يأهل قطر عندكم مزيون ..

[MissRose]

يلاااااااااااا عاااااااد


كمل كمل

[راضـ نمله ـخ]

الجزء السابع عشر

بدت الامتحانات بالنسبه لدانه ونووف .. وكانو يراجعوون قبل الامتحاان بفترره .. وخايفين لان هالسنه اخر سنه لهم وخلاص بيتخرجون ويبوون يجيبون نسبه حلووه .. وبعدها بدا الامتحاان .. وتموا يحلوون اللي يعرفوونه واللي مايعرفوونه تشييير على كيف كييفكم .. وخلصوا الامتحان وطلعووا ..

دانه : اوووووووف مابغييينا ...

نووف : والله الامتحاان كان يبييله كتاابه من قلب

دانه : شتبين يطلع بهالمااده ؟؟ بس نظري ؟؟

نووف : سكتي بس سكتي لا تذكريني .. وراحوا صووب السيارات وكل وحده تنتظر سيارتهاا .. وعااد سياره نووف وصلت وللحين دريول داانه مااوصل ..

نووف : هاا دانوو ماتيين معي ؟؟

دانه : لا انتي طريجج مب نفس طريجي .. خلاص بخلي سوسو توديني

نووف : برااحتج .. وراحت صووب سيارتها .. وكان فييصل ماخذهاا

نوف : هلا الحب

فيصل ابتسم لها : هلا القلب خخخخ .. شسويتي بالامتحان ؟؟

نووف : اووف لا تذكرني نصه تشييير

فيصل : الله يهدااج .. ماذاكرتي عدل ؟؟

نووف : الااا .. بس شسوي الامتحان كان هاارد خخخخ
وهي تتكلم فيصل شاف دانه رايحه ويا وحده وبتركب بسياره فيها واااحد .. وشكله اخوو ربيعتها

فيصل : دانه ويا من بترووح ؟؟

نووف : ويا ربيعتنااا ..

فيصل عصب : يا سلاااااااام .. وطلع من السياره معصب وبهالوقت جت دانه بتركب السياره والا فيصل يسحبها من يدها ويجرررها .. ويدخلها سيارته غصب

دانه : هيييييييييييي انت استخفيييييييييييت ؟؟

فيصل : اكلي هوااا .. انتي شتبين اتسووين ؟؟ تركبين ويا واحد ماتعرفيينه ؟؟ صاحيه انتي ؟؟

داانه : وشو ما اعرفه .. اخوو رفييجتي وبعدين اخته معنا .. وهو من صغيير معناا يعني نفس اخووي

فيصل : يا زيينه من كلااام .. شالتفكيير اللي عندج .. انا اقوول لو تاكلين تبن وتحترمين نفسج واتعرفين انتي بنت من .. احسن من هالكلام اللي اتطلعيينه مثل السجاجييين

دانه وصلت حدها : هييي انت مايحقلك اتقوولي هالكلام لو وش ما كنت .. وبعدين مب بكيفك تتحكم فيني ..

فيصل : اتحكم فابووج بعد .. والله كلمه زيااده مب احسنلج

نووف : هيي هدووا خلالالالاص

ودانه خلاص بهاللحظه دمووعها تنزل مثل الشلال مب قادره تمسك عمرها .. ليش جي يعااملني .؟؟ وقداام اخته بعد .. ليش يحسسني اني ولا شي .. حتى لو كنت غلطاانه .. هذا مب اسلووب .. ووصلوا البيت ونزلت وماعطته مجال يتكلم كلمه زياده .. وراحت الغرفه وقطت عمرها على السرير واتصييح وكنه حد ميت .. الله يسامحك يا فيصل الله يساامحك

في الامارات

فهد وسلطان يبون يظهرووون وكل مافي بالهم يقدرون يسونه بغيااب ابووهم .. وكانوا هم بادين امتحانات .. ومخلصين .. يبون يرفهون على عمرهم

فهد : الحين كيف آخذ المفتااح ؟؟

سلطان يتطنز علييه : يا حبيبي استأذن من امك وقوولها ابا اخذ المفتااح بظهر شووي ملااان .. وانا اللي بسووق هاا ..

فهد : لا تتطنز

سلطان : ياخي رووح الحجره وخذ المفتااااح يباله شي ؟؟

فهد : اووف منك .. خلاص اتريا علي 5 دقايق .. ولو ماردييت يعني على الدنيا السلام

سلطان ضحك : ههههه الله يهدييك ياخوي العزيز .. الغالي والكبيير .. العزيز على ...

فهد قاطعه : بس بس مصلحجي عوود .. وراااح فهد الحجره وخذا المفتاح وظهر

سلطان يضحك : الحمدلله على سلامتك

فهد : هههه الله يسلمك .. يلا سريينااا ..


في قطر

فبيت بو محمد

دانه بهالوقت كانت منهاره مب قادره تدرس واتصيح من قلب ودشت عليها عهود وشافتها وانصدمت
عهوود متخرعه : داااانــــــــــه شفيـيييييييييييييييـــج ؟؟

دانه ما قدرت الا انها تحضنها حيييل واتصيييح بالقووو .. : عهووووووووود واتكمل اصياحها

عهوود : دااانه تكلمي قوولي شصااير ..؟؟ شفيييج ؟؟

داانه وهي تشاهق : فيــ ..... صــ .......للل

عهوود مب مستووعبه وللحين مفهيه : شفيييييييييه ؟؟

دانه : فييصل هزئني قدام البنات وصرخ علي

عهوود انصدمت : نعمممم ؟؟ ... شلوووون ...؟ .. وليييش ...َ!!! ومتىىىى ؟؟

دانه قالت لعهوود السالفه وطبعاً بعد تقطييعات وصياح وباليالله فهمت منها

عهوود : خلاص حبيبتي استهدي بالله .. دانه انتي بعد غلطاانه .. واللي سويتي اكبر غلط .. تدرين لو امي وابوي ومحمد درووا شو يسوون فيج ..؟؟ .. والله بيلعنون خييرج .. وهالمره ماتبين فيصل جي يسوي ..؟؟ .. هو صح تصرفه غلط .. وباالغ .. بس يحقله .. انتي الحيين هدي .. باجر آخر امتحان .. وخلي نفسيتج اووكي .. واذا تبين انا بدرسج

دانه شووي هدت ومسحت دمووعها : اووكيك .. انا بدرس ولو ماقدرت بيييج

عهود باست راسها : خلاص اووكيك .. وراحت

دانه ارتاحت شوي من كلام عهوود .. صج ريحها .. بس هي للحين مب قادره تستوعب اللي سوااه فييصل .. شلون جي يسوي ..؟؟ .. شلون يرضاها علي ..؟؟ .. الله يسامحك .. الله يسامحك يا فيصل


ومحمد بعد ما طلع من الدوام .. اتصل بشووق .. يبي يعوضها عن الاياام الي كان فيها بعيد عنها .. خذت البنت عقله وكل تفكيره .. بس داايم خايف يجي يوم وتروح منه .. او يصير شي يفرق من بينهم .. لان حياته بتصير ولاشي من دونها ..

اخذ جواله واتصل لهاا ..

شووق : ألوووو

محمد : هلا شووق .. أخباارج ..؟؟

شووق : بخيير وانت ؟؟

محمد : والله مشتااق

شووق : اشتاقت لك العافيه ..

محمد : شووق أنا الحين بمرج بنطلع شووي

شووق كانت اصلن متملله : اووكيك .. وراحت وبدلت ثيابها وتجهزت ومحمد وصل عند الباب .. ووداها البحر .
" محمد كان يحب البحر .. ولو كان مستانس او متضايق على طوول يروح البحر .. " وتموا يتمشوون ع البحر وكل واحد فيهم سااكت

محمد : شووووق

شووق : هلاااا

محمد : اتحبين البحر ..؟؟

شووق : اعشقه
محمد : هو بعد يحبج ويعشقج .. " ضحكت عليه " انتي اصلن من مايحبج ويعشقج " تذكرت سعود " انتي بسهوله خليتيني اعشق هوااج والهوا اللي تتنفسينه وصرت اعشقج بجنوون

محمد : شوووق

شوق شافته .. محمد : أنا احبج .. تدرين شكثر ؟؟

شووق : شكثر ..؟؟؟

محمد : شفتي هالبحر اللي قداامج .. حبي لج ما يووصل حتى ربعه ..

شووق استحت ونزلت راسها .. والا يمسك راسها ويرفعها للسمااا : وشفتي هالسماا ؟؟ ولا شي بالنسبه لحبي لج ..

ردت ونزلت راسها : كل هااي؟؟

محمد : وأكثر واكثر بس مب عارف شلوون أعبر .. يفوق الوصف حبي لج .. فجأه وهي تتمشى شبك يده بيدها اهني خلاص .. محمد مدري شفييه اليووم ..
جان يووقف ويوقفها معه ..

شووق : شفيييك ؟؟

ماشافت الا وااحد يبووس يبهتها : محمد خلاص احنا فمكان كله نااس

محمد : ويعني ..؟؟؟ حرمتي وكيفي ... حلالي ..

وعقب تموا يتمشوون ووداها بعد البحرر .. المطعم


في الامــارات

آمنه كانت اتزهب اغراضها واتحط ثيابها للسفر وماخلت شي ماخذته .. لان هي ماراح اتم اسبوع او اسبوعين .. راح تتم عندهم فتره طويله .. وهي اتزهب اغراضها دخل عليها جاسم وشافها .. قلبه عوره .. هو مايتحمل فراقها .. صدق ان كله ضرايب وهزااب .. بس مهما يكوون هاي أخته : آآآمنه

آمنه لفت ويها وشافته : وت ؟؟

جاسم : متأكده انج تبين اتسيرين ؟؟

آمنه ناظرته ورفعت حياتها : مثل ما أنا متأكده انك يداامي الحين

جاسم بحزن : أهون عليج ؟؟ .. تخليني روحي اهنا .؟؟

آمنه سارتله ولوت عليه : والله مايهون علي .. احمد ربك انت امك اهنا واخواانك .. بس انا مابا اتم رووحي .. وابووي مب موجود .. وهالمره يعني بدون لا ام ولا ابوو ؟؟ .. ع الاقل هنااك يدووه والبنات والكل .. بيخففون علي

جاسم : بس .. بس انا ماباج اتسيرين .. صدق انانيه مني .. بس انا ما ارووم على فرقااج .. ما اتحمل .. عاد انتي وابووي ؟؟ .. بتبعدوون عنا سنه كاامله ..

آمنه ضربته ع الخفيف بكتفه : مالت عليك .. تتحراني ماراح ايي عندكم ؟؟ شكلي بخبل سعوود .. كل اسبووع انا يايه عندكم !!

جاسم : يعني راح اتزورينا بين فتره وفتره .؟؟

آمنه : يس افكوورس

جاسم : اكييد ؟؟

آمنه : اكيدين بعد .. بعدين لو تميت اهنا بتستوي أزمه بيني وبين امك ..

جاسم ضحك : ما اتيوزين انتي ؟؟

آمنه : اكييد لاا هههه


في المانيــا ..

عبدالعزيز بيظهر باجر من المستشفى .. وقال لحرمته ترجع قطر مع اخوها شهاب وولدها والخدامه .. لان هو بيروح الامارات مع سعود وناصر .. وبعدها بيرجعون قطــر .. وهي نفذت كلامه ورجعت .. والحين الشبااب يجهزون اغراض السفر ... اشتاقوا لاهلهم ولديرتهم ..

وبالليل في قطر

راشد وسلطان كانوا يدورون بالسياره ويسولفون .. وبعدها رجعوا البيت .. وراحوا صوب بيت ابوهم العود .. دخلوا وكان الجد والجده ومعهم بومحمد وام محمد وام ناصر

سلطان+راشد : السلام عليكم

الجميع : وعليكم السلام ..

راشد : شحاالكم .؟

الجميع : بخير الله يرضى عليك..

الجده : وينكم ماعاد تبينون من رجعتوا من السفر ..

سلطان : موجودين بس الشغل ماخذ وقتنا

الا تدخل ظبيه وتروح صوب سلطان الي يمووت فيها .. وباسته ويلست عنده ..

راشد : شالحب الي نازل عليج

ظبيه : شدخلك

راشد يبي يعصبها : مع هالويه .. وخري من عند الريال لايروح فيهاا .. وكل مايبي ينام يتذكر ويهج ويطير عنه النوم

ظبيه عصبت : من زين ويهك عااد ..

ام محمد : شفيك راشد حاط راسك براسها هالبزر

راشد ضحك اما ظبيه عصبت : انا كبيره مب بزر

سلطان : انتي شيخة البنات .. وبعدها قام سلطان يبي يروح يشرب ماي .. دخل المطبخ الا يشوف عهود تسوي عصير .. وسلطان بخاطره .. هذي بس تجي تجنني وتروح .. وتم يتأملهاا ..وهي خبر خير .. لما دخلت ظبيه المطبخ وراحت صوب عهود ..

ظبيه : ابي عصير

عهود : ذلفي برع لما اخلص بجيبلكم

ظبيه ناظرت سلطان الي واقف وكان سرحان .. ظبيه : سلطاااااان .. قول لها تصب لي عصير

عهود لفت راسها وشافت سلطان يناظرهاا .. الا بعدها سلطان يحس على عمره وينزل راسه ..

سلطان : السموحه .. وطلع

عهود بخاطرها .. ياربي شالمواقف الي اطيح فيها معه .. وليش كان يناظرني صج مب صاحي .. اما سلطان طلع من الباب الخلفي على الحديقه وتم يدوور .. ويفكر .. وظبيه معه تملغ عليه .. شاف ورده وقطفها

سلطان : ظبيه

ظبيه ناظرته : نعم

سلطان : خذي الورده وعطيها عهود

ظبيه ناظرته بنص عين مع ابتساامه .. اما سلطان ضحك ان فهمته ..

سلطان : يا ويلج ان قلتي لحد اني قلت لج تعطين عهود ورده

ظبيه تفكر << ياحبها للذل خخخخ : بس على شرط

سلطان بخاطره الله يعينه : وشو شرطج

ظبيه : انك تسمع كلامي واذا خالفت الشرط بعلم عليك .. وطلعت السانها ..

سلطان : من عنووني .. يلا زين روحي عطي اختج الورده

وبعدها دخلت ظبيه المطبخ وبيدها ورده .. وعهود ناظرتها ..

ظبيه تمد يدها : تفضلي يا جوليت زمانها

عهود اخذت الورده : شكرا

ظبيه : الورده مو مني .. وغمزت لها

عهود بصوت شبه للهمس .. : شفيها هذي استخفت .. : اجل ؟

ظبيه : من روميو زمانه .. وضحكت

عهود : الحمدلله والشكر .. اقول ذلفي برع قبل لا اشوتج

ظبيه ابتسمت : ماتبين تعرفين من عطاني الورده لج؟

عهود بفضوول : من

ظبيه : بقولج بس بشرط

عهود تنهدت : ما بنخلص احنا .. وشو الشرط

ظبيه : انج ماتقولين لحد .. اوكي؟

عهود : اوكي

ظبيه بصوت شبه للهمس: سلطان .. وضحكت وبسرعه طلعت برع

عهود .. تمت تناظر الورده .. ومبتسمه .. وفي خاطرها هاي بيخرب اختي من صغرها يعلمها على هالخرابيط ..



في الامارات

منصوور كان يالس مع الربع

بطي : منصوور شرايك انسير انغازل ؟؟

منصوور : الحمدلله والشكر .. الله يعيينك .. تخبلت ؟؟

بطي : لا والله من صجي .. انا من زمان مب شايف الغراشيب .. ولا مكحل عيني

منصوور : لا ابوويه انا تبت عن هالخرابيط

بطي : شو طاري علييك ؟؟

منصوور ابتسم : خلاص داام عندي القمر شو ابا بالنجووم ؟؟


ومر اليوم وكلن على همه سـرى..


في الامارات

الصبح اول ما نشت موزه قالت انها بتسير لآمنه شووي .. وتجهزت ..ولبست وسارتلها

مووزه : خلاص يعني بتسيرين ؟؟ وبتخليني رووحي !!

آمنه : احمدي ربج .. انتي عندج ريل هاهاها .. ريل ولا اييد نياهاها

موزه ابتسمت بالزوور : ما تنكتين

آمنه : له له له يا زلمه .. شو فييج ؟

موزه بضييج : يعني شو فيني ؟؟ انتي بتسيرين .. وانا ماخذه واحد غصبن عن شكلي وعن ابو اللي يابني وتبيني ما اتضاايق ولا جي ويهي؟؟

آمنه : الله يهدااج انا مابسير ومابرجع .. واصلن بخلييهم يجيبوني كل اسبوع بعد .. وبعدين انتي اللي مب راضيه تتقبلين ان زاايد ريلج .. هالريال والله ينقاال له رياال بمعنى الكلمه .. ليش انتي جي ؟؟

مووزه : اوووف مب قادره اتقبله

وزايد من الصووب الثاني كان يالس ويفكر بمووزه وكيف حاله معها .. هو يحبها ويعشقها .. ليش هي جي تعاملني ؟؟ انا لاازم اتفااهم معهاا .. مايستوي حالنا يظل جي .. واتصل علييها وطبعاً هي كانت عند آمنه مثل ما تعرفوون : ألوووو

زايد : هلا والله شحالج موااز ؟؟

موزه بخاطرها اووف هاي وقته : هلا هلا .. بخيير

زايد : انا بعد شووي بمرج وراح انسير نتغدى بأي مكاان

مووزه : مب اليوم انا الحينه بيت ربيعتي

زايد فيووزاته ظربت : نعمممم ؟؟ وكيف اتسيرين وماتستأذنين ؟؟ ..

موزه : اووف منك .. وليش استأذن حضرتك ؟؟

زايد : ارمسي باحترام ويايه .. انا الحينه ريلج وانتي حرمتي .. وعلى ذمتي .. ومالج الا شووري

مووزه : يوم اقوول انك معقد ومتخلف .. واسمحلي انا الحين عند اهلي وما ييت بيتك عسب تتحكم فيني

زايد خلاص وصل حده : الحينه ترجعين البيت .. انا ياي ويووم بيي بشووفج فالبيت وماعطاها مجال اترد وسكر الخط وهي اول ماسكر الخط تمت اتصييح

آمنه : مايستوي يا مووزه جي ترمسين ريلج وبهالاسلووب ..

مووزه : افهميني .. انا ما ارووم اتفااهم معه .. ما احس بشي تجاهه انتي ربيعتي حسي فيني

آمنه لوت عليها : والله حاسه فيج .. يا حبيبتي يا موااز .. صدقيني لو كسبتييه .. راح ترومين اتغيرين تفكييره اللي تقولين عنه معقد ومتخلف .. وانا اعرفج لو شي فبالج اتسوينه اتسوينه ..

مووزه بضييج وتمسح دمووعها : بحااول .. يلا الحين بسير .. زايد بيي بيتنا

آمنه : اوكيك يا قلبي .. وتفاهمي معه وعامليه عدل .. وحاولي تكسبينه

مووزه ابتسمت : انشالله ..


منصور تواعد مع جاسم في الكوفي شوب .. ويالسين يسولفون ..

