ونص تقريبا خلج جاهزه

شوق : لالا بروح بروحي ..

محمد استغرب : ليش بروحج

شوق : لا ما شي .. بس يعني مالي خلق اتم طول هالوقت بروحي .. دقيقه بلبس عبايتي وبروح

محمد : لا خلاص الحين بمرج .. تجهزي ..

شوق : اوكي براحتك .. يلا سلام

محمد : مع السلامه

شوق سكرت الخط وتنهدت .. اخ شالحياه الي انا فيهاا .. ابيك يا سعود احبك والله احبك.. لاتقولون لي يا ناس اخون محمد بكلامي .. بس مب بيدي .. هذا بقلبي وبدمي .. امووت من دونه .. اشتقتلك يا سعود .. ليتك كنت من نصيبي .. كل بسبتي .. وبسبتهم كلهم الله يسااامحهم.. ليش اختاروني انا بالذااات ليش؟ اووووف .. مدري شسوي .. ناظرت جوالها وجت في بالها انها تتصل على ناصر .. واتصلت

وعند ناصر كانوا قاعدين هو وسعود يتفطرون لان بعدها بيروحون لعبدالعزيز .. ماباقي الا يومين ويطلع عبدالعزيز وبعدين يرجعون ..الا جوال ناصر يرن .. ويرد عليه .. اما سعود قام وراح صوب المطبخ يشرب ماي

ناصر حط سبيكر : الووو .. السلام عليكم..

شوق : وعليكم السلاام .. شحالك يالغالي

ناصر حس بضيق بصووت اخته : طيب ومن صوبكم

شوق تنهدت : الحمدلله بخيير ..

ناصر : شوق .. فيج شي؟ .. وسعود بهالوقت دخل بس قعد صوب التلفزيون .. بس الصوت ينسمع له .. وقلبه يعوره على شووق الي بيوم من الايام كانت كل حيااته ومستقبله

شوق صوتها تغيير : تعبت يا ناصر مدري شسووي

ناصر استغرب اول مره يشوف اخته بهالضعف .. وتشكيله الي بقلبها من زود الضيقه

ناصر : شفيج يا شووق .. حد مضاايقج

شوق صاحت : لا محد مضاايقني .. بس متى بترجع .. مليت ماعندي حد اتكلم معه اشكيله .. والله بموووت

ناصر : بسم الله عليج من الموت .. شالطاري الي تطرينه .. وبنات خالي .. خالتي .. وين راحوا

شوق تنهدت وبخاطرها وين اقدر اقولهم الي بقلبي واخوهم سبب بلوة هالقلب : مدري والله احس اني ضعت .. كل بسبتي والله .. ليييش جي سووا فيني ليييش

ناصر الي مستغرب من اخته كل ماله وزادت بالصياح وتقول كلام مايفهمه وهو مايقدر يسووي شي وهو بعيد عنها : شوق ياقلبي .. استهدي بالله .. يالله كلها يومين ثلاث وراجعين .. لا تضيقين خاطرج

شوق تنهدت : ادري غثيتك .. بس ماعندي غيرك والله

ناصر ابتسم : ماغثيتيني والله .. بس اهم شي عندي راحتج ..

شوق حست شوي براحه بعد ما كلت اخوها : الحين بسكر .. لاني بروح بيت ابوي العود

ناصر : اوكي سلمي عليهم كلهم .. وخاصة على امي وجدتي ..

شوق : يبلغ .. وانت سلم على سعود .. يلا مع السلامه

ناصر : مع السلامه .. وسكر .. وفي خاطره ادري الي بخاطرج يا شووق بس ودي افهم ليش سويتي كل هااي وانتي الي عذبتي عمرج .. اموت واعرف السبب ..

اما صوب سعود سرح راح بعالم ثااني .. وبخاطره ياشوق ليش سويتي كل هذا .. واموت اعرف سبب كل هالحزن الي فيج .. بس اكذب على عمري لو قلت يمكن انا .. لو كنتي مهتمه فيني اوو تفكرين فيني .. كان ماسويتي الي سويتيه .. وحطمتي كل احلامنا .. بعدها اخذ سعود جواله وقام ..

ناصر : وين رايح؟

سعود : بشم شوية هوا.. وانت تجهز عشان نروح لعبدالعزيز

ناصر وهو حاس بولد خالته : اوكي لاحقك

سعود طلع ويلس برع على الكرسي .. وناظر جواله .. وبخاطره اتصل لها؟ لالا يمكن اسبب لها مشاكل او شي .. لا بتصل ماعلي منهم .. ورقمها حافظه اكثر من اسمه .. وضغط على الازرار واتصل

وعند شوق بعد ما لبست عبايتها .. شافت الرقم .. وكان خارجي .. قالت يمكن ناصر او شي .. بس توها مكلمته .. وردت

شوق : السلام عليكم..