منصور : شفيك متكدر

جاسم تنهد : آمنه بتسافر

منصور انصدم : شووو .. بتسافر .. ؟ متى .! ومع من .. ابوك ساافر شالسالفه

جاسم : اخوي سعود بيي مع خاله وولد خالته على ما اعتقد .. وبياخذون امنه

منصور مب قادر يستوعب : شو ياخذونها .. بتعيش عندهم .؟

جاسم : لا فال الله ولا فالك .. بس مدة سفر ابووي

منصور معصب : وليش تتحرا ابوك بيتم اسبوع ولا اسبوعين

جاسم وماله خلق : ياخي والي يرحم والديك .. يعني الي يسمع يرضيني سفرها .. بس ما اقدر اقول شي

منصور تنهد وكله ضييق وتم يفكر بآمنه .. كثر ما حاول يوصل لهاا .. المساافه تبعده .. وكل ما حس ان مشى صح .. لقى ان طريجه غلط.. وبخاطرها ياارب تحس فيني .. والله بلاها بمووت .. خذت بالي و تفكيري .. ويحس ان قلبه يحترق ان حبه من طرف واحد وهي ماتدري عن هوى داري

حسبي الله عالذي سبب شقاتي .. اللي سقاني المر عقب السلسبيل .. اللي بعد مجراك عن مجرى حياتي .. وابعدك عني بعد عمر طويل ..


ومن صووب موااز .. وصلت البيت وشافت بويهها زايد وكان الشرر يظهر من عينه
وقبل مايرمس حطت صبعها على حلجه : قبل لا ترمس او تحرج .. اسمعني .. انا ماستأذنت لانك ماقتلي كيف نظامك و شوو يعني .. ولا قتلي ان لازم استأذن يوم اظهر وان بتحرج .. يعني مايحقلك اتحرج علي

زايد مايبا يتظاارب : انزين ممكن تتلبسين عسب انسير نتغدى بررع

موزه ماكان لها خلق بس بتستحمل عسب ما يحرج : انزين وسارت بدلت ونزلت وعقب ظهروا



في قطـــــــر

نوف ودانه قرروا احتفالاً لانهم خلصوا المدرسة وانكتب عليهم اسم " الخريجات " انهم يروحون بيت بو فيصل .. وبعدها يروحون بيت بو محمد ويتموون لين الليل .. فراحوا بيت بو فيصل .. ونووف راحت غيرت ثيابها .. ودانه قالت بتكوون بثيابها ويوم بيروحون بيتهم راح اتغيرها لان مابيطولون فبيت نوف بس نوف تلبس وتغير ويروحون .. المهم وهي قاعده .. دخل فيصل واستانس ان شافها موجوده عشان يكلمهااا .. ويستسمح منهااا .. وهي ما انتبهت ان هو موجود ..

فيصل : دااانـــه

دانه رفعت راسها اتعرف هالصووت وتمووت فييه بس والله لا اروييه الوييل : ........

فيصل : السلام عليييكم

دانه ولا معبرته انا ارويييك .. فيصل : السلام لله ترااا

دانه وبعد ماعبرته .. وقرر فيصل ان يدخل بالموضوع دايركت : دانه انا اسف لو غلطت بحقج وبالغت بالعصبيه .. بس والله انتي ماتعرفين غلاتج وشكثر انا اغاار علييج وامووت فييج "" فدييتك وربي بس احلم خخخ "" .. وانا يوم شفت هالموقف انفعلت ومدري شصارلي ... سامحييني وربي ماكان قصدي

دانه : انت اللي سويته مب شووي .. انت غلطت بحقي .. انت هنتني قداام البنااات ..

فيصل : ادري والله ادري ... بس انا اعترفلج بغلطي .. وبسووي اي شي عشان ترضييين

دانه : انت اصلن ماوثقت فييني .. حسستني جنه بيني وبين هالولد شي

فيصل : اناا وااثق والله واااثق .. بس انتي ماتدريين الدنيا شلووون ..

دانه : شقصدك يعني ؟؟

فيصل : لا ولا شي .. بس اللي ابيج الحيين انج تسامحيني .. وما تزعلين علي ولا تشيلين بخااطرج

دانه ماكانت حابه ترد عليه ولا ان تسامحه بهالسهووله شووي تبي تتغلى علييه .. وبهالكلام طلعت نووف واستانست انها طلعت عشان تاخذها حجه وماترد علييه

دانه : هاا نووف نمشي ؟؟

نووف : يس .. يلا نرووح

فيصل : على وييين ؟؟

نوف : رايحين بيت خالتي

فيصل : خلاص انا بوصلكم

دانه : لا بنرووح ويا الدريوول .. ولا بعد شاك بيني وبين الدريول شي ..؟؟ .. يلا امشي نووف .. وراحوا

فيصل اهني احتر من كلامها .. يعني شقصدهااا .. اوووف الله يصبرني علييج .. لقتها فرصه انها تزعل

افرض اني
افرض اني, في يوم خطيت
تجازيني بهجر, تهجرني مثل ما الماي يهجر الشجر
مثل ما الناس فرقها الزمن

افرض اني, لو منك شكيت,
تجازيني بغدر, تتركني مثل صحرا بليا مطر
مثل عاشق ضايع في الزمن

افرض اني بحبك رضيت
تجملت بصبر, تجرحني بعد ما الحب في قلبي كبر
بعد ما الروح لفراقك تحن
افرض اني بحبك رضيت
وعذبني الصبر, تجرحني بعد ما الحب في قلبي كبر
بعد ما الروح لفراقك تحن


في الامارات

مووزة وزاايد وصلوا المطعم .. كان زاايد مضبط امووره وحااجزله طاوله لشخصيين .. ومسوي كل شي ومجهز لمووزه مكاان ما تتخيله .. ومووزه كانت مستغربه .. زايد شكله مب مال هالسوالف .. ولا له علاقه فيها .. والله مايندرى .. ويت مووزه بتيلس ع الطااوله

زايد : لحظــه

مووزه شافته ويا وعدل لها الكرسي وابتسم : يلا الحين يلسي .. ويلست
وتموا ساكتيين .. وموزه تلعب بييدها .. وزايد ماشال عييينه من علييهاا .. : والله وكبرتي يا مووزه وحلويتي

مووزه خزته : انا من يوومي حلووه .. ورجعت تلعب بييدها

زايد ضحك : ومحد قال شي ثاااني .. بس في نااس حلويين بس يوم يكبرون يخسفوون .. وفي ناس حلويين ويوم يكبرون يحلوون زيااده .. ويزييدوون حلاا
وعلى هالرمسه جاب لهم الريال المنيو
مووزه : اهاا .. ويلست اتشووف المنيوو

زايد : مووزه .. "وبهالوقت شافته" .. بصارحج بشي .. انا احبج .. بس مب من الحين .. انا احبج من زمااان زماااان .. بس يوم كبرنا .. استوينا مانشووفكم .. ولا انا استوييت اشووفج .. وانشغلت بوايد اشياا .. بس كانت لج معزه كبييره فقلبي وحب .. ويووم شفتج مره ثانيه .. اللي هي يووم الملجه .. والله يا مووزه حسيت اني احبج اكثر واكثر .. انتي استويتي لي .. انتي استويتي حلالي اناا .. حررمتي انا .. تعرفين شو يعني هالرمسه .. ويا مسك يدهاا وبااسها وقالها : أحبج وابتسم

مووزه نزلت عيينها وراسها : يلا انرد البيييت

زايد استغرب : ليييش ؟؟

مووزه : خلاص نفسيتي انسدت ردني البيييت .. مابا آآآكل

زايد : مب ع كفييج

مووزه : احترمني ولو مرره وردني البيت مابا اتم اهني

زايد تنرفز وعصب : يلا امشي ورااحووا


كفاية جرحك الاول ولا تجرحني ثاني
جروح الروح تتعبني ليه انت اناني
عطيتك صادق الاحساس وقلبك خارج ارماني
بوشو وكيف انا برضيك طلبها بشاره ابناني
انا حاضر قسم برضيك وشانك يالغلا شاني
وعطني مثل مابعطيك حرام عليك تنساني
ارى صدك يرد عليك وبيحرمك الاماني
عطيتك قلبي في ايديك وهذا حب برهاني
كفاية جرحك الاول ولا تجرحني ثاني
جروح الروح تتعبني ليه انت اناني


عند شوق .. شوق يالسه تفكر في حيااتها .. وسعود ومحمد .. تفكر في حبها القديم .. الي صار من المستحيل يستمر ..وتمت تفكر بمحمد .. وبحبه لهاا وغلاتها عنده .. وكل شووي تتذكر مواقفه وشو يسوي لها وشو يقول لهاا .. يحاول يسعدها كثر ما يقدر .. بس هو وشو محصل عندي .. ؟
لاحب
لا حنان
لا عطف
كل الي محصله مجامله مني له ..
حرام الي اسوويه فيه لازم احاول انسى حب سعوود .. وادفنه بقلبي .. محمد ما يستاهل كل الي اسوويه .. مجرد اني افكر بسعود هذي خياانه .. بس شسووي قلبي مب رااضي يقتنع .. ااااه يالدنيا ..

" ياسنين عمري كفايه حزن ياسنيني .. خلاص راح الذي يستاهل احزاانه .. لمي جروحك .. وكفي الدمع ياعيني .. ردي لزهرة حياتي باقي الوانه " ..



في الامارات
فالليل
آمنه بعد ماخلصت تجهيييز اغراضها وكل شي .. سارت الصالة ويالسه تحووس وتدوور وتحووط وكل شوي تسوي شي .. مره تتناجر مع حرمة ابووها ومره مع اخواانها ومره مع جووري .. عقب سمعت حد يدق الباب الرئيسي وسارت تفتحه
واول ما فتحت الباب انصدمت وعلامات الصدمه كلها بوييهها .. معقووووله ؟؟ .. لالالا انا بحلللم .. محد قاالي والله محد قااالي ..

آمنه : معقوووووووولة ؟؟؟؟

..... : ههههاااي اكييييد معقوووووله كل شي بهالدنيا جاايز


وانتظرو الجزء الثامن عشر

[MissRose]

وبعديييييييييييييييييييين


كمل كمل


بسرررررررررررررعه

[راضـ نمله ـخ]

الجزء الثامن عـشـر

في الامارات
فالليل
آمنه بعد ماخلصت تجهيييز اغراضها وكل شي .. سارت الصالة ويالسه تحووس وتدوور وتحووط وكل شوي تسوي شي .. مره تتناجر مع حرمة ابووها ومره مع اخواانها ومره مع جووري .. عقب سمعت حد يدق الباب الرئيسي وسارت تفتحه
واول ما فتحت الباب انصدمت وعلامات الصدمه كلها بوييهها .. معقووووله ؟؟ .. لالالا انا بحلللم .. محد قاالي والله محد قااالي ..

آمنه : معقوووووووولة ؟؟؟؟

..... : ههههاااي اكييييد معقوووووله كل شي بهالدنيا جاايز

آمنه مستانسه : والله نورتوا البلاد وأنا اقول ليش البلاد اليوم منوره

لوى عليها ومستاانس بشووفة امنه : يا حبيبتي يا آمنه .. النور أصلن كله نوورج .. وبااسها على خدها


في قطــ،،،ــر

نوف كانت مقرره انها ترقد فبيت بومحمد وطبعاً بعد حنه ورنه وقاعدين يجهزون لسهرتهم

دانه : شرايج انحط الأكل هالصووب وتأشر على المكان

نووف : خووش شي .. بس شكلي بااكل الحين مييته من اليووع .. إلا جوالها يرن .. وشافت رقم فييصل .. واستغربت

نووف : شيبي هااي ؟

دانه استغربت ..: من ؟!!

نووف : فيصل من غيره هالملغ أكيد بسأل عني أو شي

دانه اللي للحين كارهه فيصل : لا تردين عليه

عهود : عيب .. ردي عليه ماعليج منها

نوف خذت بكلام عهود وردت عليه ...

نووف : ألو السلام عليكم هلا فيصل

فيصل وهو معصب : ولا عليكم كان مارديتي

نوف توهقت : كنت أدور ع الجواااال

فيصل بعصبيه : دقيقه واشووفج عند البااااب

نووف : ليش فيصل أمي وأبوي راضييين

فيصل قاطعها وهو يصااارخ : أقوووووولج طلعي ولا ماتفهمييييييييييييين ؟؟

عهود من الصوب الثاني : شفييه فيصل ؟؟

نوووف : نااطرني عند البااااب .. وكانت صج متضايقه باللي قاعد يسوييه فيها الحييين

دانه : هالصايع شيبي

فيصل يكلم نووف ويرد على كلام دانه : ما الصايع الا اخوو رفيجتها

دانه تأشر لنووف ان تعطيها الجوااال وعطتها : مو كيفك بترقد عندنا أختك

فيصل فز قلبه يوم سمع صووت حبيبته ورووحه بس يكاابر : أول سلمي ولا مانستاهل السلام ؟؟

دانه تسمع صوووته وقلبه يدق زيااده وزياااده : انت وشو تعتقد ؟؟

فيصل بهمس : يا بعد قلبي .. زعلانه ..؟؟

دانه انحرجت وويها قلب ألوااان : الحين بتخليها ترقد والا لا ؟؟

فيصل : اممممم على شرط

دانه : تتشرط بعد ؟؟..

من الصوب الثاني .. نووف : ياخي وافقي وريحينا

دانه اضطرت انها توافق : وشو الشرط ؟؟

فيصل استانس : قولي تم

دانه فخاطرها الله يعيين .. : تم

فيصل : قوولي أحبببك ..

دانه قلبها يرقع : وشووووو .. تحلم انت .. نجووم السما اقربلك ..

فيصل : قوولي لنووف دقيقه وان ماطلعت وربي لأكسر راسها

دانه : انزين انزين خلاص

فيصل بمكر : خلاص وشووو ..؟؟

دانه راحت شووي بعيييد وبسرعه قالت له : ما أحبببك

فيصل : وانا امووت فيييج

دانه : بس انا ما قلتها

فيصل : بس انتي قلتيها .. خلي نوف عندج .. ويلا باااي .. وسكر الخط وماعطاها مجال انها ترد

دانه انقهرت ليش ان واثق بحبها له .. وبخاطرها مالت عليك بس احبك .. ودخلت عند البنات وبشترهم بالخبر السعيد .. وهم استلموها تعليقات عليها ..

اما من صووب فيصل يضحك عليهم .. لان اصلن هو منسدح على سريره .. ومافي امل يرووح ياخذها ..

في الإمــــارات

منصور قاعد ع البحر على حزة الفجر وخلاص الدنيا ضاقت به ماباقي شي وآمنه ترووح منه وهو ماعبر لها عن شي .. وقال ان خلاص بيتصل لها وبيقوولها واللي فيها فيها .. وآمنه بهالوقت كانت سهرانه اتشوف نوور .. شووي وتسمع موبايلها يرن .. وشافت رقم غريب .. ياربي منو متصل هالحزه أكيد في شي جايد .. وفهالحزه ناصر ظهر يشرب ماي وسمعها ويااه فضوول يبا يعرف منو هاا ..

آمنه : أرد والا ما أرد ؟..؟؟ يلا أرد .. يمكن مستووي شي .. وردت علىة الموبايل لكن حطت ع السبيكر عسب تنتدمج بالمسلسل ومايطوفها شي ..

آمنه : ألوووو نعم ؟؟

منصوور : هلا والله ببنت عمي
" ناصر بهالوقت استغرب أي عم ..؟؟ وأي ولد عم ..؟؟ "

آمنه : منووو ..؟؟ .. منصووور ..؟؟

منصوور : علييج نووور ... هيه نعم ..

آمنه تضحك : نعامه ترفسك .. حد يتصل هالحزه زيغتني

منصوور : زاغ منج ابليييس

آمنه : أقووول وايد شاد حييلك اليووم .. وت يوو وونت ؟..؟؟

منصوور رمس وماحس باللي يقووله : آي وونت يوو

آمنه انصدمت : شووو ..؟؟
" ناصر بخاطره يمسك الموبايل ويكسره بس بعده متمالك أعصابه ويحاول قد ما يقدر ان يهدي عمره "

منصوور : آمنه سمعيني .. أنا اباااج تسمعيني للآخر وما تقاطعيني ولو عندج أي شي خليه بعد رمستي مب الحينه اووكيك ؟؟؟

آمنه وبعدها مصدوومه : منصووور مستوووي شي ..؟؟

منصوور بضييج : الا مستوووي ,, قلب ولد عمج تعبان ويعاني والمشكله ان محد حاس به .. وحاس الدنيا ضايقه به .. الزبده ان انا احبج وابااج تفهميني .. تكفين لا ترديني .. والله ما أرووم أرقد الليل والسبه حبي لج .. وربي اني صادق ورب الكون يشهد على حبي لج ..

آمنه انصدمت شو يخربط هاا ؟؟ .. ماتوقعت يوم من الايام يتجرأ ويقول جي ومب عارفه شو ترد عليه .. الا تشووف ناصر ياي والا اتسكر الموبايل بويهه

في قطـــ،،ـــر

محمد قاعد بالصاله ويفرفر بالقنوات وقال بيروح المطبخ يبي يسوي باستا مشتهيها من قلب .. ومب عارف شلون يسويها .. وقال بيطرش مسج لشووق لجل يعرف اذا هي صاحيه والا نايمه وخبركم الحين الفجر
المسج : يا قلبي اذا كنتي قاعده ابيج تعلميني طريقه الباستا ..

شوق بهالوقت كانت منسدحه وتفكر كالعاده في حياتها اللي انقلبت الا جوالها يرن برنه المسج وفتحته وشافت ان المسج من محمد .. وابتسمت لا شعورياً وماتدري وشو سر هالابتسامه .. واتصلت له

جوال محمد رن واستانس انها واعيه .. ورد عليها

محمد : هلا حبي .. هلا بقلبي ..

شوق ابتسمت : هلا بك زووود

محمد : ليش الحلوو سهران ؟؟!!

شووق : افكر

محمد : فيني ..؟؟؟ << مسكين حاله

شوق : شي طبيعي

محمد : يا قلبي والله ..

وبعدها تموا يسولفوون ومحمد قاعد يسوي الباستا وشوق تعلمه


في الامــارات

ناصر يصرخ عليها : هاتي الجوال

آمنه تناظره مستغربه : ما يخصك

ناصر : وربي بلعن خيرج وخيره لو ماعطيتيني الجوال

آمنه تروح عنه وتضحك : الله يعين حااالك .. أدعييلك بالشفااا العااجل ..

ناصر من العصبيه مسكها ورعصها وخذ الموبايل منها وفلعه ع اليدار .. وآمنه لا شعوريا يالسه تضحك ضحك مب صاحي .. أول مره تتعرض حق هالمواقف .. وناصر منصدم شبلاها هااي ..

آمنه وهي تضحك : هاي المريله عندك ..؟

ناصر شوي ويفلعها : ثمني كلامج

آمنه تمت تناظره والا تسير الحجره وعطته بو لباس ..
وفالغرفه تمت تناظر الرسمه وفي خاطرها اللي يقول شي هامني الحين ..

ومن الصوب الثاني .. ناصر : انا شسوييت .. يعني استقويت عليها بهالشي .. شبتقول عني .. وانا مب من حقي اقول هالشي والا اتصرف هالتصرف .. صج تصرف بزارين ..


ومـــر الوقـــت وكـــلـــن علـــى همـــــه ســــرى


في الامارات
الصبح .. عند مووزه ..

كانت يالسه تغني في الصاله .." بسييطــه لورييكم واشوفكم عذابي
بسيطـــه ظلمتوني وحرمتوني شبابي

جرحتوني وانا المجروح اســامح
وظلمكم صار عندي شي واضــح

بسيطـــه لخليكم تنوحون على بابي
بسيطـــه لخليكم تونون على بابي """

وزايد وسعيد بلحظة ماهي تغني دخلوا وانصدموا من كلمات الاغنيه

زايد : بل بل حشى هذي اغنيه ...؟؟!!! ..
وناظرها بنص عين : من تقصدييين

موزه لا شعورياً : من غيركم وراحت وسعيد هز راسه وسار صوب المطبخ وزايد بهاللحظه مسك يد موزه

زايد بحده : بلاج مووزه ..؟؟؟

موزه : ماشي .. وتبا تسير عنه وهو يقوي قبضه يده ويسحبها معه

موزه : خووز عني .. يوم اقول انك معقد محد يصدقني

زايد بعصبيه : شووووو..؟؟

مووزه انتبهت لرمستها : اللي سمعته

زايد : اني احبج يعني معقد ..؟؟

موزه سكتت وبخاطرها .. هيه هين .. بعد الزواج كل شي بيبان على حقيقته .. هذا انتو ايام الخطووبه ماشي احسن عنكم .. وبعد الخطووبه نفسكم نفس الحميير بلا احساس ..

زايد : ليش ساكته ..؟؟ .. مارديتي ..؟؟

مووزه قلبها عورها ليش زوجوها بالغصب وليش ماخذوا رايها وكل ما تتذكر هالشي تزيد الطعون في قلبها وحقدها على زايد ولا شعورياً عيونها يالسه تذرف دمووع ..

زايد انصدم : بلاج مووزه .. منوو مزعلج ..؟؟

مووزه ساكته

زايد خاف ان زعلها برمسته : انا زعلتج ..؟؟

مووزه : لاا .. وسارت فووق بدوون ما تسمع رده .. وهو ماحب يضغط عليها زياااده .. وخلاها براحتها



وفصووب بيت بو سعود .. الكل نش متأخر لان الكل سهران .. اما ناصر كان يالس من البارحه وموااصل .. وواضح عليه التعب وانه مب راقد وطول الوقت يتذكر رمسه منصوور ..

الكل مجتمع على الغدا ماعدا نااصر وآمنه لاحظت عدم وجووده ..

سعوود : ويينه نوييصر ..؟؟

عبدالعزيز : الحبيب شكله سهران مايدري ان اليوم موعد السفر

آمنه طول الوقت ساكته وتسمعهم ..

جاسم : بلاكم ..؟؟ .. ليش مستعيليين على السفر

سعود : ماعاد بدري

جاسم يناظره بلاه هذا تخبل : الله يهديك بس ياخووي

وبهاللحظه دخل ناصر يناظر آمنه بنظره احتقار ويلس عدال فهد ..

فهد : صح النوم يالحلوو

ناصر يشووفه : أي نووم وأي بطيييخ يالحبيب

سعود لاحظ على ناصر التعب اللي واضح من ويهه وشكله مب راقد : شفيك نويصر شكلك مب راقد شي

ناصر : اي والله اتصدق .. بس بالأخيير اكتشفت ان سالفه مب مستاهله .. ومعور راسي على ناس فاضيه

عبدالعزيز : بل بل عسى ماشر ..

ناصر وهو يصب له ماي ..: ماشر يالغالي ... وسكت عنهم

وآمنه الوحيده اللي فهمت قصده .. وبعدها قامت

آمنه : الحمدلله

سلطان : شو فيج ما كلتي شي ..؟؟

آمنه : انسدت نفسي .. ونشت من مكانها


في قطــ،،ـــر

العصر

في سيلين راشد ونايف يجهزون سكوتراتهم لجل السباق اللي متفقين عليه .. ومسويين تحدي .. واللي يخسر يعزم الثاني على تذكره سفره لمصر وكل شي يكون على حساب الخسران

راشد : ها نويييف .. قد التحدي ..؟؟؟

نايف : اي اكييد .. قده وقدوود .. بس المهم انت ما تخووون

راشد : لا افااا علييك .. بس انت تحلم بالفوووز

وبهاللحظه طلال جا عندهم .. وشافهم

طلال : السلام علييييكم ..

راشد + نايف : وعليكم السلام ..

طلال يتمصخر عليهم : من صجكم تتحدون بالاسكوترات

راشد : تغيير .. والتحدي مب هيين

طلال : على وشو متحدييين ..؟؟

راشد : اسأل عمك

طلال : ها عمي نيووف على وشو متحديين .؟؟

نايف يغمز لراشد بمعنى ان الفوز لنايف : الخسران يعزم الفايز على تذكره سفر

طلال فتح عيينه : من صجكم .؟؟ .. ابي اتحدى معكم

نايف : واللي يرحم والدييك .. طير عناا .. قال بتحدى معكم قاال .. لو عندك الحين 5 ريالات في مخباتك زين ..

طلال : اسكت بس اسكت .. الا التذكره على ويين ..؟؟

راشد : ام الدنيااا ..

طلال : ام الدنيا بعييينك .. وحرك عنهم .. وركب سيارته .. وريس عليهم وشخط .. والغبره كلها راحت عليهم ..

راشد عصب : تالله على شكله ..


في الامــارات

آمنه يالسه تفكر برمسه ناصر ومنصور .. معقووله منصوور يحبني ..؟؟ .. آه يالزمن .. بس ناصر ليش عصب حتى مب راضي يناظرني .. ويرمسني .. واذا ناظرني .. يناظرني باحتقار .. عنلاااته كني ماكله حلال ابوووه .. ويعني انا شو اسوي دام العالم تحبني .. وبعدها ضحكت .. وفخاطرها .. بسير ارمسه بعد يمكن يفضحني ويقول لسعود أو اي حد من اخواني عن رمسه منصور واتصاله ..


طلعت من حجرتها الا تشوف فهد وسلطان يالسين يلعبون سووني وناظرتهم وبخاطرها كيف بستحمل فراقكم ..؟؟ .. وبعدها سارت تحت بس ماشافت حد .. الا واحد ينغزها من وراها : بوووووووو

امنه اخترعت : وجع .. لفت راسها وشافت خالها عبدالعزيز وانحرجت

عبدالعزيز ضحك : ههههه تخرعت الحلوه .. بس وجع قوويه .. وفرصها على خدها

آمنه بوجع : آآآي .. اسفه خالي بس خووز عني ..

عبدالعزيز : جهزتي اغراضج ..؟؟

آمنه : هيييه .. وبعدها تنهدت بضييييج

عبدالعزيز : شفييج اموونه شكلج متضايقه ..؟؟

آمنه : لا ماشي .. بس ما اقدر افارق اهلي .. وبتردد .. قلبي مب متطمن لهالسفره ..

عبدالعزيز يخفف عليها : انشالله هناك بتستانسين وعند امي اللي هي جدتج وانتي قريبه منها بترتاح لا تعتقدين انج بالامارات وبعييده عناا .. يعني هي ناسيه بنت بنتها الغاليه .. صدقيني دوم تذكرج وتذكر امج وبطاريج تنزل دموعها وهي تتذكر بنتها ..

آمنه بهاللحظه دمعت عينها ماقدرت تستحمل يوم تذكرت امها اللي ماشافتها حتى امها اللي هي امها ماشافت بنتها .. وقامت اتصييح .. وعبدالعزيز حضنها وتم يهون علييها ..

وبهاللحظه دخل ناصر وسعود اللي متفاجئيين من آمنه كيف تصييح بحضن خااالها .. عمرهم ماشافوها بهالضعف .. وانها منهاره ..

سعود تقرب منهم : شفييج امنه

آمنه وهي قايمه : ماشي .. وسارت فووق عنهم

سعود : عزوز شفيها اختي

عبدالعزيز : مافيها الا العافيه انتو جهزتوا اغراضكم .؟؟

ناصر اللي للحين بحاله الصدمه : اي

ورن جوال عبدالعزيز وطلع عنهم


في قطـــ،،،ـــر ..

الشباب بدوا السباق وكان الحكم من بينهم مبارك .. امس رجع من السفر .. وماصدق خبر على طووول سيلين ..
وانتهت المباراه بفووز ناايف

نايف وهو يضحك على راشد : هاا يا بوالشباب .. لا تنسى الوعد

راشد بعبط : هاا شتبي ..؟؟ مااعرفك اناا .. وقام بالفيت بيرووح عنه

مبارك مسك راشد وقعده : اقعد اقوول .. وانا الحكم مالي نصيب بشي ..؟؟

راشد : انت اسكت واللي يرحم والديك .. بروحي متحسف على التحدي

نايف يضحك : قلت لك من البدايه انسحب مب راضي ..

راشد : المهم اني قد التحدي وانت اخذ اجاازه والتذكره على حسابي ..

نايف ضرب راشد على كتفه بالحيل : تعجبني يا ولد اخووي .. طلعت رجال قوول وفعل ..

راشد : وجع .. انجلع عني .. لا اهون الحيين

نايف : بديينا بالمذله ..

مبارك : يالله خلوونا انحرررك ..

راشد : وين يا رجااال .. انا متواعد مع واحد من الربع تحدي دراجات

مبارك : وانت مصدق عمرك كله تتحدى واخرتها الخسران

راشد : لا ماعليك الدراجات محد يجي صووبي ..

مبارك : اي هين محد يجي صووبي قاال ..


في الإمارات

عبدالعزيز بعد ما طلع من عندهم كانت مريم متصله له ورد عليها

مريم : ما وحشششتك .؟؟

عبدالعزيز : الاااا والاااا وحشتيني .. واليووم انشالله بردلج يا أحلى وحده بهالدنيا

مريم استانست : تسلم فدييت قلبك

عبدالعزيز : الله يسلمج يا عمررري .. شخباره سعوودي ..؟؟

مريم : كم مره تسألني عنه ..؟؟ .. اخرتها بغار من ولدي ..

عبدالعزيز : فديت اللي يغار والله .. شسوي احبه واحب امه .. روحج برووحه .. وتبيني ما اسأل عنه.؟؟؟

مريم : يا بعد قلبي والله .. عزوز اخر مره تسافر وتخليني برووحي ..

عبدالعزيز : اوعدج يا قلبي ماعاد اتركج .. لولا الظروف تتوقعييين اقدر ابعد عن رووحي وقلبي ..؟

مريم ابتسمت بعذووبه : احبببك ..


ومــر الوقــت وكــلن علــى همــــه ســــرى

وصلوا الأهل قطر ومعهم آمنه .. وآمنه كانت مستانسه من بعد الضيق اللي كان فيها .. لكن شووي متوتره وعلى اعصابها لان راح اتم معهم فتره طويله وماتدري وشو الظروف اللي مخبيه لها خلال هالسنه .. في المطار كان باستقبالهم نايف وراشد ومريم وشووق .. أول ماشافوا آمنه البنات على طول راحوا صوبها وسلموا عليها .. وبعدها مريم شافت عبدالعزيز .. وهو من كثر الشووق لا شعورياً ضمها وباسها على راسها .. لدرجه ان خلاها تنحرج

عبدالعزيز متشوق : وحشتيني غلاتي .. وحشني هالويه والله ويبوسها على راسها ..

مريم وخرت عنه : خلاص عزوز .. فضحتنا جداام العالم ..

عبدالعزيز غمز لها وبعدها راحوا صوب الأهل .. وراحوا البيت العود لان الكل باستقبالهم هناك ..

واول مادخلوا الكل وقف والجده وقفت وتمت تناظر آمنه وساكته والكل ملاحظ تغير ملامح الجده ..

الجده وهي تناظر آمنه تذكرت بنتها لان كانت نسخه امها .. الملامح !! .. الابتسامه !! .. الضحكه !! .. وكل شي فيها يذكرها حيل فبنتها المرحوومه .. ودمعت عيوون الجده .. وراحت عند آمنه ولوت عليها من قلب .. وآمنه تمت تدمع عيوونها لموقف جدتها

الجده : شحالج يالغاليه يا بنت الغاليه .. نورتي بيتج وبلادج ..

آمنه بابتسامه عذبه : طيبه بشووفتج يا يمه .. وضمتها بالحيل وباست راسها

وبعدها آمنه تمت تسلم على جدها وخوالها والبنات والاهل


وفي الامـــاراااات

عند منصووور كان حييل متضايق يالس في ميلس بيت عمه ويناظر الباب ويتذكر موقف آمنه

"" [ وبصوت عالي : عنلاااااااااااتكم .. وينكم من الصبح ادوركم

الكل تم يناظرها مستغرب وشفيها حدرت على كيف ابوها .. لا متغطيه لاشي .. لان منصور وجاسم كانوا قاعدين بس مايلعبون .. على الجهه الثانيــه وهي ما انتبهت لهم .. عاد منصور الي فز قلبه اول ما شاافهــا .., وبخاطرها انا ولا مره شفتها تقول كلمه حلوه ههههههه بس بعد احبهاا ..

آمنه : شو شايفين وحش .. المهم ابااكم تسيروون معي الموووول يلا فزوا .. والكل ساكت من الصدمه مب قادرين يرمسون بس يناظرونها ..

بعدين منصور كح عسب تنتبه له الرجال قاعد انحرج .. : كح كح ..

آمنه لفت راسها وشافته .. الا تتفشـــل .. وتظهر برع .. وظهر وراها جاسم .. ] "

جاسم : منصووور وين رحت ..؟؟

منصوور بضييق : هنااك هنااك .. ولا شعورياً يأشر على الباب

جاسم يشووف المكاان اللي أشر عليه منصوور : وين هنااك ..؟؟

منصور انتبه لنفسه : ها لا ماشي .. وهو نااش : انا ظااهر .. وظهر من البيت بدون لا يسمع الرد وجاسم استغرب من منصوور : شو بلاه هاا ..؟؟


فـي قطـــ،،،ـــر

في الليل صقر قاعد في مكتب شهاب ولد عمه " اخو مريم " ويسولفون في وقت البريك ..

صقر : الا وشو آخر الاخبار يالنسيب ..

شهااب : والله ولا شي .. اي الا اقوولك اليوم نسيبي راد من السفر

صقر باحتقار : منهوو .. بو عمر ..؟؟ " ويقصد عبدالعزيز لكن مايسمييه على اسم ولده "

شهاب : اي ..

صقر بخاطره ويعيه تويعه هالنذل .. وتم يفكر .. وبعدهاا ..

صقر : يلا استأذن بروح اكمل شغلي ..

شهاب : الله معك ..


وانتظروا الجزء التاسع عشر

[MissRose]

رضوووووووووووخ


كمل كمل كمل

[.قطري مزيون.]

راضخ
الله يخليك لعبت بعصابنا رصها مره وحده
خلنا نقراها ونفتك
حرام عليك
والله انك قهرتني
كمل الشيخ
ننتظر الباقي

[.قطري مزيون.]

رضوووووووووووووووخ <----- شفيه قط الميانه مع الرجال
الله يخليك <----- صدقوني يتمصلح لحد يصدقه
كمل القصه <----- ماقلت لكم انه يتمصلح يقوله الله يخليك علشان القصه
ننتظر الباقي
لاتبطي علينا
والله اني ابي اعرف شصار وياهم

[راضـ نمله ـخ]

الجزء التاسع عشر


في الامارات

زايد يالس مع سيف بس فكره بعيد عنه مب معه .. وسيف ويرمس ومندمج برمسته .. وزايد خبر خير ..

سيف وهو معصب ان زايد مب معه وسار عنه : هي زيووود وصمخ

زايد تنرفز : ها شو تبا

سيف اعصابه وصلت حدها : شو شو تبا ساعه ارمسك وانت بوادي ثاني

زايد بضيق : اسكت واللي يسلمك .. اللي فيني مكفيني

سيف : شو فييه عسى ما شر

زايد تم يشكي لسيف الحال عن حرمته وكيف هو يحس انها ماتباه .. وسيف يهون عليه

سيف : انت اتريا عليها .. يمكن هي ماتعودت على هالوضع .. اصبر وشووف .. صدقني بعدين بتموت فيك وفهوااك .. بعدها غمزله

زايد تنهد وابتسم : الله كرييم


في قطـــ،،ــــر

مريم مخليه البنات وقاعده عند ريلها والدنيا مب سايعتها من الوناسه ..

عبدالعزيز وهو ماسك يد مريم ويبوسها : يا قلبي والله اشتقتلكم حييل .. اخ لو سعود مب راقد كان حلت القعده

مريم حدها منحرجه وبهمس : بس عااد ياخي فضحتنا جدامهم

طلال يعلق عليهم : اووب اووب حركاات يا بوسعوود ..

عبدالعزيز : اقلب ويهك عيب تشوف هالحركات مب للبزارين

طلال : بزارين بعيينك مب منك من سواد ويهك تغازل حرمتك قدامنا

عبدالعزيز عصب : احترم نفسك وثمن كلامك .. ولا نسيت اني عمك

طلال : اي هين يالحبيب .. وقاام : يلا انا ماشي لما اكبر بجييكم وضحك بمصخره عليهم .. وطلع

مريم تهمس لعبدالعزيز : زين خليته يزعل ويطلع

عبدالعزيز جا بيرد عليها لكن جوال مريم قاطعه .. مريم شافت الرقم غريب .. وقالت بخاطرها .. يمكن حد من ربعي مغير رقمه .. وردت

مريم : الووو السلام عليكم

..: وعليكم السلام .. حيهم بالمزاييين

مريم استغربت من الصووت ؟ .. وبخاطرها من هذا : من ..؟؟

..: الحمدلله على سلامة الحبيب

مريم : وشووو

..: الثوور ريلج .. ليش مب توا راجع من السفر

مريم بعصبيه : ثمن كلامك .. الا عبدالعزيز يسحب الجوال منها


عبدالعزيز بعصبيه : الوووو من ..؟؟

... : تفووو عليك يالوصخ

عبدالعزيز يبي يرد الا الخط يسكر ..

عبدالعزيز عصب : من هاااي ..؟؟

مريم بضيق : مدري مدري .. خلك عنه .. اعتقد واحد مغلط

عبدالعزيز معصب : اي واضح ان مغلط .. والجوال اخر مره تمسكينه واخذ الجوال وطلع .. وهو معصب .. مريم بخاطرها هذا ما غيره صقر .. بيذبحني لو درا عبدالعزيز .. الله يستر



صووب الحريم الكل قاعد يسوولف ويسأل آمنه عن اخبارها .. واخر اخبار الاهل وكيف هم مستانسين بجيتها

عهود : آمنه وين بتمين في بيت من ..؟؟

آمنه بضيييق : مدري بتم مع سعووود

الجده : لا يا يمه .. بتمين اهني في البيت العود .. تحت انظري .. ما اظمن لج عند هالمينن

آمنه ضحكت : ولا انا ضامنه عمري .. وتموا يضحكون

الجده : امنه حبيبتي روحي اخذي مفتاح الحجره من عند ناصر قبل شوي عطيته يودي اغراضج الحجره

آمنه توترت وبخاطرها ما حصلوا الا ناصر .. كيف بكلمه ..؟؟

الجده : يلا يا يمه رووحي .. واشرت مكان ناصر

آمنه : انشالله امييه

وراحت آمنه صووب ناصر اللي كان يتعبث في جواله ..