سعود سكت .. هذي شووق شقول لها الحين .. اكيد ماتبي تكلمني ..

شوق : الوووو

سعود بصوت يقطع القلب : وعليكم السلام

شوق انصدمت مليون .. معقوله سعود .. ليش متصل .. يبي يعذبني زيااده

شوق بصوت شبه للهمس ودموعها تمت تنزل وتحرق جفونها : هلا سعود

سعود ماعرف شيقول لهاا .. بس وده يسمع صوته وده تشكيله .. مايبيها تكون حزينه .. رغم الحزن والالم الي سببته له ..

سعود : ليش متضايقه؟

شوق ماقدرت تمسك عمرها وتمت تصيح .. سعود : شووق

شوق وتحاول تكتم اصياحها .. : هلا سعود .. ماقدر اكلمك ياسعود .. والي تسوويه غلط

سعود : ماعلي غلط ولا صح .. كثر ما احاول انساج او اتناساج ماقدر شسووي.. قولي لي .. ليش سويتي فيني جي قوولي .. تكلمي

شوق وهي تصيح : مب بيدي يا سعوود .. هو صار جي من كيفه ..

سعود واعصابه راحت فيها : وشو من كيفه .. انج تنهيني وتنهين حياتي .. وتبدين حياة محمد تقولين من كيفه .. ليش مافكرتي فيني .. والي بيصيرلي .. تحسبيني العب عليج اناا .. تكلمي

شوق وهي تصييح : والله مب بيدي انا احبك والله .. ولما امووت

سعود بسخريه وقلبه ملياان قهر وطعوون : هه تحبيني .. تقصين علي ولا على عمرج .. بالنهايه الحب كله بيصير لمحمد .. بينسيج سعود والي جاابه

شوق : مايقدر والله مايقدر .. تحسبني مرتاحه انا .. انت بحالك متضاايق .. وانا عايشه براحه .. وربي فوق الضيقه الي انت فيهاا انا فيها .. ماعاد اقدر اشكي لحد .. اسولف لحد .. اقول لحد الي بخااطري ..

سعود بسخريه : ومحمد وين رااح .. ولا نسيتي انه بيصير زوجج وقريب يكون اسمج باسمه

شوق هالكلام طعن فيهاا وذبحها : خلااص يا سعوود الي فيني مكفيني .. يلا انا بسكر الحين

سعود : هذا اخر شي اقدر اقولج ايااه .. الله يووفقج مع الي اخترتيه .. وربي يهنيج .. ودربالج على عمرج .. واعرفي لو وشو يصير .. مابتلاقين حد حبج كثري .. يلا سلام .. وسكر الخط بدون ما يسمع ردها

كلمن تغلى وراح .. هالوطر مدري به .. دايم حزن وجراح .. لا احساس ولا طيبه ..
اهل الوفا راحو .. زمن الوفى بلا .. صارو بلياا قلب خلـ(ن) يبيع خله


وبعد شووي طلع ناصر الي شاف حال سعود انقلب زياده فوق الي هو عليه .. بس سكت .. وراحوا المستشفى ..,

اما عند شووق .. بعد ماسكرت من محمد .. لفت راسها تبي تطلع الا تشووف محمد وراهاا .. وقلبها فز وويها انقلب الووان ..

ومحمد ناظرها بابتسامه وحظنها .. وفي خاطرها شكله توه يه وحمدت ربها ..

محمد باسها على راسها : اشتقتلج يا عسل

شوق ابتسمت له ونزلت راسها ..

محمد رفع راسها : وانا ما اشتقتيلي ..

شوق : الا ..

محمد انتبه على ملامح شوق : شفيج كنتي تصيحين .؟

شوق تبلعمت ماعرفت شتقوول .. محمد بجديه : شوق اكلمج .. ليش تصيحين ..

شوق بهمس : مافي شي ..يلا خل انرووح

واول ماكانت تبي تحرك .. مسكها محمد.. : لامانروح الا وانتي قايلتلي شفيج .. و وشو سبب هالدمووع ..

شوق : قلت لك مافي شي .. بس كنت متضاايقه

محمد يناظرها : ومن الي مضاايقج

شوق وبخاطرها مالها خلق تتكلم .. : انا متضايقه من نفسي .. تعبت كل برووحي..

محمد يلوي عليها : افاا وانا وين رحت ..

شوق سكتت .. بعدها محمد مسك يدها .. وراحوا السياره وقال لهاا .. : ان شااء الله اقدر اسعدج يا شووق ..

شوق ابتسمت دون خاطر : وانا بعد ان شاء الله ..

بعدها اخذها المطعم يتغدون فييه .. وتم يدورها .. ويسولف معها .. كان حيل مشتااق لهاا .. وكل ما يشوفها يحس ان اشتاق لها اكثر واكثر .. وكل ماله يحبها زيااده ..


فبييت بو محمد

دانه وهي قاعده تتكلم بالمسن .. والا الحب يدخل واستغربت لان هي ماتدري ان هو ياي .. عبالها للحين هو فألماانيا

دانه : ؟؟؟

فيصل : !!!! خخخخ

دانه : فيصل ؟؟

فيصل : في غييره !!

دانه : ههه اسمحلي بس من الصدمه

فيصل : ليش غريبه ؟

دانه : لاا .. بس انت ردييت ؟؟

فيصل : يس .. ماتشوفين البلاد منوره ؟؟

داانه : انا اقوول بعد وشو مستوي .. الظااهر لانك ياي .. هاهاها وتموا يسولفوون لين مافيصل استأذن وقال لها ان بيروح للربع


في الامارات ..

بوسعود كان يسلم على عياله وحرمته .. ويودعهم لان بيسافر بعد شووي .. وتم يوصيهم على عمرهم .. وينصحهم .. وقال لامنه ان بعد كم يووم .. اخوها بيجي ياخذها .. وبعد ماودعهم.. طلع مع جاسم الي بيوديه المطــار ..

ام جاسم: الله يعيني من بعدك يابوسعود ..

الكل تم يناظرها .. حسوا بالمعاناه الي بتواجهها بروحهاا ..



في قطــر

على العصر اخذ محمد شوق للبيت العود .. ونزل معها .. بعد دوارتهم

ودخلوا البيت وكانت الجده يالسه مع ظبيه بروحهم ودانه كانت تدرس بالصاله الثانيه ..

شوق+محمد : السلام عليكم

الجده : وعليكم السلام .. شحالكم يا عياالي ..

شوق+محمد : بخيير .. وبعدها باسوا راس جدتهم ويلسوا عندها ..

وظبيه قامت تسلم على محمد وشوق .. ويلست صوب شووق ..

محمد : ظبيه وخري من عند حرمتي ..

ظبيه : شتبي انت .. هذي بنت عمتي ..

محمد : بس هذي مالتي ..

ظبيه : مب كيفك .. وتناظر شوق الي تشوفهم ومبتسمه .. : صح عادي اقعد عندج ..

شوق باستها ..: أي صح .. وظبيه تناظر محمد واطلع له السانها وتحره .. والجده تضحك عليهم وعلى حركاتهم ..

محمد يناظر شوق ..: هي يلا بوسيني شمعنى تبوسبنها .؟!

شوق انحرجت : ههههههه هي صغيره

محمد : وانا كبيير .. وقرب خده منها وقالها : يلا بووسي ..

شوق انحرجت .. وباسته .. وظبيه بطلت عينها على الاخير : اياا الثوور.. هين اذا ماعلمت امي عليك ..

محمد كتم ضحكته ومسوي روحه معصب : انا ثور هاا .. واخذ البياله اونه بيفلع عليها وهي شردت عنه ..

الجده : ماتيوزن عن هالحركات .. وجي تسووي تحرج حرمتك..

محمد : احبها يا يمه شسووي .. وحط راسه بحظنها يبي يريح الاخ


في الامارات

في بيت بو سعيد

الاهل مجتمعين في الصاله لأن متفقين مع بيت بو زايد بيسيرون البر وهذا كان اقتراح تركي .. وقالوا بيحكرون من بيت بوسعيد

الشباب يجهزون الاغراض ويرتبونه بالسياره وموزه كانت في المطبخ مع أختها فاطمه يسون الشاهي والقهوه .. ودخل عليهم زايد

زايد : السلام عليكم

الجميع : وعليكم السلام

زايد : شحالكم

فاطمه : ماشي الحال

زايد يناظر موزه : شو تسوون

فاطمه : ماشي .. الي تشوفه نجهز الشاهي والقهوه

زايد يناظر موزه الي تلهي عمرها بأي شي .. وفاطمه الي تعرف برفض موزه لزايد .. وقالت بتخليهم بروحهم يمكن تتصافى القلوب شووي .. واحتجت لهم انها بتسير تشوف بنتها شيخه .. وظهرت بدون ماتسمع ردهم .. وموزه عصبت عليها على الاخيــر.,

زايد وهو يناظر موزه حس انها متضايقه من وجوده حتى انها ما تكلمت ولا كلمه

تقرب منها زايد وحط يده على كتوفها وقربها منه .. موزه ماتت من الاحراج .. وويها قلب الوان .. تبا توخر عنه .. بس هو مب مخلي لها مجال ماسكها بالقو