آمنه بتردد : ناااصر

ناصر بدون لا يطالعها : خييير

آمنه : ابا المفتااح

ناصر : مفتاح وشو ..؟؟

آمنه : مفتاح قلبك .. ناصر يخزها بنظراته .. آمنه : مفتاح الحجره بعد مفتاح وشوو

ناصر : أي حجره << يستهبل عليها

آمنه : حجره يدتي .. بعد أي حجره .. اخلص وعطني

ناصر : وش شايفتني نجاار اصنعلج مفاتييح .. ماعندي شي اناا .. توكلي

آمنه عصبت : وكل الله عليك ابلييس .. وارمسني عدل ثاني مره .. وناظرته باحتقار .. : شايف نفسك على الطل .. انت الغلطان وانت اللي تزعل .. وسارت عنه

وبهاللحظه عهود كانت تشوفهم .. وناصر من العصبيه مسك يدها بالقوو ..

وقال لها : تكلمي عدل .. واعرفي مع من تتكلمين .. مب انا اللي وحده تكلمني بهالاسلووب .. وطلع المفتااح .. وفراه عليها وراح .. آمنه لا شعورياً عيونها تمت تدمع .. وطلعت بررع



وفي المطبخ سعود قاعد على الكرسي يشرب مااي .. وبهاللحظه دخلت شووق تجييب الشاهي والقهوه اللي طلبت منها الجده انها تجيبه

سعود اول ما شافها القلاص طاح من يده .. وشووق تخرعت

شووق بتوتر : آآسفه

سعود تم يناظرها بعدها نظره من عليها .. ولهى نفسه انه يلقط الزجاج اللي انكسر .. يبي يفهمها انها صارت ولا شي فدنيته لكن في قلبه العكس صحيح

سعوود : في شي ثاني تعتذرين عشانه .. بعد اللي سويتيه

شوق : سعود خلاص تكفه لاا .. وقاطعها سعود : بغيتي شي من المطبخ ..؟؟

شوق دمعت عيونها واخذت الشاهي والقهوه وطلعت .. وآمنه بالصدفه كانت داخله المطبخ .. وحست ان بينهم توتر .. شووق دموعها واضحه بعيوونها .. وسعوود لونه رايح فيها ..
شووق على طول طلعت من المطبخ ..

آمنه : سعوود في شي

سعود شافها وابتسم : سلامت قلبج .. وطلع من المطبخ

آمنه بخاطرها شو سالفتهم العالم وقعدت مكان سعوود .. وتمت تفكر

الله يعيني تعبت وانا ماصارلي الا كم من ساعه .. ابا ارد الامارات .. وموبايلي الله يغربله نوييصر كسره .. باجر بسير اخذلي موبايل ثاني ..


في الامارات ..

جاسم يالس في الميلس مع اخوانه .. ويفكر بحالته .. وبأخته آمنه الي ساارت عنهم .. وبخاطره صج اني مابينت حزني .. وموزه راحت من يديني .. خلاص .. آآآه .. مدري كيف بصبر على هالعذاااب .. وهي ماتدري عن هوى دااري .. كيف بقدر أنساها .. الله يعين حاالي من بعدج يا مووزه .. وطلع من الميلس وسار عند الشبيبه

وعند موزه يالسه تفكر بربيعتها امنه الي سااافرت .. وبخاطرها تبا ترمسها .. اشتاقت لها حييل .. واتصلت لهاا بس موبايلها مغلق .. وبخاطرها .. هذي حزتج يا آمنه تغلقين المووباايل .. وربي ضاايق خلقي من قلب .. اوووف خل ارقد ابرك لي ..

ومر اليوم وكلن على همه سرى



في قطر ..

آمنه ماقدرت ترقد نفس الاوادم .. نومها كان حييل مقطع .. مب متعوده على المكان .. وتفكر في حيااتها .. شلون بتقضي هالسنه .. وقامت من فراشها ودخلت الحمام الله يعزكم .. وخذت لها شاور وطلعت وبدلت .. وبعدها نزلت تحت وشافت ناصر وسعود يالسين مع جدتهم .. وعلى طول تذكرت موقف الباارحه ,,

آمنه : السلااام عليكم .. وباست راس جدتها ..

الجميع : وعليكم السلاام

الجده : شفيج امنه شكلج مو راقده عدل .. أكيد مب متعوده على المكان ..

آمنه تبي ترد حركة ناصر .. : لا أمييه مب جي السالفه بس مارمت ارقد .. واخر شي اكتشفت ان يالسه اعور راسي على شي ما يستاهل .. وناظرت ناصر باحتقاار ..

الجده : تعالي يمه يلسي احذااي .. وصبت شاهي .. وعطتها امنه ..

آمنه : تسلمين لي يا الغاليه ..

سعود : شحالج امووونه

آمنه ابتسمت لاخوها : طيبه الله يسلمك

وتموا يسولفون .. وناصر طول الوقت يناظر امنه .. وساكت .. وآمنه عطته كااش بالويه ..

آمنه تناظر ناصر : بعدين معك .. شو تناظر

ناصر انحرج وبخاطره قوويه هذي .. بس انا اعلمها .. وباستهبال : جمالج يا بنت يعذب

سعود : هي هيي حدك على اختي

ناصر : ليش شايف وجه اختك . هي والسبال واحد ..

آمنه عصبت : ما السبال الا انت ..

الجده : بس خلاص ما تحترموني ..

آمنه : اسفه امييه .. بس هذا ينرفز شو اسوي به

الجده ادافع عن امنه : نااصر يوز عن البنيه

ناصر : وش سويتلها هااي ..

سعود : نصوور قم بس قم .. لو تمينا اكثر عاادي اذبحك .. تراها اختي ولا نسيت ..

آمنه : ياخوي ياقلبي ماعليك منه .. انا كل واحد اخذه على قد عقله .. ماهمني ..

ناصر : شقصدج يعني .؟!

آمنه بدلع : اللبيب بالاشاره يفهم ..هيه صح .. انت لو بالرمسه ماتفهم وين بالاشاره ..

ناصر : لالا تكلمي

آمنه : يقولك يا ولد خالتي .. اذا كان الكلام من فضه فالسكوت من ذهب

سعود عصب: واليي يرحم والديكم سكتووا ..

الجده عصبت : صج انكم بزارين ماتفهموون .. وناظرت امنه .. ياقلبي روحي قولي للخدامه تحط الفطوور << .. تبي تصرفها عشان ماتزيد ..

وبعدها راحت ..




في بيت بوفيصل

دانه راحت لنوف من الصبح .. لجل يطلعون نتايجهم .. وتموا يحاولون والموقع مشير .. من كثر الضغط الي عليه .. ودخل عليهم فيصل ..

فيصل : السلام عليكم ..

دانه + نوف بدون نفس : وعليكم السلام

فيصل : شفيكم تردون السلام بدون نفس

نوف وهي معصبه : فصووول شفيه هااي .. ودفت اللاب ..

فيصل : وخروا وخروا .. انا بشوووف ..

دانه ونوف وخروا من عند الجهاز .. وفيصل تجدم من الجهاز .. ويحاول فيه ..

فيصل : اووب طلع ..

دانه + نوف : كم النسبه

فيصل : نووف مبرووووك 90

نوف استاانست : قووول والله ..

فيصل : اقص عليج اناا .. وبعددها قامت نوف ولوت عليه من الوناااسه

فيصل : وخري خل اشووف نسبة دانووه ..

فيصل بطل عينه على الاخيير : دااااانه .. شهالنسبه الزفته .. وبالفيت تدرسين هاا .. ومعصب عليها

دانه قلبها طااح وتخرعت : لييش والله كنت ادرس .. كم نسبتي .؟!

فيصل : 72 وتقولين تدرسين

دانه بدت تدمع : احلف فصوول ..

دانه قربت من الجهااز وشاافت النسبه 91 .. ولاشعوريا ظربت فيصل على ظهره .. دانه : يالكذاااااااب .. يلعن خيرك طيحت قلبي

فيصل ضحك على شكلها : اسف يااقلبي .. كنت امزح معج

نوف : احممم .. نحن هنا

فيصل : ندري انج اهني .. اجل هنااك ..

نوف : المهم وشو هديتنا ..

فيصل : ابشروا بأحلىى هديه ..

وبعدها اتصلوا بالاهل يبشروونهم .. والكل استاانس على نسبهم .. وقالوا بيسون لهم حفله بهالمناسبه



في الامـــارات

ام جاسم يالسه في البيت .. ومكان ريلها كان مبين حييل عندها .. وبخاطرها تتصل فييه .. صارلها يومين ماتدري عنه .. واخذت موبايلها .. الا تلفونها يرن .. وكان ريلها .. ابتسمت وردت عليه

ام جاسم : السلااام عليكم .. هلا والله توني والله ماسكه الموبايل بتصلك

بو سعود : وعليكم السلاام .. الله يعطيج العااافيه .. شحالج يالغاليـــه

ام جاسم : طيبه الله يسلمك .. ومن صوووبك

بوسعود : مشتاقلكم والله .. الغربه مب شي والله

ام جاسم : الحين العياال اجزوا .. ان شاء الله بنيلك

بوسعود استاانس : فرحتيني والله .. وامنه اخبارها

ام جاسم : سارت قطر ..

بوسعود : الله يحفظها ان شااء الله ..

وتموا يسولفون وبعدها سكروا ..


ومن صووب موزه .. تحاول تتصل بآمنه .. ويعطيها مغلق .. الا موبايلها يرن .. وكان زايد متصل لها .. وبخاطرها اوووف شو يبا هذاا .. فاضيتله اناا .. وردت بدون نفس

موزه : السلام عليكم

زايد : وعليكم السلام .. شحالج الغاليه

موزه ببرود : طيبه .. ومن صوبك

زايد : طيب .. دقاايق وانا ياي .. استقبليني ..

موزه : اووكي ..

زايد : باااي .. وسكر الخط بدون لايسمع ردها .. وبخاطره .. هذي اذا ماخليتها تتندم على الاسلووب والطريقه الي ترمسني فيها ما اكون زايد .. هين يا موزه .. كثر ما اسوويلج .. مافي شي يبان بعيوونج .. المشكله انا الي اعطيج ويه بزوود


وبعد ربع سااعه وصل زايد عند موزه وفي باله اذا صدت هالمره .. اخر مره تشووفه او تسمع خبر عنه .. وتوكل على الله ودخل .. وكان حسن وموزه وام سعيد .. يالسين بالصاله ..

زايد : السلام عليكم

الجميع : وعليكم السلام ..

زايد : شحالكم عسااكم بخير

الجميع : الحمدلله بخير

وبعد سوالف .. استأذن حسن بيظهر مع خويه .. وام سعيد سارت المطبخ تشووف الغدا .. وتموا زايد وموزه بروحهم والجو متكهرب بينهم

زايد : لمتى بنتم على هالحال

موزه ببرود : اي حال

زايد : موزه انتي ماتبيني .؟!

موزه سكتت ماعرفت شترد عليه

زايد : ليش مب رااضيه تتكلمين ..

موزه : شو اقولك .. بس احس اني توني على الزواج

زايد : بس يا موزه أنا شاريج واباج واحبج ليش مب راضيه تفهمين

موزه بقهر : شو السالفه غصب يعني .؟!

زايد عصب : لا ماشي بالغصب .. انتي اليوم رفضتيني .. وانسي زايد الي يحبج .. مشكله الي ماتقدر ولا تحس .. على الاقل جامليني .. يعني ماردج لي او لأي حد من هالعيله ... وناظرها باحتقاار يعني لو كنتي حاطه حد في بالج .. وظهر وهو معصب ..

وموزه تمت بصدمتها .. من رمسة زايد .. ماتوقعت هالرمسه تظهر منه .. وبخاطرها أنا شسويت .. اوووف .. ودموعها تمت تنزل من عيونها غصب عنها .. وبسرعه سارت حجرتها قبل لا اي حد يجي ويشوفها .. كانت حييل متضاايقه ماعندها حد تشكي له همها .. آمنه وسارت حتى انها ما اتصلت لي .. وموبايلها كل مغلق .. شسوي .. ما كان عندها الا اختها فاطمه ... واتصلت لها ..


وفي قطــر ..

على العصــر .. امنه يالسه بروحها بالصاله تفكر .. تبا تاخذلها موبايل .. بس كيف ماتدري .. وقالت بتقول لمريم توديها .. وفي هاللحظه اخوها سعود دخل البيت وحالته ماتسر ..

آمنه : سعوود شو فييك ..

سعود ابتسم غصب عنه : ولاشي .. المهم انتي اخباارج

آمنه باستغراب : الحمدلله

سعود وهو طالع : يلا اشوفج على خير .. وطلع ..

نايف نزل من فووق .. وشاف امنه واقفه وتناظر البااب .. وبخاطره شفيها هذي ..

نايف : اموووونه

آمنه انتبهت له : هلا خالي ..

نايف : شفيج واقفه تشووفين البااب

آمنه : لا ماشي .. بس سعود توه كان اهنا .. سأل عني وطلع .. وشكله متضاايق

نايف : لا ماعليج تلقينه سهران من امس وراح يرقد ..

آمنه ما اقتنعت : الظاهر جي ..

نايف قعد وامنه قعدت احذااه

آمنه : توك صاحي .؟

نايف : يس

آمنه : صح النوم ..

نايف : صح بدنج

آمنه : تبا احطلك غدا

نايف : تسووين خيــر

آمنه قامت من مكانها وراحت صوب المطبخ .. وتمت تحط غدا لخالها .. وجهزت كل شي واخذت الصينيه للصاله .. وحطته عند خالها ..

آمنه : تفضل

نايف : زاد فضلج .. وقعد يتغدا .. وامنه تشوف التلفزيون .. وبعد شووي البنات كلهم دخلوا عندهم .. وامنه قامت تسلم عليهم .. واخذت سعود من يد مريم وتمت تلاعبه وتسولف معهم ..

آمنه وهي تلاعب سعوود ناظرت دانه : مبروووك ع النسبه الحلوووه

دانه ابتسمت : الله يبارك بحياااتج

آمنه : صج مصريه انا ماجبت مثل هالنسبه خخخخخ

دانه : قل اعووذ برب الفلق .. اللهم لا حسد

آمنه : مالت عليج تتحرين اني بحسدج .. انا ولا اهتم بالنسب بعد

دانه : الا صدق .. انتي ليش ما دخلتي الجامعه

آمنه : هيـه هين يخلووني ادرس بالجامعه

دانه : شرايج ندخل مع بعض .؟

شوق : اي انا ناويه أكمل .. شرايج اموونه .. منها ادخل وتدخلين معي .. ومنها نروح ونرد مع بعض .. والله ونااسه

آمنه بخاطرها اقتنعت بالفكره : امم مدري برمس سعود يكلم ابووي وبشووف

شوق من سمعت طاري سعود انقلب لونها .. وامنه لاحظت هالشي .. وتأكدت من الي في بالها .. وسكتت

مريم : شرايكم نروح الستي .. والله خاطري بناندوز

عهود : شووفوا هذي ماتفكر الا في بطنها ههههههه

ضحكوا عليها البنات .. ومريم ضحكت معهم : اهم شي بطني في هالدنيا

آمنه تغمز لها : علينا .. بطنج ولا بوسعود ..

مريم : ياقلبي عليــه والله

نوف : احم احم .. نحن تونا على هالسوالف .. لاتخلينا ننحرف

آمنه : يالله استعيلوا .. انا ما اعيش من غير موبايل ..

شوق : ليش وينه جوالج

آمنه : اخووج الله يغربل بليسه كسره

عهود فزت من سمعت طااريه .. وقلبها عورها .. على حبها الي مب راضي يكتمل ..

دانه : ليش كسره

آمنه : لانه ثوور خخخخخ

شوق ناظرتها بنص عين : ترى ما ارضى على اخووي ..

آمنه بمزح : هذا الواقع المر .. وبعدها قاموا الكل يتجهزون للطلعه ..


امنه قالت بخاطرها بسير اقوول لسعود اني بظهر .. وبعدين قالت .. يلا انا على اخر ايامي استأذن قبل لا اظهر .. والله ماينعرفلهم أهل قطر .. وراحت بيت سعود مع عهود .. لجل تستأذن منه .. ودخلوا البيت .. وعهود دلتها حجرة سعود .. وتمت تضرب عليه البااب .. بس هو مايرد

آمنه : مدري شفيه مايرد .. اصلن ليش قافل الباااب .. يعني لازم استأذن

عهود : الله يستـــر ..



وانتظروا الجزء العشرين

[راضـ نمله ـخ]

الجزء العشرين


امنه قالت بخاطرها بسير اقوول لسعود اني بظهر .. وبعدين قالت .. يلا انا على اخر ايامي استأذن قبل لا اظهر .. والله ماينعرفلهم أهل قطر .. وراحت بيت سعود مع عهود .. لجل تستأذن منه .. ودخلوا البيت .. وعهود دلتها حجرة سعود .. وتمت تضرب عليه البااب .. بس هو مايرد

آمنه : مدري شفيه مايرد .. اصلن ليش قافل الباااب .. يعني لازم استأذن

عهود : الله يستـــر ..

وبعد شووي بطل ناصر الباب .. واستغرب يوم شافهم واقفين عند باابه ..

ناصر : شتسووون ..

آمنه وعهود انحرجوا .. آمنه : و .. وين غرفة سعوود

ناصر : شتبون بسعوود

آمنه : شو يخصك

عهود بنفس الوقت : آمنه تبغى تستأذن منه لجل تروح معنا السووق

ناصر : ممنووع

آمنه : شو .. على كيفك هوو .. وانا مو يايه استأذن .. بس اعطي خبر لاخويه وانت مايخصك ..

عهود استغربت وبخاطرها شفيها آمنه عصبت .. شالسالفه

ناصر : مره ثانيه لاتزعجووني .. وسكر البااب عليهم بالقوو .. وامنه ظربت البااب بالقوو وراحت اتدور غرفة سعود .. بعدها شافت غرفه مفتووحه ودخلتها ..

وشافت كل شي معفس والغرفه كنها مزبله ..

آمنه : شوو هالغرفه حتى المزبله مب جي

عهود : ههههه شبااب شتتوقعين منهم يعني

آمنه : هيه صدقتي .. خل ارتبها .. وتمت امنه ترتب الغرفه وعهود تساعدها ..

عهود : الحين شنسووي .. شلون بتكلمين سعود

آمنه : ماشي .. بظهر معكم مب لازم استأذن .. هههه مدري ليش مطولينها

عهود : اي والله صدقتي ..

وتموا يرتبون الغرفه ويعدلونها .. وبعدها طلعوا وراحوا يتجهزون

في الامــارات ..

منصور يالس بالسياره على الكورنيش .. متملل وجت على باله امنه الي دوم يحاول يكلمها وجهازها مغلق .. وقال بيتصل لها .. وشاف الجهاز مغلق .. وبخاطره لمتى يا امنه .. ليش الجفا هذا وانتي تدرين بحبي لج .. وصارحتج .. بس ماعطيتيني فرصه وسكرتي التلفون بويهي .. على الاقل ريحني .. وتنهد

ومن صووب موزه .. يالسه بحجرتها تفكر بزااايد وبالي استووى .. وبخاطرها خل يلتعن .. انا ابااها من الله .. بس اموون شسالفتها لا اتصلت ولا تسأل .. وفووق هذا كل موبايلها مغلق .. خل انزل اشووف حسون يظهرني ابرك لي .. ونزلت الصاله وشافت المكان فااضي ..
سمعت صوت التلفون يرن .. وبخاطرها يااااااارب تكوون امنه .. وبسرعه سارت صوب التلفون .. ورفعت السمااعه وبفرح

موزه : السلاااااام عليكم .. هلا والله هلا بالغاليه << مصدقه انها امنه .. تكذب وتصدق كذبتها

ام زايد : وعليكم السلام .. كل هذا لاني حماتج .. من قدي .. وضحكت

موزه انقلب لونها .. وبخاطرها ليكون عرفت بالي صاار بيني وبين زاايد .. : ههههه تستاهلين اكثر يالغاليه << ترقع

ام زايد : فديت قلبج .. وينها امج ..

موزه بارتيااح : الحين بسير ازقرها لج .. وسارت موزه تشووف وين امها .. وحصلتها بالمطبخ .. وقالت لها ان عمتها تباها بالتلفوون .. وهي سارت تتصل بحسن لعل وعسى يرأف بحالها ويظهرها

في قطــر ..

البنات تجهزوا .. وطلعوا .. وراحوا الستــي .. وامنه اول شي دخلت محل الموبايلات .. واخذت لها موبايل جديد .. وبعدها دخلوا كم من محل يتشرون .. وامنه مافي شي ماخذته .. ودانه وياها .. وبعدها راحوا ناندوز .. وهم في المطعم جوال شوق رن ...
وشافت ان محمد .. وطلعت من المطعم .. عشان تكلمه .. وردت على التلفون

شوق : السلام عليكم هلا محمد

محمد : وعليكم السلام .. شحالج يالغاليه

شوق : بخيير وانت شخباارك

محمد : بخير دام اسمع صووتج .. اشتقتلج .. وينج ما تسألين

شوق : موجوده ..

محمد : شتسووين .؟!

شوق : بالستي مع البنات

محمد عصب : شتسوون بالستي بروحكم .. وليش ما تستأذنين قبل لا تطلعين

شوق بتوتر : محمد شفييك .. مريم معناا .. وثاني شي ماله داعي تعصب

محمد : ليش مريم مو كبركم ؟ .. وشو رايحين بروحكم .. لا رجال معكم .. ولا حد كبير

شوق تمت سااكته ماتدري شترد علييه وبخاطرها مكبر السالفه على شي ما يسوا

محمد : خلاص بسكر وبعدين بتفاهم معج .. وبسرعه تطلعوون .. وسكر الخط وما عطاها مجال ترد

شوق عصبت على الحركه .. : شفييه هاي شايف نفسه .. بالفيت يستقووي علي .. مدري وين رايحين الا بنتغدى وبنطلع .. ومروا صوبها شلة شباب وواحد علق على كلامها

..: مسكينه عصبوا عليها ههههههه

شوق بقهر مشت وماردت عليه

..: شوي شوي لاطيحيين ..

شوق بعيونها الدمعه تبي تنزل بس ماسكتها .. وراحت عند البناات وقالت لهم الي صاار وهم يهونون عليها .. ولما قالت لهم سالفة الشبااب نوف ودانه تموا يضحكوون ويعلقون عليها .. وبعدها وصل الطلب وكلوا وطلعوا من المجمع .. وراحوا البيت
..

عهود ودانه راحوا بيتهم ونوف معهم .. ومريم راحت البيت العود مع شوق وامنه لجل تاخذ ولدها سعود من عند عمتها " الجده" ومن بعدها بترد بيتها

في بيت بو محمد ..

دخلوا البناات غرفة عهود .. وحطوا الاغراااض

عهود : هااي حمود يستقووي على وشو .. اونه رجعوا البيت .. على كيفه وحنا ماندري

دانه بقهر : ماعليج منه .. يتدلع عند حرمته ..

عهود : هههههه مسكينه شووق .. بس هي الي جنت على عمرها

نوف : اللي فات ماات .. ماله داعي هالكلام وان شاء الله خيــر .. المهم انا برد البيت مب فاضيه حشرة امي

دانه : لااااا خلج معنا ..

نوف : انتي تعاالي ..

دانه : لا انا بروح عند اموون .. والبنات يعني تردين البيت شتسوين بروحج ..

نوف : مدري المهم بكلم فصوول بخليه ياخذني

دانه فز قلبها بطاري فيصل وتمت سرحانه .. نوف وعهود ضحكوا عليها .. بعدها استوعبت وانحرجت .. بس بنفس الوقت طنشتهم ..


وفي البيت العود ..

مريم خذت ولدها سعود وراحت بيتها .. لان عبدالعزيز حرق جوالها من كثر ما يتصل لها ويقولها ردي .. " عبدالعزيز عطى مريم رقم ثااني من عنده على ما يطلع له رقم جديد .. وحلف انه ماتستخدم رقمها القديم " وامنه وشووق يالسين عند الجده .. وبعدها بدقاايق دخل بومحمد مع الشبااب .. محمد ونايف وراشد وخالد ..

بومحمد : السلام عليكم ..

الجميع : وعليكم السلام

الشباب سلموا وبعدها حبوا الجده على راسها .. ويلسوا

الجده : من وين جاين كلكم ..

بومحمد : من المسيد

الجده : تقبل الله

الجميع : منا ومنج

خالد : يمــه

الجده : هلابووي

خالد : ابغى اتزوج

الجده استانست : هذي السااعه المباااركه .. من الحين ادور لك

الشبااب تموا يستعبطوون عليه ويعلقوون ..

محمد : من هذي الي بترضى فيـــك ..

نايف : مسكين حاله والله .. مدعيه عليها امها هذي الي بتااخذك

خالد عصب : ليش ان شااء الله شفيني .. ورفع راسه : اصلن يحصلهم واحد مثلي .. بس بأشاره كل البنات عندي .. يتمنووني والله

راشد ضحك : ههههههههه مصدق عمره الحبيب .. لو تطلب يد "روز" ( الخدامه ) مافي امل توافق .. وين بنت البلااد

الكل ضحك على خالد .. وهو عصب منهم .. وبعده استلم كل واحد فيهم وحكهم حك بالحجي وسكتهم .. والبناات يضحكوون والجده تحاول تسكتهم بس مافي فاايده ..

نايف يناظر راشد : اي نسيت اقوولكم .. ان شاء الله بعد اسبووعين مسافرين انا وراشد

راشد بطل عيوونه : وين

نايف يغمز له : تراني مانسيت الوعد اذا انت نسيت شي ثااني

راشد تذكر : والعنه .. شذكرك انت .. كنت مرتاح وحاط في باالي انك نسيت

بومحمد : وين مساافرين

نايف : ام الدنيا

بومحمد : ليش ان شااء الله .. حق الصيااعه .. وانتوا اربع وعشرين ساعه مسافرين واجازات .. امحق دوام

نايف : انا مريح عمري .. كل شي على ولدك رااشد

وتموا يسولفون .. ونايف يقولهم سالفة التحدي الي بينهم .. وراشد مسكين حااله .. تحسف على هالتحدي ..


ومر الوقت وكل واحد راح بحال سبيله .. الي راح عند ربعه والي راح يرقد .. والي راح الدوام .. والي راح بيته

وامنه قاعده بحجرتها .. تفكر في ربيعتها موزه ماتدري عنها .. وبخاطرها اذا شفت سعود بخلييه يظهر لي رقم قطـري .. يلا شالزهــق .. مدري وينهم هالبنـات .. يمكن عندهم اشغاال .. يلا انا بسير اشووف شي بالتلفزيون ابرك لي .. وطلعت من حجرتها ونزلت تحت سوتلها اشيااء على الخفيف سندويش وعصيــر .. وجابلت التلفزيوون .. وبعد سااعه تقريبا .. دخل سعود ويلس احذاهاا

سعود وشكله حييل تعباان : شحااالج يالحلووه

امنه ابتسمت له : طيبه .. وانت شحالك .. شكلك تعباان ..

سعود : الحمدلله على كل حال

آمنه : الحمدلله .. وحست ان اخوها فيه شي .. بس قالت بخاطرها الوقت الي يبا يرمس بيرمس ..ماتبا تضغط علييه

وقامت وراحت المطبخ خذت قلاص وصبت فييه عصيــر ورجعت عند التلفزيون ..

آمنه : تفضل سعود

سعود : تسلمين .. واخذ القلاص وتم يشرب ويشووف التلفزيون معها .. ويسولفون شووي .. وشوي يعلقوون ..

آمنه : سعود اباك اتظهر لي خط قطري

سعود ابتسم .. : من عيووني

آمنه : تسلم لي والله

وتموا يكملون متابعة الفلم وهم مندمجيــن وخلص الفلم .. سعود حط راسه بحظن اختــه وغمض عيوونه .. امنه ابتسمت .. وتمت تمسح على رااسه وتقرا عليه بقلبها ..

الا تشووف دمووع سعود تنزل من عيوونه .. امنه انصدمت .. وبهمس ..

آمنه : سعوود .. شو فيك ..

سعود ساكت ودموعه تنزل من عيوونه ..

آمنه تمت تمسح على راسه .. وتمسح دمووعه .. كانت حييل حاره ..

آمنه بهمس : سعود شو الي مضاايقك .. والي يرحم والديك ارمس .. لاتكبت .. وشو الي مضاايقك

سعود بوسط دمووعه .. وهو مغمض عيـونه بالغصب طلعت منه كلمـة : شـــوق

آمنه : شــوق .. شو فيها

سعود : أحبها يا آمنه .. مب قاادر انســاها .. شالفايده بالي ســوته .. حبها لي واضح من عيوونها .. ليش سوت جي

آمنه : ليش ما رمستها .. او ليش ماسويت شي .. وكلمت محمد .. ليش خليتها تروح من ايدك

سعود بقهر وضيق : هي ليش وافقت .. ماتدري اني احبها وكل الي بينا هالسنين .. نسته بيووم .. باعتني يآ أمنه باعتني ..

آمنه وهي تشووف دموع سعود .. قلبها تقطع .. وماقدرت تمسك دموعها .. وعيونها ادمع ماقدرت تمسك عمرها .. وسعود تم يكلمها ويقولها عن كل شي .. يفضفض بالي بقلبــه .. وهي تسمعــه .. كل ماله وتحس بقهـر سعوود .. وشلون حبه ضآآع ومعقووله شوق تسوي كل هااي .. اكيـد في شي خلاها توافق .. أحد غصبهاا .. ماقدرت تستوعب ولا تصـدق ان بسهوله شووق وافقت على محمد .. وباعت حبهاا وقلبهــا .. وبعد ما مر الوقت .. سعود من تعب والقهر الي فيــه .. ماقدر يطفييه الا بنومــه .. ورقد بحظن امنه .. وامنه ماقدرت تنااام .. وتفكــر بسعود وشووق .. والحين شوق كيف عايشه مع محمــد.. وبعدها قامت شوي شوي .. عشان لاتصحي سعوود .. وحطت مخده تحت رااسه .. وراحت الحجره وسحبت الحااف وقطته على سعوود .. وهي راحت غرفتها ترقد لها كم من سآعــه .. تعبت من آمس مب رااقده شي

اليوم الي بعـده الصبح ..

بالامــارات ..

سعيـد بالدوام يالس يفكــر .. وفي خاطره مليت من العزوبيه .. بخلي امي ادورلي وحده تسعدني .. بس وين تحصلي .. صعب وحده تدخل مزااجي .. لاحوول.. شوي الا جواله يرن .. ابتسم ورد على التلفون

سعيد : السلام عليكم . هلا والله بالغاليه

فاطمه : وعليكم السلام .. هلا بك .. شحالك بوعسكوور

سعيد : طيب طاب حالج .. ومن صوبكم

فاطمه : بخير نسلم عليك .. شحالها امي مويز حسوون

سعيد : كلهم بخيـــــر .. الا مب نااويه تجين عندناا

فاطمه بضييق : ودي والله .. بس شسووي ما اقدر كل شووي اقول لتركي ودني عند هلي .. اخر شي بيفلعني عندكم ولا بيرجع لي

سعيد يبا يلعوزها : ههههه احسن لج والله .. خلج عندناا .. بتعيشين حياة العزوبيه والونااسه وسهر معنا ومع موواز .. شو تبين بهالدلخ تركي

فاطمه عصبت : دلخ بعيينك .. عاد كل شي ولا تركي

سعيد : اووب من قده ترووك .. في الي يدافعون عنه .. اما احنا يا حسره على حظنا

فاطمه : ههههه تزوج .. وبتحصل الي تحبك وماترضى عليك

سعيد : هه يا حليلج يا فاطمه .. تتحرين كل البنات شرااتج .. وين احصل لي وحده سنعه تدخل مزاجي

فاطمه : افااا كل هالبنات ماشي وحده سنعه .. عندك بنات خالتك .. وكل بنات السعوديه تحت امرك

سعيد : لالا ويين شو السعوديه .. تبيني ابتلش فيهم .. كل شوي ابا اسير عند هلي ابا اسير عند هلي

فاطمه : تطنز علي حظرتك

سعيد ظحك : ههههههه لا امـزح .. ياعلني فداهم بنات السعوديه .. وانتي اولهم ..

فاطمه : أي كذاا تعجبني ..

سعيد : خفي يا كذاا .. المهم يلا انا بكمل شغلي .. وانتي اذا حصلتي وحده كلميني

فاطمه : ان شااء الله .. سلم على امي والاهل كلهم ..

سعيد : يبلغ وسلمي انتي بعد .. على حباايبي شواخه ومشعل .. وعلى الحبيب ترووك

فاطمه .. : يوصل .. يلا فمان الله

سعيد : فمان الكريم ..


ومن صووب زايد .. كان يالس مع سيف ويسولفون ..

زايد : اووف هذا وقته .. والله مالي خلق دورات

سيف : شفيك مكدر عمرك من صباح الله .. بالعكس انغيـر جوو ..

زايد : أي يكرفونا .. تسميه تغيـر جوو ..

سيف : الا شهــر .. لاتنسى قبل يعطونا بال 4 .. 5 شهور.. أحمد ربك

زايد تنهد : الحمدللــه ..

سيف : اقوول زيود

زايد : خييييير

سيف : شفيك يا رجال .. ياخي اذكر ربك

زايد : لا اله الا الله .. امر

سيف : شسويت مع حرمتك ..

زايد ضاق صدره بزود : فكنا من هالسيره .. ماسويت شي .. يمكن ننفصل

سيف بطل عينه : بذمتــك

زايد : لاحوووول .. بتفكني ولا

سيف : أجل انا باخذها بدالك

زايد عصب : سيووف اظهر بررع لا اقووم لك وربي .. مب فاضيلك

سيف ضحك : ههههه شفيك ياخي .. هونها وتهون


وفي بيت بومنصــور ..

ام منصــور حالتها لله بسبت الحمــل .. بس كل مالها وتهونها على نفسها وتقول هانت ماباقي الا شهريـن ..

شمسه : امييييه

ام منصور : هلااا

شمسه : نبا نسااافر ..

ام منصور: خير ان شااء الله .. ماتشوفيني كيف تعباانه

شمسه : عااد يا اميييه .. زهقنا نبي نساافر ..

أحمد دخل عليهم عرض : انثبري زين .. قال زهقنا ..ماتشووفين امج كيف تعباانه .. وسار صوب امه وبااس راسهاا ..

أحمد: شحاااالج يا احلىى أم في هالدنياا

ام منصور ابتسمت لولدها : بخيير الله يرضى عليك

أحمد : و كيف حال دلووعي الي اهنااا .. ويأشر ع بطنها

ام منصوور : بخيير الحمدلله ..

شمسه : شو على كيفك .. اونه دلووعي .. بتجي بنيــه

أحمد : سيري منااك .. قال بنيــه .. بيجي ولد .. يشبهني .. مزيون على أخووه

شمسه : امييه بنيه ولا ولد ..

ام منصور : الي يجي من الله حياه الله

شمسه بقهر : لا اناا ابا بنت .. ابا يصير عندي أخت

ام منصوور : ان شاااء الله


قي قطــــر ..

البنات كلهم مجتمعين بالبيت العــود على حزة الغدا .. وبهاليوم بيسون حفله للخـريجات .. " دانه + نوف " .. بالبدايه كانوا بيسوونه في بيت بوفيصــل .. بس بعدين قالوا يسوونه في بيت بومحمد أحسن ..

وبعد ماتغدوا .. اتفقوا البنات على كل شي بيسوونه .. ومن امس متصلين على ناس يضبطون لهم البوفيه والمكااان .. وبعدا ما خلصوا كل شي .. كل واحد راح بيته يتجهــز .. واتفقوا بعد صلاة المغرب الكل بيجتمـع في بيت بومحمد ..

امنه في غرفتها تجهز كل شي .. الا تسمع أحد يطق البااب عليهاا

آمنه : امنووووو

..: سعود

آمنه ابتسمت .. : ادخل ..

سعود : شحاالج .. شعندكم اليووم ..

آمنه : طيبه بشووفتك .. اليوم حفلة نوف وداانه .. تخرجوا من الثانويه

سعود : الله يووفقهم ان شااء الله ..

آمنه : اميييين الجميع يااارب ..

سعود ظهر الكرت من مخبااته .. وعطاه لآمنه ..

سعود : خذيت لج كرت

آمنه : تسلم والله .. وحبته على رااسه

سعود ابتسم : احم احم من قدي عندي الي يبوسني على راسي

آمنه بمزح : ههههه افا عليك.. انت بس نفذ اوامري .. وبتحصل بووسه ..

سعود : أي مب لله ههههههه .. يلا انا بروح ارقد وانتي خلصي تجهيزج

آمنه : انت كل رااقد ..

سعود : ههههه وين راقد الله يهديج .. مارقدت عدل .. وتوني راد من الدواام ..

آمنه ابتسمت لاخوها : نوم العواافي .. الله يحفظك .. وبعدها طلع من عندها وهي تمت تخلص تجهيزها ..

وعند مريم .. كانت تجهــز سعود ولدهاا .. لان بتوديه عند امها .. وعبدالعزيز كان يتسبح توه طالع من الحمام .. الله يعزكم .. وشاف مريم تحط اغراض سعود بشنطته

عبدالعزيز : على وين هالحلوو رايح

مريم بتردد وبخاطرها اووف الله يعيني : على بيت امي.. توها متصله وقالت لي اجيبه عندهاا

عبدالعزيز يناظرها بنص عين : اي اتصلت .. ولا انتي تبين الفكه منه عشاان تتفرغين لحفلتكم

مريم تأففت : اووووووف .. شفيها يعني لو وديته عند امي .. كلها كم من سااعه

عبدالعزيز : الحلوه صارت تأفف بعد .. يلا مااشي روحه .. وولدج بيتم عندج .. ولا مب لازم تحظرين الحفله

مريم : لااااا عزوز وشو ما ارووح .. والله فشـله .. خلاص باخذ سعود معي ..

عبدالعزيز يبغى يلعوزها : وانا تتركيني لحالي؟!!

مريم ابتسمت : لا باخذك معنا هههههه

عبدالعزيز : ماتغارين علي .؟ تاخذيني عند البناات

مريم : الا أغــار .. اجل خلاص لما ارجع بقعد معك ..