زايد : شفيها القمر زعلانه

موزه ماردت عليه بس حاولت توخر عنه ماقدرت

زايد ابتسم : شو فيج .. ترا مافيني اجرب

موزه ناظرته بنص عين : خوز عني

زايد بعناد : مابا

موزه تناظر يده : خوز لا اعض يدك

زايد مد لها يده الثانيه وقربها منها : عضي

موزه ناظرته : والله بعض

زايد رافع لها حاجب: قلنا عضي

موزه مسكت يده تبا تعضه الا ياخذ يدها ويبوسها : عيب ماما .. مايعضون الكبار

موزه عصبت على الاخير وبخاطرها اونه عيب ..مالت بس : خوووز عني

زايد وزاد بضمته لها .. وهو يضحك عليها

وبهاللحظه دخل سعيد وشافهم .. موزه ماتت من الاحراج وبخاطرها الحين شو بيفكني من السانه هذا .. يااربي منك يا زيوود وهقتني .. بس زين على الاقل بيوخر عني هالعله .. بس استغربت ليش للحين ماسكها مب تاركها ..

زايد ما كان همه وجود سعيد ومطنشه .. ناظره بنظره بمعنى شو تبا .؟!

سعيد يناظر زايد بنص عين : خوز عن اختي .. قلنا خطيبتك بس مب تمصخها

زايد : شو تبا انت .. سير تزوج لو غيران مني

سعيد : مالت والله اغاار من ويهك ولا من العنزه الي معك .. وضحك عليهم

موزه عصبت : عنزه مرتك يا مسود الوويه

زايد : فديت حرمتي .. اثاريها قوويه ..تعجبيني.. وباسها على راسها بالحييل عسب سعيد يسمع البوسه وبنفس الوقت يعصبه .. عاد موزه راحت فيها ..اما سعيد عصب ..

وسار سعيد صوب زايد ووخره من عند اخته بالغصب .. وموزه استغلت الفرصه وبسرعه طلعت عنهم .. وبعد نص ساعه تقريبا حركوا وساروا البـر .. وبيباتون هناك ..


في قطــــر .. بالليل

فيصل قاعد في ميلس واحد من ربعه .. قاعد يسولف مع ولد عمه "خليفه" ..

" فيصل وخليفه غير انهم عيال عم الا كانوا اكثر من اخوان .. متربين مع بعض دارسين مع بعض حتى انهم يشتغلون بنفس الشغل .. وهو يدري عن حب ولد عمه لبنت خالته دآنه "

وبعد السوالف جابوا سيرة دانه .. الي فيصل ملعوز ولد عمه فيها .. متى باخذها ومتى ومتى ..والخ

خليفه : الا اخبارها الدانه

فيصل تنهد وخليفه بخاطرها الله يعيني شخلاني اجيب سيرتها ... فيصل : والله مدري متى بتخلص وأخطبها وأريح هالقلب .. يأشر على قلبه

خليفه : الله كريم

فيصل: والنعم بالله .. بعدها تم سرحان الأخ يفكر بحيبة القلب دانه

خليفه : أقوول فصول

فيصل : قول ..

خليفه : ماعرف شقول لك بالضبط بس انت واثق من دانه .؟!

فيصل استغرب من هالكلام : شلون يعني .. وليش ما أوثق فيها؟

خليفه : مدري يعني هي تكلمك يمكن تكلم غيرك أو شي .. بس لاتفهمني غلط

فيصل عصب : شتخربط أنت أنا ولد خالتها .. وواثق فيها أكثر من نفسي..

خليفه يهديه : زين أذكر ربك ..ما قلت شي ..بس أبي أنبهك لجل مايصيرلك الي صارلي ..,

فيصل : أنت بنت خالك من البدايه ماكانت تفكر فيك .. وأنت حاط فيها أمل على الفاضي

خليفه ضحك بسخريه : هه ما تفكر فيني اجل وش الي حادها تكلمني .. وتحسسني بحبها .. حتى أنها اعترفت لي ..

فيصل : مدري والله .. وبعبط قال : يمكن لانك مصخره ههههههه .. خليفه عصب عليه : مصخره فبيت ابوك .. وناظره باحتقار ..: بنشوف من المصخره بالاخير .. وقام عنه ..

فيصل بخاطره شفيه ليكون زعل هذاا بعد .. امزح معه ..ماصار يستحمل مني كلمه .. وبعدها تنهد وتم يفكر بكلام خليفه .. معقوله دانه تتركني بعد ما عطيتها قلبي أو انها ماتحبني .. وكل هذا شفقه او تمثيل علي لاني اعترفت لها .. لالا مستحيل دانه ماتسويها .. هذا خرب مخي .. شفكر فيه انا .. اشك بنفسي ولا اشك بدانة قلبي..
بعدها طلع من الميلس وحط يده بمخباته وطلع باكيت الزقاير ..واخذله زقاره وولعها ..وتم يدخن ويفكر ..


وانتهى اليوم وكلن سرى على همه .. وثاني يووم ..


وانتظرو الجزء السابع عشر