عبدالعزيز ابتسم : انزين تعالي شووي

مريم : وين

عبدالعزيز يأشر لها على المكاان .. وهي تقدمت ويلست احذاه وسعود على حظنها .. واخذ سعود وبااسه ونزله .. وبعده شاف مريم بنظره .. وهي انحرجت .. وظمها وباسها .. وبعدها قام لبس ملابســه وراح عند مريم تحط له الكبك .. وتعدل وتكشخ .. وهو يرش له عطر

مريم : وين بتروح

عبدالعزيز : بروح اخطب

مريم عصبت : والله بزعــــل

عبدالعزيز ابتسم : انتي بتروحين الحفله .. انا شسوي بالبيت بروحي .. بروح عند الشبااب ..

مريم ابتسمت له : اوكي يا قلبي تحمل برووحــك .. واقرا على عمرك ..

عبدالعزيز تقدم لهاا وباسها على راسها ..: فديت الي تخاف علي .. وبعدها ظهر من البيت..


ومر الوقت .. وامنه نشت من رقادها .. لان بعد ما جهزت اغراضها .. قالت بترقد لها سااعه .. ورقدت شووي وقامت .. وخذت موبايلها واتصلت لربيعتها موزه ..

وعند موزه كانت يالسه تشووف التلفزيون .. كعادتها .. الا موبايلها يرن .. وشافت ان الرقم طويل .. يعني خارجي .. بس ماثبتت على فتح الخط وبخاطرها حسبت انه فاطمه اختها

موزه : السلاااام عليكم .. مرحباا السااع

آمنه : وعليكم السلاااام .. مرحبا ملااين ولايسدن بذمتيييييييه .. شحالج يااقلبي

موزه اول ما سمعت صوت امنه ما استحملت : امووووووووووووون عنلاتج .. وينج .. لاتسألين ولا تتصلين

آمنه : فديتج يااقلبي.. والله ماكان عندي مووبايل .. ولا تتوقعين انا ما اسأل عنج؟

موزه : ليش وينه موبايلج .. وبعدها تمت امنه تقوولها السالفه .. وموزه انصدمت من الموقف .. وموقف منصــور .. وبعد سوالف سكروا ..

صوب فيصل كان يدري ان اليوم حفلة دانه ونووف وقال ان بيطرش لهم باقه ورد كبييره .. ومحترمه لهم .. وراح محل الوورد وضبط لهم باقه ولا اروع .. كان شكلها يجنن .. وخذاها وهو بالطريج اتصل بيت بو محمد .. وردت عليه دانه


دانه : ألوووووو

فيصل : يا هلا ومرحبا بهالصووت

دانه انحرجت : مرحبتيييين

فيصل : اخباار الخريجه ..؟؟

دانه ابتسمت : والله بعد اتعرف الخريجة دانه دوت كوم ..

فيصل : ههههه خفي علينا

دانه : خااافه .. أخبااارك ..؟؟

فيصل : تمااام .. انزين داانو خلي حد يطلعلي بررع عند الباب .. بعد شووي بووصل

داانه : لييش.؟؟

فيصل : بسج هذره وقوليلهم .. يلا ببااي

دانه : بااي .. وسكروا الخط


في الإمارات

موزه مستغربه ليش زايد قاطعها لين هالوقت ..؟؟ .. ماتعودت منه هالقطاعه .. كل هاي لاني قتله هالرمسه ..؟؟ يه والله مايسوى علي .. يعني الحين انا غلطت يوم قتله اللي فخااطري ..؟؟ .. لين متى بكبت اللي بخاطري .. خل يعرف ويحس شووي .. اوووووف .. خل يلتعن ..


وفكرت شوي .. لالا .. خلاص بطرشله مسج .. ع الاقل قبل كان مسليني .. الحين ماعندي من يسليني

وطرشتله مسج

الا ياصاحبي ليش "القطيعه"؟؟
مع الايام صارت لك طبــــــيعه!!
وانا مدري علامك يارفيقـــــــي..
قطعتني والدنيا وسيعه..!
شغل مدري جفا مدري زعل..
او ان الكبر يأمرك وتطيــــــــــعه..
على فكرة ترى الوصــــــــــــــل..
هو حياة العمر وهو غاية ربيعه


وزايد بهالوقت كان يالس بالميلس .. ويفكر بحاااله اللي محد يعلم به الا ربه .. وشووي يسمع صووت المسج .. وفتحه .. وقراااه .. وقال ان بيطنشها .. خل اتحس شوي على دمها .. واتثمن كلااامها ..

ومووزه استغربت ان مارد عليها .. يــــــه .. خلاص مابذل عمري عليييه .. وطنشت الوضع


وانتظروا الجزء الواحد و العشرين

[راضـ نمله ـخ]

ههههههههههههههههههه



قطري مزيون السموحه فديت خشمك

[MissRose]

رضووووووووووووخ


كمل كمل


يلااا بسرعه

[.قطري مزيون.]

ههههههههههههههههههه



قطري مزيون السموحه فديت خشمك

مسموح يالذيب


يالله فديتك


كمل القصه

والله متحمس ابي اخلص منها



ههههههههههههههههه

[راضـ نمله ـخ]

الجزء الواحد و العشرين


في قطـــ،،،ـــر

دانه بعد مافكرت قالت ان هي بتطلع بفيصل .. كانت مشتاقه له .. وبعد كان فيها فضوول تبي تعرف ليش فيصل ياي .. وخصوصاً ان ماقالها ليييش يوم سألته .. وقالت ان خلاص هي بتعرف هالشي بنفسها .. وبنشووف يا انت ياا انااا ... شووي وشافته وااصل .. ويت بتطلع بس ترددت ...

خلاص بطلع واللي فيها فيها ..

فيصل استغرب ان دانه طالعه له .. ونزل الجامه : شتسووين ..؟؟

دانه ضحكت : ألعب كيرم

فيصل : هاهاها .. ليش انتي طالعه ..؟؟

دانه : لاني بعرف انت ليش ياي بنفسي .. ومنها عشاني اشتقت لك

فيصل : يه يه .. من قدي داام القمر بنفسه مشتااق لي

دانه : شفت شلووووون ..؟؟

فيصل : انزين حبيبتي اخذي هالباقه .. هاي عشان تخرجكم .. طبعاً هاي مب الهديه اللي وعدتكم فييها .. بس عشاان الحفله .. وعشان كل ماتشوووفينها تتذكريني واتحسين اني معج على طوول ..

دانه ابتسمت : تسلم لي يا بعد حييي

فيصل ناظرها بابتسامه اتطييح الطير من السماا .. وفتح الباب عشان تاخذ الباقه .. وخذتهااا

وهو رايح ..

دانه : ويين بتروووح ..؟؟؟

فيصل : عند الربع

داانه بدلع : وبتخليييني ..؟؟

فيصل بخاطره امووت على هالدلع : لا ابداً ..

دانه : يعني مابترووووح ..؟؟

فيصل : الا برووح .. بس مابخلييج .. لانج انتي وياي على طووول ..

دانه : انت دووم اتسكتني بكلااامك

فيصل : افا علييج .. يلا حياتي برووح

دانه : رووح والقلب دااعيلك وابتسمت له وهو ردلها الابتسامه

فيصل : يلا بباي

دانه : بااي .. وشافته لين ماطلعت سيارته من الحووش .. ودخلت دااخل وبيدها الباقه .. وحطتها بمكان مناسب ..


في الامارات

جاسم كان يالس فالبيت ويا أمه ويسولفوون .. وام جاسم كانت تطبخ .. ويبان عليها ان مب بس مسوويه لبيتهم بس ..

جاسم يتطنز : بل بل .. هالاكل كله لييي ..؟

ام جاسم : لا طبعاً .. هاي لنا ولبيت بو سعيييد ..

جاسم : لييش يعني ..؟؟

أم جاسم : لازم انوجبهم وخصوصاً ان بنتهم انخطبت وانا ماوجبتهم


جاسم فز قلبه يوم سمع هالطاري .. ااخ يا مووزه .. خسرتج .. و ماعاد في شي ثاني اخسره .. الغاليه رااحت .. انتي رحتي من بين يدي .. صج الدنيا رديه .. وتفرق ... احبج يا مواااز .. اكبر غلطه سويتها اني ماصارحتج .. بس حتى لو صارحتج كنتي بتوقفين وياي ..؟؟ بترضين في زايد ..؟؟ .. الله يا الدنيا وصلت لمرحله مايعلم بها حد ..

أم جاسم : جاسم ييووم بخلص الاكل وصله لبيت بوسعييد

جاسم انتبه لها : انشالله .. وراااح


في قطـــر

عهووود ترتب المكاان .. وخصوصاً للحفله

ظبيه : عهووود

عهود شافتها : نعم ..؟؟

ظبيه : اخذي هالوورده ..

عهود ابتسمت : شكراً ..

ظبيه : بس مب مني وراحت ..

عهود فكرت وعرفت من من .. الله يهدييك ويصلحك ..


ومن صووب سلطان .. الي دووم يفكــر بعهوود .. يبي يخطبها ويتقدم لها رسمي.. بس ينتظر الوقت المنااسب .. وبيكلم آمــه ..

وعند آمنه جهزت كل شي .. وبسرعه بسرعه قبل لا تتأخر خذت بااقي الاغراض وقالت بتكملهم في بيت بومحمد .. ولبست صندلها حتى بدون ماتسكره << الاخت مستعجله خخخ ..

ونزلت تحت .. على اخر دريتين تزلقت بسبت الصندل الي لابسته ولامسكرته .. الا تمسك الي جداامها .. ما انتبهت له ..

ناصر ضحك عليها ماقدر يمسك نفسه بسبت الموقف .. : ههههههههه شفيج مستعيله .. ما بيطير شي

آمنه ناظرته ووخرت عنه وعدلت شيلتها .. : يا ملغك

ناصر بعبط : وشو يا ملغك .. بدال ماتشكريني وتحمدين ربج .. ان لولا وجودي كان تكسرتي وبالعنايه المركزه .. مع هاي الي لابسته ..

آمنه ناظرت صندلهاا .. : ماتضحك .. ويلست على اخر دريه .. وسكرت الصندل .. وناصر كل شوي يناظرها

آمنه ناظرته بنظره معناها شتبي .؟!

ناصر ابتسم : تبين مسااعده ..

آمنه طنشته : لا مشكــور .. الا جوالها يرن .. وناصر تم يناظرها وينتظرها ترد .. وهي شافت الرقم وعرفت ان جآآسم .. وردت عليه

آمنه : السلام عليكم .. هلا والله باالغااالي

جآسم : وعليكم السلااام .. هلا اموووونه .. حركات شالرقم العجييب ..

آمنه : ههههه تبــآآه .. الا كيف عرفت رقمي ..

جاسم : اللي فقلبه الصلاه ماتفووته

امنه : حبيبي انت .. اخبارك واخبار الاهل ..؟؟|

جاسم : كلهم تمااام يسلموون علييج .. ليش قاطعتنا ..؟

امنه : والله مب قاطعتكم اليوم طلعت لي الرقم وقلت بتصل للكل ..

جاسم : اهااا .. وتموا يسولفون لين ماسكروا ..

ناصر : من هاااي ..؟؟

امنه : حبيبي وراحت بسرعه بدون ماتسمع رده خخخ ..

اما ناصر كان معصب عليها .. يدري انها تستهبــل .. وعرف أن جاآسم .. لانه كان مع سعوود وقت ما كان جاسم يكلم سعود وطلب رقم امنه .. بس مب كلام الي تقووله .. بس انا بسنعها ..


وعند البنآآت .. الكل تجهز للحفــل واستعدوا .. ومريم ودت سعوود عند آمها بعد ما خلت عبدالعزيز يووافق .. بالحنه والرنه هههه .. وتم الاحتفاال على خير والكل استاانس .. وبعد ما راحوا المعاازيم مآآ تمــوا الا الأهــل .. ومريم راحت مع نــوف .. بتوديها البيت .. وبعدها بتمـر تآآخـذ ولدها من بيت أمها ..

ومر أسبــوعين على الاحداااث .. من صووب زاايد سافر دوره لمصر مع ربيعه سيف .. و3 من الدوام معهم .. ومن صووب موزه كانت دووم تكلم آمنه .. ومستاانسه من فراق زاايد .. وحست الي في بالها بيصيـر .. ونايف وراشد سآفروا ايضا الى مصر " أم الدنيآ " ومحمد وشووق .. علاقتهم تحسنت عن قبـل بزوود .. لان محمد يحب شووق واذا حاول يزعل منها مايقدر .. وامنه وشووق اتفقوا انهم يدخلوون الجآمعه .. وسعود حاول مع ابووه لما وافق .. ودانه ونووف بعد بيكملون جامعـه ..


على العصــر بالامــارات ..

حسن نزل من فووق .. وشاف ان موزه يالسه بالصاله معها سعيــد ..

حسن : السلام عليكم

سعيد + موزه : وعلييكم السلام..

سعيد : ها حسوون .. شكلك ظاهر

حسن : هيــه .. يلا انا ظاهر قبل لا تأخر عن ربيعي .. وظهر عنهم ..

سعيد : وانتي اربع وعشرين ساعه يالسه مجابله التلفزيون ..

موزه تتمصخر : شو اسووي مليت من كثر الظهرات .. والصراحه انا احتاار اختار اظهر مع امنوو .. كلكم تغارون من بعض .. وربيعااتي ما شاء الله عليهم من كثرهم اخااف اضيع لو رحت لهم ..

سعيد : سكتي بس سكتي .. الا اخبااره حبيب القلب

موزه تلتهت ماعرفت شتقول له : بخير مايشكي بااس .. الا انا برووح اشووف امي

سعيد : امي محد .. سارت بيت عمتي ..

موزه : اهاا .. بسير اكلم اموون يلا سلملم .. وسارت غرفتها بدون ماتسمع كلامه ..

وسعيد طلع راح عند ربعه ..

موزه بغرفتها نست سالفة زاايد .. الا سعيد يذكرها فيه .. وبخاطرها صدق وينه !! .. معقوله نساني مايبااني .. هذا الي كان يقول يحبني .. يلا كل شي ووضح .. شو افكر فيه انا .. يعني احط اللوم عليه .. أنا الي كنت اصده .. بس يلااااا احسن بكيفه مايبااني مره ماباه مليوون مره

وتمت موزه تلعب بموبايلها وتشووف الرساايل .. وكانت تشوف رساايل زاايـد .. قبل ما كانت تشوفهم اوول ماتشوف ان الرسااله من زاايد تسكرها بدون ماتـقرا .. اما آلحين متملله .. وقالت بتقراهم تسلي وقتها ..

فتحت أول رسآله وكــآآنت ..

" ياشموع الود ودي رساله لها ..
لين قرتها تعرف اني مانسيتها ..
علميها ان الغلا فاحت دلالها ..
فوق جمر المعزه يوم احتريتها ..
مانسيتها لو طرالها ماطرالها ..
سااكنه وسط الحشا والقلب بيتها .. "

وفتحت الرساله الي بعدها وقرتهـآآ

" ودي أضمك لين تقول مليت !..
وإن قلت مليت
((أضمممك ))
زيااااااااااااااده
من زود شوقي لك ..
أقول ياليت إني مريض وإنت راعي العياده .
وتقولي وش علتك ؟؟
ليه ونييييت ؟؟؟
وأقول ياليت أنا وياك بنفس
"الوســااده" .. "


دمعت عيوون موزه .. بس بخاطرها كلام رسآآيل .. استقبل وارسل .. اووف مالي خلق شي .. وبطلت الرساله الي بعدها

" ما انسااك لو ينسى الكحل سوود الاهدااب ..
وشلون تنسى العين صافي نظرها ..
ليت العيون الي تبي اليوم فرقالك ..
تفقد مع الايام نعمة بصرها .. "

وبعدها تمت تشووف الرساايل في سوالف بينها وبين امنه .. وبعضهم سوالف مع حسن اخوها .. وشافت هالمسج بس ماتدري من امنوو .. الرقم كان غريب ..

" علمتني كيف احبك ولعيونك اشتااق ..
بس نسيت تعلمني كيف الدنيا بغيابك تنطاق .."



موزه من بعد ماشافت الرسايل وتذكرت زايد اللي قاطعها .. مدري شو حست .. حست انها فاقده شي .. اوووف .. الحييين لو زاايد يرمسني جاان قتله يظهرررني .. بس انا مدري ويينه .. يووم اطرشله مسج ما يرد .. واخااف اتصل ويسمعني كلام مثل السم .. ياخي ينجلللع .. انا وايد مهتمه له .. يووولي .. خلاص مالي الا آآآمنه اسوولف معهااا .. وشووي انسى .. واتصلت لآمنه

آمنه : حييييهم بالشيووووخ

مووزه ابتسمت : هلا والله بالغاليه

آمنه : اهليين وسهلييين ..

مووزه بضييق : اخبااارج ..؟؟

آمنه حست شي بنبره صووتها : بخييير .. مواااز فيج شي ..؟؟

مووزه : لا مافيني شي .. شي مايسوى

آمنه : ومن متى اتغبين عني حتى اللي مايسوى ..؟؟ يلا قوووولي

موزه : زاااايد

آمنه : وشفييه زاايد ..؟؟

مووزه : ولا شي .. مره انزل الساااني .. وقتله رمسه ماتنقال .. بس ياخي شو ذنبي اذا هاي شعووري .. آموون انا مااحبه .. مااااااااحبه .. ما اواااطنه .. خررررب حياااتي .. كنت احلم بواايد اشيا اسوويييها .. اموون انا كنت مفكره اكمل درااستي وجاامعتي .. واشتغل .. وهوو خرررب علي كل شي .. حتى حلم وااحد من احلااامي ماراح يتحقق بسبته .. انا ما با اتزوووج يا اموون انا بدري ع الزواااج .. والله ماعدت اتحمل هالحياااه .. ماباااه قووليله اني ماباااه .. وتمت اتصييح من قلب وبصووت يقطع القلب .. تكفيـــ ....... ن

آمنه : خلاص حبيبتي هدي عمرررررج .. موااز حبيبتي كل شي مكتووب .. وكل شي قسمه ونصييب .. يمكن هالشي خيير لج .. " عسى ان تكرهوا شيئاً وهو خير لكم " .. انتي مااتدرين .. لا تعترضين على قسمه ربج

مووزه : والنعم بالله

آمنه : انا قتلج تقربي منه .. مب اتسمييينه برمسسستج ..

مووزه : صدقيني ما ارووم

آمنه : عليييينا ... هالشي لان ماودج اتسويينه .. والا انا اعرفج لو في خااطرج شي اتسويينه اتسوييينه ..

موزه ابتسمت : بحااااول

آمنه : هاي موااز اللي اعرفهاا .. يلا مسحي دمووعج .. انا كم مره اقوولج انج تلووعين الجبد وانتي اتصيحين .. وعااد صووتج جنه عنزززه مزغوووده ..

مووزه : جب ماتستحييين .. وتضحك

آمنه ضحكت معهاا : فدييتج والله .. وتموا يسولفون لين ماسكروا


في قطــر ..

الشبااب يالسين بالميلس ..

ناصر : وينه سعــود ..

خالد : الله أعلم .. صارلي فوق الاسبووع مب شاايفه ..

ناصر : انا شفته من يومين .. بس يجي يبدل ويطلع .. مدري شفيه هالرجال .. حالته ابد مب عاجبتني ..

سلطان : خلوها على الله .. المهم أنا بروح المطار من بيجي معي ..

خالد : ليش .. اليوم راشد ونايف بيرجعون

سلطان : يس ..

ناصر : يلا قم انا بجي معك ..

خالد : وأنا بعد .. وتوهم بيطلعوون الا سعود دخل ..

خالد : الطيب عند ذكره

سعود يبتسم لهم : ههههه ان شاء الله عااد بالخير تذكرووني

ناصر : كل خير .. بس وينك ماتنشااف ياا رجال ..

سعود : شنسوي ظروف الحيااه والشغل ..

سلطان : خف عليناا .. المهم يلا رايحين المطار بتجي معنا ..

سعود : بتروحون لنيوف ورشوود

سلطان : اي

سعود : بلغهم سلامي ههههه خبرك انا بزي .. بس قلت أمر اسلم عليكم .. وبروح اسلم على الاهل وطالع ..

ناصر يناظر سعود .. يشوف حالته كلش رابحه فيها .. ويدري ان السبب أخته .. هو فاهم سعود ولو ما يتكلم .. عايش معه .. وعمره كله معه .. وين ما يفهمه ولا يحس به .. بس بخاطرها قال بيسكت .. وبيشوف وشو اخرتها .. وطلع ومزاجه معكــر ..

أما سعود راح البيت العود وشااف جده مع جدته .. وخالته ام ناصر وام سلطان موجودين ..

سعوود : السلااااام عليكم .. وراح باسهم على راسهم ..

الجميع : وعليكم السلااام ..

سعوود : شحالكم .. وينكم ماتنشافون ..

الجميع : بخيير

الجد : احنا ما ننشاف ولا انت .. كل هيااته ولاحد يدري عنكم ..

سعوود : ماعليك ياا يبــه .. شنسوي بعد مشغال الدنيا ..

الجد : الله كريم ..

وبهاللحظه دخلت امنه وشافتهم كلهم يالسين سلمت عليهم ويلست عند سعود

آمنه : وييينك ماتبين ..

سعود : موجود .. شوفيني

آمنه : هههه ادري انك موجود .. بس من زماان عنك

سعود : عشان تشتاقون لي ..

آمنه ابتسمت له .. وبعدها تموا يسولفون .. وسووالف ..


وعند شوق قاعده تكلم محمد ..

محمد : أقوول شوااقه

شوق : عيونها

محمد : فديت عيونها والله .. اممم متى تبين موعد العرس

شوق تلخبط مخها .. عرس .. يعني بصير لمحمد .. يعني انا له .. لاااااااا وسعوود .. انا شفكر فيه .. استغفرالله ..

محمد : وينج .. ليش سكتي .. تراني ابييج .. لو اليوم والله باخذج .. يلا حددي خلينا نتفق

شوق بتردد : بـ .. بكيفك يا محمد

محمد : شرايج بعد شهرين .. عشان تقدرين تتجهزين

شوق انصدمت : شهرررررين ..

محمد : ايييييي .. شوااقه عاد حسي فيني .. لمتى بنتظـر ..

شوق : بس وين اقدر الحق اجهز عمري بشهرين ..

محمد : انا بساااعدج واي شي تبينه قوولي لي .. المهم نخلص

شوق انحرجت منه كيف مستعيل للزواج .. بس بخاطرها ماتدري شتسووي : انزين محمد خلها 3

محمد : وشو هو مزاد .. ارفع نزل .. خخخخ .. المهم الي يريحج 3 .. ثلاث .. مانقول شي

شوق استاانست : اجل خلهاا 4 خخخخ

محمد : طييري زيين .. سكتي لا اخليه شهــر .. 4 قالت .. يلا بس 3 شهــور .. وانتي كلمي هلج وانا بكلمهم ..

شوق : ان شااء الله

محمد : شرايج نظهر نتعشا مع بعض .. مشتاقلج والله ..

شوق ابتسمت : الي يريحك ..

محمد : تدرين لو شفتج .. بنتفج صدقيني

شوق : لييش .. شسويت

محمد : تدرين ان نادر ما اسمع منج كلمه حلووه .. يا بنت الناس حسسيني اني خطيبج .. دلعيني .. قولي لي كلمه حلووه

شوق انحرجت وسكت ..

محمد : ترى مب وقته الاحرااج .. بس هين انا اعلمج .. المهم نص سااعه وانا عندج يلا باااي

شوق : لحظه وشو نص سااعه ..

محمد : مابعيد كلامي .. بااي .. وسكر الخط بدون ما يسمـع ردها ..

شوق بخاطرها اوووف منه .. وين اقدر اتجهز .. بعدها على طول قامت تتجهز .. حتى ماعندها وقت تفكر بالمكالمــه ..

في الامــارات ..

في بيت بو منصوور ..

منصور يالس مع أمــه .. الي كانت تشرب عصيــر ..

منصور : امييه ..

أم منصور : عيون امه ..

منصور : تسلم لي عيوونها .. ابا اقولج شي

أم منصور .: قول

منصور : أباا اتزوج .. لاتقولين توني على الزواج .. الي كبري كلهم تزوجوا .. وعندهم عياال

ام منصور ضحكت على ولدها : ههههه مره وحده عندهم عياال .. الا انت شو ذابحك على الزواج .. لا يكون حاط فبالك وحده ..

منصور : هيـه .. في وحده في باالي

أم منصور : لا انا بختآر لك .. بس مب الحيين انت اكبر شووي وكون نفسك وان شااء الله بخطبلك احسن بنت بالامارات

منصـور : امييه والي يسلمج .. لمتى بنتظـر .. وبعد انا ابا البنت الي في بالي

أم منصوور : بس لاتكون وحده من هالبناات الي تعرفهم .. ياويلك يا منصور لو ادري ان عندك هالسووالف

منصور تنهد : لا يا امييه .. وحده تعرفينـها ..

ام منصور : من هي ..

منصور نش : يوم توافقين اني اتزوج .. وتشوفين اني كبرت .. تعالي وبقوولج .. وطلع وهو معصــب .. منقهـر حده .. وبخاطره والله ما بسامحكم لو البنت راحت مني .. ويا آمنه ليش مب راضيه تفهميني .. يلعن ابو الحب هااي الي يذل .. والله يلعن الساعه الي شفتج فيها ياا آمنــه .. ذبحتي قلبي والله .. وبعدها شغل سياارته .. وحرك ..

في بيت بوجاسم ..

أم جآسم : سلطااااان ..

سلطان : هلا امييه ..

أم جاسم : وينه أخووك ..

سلطان : امنو ؟؟ فهوود ؟ ..

أم جاسم : لا جاسم .. وبهاللحظه جاسم ظهر من المطبخ .. : هلا اميييه ..

أم جاسم : بنساافر ايطاليا عند ابووكم .. جهزوا عمركم ..

جاسم : لا شو امييه .. انا مقدم على دووام .. ويمكن يتصلون فيني بأي وقت ..

أم جاسم : مب لازم .. يوم ترجع قدم مره ثاانيه . ماقدر اخليك برووحك ..

جاسم : امايه شايفتني بزر .. ماعليكم انتوا سافرو ..

فهد : هيه هيـن .. بس عشاان يصيع لا حسيب ولا رقييب

جاسم : انت اسرطها والي يسلمك .. قال حسيب ورقيب ..

فهد يناظر أمه : امايه اذا جاسم ما ساافر أنا بعد ما اباا اسافر ..

أم جاسم عصبت : عنلاااتكم .. يوم مانسفركم .. تاكلونا نبا نساافر ونبا نسافر .. والحين اقولكم تجهزوا للسفر .. كل واحد يطلع لي بعله ما يباا يساافر ..

سلطان : ماعليج منهم امييه .. اهم شي انا ..

فهد : لا أنت ماتساافر .. خلك معي .. مايصير المساافه تكون بعيده من بيناا .. تراني اتعذب

سلطان : جب زين .. وانت من صجك بتم اهني بهالحـر .. ياخي خلنا انرووح ..

فهد : صدقت انت .. أكيـد برووح .. ويناظر جاسم : صدقني بتندم .. اتم الصيف بكبره بالامارات بس عشاان الدوام .. خلهم يولون ..

جاسم : ماعليكم مني .. وناظر امه .: ها امييه شقلتي ..

أم جاسم : بس بخليك فبيت خالتك ..

جاسم : لا شو شايفتني بزر .. وأنا ما ارتاح هنااك .. بتم بالبيت .. مع الحبيب بورسلي "الكلب" .. ما اقدر اترك بحاله ..

أم جاسم : محد معور راسنا غير كلبـك .. اخرتها بخلي الدريول .. ياخذه ويفره بعييد عنا ..

جاسم ضحك يدري ان امه ما تواطن هالكلب .. وهي نوعها تخاف من الحيوانات وبالغصب خلاها توافق يجيبه البيت : هههههه .. يلا انا ظاهر .. وظهر عنهم ..


في قطــر ..

في البيت العوود .. بعد سوالف مر الوقت .. ودخلوا عليهم الشبااب كانوا راجعين من المطار ومعهم راشد وناايف ... آمنه قامت وسلمت على خالها وبعدها قامت تبي تروح فووق .. لان ماتحب تقعد مع عيال خالاتها وخوالها .. لان مب متعووده علييهم للحيـن .. الا الجده تناديها

.. : آمنــه ..

امنه لفت راسها وناظرتها : هلا يمــه ..

الجده : الله يرضى عليج .. روحي قولي لهم يسوون الشاي والقهوه .. وخل يجيبوون الفوواكــه ..

آمنه : ان شااء الله يمـه .. وراحت المطبـخ وقالت لهم .. وشافت ظبيه يالسه بالمطبخ وتاكل اندوومي .. وتشوف تلفزيون .. ويلست احذاها ..

ظبيـه : تبغين اندوومي .؟

آمنه : هيـه .. بس انتي اكليني

ظبيه ظحكت : هههه اووكي .. وخذت من المله اندوومي .. وناظرت امنه .. : يلا كلي ..

آمنه مسكت يد ظبيه وهي تاكلها .. وبهاللحظه كان ناصر جاي المطبخ وشافهم وضحك

ناصر ..: مب صااحيه والله هههههه

آمنه انحرجت : شو يخصك

ناصر : ماتعرفين تاكلين .. تبغيني اأكلج ..

آمنه ناظرته بنص عين : لا مآ أباا

ظبيه : نصووووور اطلع بررع

ناصر يناظرها بنص عين .. : أي خلاص البنت سحبت عليناا .. الحين عندج اموون هاا

ظبيه : يس .. لاتلعوزها ما ارضى عليهاا

آمنه فرصت خدود ظبيه على الخفيف : فديتج اناا ..

ظبيه استاانست .. ناصر بخاطره الحمدلله والشكر .. وتقرب منهم واخذ الشوكه وحط فيها اندوومي ..

ناصر : يلا اموووون اكلي .. وقرب منها الشوكه

آمنه انحرجت وبخاطرها شفيها ملغ بزود : خووز عني .. ما اباا

ظبيه ما استحملت وتمت تضحك عليهم : ههههههههههههههه .. بعلم علييك عمتي ..

ناصر : علميها .. ويناظر امنه : يلا اموووونه ..

ظبيه : حركات بعد اموونه .. ليكون تحبهااا .؟

آمنه اهني لونها راااح .. وناصر شووي تفشل من كلام ظبيه .. وهي تضحك عليهم .. ناصر هد الشوكه .. وظربها على راسها على الخفيف ..

ناصر : استحي وشو هالكلااام .. وبعدهاا طلع من المطبخ .. اما امنه سرحت بعالم ثااني .. وظبيه تضحك عليهم.. وبعدها تمت تكمل اكلها وتشووف التلفزيوون .. وآمنه بعد شووي راحت فووق ..



في الامــ،،ـــارات

مووزه كانت راده من بييت عمهااا ويا حسوون اخووها وهي فالسياااره وتلعب بالموبايل .. شووي والا يووصلها مسسسسج .. اول ماقرت المسج كللله .. عيوونها غوورقت دموووع .. وماعرفت شتسووي .. واول ماوصلوا على طووول راحت حجرتها واتصلت بأقرب حد عندهااا واللي يفهمها .. اللي هي آآمنه

آمنه : هلا بالشيييخه

مووزه بهالوقت ماقدرت تمسك عمررها وصاااحت بالقوو : امووووووووون

آمنه زاغت : شفيييج مووووزه

موووزه : الحقي علييييي .. واتصيييح من خااااطر ..




وانتظروا الجزء الثاني و العشرين

[راضـ نمله ـخ]

الجزء الثاني و العشرين


في الامــ،،ـــارات

مووزه كانت راده من بييت عمهااا ويا حسوون اخووها وهي فالسياااره وتلعب بالموبايل .. شووي والا يووصلها مسسسسج .. اول ماقرت المسج كللله .. عيوونها غوورقت دموووع .. وماعرفت شتسووي .. واول ماوصلوا على طووول راحت حجرتها واتصلت بأقرب حد عندهااا واللي يفهمها .. اللي هي آآمنه

آمنه : هلا بالشيييخه

مووزه بهالوقت ماقدرت تمسك عمررها وصاااحت بالقوو : امووووووووون

آمنه زاغت : شفيييج مووووزه

موووزه : الحقي علييييي .. واتصيييح من خااااطر ..


صوب محمد وصل بيت بوناصر .. واتصل بشووق وقال لها تطلع له برع ينتظرهاا.. وبعد ربع ساعه طلعت شووق .. ودخلت السياره ..

ابتسمت لمحمد .. وتدري ان بيعصب لانها تأخرت عليه ..

شوق بابتساامه : السلام عليكم

محمد يرد لها الابتساامه : وعليكم السلام .. كان تأخرتي شووي زياده يعني ..

شوق : أسفه محمد .. بس شسووي الخدامه ساعه تكوي العباايه << صواريخ

محمد : اوكي سامحتج .. يلا اشوف عطيني بووسه .. ليش تتأخرين

شوق انحرجت .. وابتسمت وهي منزله راسها

محمد يناظرها بنص عين : يلاااا بوسيني .. وقرب خده منهاا .. وبااسته .. وهو رد لها البوسه وباسها .. وبعدين طق راسه براسهاا على الخفيف .. : أي جي تعجبيني .. انتي بس عليج تسمعين الكلام

شووق : اااي .. عورتني

محمد ضحك : عن الدلــع .. اونه عااد " عورتني " << يقلد صوتها خخخ

شوق انحرجت .. ومحمد حرك سيــارته ..


وبالامــارات عند موزه .. تصيـــح ..

آمنه : ياقلبي هدي وقولي لي شفييج ..

موزه : مدري شو اسووي .. تعبــت .. ماقدر أستحمـل

آمنه : شو صااير .. تراج زيغتيني.. بترمسين ولا شلوون

موزه وبالغصب اطلع الرمسه : زايــد مايبااني ..

آمنه : شوووو

موزه : الي سمعتيــه .. خلاص زايد بيرمس سعيـد وكل من فينا بطريج

آمنه مب قاادره تستوعب .. : شفتي وشو اخرة عنااادج .. تدرين ان الرجال يحبج وشااريج .. وانتي ارخصتي به

موزه تصيح مب قادره تسووي شي .. وخوفها من اهلها .. و وشو بيصير بعد طلاقها من زايد ..

موزه بدمووعها .: آمنه شو اسووي .. شو بيصير فيني

آمنه : موزه أنتي تبينــه ..؟

موزه بتردد ..: لا ما ابــاه .. بس خايفه .. اهلي اكيد بيلوموني .. والناس شو بتقول عنا وعن بنتنا .. أعرفهم ماهمهم الا نفسهم .. مايهتمون فيني .. ولا يفكرون برايي وبقراري .. وتمت تصيح

آمنه عصبت : مووزه شو هالكلام .. ليش مب راضيه تفهمين ان زاايد يحبـج .. انتي ماعرفتيه ولا حاولتي تعرفينه .. حاطه فكره برااسج وماتبين تغيرينه ..

موزه بصووت عالي مع صيااح .. : هيه وااضح يحبني .. تاركني كل هالفتـره وتقولين يحبني .. اتصل له .. اطرش له مسجات يحقررني .. شو هالحب .. والحين يطرش لي مسج .. ان بننفصل وكل من فينا بطريج .. وين الحب .. انا اقوولج هذاا لعب .. بس فتره وتعدي .. مب راضيه تفهميني .. وتمت تصيــح

آمنه دمعت عيونها على حال ربيعتها واختها وحبيبتها .. : يآ موزه حراام عليج .. انا ما افهمج .؟! بس صدقيني ان زايد يحبج من كل قلبه .. بس انتي ذليتيه .. صديتي عنه .. وين بيرضى بالمذله .. هو رجال وتعرفين نووع زايد .. مايحب ينزل كرامته .. شو تبينه يسوي أكثر من الي سوواه .. وهو طلب هاالشي اكيد يدري انج ماتبينه .. ومايبا يعذبج ويعذب عمره زياااده .. فهمي ياا موزه فهميي ان زاايد يحبــــــج ..

موزه وهي تمسح دموعها ..: خلاص هو مايباني .. ما اقدر اسووي شي .. دام هذا قراره الي يريحه .. وانا الحين بسكر .. احس ان رااسي مصدع برووح اريح

آمنه : اووكي يا قلبي ما اوصيح على عمرج .. وفكري عدل .. ولاتهدمين مستقبلج بيدج ..

موزه ..: ان شاء الله .. مع السلامه ..

آمنه : بحفظ الله .. وسكرت الخط ..


آمنه بعد ما كلمت موزه حست ان قلبها يقبضهاا .. ومتضايقه حيــل من حالت ربيعتها .. تتمنى لو هي احذاها وتقدر تواسيها وتخفف عنها .. بس شتسووي .. ماباليد حيــله .. وقالت بتنزل تحت .. وبتيلس عند يدتها ..

نزلت تحت .. وشافت اليـده يالسه ومعها ولدها نايف .. وناصر .. امنه دخلت ..

..: السلاام عليكم ..

الجميع : وعليكم السلام .. وقعدت احذاا يدتهاا .. وتمت تسوولف معهاا .. ونايف وناصر يسولفون .. ويشوفون التلفزيون .. وناصر كل شووي يشووف صوبهم .. ونايف لاحظ عليــه ..

نايف يطالع ناصر بنص عين : نصوور ..

ناصر يلف راسه صوبه : آمر

نايف : ما يامر عليك عدوو .. بس لو ماعليك امر .. شووف أهني .. يأشر على التلفزيون .. اعتقد هذا التلفزيون ..

ناصر ضحك ..: اقلب وجهك .. فاضيلك اناا

نايف يغمز له : اجل فااضي لمن ..؟

ناصر : اسكت لا تشوف شي مايسرك الحين

نايف : هي احترم نفسك .. تراني خالك ولانسيت هالشي

ناصر يتمصخر : هاهاها خالي .. شسويلك .. بس لاتنسى اني اكبر منك

نايف : شكلك تبيني افضحك عند امي هاا ..

ناصر : لابوك يالنذل .. بروح الميلس ابرك لي من مجابلة ويهك

نايف يستهبل عليه : بس لاطييح عندناا .. اشوفك هالاياام اربع وعشرين سااعه مجابل جدتك .. شالحب الي ناازل عليك..

ناصر : شتبي توصل له .. استريح ياخي .. ترا مافي شي من الي في بالك .. وطلع عنه بدون ما يسمع رده .. ونايف من الصوب الثااني يضحك علييه .. وقرب صووب يدته وامنه .. وتم يسوولف معهم ..


في الميلس عند الشبااب دخل نااصر وشافهم يلعبوون ..

ناصر : اووووووب حركاات من وين جايبينه ..

خالد : من قبل شووي جايبه .. شاريه من محل اولمبيا

ناصر : والله من زماان عن هالكيـرم .. يلا ابي العب ..

خالد : انتظر تشوفنا نلعب ..

سلطان : تعال نصوور كمل عني .. مالي خلق .. زهقت

ناصر تقرب منهم .. وقعد مكان سلطان .. وتموا يلعبوون ..

راشد : الا وينـه سعوود ما ينشااف

ناصر : علمي علمك .. وكل ما اقوله وينك يقول اشغال ودواام .. الله يعين حاله ..

راشد .: أي والله .. وينه نيووف متصلي تعال الميلس تعاال عور راسي .. اخر شي ما احصله

ناصر تنرفز اول ما سمع طااريه .. وقال بيسوي فيه حركة نذااله

ناصر : هههههههههه صج انك قووطي .. تراه رايح السينما .. قالي لاتقول لرشوود .. مب فاضي يعصب ومدري وشوو ..

راشد عصب : هالثوور .. حساابه ويااي .. ليش يتصل لي .. لو يبي يهيـت ..

ناصر : مدري به .. خبرك النذاله عرج فييه .. يمكن يببي يخرب عليك طلعتك ..

راشد : هين حساابه معااي .. متفقين كلنا نروح سيلين .. وانا هونت عشاانه وهو رايح السينما ..

ناصر مسك ضحكته ..: زين اسكت خلني العب ..

وقاام راشد وراح صووب السوني يلعب مع طلال


وعند محمد وشووق .. عآزمها بفندق الريتز يتعشوون.. محمد قعد احذاا شووق .. وتم يناظرها .. وشوق منحرجه ومنزله راسها .. محمد .: شوفيني .. صدقيني اني احلى من هاي الي تناظرينه .. ويأشر على الطاوله

شوق ابتسمت وناظرته بعدها ناظرت الطاوله الي احذاهم .. كانت فاضيه .. ومحمد زهق .. ومسك ويها ولفه صوبهاا ..

محمد بعبط : شكلج مضيعه هههههههه

شوق : لا والله تستهبل علي ..

محمد بطل عينه : بل بل للهواش مستعده ..

شوق ابتسمت وسكتت .. محمد بحناان .. : شواآقه تدرين اني أحبج .. بس والله خاطري لو تبادليني المشاعر .. انا ابيج تحبيني من قلبج .. مثل ما احبج .. مابيج تحبيني لاني زوجج ومجبوره على هالشي ..

شوق انصدمت من الكلام .. وبخاطرها أنا احب محمد .. وسعوود .. معقووله القلب يحب أكثر من انساااان .. يعني انساااه .. لا يا محمد مب وقت هالكلااام .. وشوي شوي عيونها بدت ادمع .. بس شوق حاولت تتماسك عمرها .. وعشان محمد لا يحس بشي ..

شوق بهمس .: أنت قريب وبتصير لي .. أكيد احبك ..

محمد بابتساامه : المهم تحبيني .. ومسك يدها وباسها .. : الله يخليج لي ..


وعند آمنه بعد ما استأذن منهم نايف لجل يروح عند راشد الي تأخر علييه .. راحت امنه غرفتهاا وتمت اطلع لوحهاا وتمت ترسم .. وتخربط .. وتفكــر بالحيااه في قطــر .. وبخآطرها قالت بتتصل لجآسم حيل مشتااقتله .. واتصلت له

وجاسم كان بالميلس عند ربعه .. أول ما شاف رقم آمنه ظهر برع لجل يكلمها .. ورد عليها

جاسم بفرح : السلام عليكم ..الله حيييييه بالي نستنا

آمنه : وعليكم السلاام .. افااا انا انسااااكم .. معصي والله

جاسم : المهم ماعلينا شحااالج وشمسوويه واخباار قطر وياااج

آمنه : الحمدلله مانشكي باااس .. ومن صووبكم .. اخبارها عمتي .. واخواني شحالهم

جاسم : كلهم بخيــر .. وان شاء الله قريب بيساافرون عند الوالد

آمنه : وانت مابتساافر معهم ..

جاسم : لا مقدم على دواام ويمكن يطلبووني .. وانا برع البلاد ..

آمنه : ياحييهم .. ابا اساافر معهم ..

جاسم بونااسه : صدق .. ؟؟!!

آمنه : هيه .. بس خلاص مره ثاانيه خخخخ ..

جاسم : من لقى احباابه نسى اصحاابه ..

آمنه : اسكت والي يسلمك .. والله مشتاقتلكم .. بعدين بكلم هالتوم وبكلم ابووي .. وتمت تسولف معه ...

وعند نايف أول مادخل الميلس .. ناصر مسك ضحكته .. وراح صووب راشد ..

نايف : شعندك تلعب سووني ..

راشد وهو معصب : التعن يالنذل .. تعاال وتعال واخرتها هااايت بالمجمعاات .. وداخل لنا السينماا

نايف بطل عينه على الاخير : وشوووو .. والله بالبيت العوود عند الاهل .. أي مجمعات انت وويهك ..

راشد وهو مندمج بلعبه : روح قص على الي كبررك .. ووخر خلني العب مب فاضي لك ..

نايف عصب : شفيك انت .. تكلم عدل .. ولاتم اطلع سووالف ..

راشد كمل لعبه وطنشــه .. الا ناااصر يضحك بصووت عالي ويشوفهم .. وهم شافووه وعروفوا ان السالفه من تحت رااسه ..وطاحوا فيه سب وتووعد لايردون له الحركه ..


في الامــارات ..

عند مــوزه .. ويالسه تصيح وتفكـر .. يعني خلاص بصير مطلقه .. بيودرني زاايد .. ليش كان يقول لي انه يحبني .. اووف دام مايبيني ليش افكر .. والله أنا مدري وشو ابي بالضبط .. شالحاله الي أنا فيهااا .. وبعدها رقدت على دموووعهـــا ..


أما في مصــر ..

عند زآيد وسيف ..

سيف : أنت صاحي بالي تســويه ..

زايد بعصبيه : هيه صااحي .. خل تراجع حساباتها .. واذا تبيني بيبين لما أرجــع .. وأنا مب فاضي اذل عمري بزوود .. ماتبيني علها ما بغتني .. خلصوا البنااات يعني .؟!

سيف يحاول يهديه ..: واضح ان البنت تباك .. عيل شو تسمي الي تسويه .؟ انها تتصل لك .. وتسأل عنك بالمسجات ..

زايد : مدري والله .. يمكن تعودت علي .. او ماعندها شي تسوويه

سيف : شالتفكير القوطي الي علييك .. وانت مثل ماتقول دام تعودت عليك .. يمكن حن قلبهاا .. يعني شو تبا البنت تبادلك الشعور بيوم وليله .. ويمكن الي تسوويه عنااد مب شي ثااني .. تعرف البنات مايحبون حد يغصبهم على شي ..

زايد : اسكت والي يرحم والديك .. خلاص لما أرجع البلاد يصيــر خير ..

سيف : الله يهديك ..


عنـــد فهـــد وسلــطان ... كانو يزهبووون حااالهم للسفررره .. واحلى شي انهم يحطوون الاغراض وكنهم بيهاااجرووون .. دخلت عليهم ام جاااسم

..... : كل هاااااي للسفررر ..؟

فهد : هييه

ام جاسم : ماله دااعي كل هاااي ..

سلطان : الاحتياااط واااجب هاهاها ..

ام جاسم : ارمس عدل .. انت يالس ترمس امك ..

سلطاان سار وحبها على راسها : انشالله يا امي العزيزه

ام جااسم تضربه ع الخفيف : ماتيوووز انت .. وعلى هالرمسه .. موبايل فهد رن

فهد : هلاااا والله هلا بالغااااليه .. هلا باللي قاطعتنا ولا تسأل عنااا ..

آمنه : ههههه انا والا انت ....؟؟؟ ..

فهد : احلفي انتي بس .. وام جااسم كانت تأشرله ان منوو هااي ...؟؟

آمنه : واللهي خخ .. لا اعرف اني مقصره .. بس يا اخووي لين ما ظهرت لي مووبايل ورقم سنه .. عسب جي قطعت كل هالمده .. بس بالذمه ما اشتقتلي ..؟؟

فهد يستهبل : ولاااااا شوووي

آمنه : ماتستحي .. اقوول عطني سلطوون احسن عنك

فهد : لا خلاص كلش ولا المزيوونه تززززعل

آمنه : انزين اخلص عطني اخوووك

فهد : انزيييين .. ويكلم سلطان : تعااال اموون تباااك .. وراح سلطاان وتم يكلم آمنه

ام جاسم : اخبارها ..؟؟

فهد : هي خلتني اسأل عن اخبارها بعد خخخخ .. صج ان هالبنت مستحييييييل تتغير

ام جاسم سكتت عنه .. وتمت اتشووف سلطاااان شو يقوول لآمنه .. وكنها كاانت تتريا ان ترمسها .. بس آمنه مافكرت بهالشي .. وسكرت الخط .. وام جاسم انقهرت عددددل .. وظهرت من الحجره .. بعدها أتصلت في أبووها .. وكلمته وسلمت علييه .. وتمت تملغ عليه شووي .. وهو يضحك على هبلها .. لان حيل مشتاااقه له .. وسألها عن اخبارها بقطر واخبار اخوها والاهــل .. وبعد سوالف سكروا .. وبعدها اتصلت على عمتها " ام جاسم " تسأل عن اخبارها .. وام جاسم استانست بعدها لان فكرت فيهااا ..
وبعد ماحرقت التلفون من كثر ما تتصل وترمس .. سكرت وراحت ترقـــــد ..

ومر اليــوم وكلن على همه سرى .. وثااني يووم

في البيت العوود ..

على العصــر قريب المغرب داانه كانت قاعده ع الكمبيوتر.. وتنطر فيصل يدخل .. وكل شووي اتجيك ع الايميل .. مب من عواايده يقطعني كل هالمده .. اوووووف .. شالحااااله .. ومن القهر خلت الكمبيوتر ونزلت تحت وشافت آمنه وعهود قاعدين يسولفون مع بعض

آمنه : عاااد اتصدقين هالسؤال مره ربيعتي سألتني ايااه .. وتدريين شو ردييت عليها ..؟؟

عهوود : وشووو ..؟؟

آمنه : خلي الحب لأصحااابه

دانه رزت فيسها : يعني اناااا ..؟؟

آمنه تتمصخر : اكييييييييد وفي غييييرج ..؟؟

دانه ضحكت : شت اب

عهووود : انزين وقصدج بهالكلام ان الحب مب لج ..؟؟

آمنه : بالله عليج انا ويهي ويه حب ..؟؟ خخخخخخ

عهود تمت اتشووفها .. واتفكر بنااااصر ..

آمنه : شوو الجوااب صعب ..؟؟

عهوود : هااا لا بس سرررحت

آمنه تغمزلها : يتهنـــــــى ..

...... : من اللي يتهنى ...؟؟؟

آمنه : ات از نوت يور بزنس

ناصر : عييييب

عهووود : يعني مب نااوي تسلم ..؟؟

ناصر شافها وابتسم : السلام علييييكم ..

الجميييع : وعليكم السلام

دانه : نصوور ياخي ملااانيين .. طلعناااااا

ناصر : بطلعكم بس على شررررط

دانه : قوول .. ومالك الا حاااضر والغنيييمه

نااصر بخبث : آمنه ماتجي معنااااا

آمنه فتحت عينها ع الاخييير : لاااا والله

ناصر : اي والله

عهووود على كل شي يقولونه اتشوووفهم .. كانت حاسه في شي .. بس مب عارفه وشوو .. مب قادره اتثبت ..

آمنه : اصلن من قالك ان انااا بييي معكم .. ورااااحت بتطلع

ناصر : وييين ويييين

آمنه : بروووح غرفتي ابررركلي من مجااابل ويهك ..

ناصر : لا تعالي اتغشمر

آمنه راحت : لا تكفه لا تتغشمر ..

دانه : اوووف ياخي ليش جي اتقووول

ناصر وميت ضحك : انتو من صجكم عبالكم زعلللت ..؟؟ .. هاي اتزعل بلد ولا تزعل

دانه ضحكت : اي والله .. المهم انا برووح اشووفهااا .. ومنها بتصل لشووق لجل تطلع معنااا ..

ناصر : اووكي ..

عهوود : يلا وانا بعد برووح معج .. وراحوا


ومن صوووب سعووود .. كان قاعد فالبيت .. وحالته ماتسر لا صديييق ولا عدووو .. ويشووف التلفزيووون .. دخلت علييه آمنه لجل اتقووله ان بتروووح مع نااصر والبنااات ومنها هو يطلع معهم يغير جووو ..

آمنه : مررررحبا بالشيييييخ

سعود شافهااا ورد يشووف التلفزيون : مرحبتييين

آمنه راحت صوووبه وحطت راسها على كتفه : بلاك حبيبي سعووود ..؟؟

سعوود : سلامت قلبج ..

آمنه ماحبت تضغط عليه معنه حاله مب عااجبهاا بس مابيدها حيييله هو مب راضي يرمس ولا يقوول شي اووف : انزيين سعوود انا بظهر بسير ويا ناااصر والبناات تيييي معـ .... " بعدها تذكرت ان شووق بتييي معهم " .. المهم توصيني بشي ..؟؟

سعوود بلا مبالاه : سلامتج ..

آمنه عصبت : سعوووووووووود .. مب حاله هااي .. ياخي اصحى .. بلاك انت ..

سعود شافها وقلبه يحترررررق بالقووو : اموونه حبيبتي صدقيني مافيني شي .. بس تعباان من الشغل .. وهالايام كارفيينا كراااف .. وباسها على خدها : انتي رووحي واستاانسي .. واول مااترجعيين تعااليلي انااا نااطرج ..

آمنه بضيييق : انزييين

سعوود : لا تتضايقين ولا تشيلين بخاااطرج .. خلاص انا بخيير ومافيني الا العااافيه

آمنه : ياريييت .. يلا مع السلامه ..

سعود ابتسم لها : الله يسلمج ..



بعد مارجعت البيت العوود راحت صووب غرفتها ..وتجهزت ونزلت .. آمنه ..: وينهم البناات للحين ماخلصوا ..

ناصر .: مدري من الي توه يقول "اصلن من قال اني بروح معكم" .. وهو يقلد صوتها

آمنه قطت عمرها على الكرسي .. وناصر بخاطره مدري متى بتعقل الحمدلله والشكر

آمنه : يعني ماتبيني اسير معكم

ناصر بعبط : بلا ابااج تسيرين معناا

آمنه : خف علينا اونه ترمس اماراتي ..

ناصر يغمز لها : أعجبج ..

آمنه ابتسمت : هههه الله يعين حالك ..

ناصر : أقوولج شي .. سر بيني وبينج

آمنه صدقت عمرها : هيــه ..

ناصر : استانست على طوول هيه ..

آمنه : خخخ يا الملاغه .. خلاص ما اباا

ناصر : لا بقوولج ..

آمنه : تبا تقول قوول ..

ناصر : تدرين ان ابتساامتج حلووه

آمنه انحرجت : لا توني أدري

ناصر ابتسم : ههههه شفيه ويهج صاار احمـر .. ترى من صج أتكلم يعني لما الواحد يتضاايق وانتي ابتسمتي له .. يرتاح

آمنه قلب لونهاا .. مب متعوده حد يمدحها جدامها .. وخصووصا ناصر الا كل الي بينهم هوواش << مب ويه مدييح هالبنيه خخخخ

اهني دخل ناايف .. وناصر اول ماشافه بخاطرها وشو الي بيفكني من الساانه .. نايف شافهم ابتسم وناظر ناصر بنظره خبيثه وابتسم .. ناصر رد له الابتساامه .. ونايف حس ان نااصر تنرفز بوجوده لان مابيتركه بحاله .. وغمزله ..

نايف : السلاااام عليكم ..

ناصر + آمنه : وعليكم السلام

نايف يلس عند آمنه : شحاالها حبيبة خالهاا .. وحياته .. آمنه استغربت وناصر معصب حس ان يقصده بهالحركه

آمنه ابتسمت : بخيير .. وانت شحالك

ناايف : دام اشوف هالوجه الحلوو كيف تبيني أكون أكيد بخييير .. وفرص خدها على الخفيف ..

آمنه ابتسمت : هههههه مب صاحي .. وراك شي .. اعتررف .. الا البنات يدخلوون ..

عهود : يلا نصوور تجهزناا .. وكلمت شوق وقالت انمر لهاا ..

نايف : ها على ويــــن .. بطلعهم نصوور .؟ ويغمز له

ناصر ماسك اعصاابه : ايي .. تجي معنــا << من ورى خاطره ..

نايف : أي بجي بس بسياارتي .. وباخذ آمنه معي ..

دانه : وأنا بعد بجي معكم ..

عهود : يعني أنا برووحي .. تعالوا معي ..

دانه : وانتي تعالي معنــا

ناصر اهني ماقدر يمسك عمره : اقوول نيوووف انت طلعهم أحسن

نايف ضحك .. : لا امزح فااضيلهم أناا .. الحين طالع برووح عند ربعي بميلس واحد من الربع ..

دانه تخصرت : أجل ليش شاد حيلك اونه بتجي معناا .. يلا اقلب وجهك

نايف : وشو اقلب وجهك .. شايفتني كبرج .

دانه : اسفه هههههه امزح معك والله

نايف : أي عباالي .. المهم يلا سلااام .. وطلع من عندهم

وبعدين البنات ناظروا ناصر .. ناصر : احلموا اطلعكم .. الحق علي الي معطيكم ويه ..

آمنه : والله مب قصدنا .. هو قال بياخذني .. أنا ماقلت شي ..

دانه تبرر : وانا قلت أونسها ..
ناصر : لالا رووحوا عند نيووف خل يطلعكم .. يلا سلااام .. توه بيطلع الا امنه تمسكه لاشعوريا ..

آمنه : يلا نصوووور بلا دلع .. خلاص صدقني نرد لنيووف الحركه ..

ناصر : خلاص كسرتوا خاطري يلا استعود .. وبعدها طلعوا ومروا على شوووق .. وبالسيـاره ناصر كل شووي يلعوز آمنـه .. يفتح المسجل .. ويشوف ان الاغنيه تعجب آمنه يشيلهاا .. وهي تقوله يرده وهو يطنشهاا ..

ناصر وين تبون تروحون ..

آمنه : فيلاجيووووووووو ..

دانه : أي فيلاجيوو ..

ناصر : آمنه تبين فيلاجيو

آمنه صدقت عمرها : هيـــــه

ناصر : مافي .. بوديكم الستي ..

آمنه : عااد نصوور ..

ناصر : اووكي خلاص بس عشااانج .. هاا سمعتي عشاااانج .. اهني عهود اتحس بقهــر بس سكتت ..

وناصر نذل فيها ورااح الستي .. وعصبوا .. بس بعدين سكتوا ورضوا بالأمــر الوااقع المهم حمدوا ربهم أن عطاهم ويه ..



وانتظروا الجزء الثالث و العشرين

[MissRose]

يلااااااااااا


كمل كمل


بسررررررررعه